استفسار عن شركتين للاستشارات الهندسية

[asulaiti]

أود معرفة تجارب الإخوان مع شركتين للاستشارات الهندسية
لأني ناوي أسوي خرائط فلتي

شركة اسمها:
شركة التنمية للاستشارات الهندسية .. وتعرف باسم (( هندسة - dce ))
موقعهم في أم غويلينا بين إشارات تويوتا وإشارات مجنون ..


والشركة الأخرى:
الإتحاد للاستشارات الهندسية ..
موقعهم في بن عمران بالقرب أو مقابل المستشفى الاهلي


هل في أحد جرب شغلهم ؟
هل خرائطهم ممتازة من حيث التصميم والخرائط الإنشائية ؟؟

هل في أحد جربهم في عملية إشراف على البنيان ؟؟؟

هل تنصحوني فيهم ...... ؟

[QP Engineer]

أود معرفة تجارب الإخوان مع شركتين للاستشارات الهندسية
لأني ناوي أسوي خرائط فلتي

شركة اسمها:
شركة التنمية للاستشارات الهندسية .. وتعرف باسم (( هندسة - dce ))
موقعهم في أم غويلينا بين إشارات تويوتا وإشارات مجنون ..


والشركة الأخرى:
الإتحاد للاستشارات الهندسية ..
موقعهم في بن عمران بالقرب أو مقابل المستشفى الاهلي


هل في أحد جرب شغلهم ؟
هل خرائطهم ممتازة من حيث التصميم والخرائط الإنشائية ؟؟

هل في أحد جربهم في عملية إشراف على البنيان ؟؟؟

هل تنصحوني فيهم ...... ؟


الصراحة يالــasulaiti ماجربت أي منهم بس أكيد في أحد من الأعضاء جربهم وبيفيدونك ..

بس معلومة مهمة جدا جدا ألا وهي أن التصميم أهم خطوة في البناء فلا تروح للأرخص بسبب السعر لأنه بعدين بيكلفك مع المقاول في التعديلات والأضافات .. وأتمنى أنك من البدايه تجلس مع الأستشاري الرسام وتوضح له كل كبيره وصغيره ولا تتركها له وتقول أدرى بشغله مثلا إرتفاع الأدوار أنت حدده ونوع التكييف أنت بعد حدده وياريت يكون مركزي أفضل حتى إذا ماقدرت عليه بالمستقبل سهل تسويه سبلت أما العكس صعب .. انتبه على اماكن DB في البيت أكد عليه تكون متقاربه في كل دور او فوق بعض إن أمكن .. سوكتات الكهرباء بعد حددها وبزياده علشان بكره إذا مابغيت منهم شي بس تسكره أما اذا ماعملت إحتياطك وبغيت زياده ماراح تقدر تزيد إلا بعوار راس وتكسير ودفع :anger1:.. علشان كذا ركز على هذه المرحلة لأنها بإذن الله إذا تمت بالصورة الصحيحة ترتاح في المراحل الباقيه..

بالتوفيق اخوي والله يبارك لك .. ولاتنسى تحط تقريرك إلين وصلت مرحلة البناء:nice:

[ولد المنصور]

الصراحة يالــasulaiti ماجربت أي منهم بس أكيد في أحد من الأعضاء جربهم وبيفيدونك ..

بس معلومة مهمة جدا جدا ألا وهي أن التصميم أهم خطوة في البناء فلا تروح للأرخص بسبب السعر لأنه بعدين بيكلفك مع المقاول في التعديلات والأضافات .. وأتمنى أنك من البدايه تجلس مع الأستشاري الرسام وتوضح له كل كبيره وصغيره ولا تتركها له وتقول أدرى بشغله مثلا إرتفاع الأدوار أنت حدده ونوع التكييف أنت بعد حدده وياريت يكون مركزي أفضل حتى إذا ماقدرت عليه بالمستقبل سهل تسويه سبلت أما العكس صعب .. انتبه على اماكن db في البيت أكد عليه تكون متقاربه في كل دور او فوق بعض إن أمكن .. سوكتات الكهرباء بعد حددها وبزياده علشان بكره إذا مابغيت منهم شي بس تسكره أما اذا ماعملت إحتياطك وبغيت زياده ماراح تقدر تزيد إلا بعوار راس وتكسير ودفع :anger1:.. علشان كذا ركز على هذه المرحلة لأنها بإذن الله إذا تمت بالصورة الصحيحة ترتاح في المراحل الباقيه..

بالتوفيق اخوي والله يبارك لك .. ولاتنسى تحط تقريرك إلين وصلت مرحلة البناء:nice:

معلومات قيمه جداا جداا ,, وياليت محد يهملهاااا والعمل بهاا

[asulaiti]

بارك الله فيك اخوي QP Engineer على المداخلة ..
وشاكر لك على النصيحة وفكرة التكييف المركزي .. لا حرمنا منك ومن علمك ..

[asulaiti]

هل في أحد جرب شغلهم ؟
هل خرائطهم ممتازة من حيث التصميم والخرائط الإنشائية ؟؟

هل في أحد جربهم في عملية إشراف على البنيان ؟؟؟
هل تنصحوني فيهم ...... ؟

أرجو ممن تعامل معهم أن يفيدنا ...

[بو راشد 1]

اخوي انا تعاملت مع الاتحاد

اولا: بالنسبة للتصميم: ما في تنسيق بين المهندس المعماري و المهندس الانشائي، مثلا بعد التصميم الغرف، تلقى العمود قدام الدريشة، او ان العمود امتن من الطوفة.

ثانيا: بالنسبة للاشراف: سعرهم غالي، ياخذون علي 3000 في الشهر حق فيلا.

ثالثا: اذا تناقشهم في بعض الاخطاء، يضيع معظم الوقت في التبرير، بينما المفروض يركز على حل المشكلة.

الزبدة من وجهة نظري: كل الاستشاريين داقيين، لكن بالنسبة للاتحاد "العور على العميان باشا"

الخلاصة: ما اعتقد في مشروعي القادم بروح حق الاتحاد
ملاحظه: هذة وجهة نظري، و الرجاء محد من الاستشاريين يزعل Be sport :victory:

[معماري قطري]

الإتحاد عرفتهم كأشخاص طيبين بس كان مكتبهم في المنصوره ويمكن أكون مشبه في الإسم .. من حوالي 5 سنين في مشروع حكومي كبير بس ما ادري شصار بعدين والمشروع ما تنفذ.

جرب جماعة العمارة العربية - محمد سرحان وشلته .. الزين في هذا المكتب مديره قديم شغال في قطر وتصاميمه من الناحية المعمارية جيده لكن الباقي الله أعلم .. سويت معاهم مبنى في 1999 زين بس مبالغات انشائيه فيه .. والمعماري انا تعبت فيه وعدلت عليه كثير وحتى خلصته من البلديه.

يمكن يطلعون المهندسون العرب - محرم باخوم وشلته أحسن منهم انا زرتهم كم مره وشفت مكاتبهم بس بدون تعامل جدي .. مكتبهم في العماره اللي مقابله تويز ار اس.

بالتوفيق لك يا زلمه من خليت الأُردن والحر زايد .. انا مستانس اليوم بس لأني خلصت وظيفتي وسلمتها وظيفة بكره شبه جاهزه :nice:

[asulaiti]

الإتحاد عرفتهم كأشخاص طيبين بس كان مكتبهم في المنصوره ويمكن أكون مشبه في الإسم .. من حوالي 5 سنين في مشروع حكومي كبير بس ما ادري شصار بعدين والمشروع ما تنفذ.
:nice:
يمكن هم اللي تقصدهم .. وإنقلوا مكتبهم إلى بن عمران .. أنا زرتم في عمارة جديدة بعد فندق شيزان ..
والاستقبال كان مشجع للتعامل معهم .. لكني حبيت أعرف تجارب الإخوان معاهم ..

بانتظار تفاعل البقية ..





بالتوفيق لك يا زلمه من خليت الأُردن والحر زايد .. انا مستانس اليوم بس لأني خلصت وظيفتي وسلمتها وظيفة بكره شبه جاهزه :nice:
قلت لك إرجع معاي وإنت ما سمعت الكلام .... هآ .. أجيك آخذك :nice:

[asulaiti]

اخوي انا تعاملت مع الاتحاد
:victory:

بو راشد راجع الخاص

[معماري قطري]

قلت لك إرجع معاي وإنت ما سمعت الكلام .... هآ .. أجيك آخذك :nice:[/QUOTE]

صامد لين آخر شهر 9 إن شاء الله المشكله الزحمه .. شكثر سياح خليجيين حتى الماي والكهربه ينقطعون .. حظي في مجمع كله أجانب وللحين ما انقطع الكهرب ولا الماي الحمد لله.

[captin]

انا شخصيا تعاملت مع مكتب الفن والهندسة في أكثر من مشروع
والتعامل ممتاز من قبل المهندس اسامة سعيد والتصاميم والافكار
ممتازة ودائما ما يلقى لك حلول لطلباتك في التصميم
الانشائي عندهم ينفذه صاحب المكتب المهندس القطري عبدالله المنصوري
وتنفيذه وحسبته وكمياته دقيقه .

بالتوفيق ان شاء الله.

[asulaiti]

إخوي الكابتن .. وين مكتبهم وكم عدد الموظفين عندهم ؟

هل لهم موقع إلكتروني ؟

عندك أرقام هواتفهم ؟

[$الملياردير$]

هلا أخوي أنا تعاملت مع الاتحاد و فسخت معاهم لأنهم تعبانين لو تبي تفاصيل حط رقمك على الخاص وابشر

[captin]

إخوي الكابتن .. وين مكتبهم وكم عدد الموظفين عندهم ؟

هل لهم موقع إلكتروني ؟

عندك أرقام هواتفهم ؟

مرحبا أخوي السليطي

مكتبهم في بناية الجمارك على الكورنيش ومدخلهم من الخف
من صوب التخطيط العمراني في الدور السادس
بالنسبة لعدد المهندسين ما يحضرني لأني اتعامل فقط مع المهندس أسامة
شخصيا بس اللي اعرفه ان عندهم عدد في قسم الرسم وعدد للاشراف وتصميم داخلي
الأفضل أنك تزوهم وتشوف امكانياتهم على الطبيعة .

موفق ان شاء الله .

[ايزو]

ما انصح بالتنمية من تجربة مريرة معاهم بدون تفاصيل بعدا عن التشهير. الاتحاد ما جربتهم. اذا تدور سعر رخيص المركز القطري للاستشارات في معيذر رخيص وجيد في التصميم والاشراف. وعندك الاقصى للاستشارات جيد سعر وشغل.