$$$$ راتب الموظفة !! كم راتبج !! $$$'

[رهج السنابك]

الموضوع استطلاعي فقط وليس على محمل الجد




موضوعي موجه للنساء الموظفات


بما ان الوحده الي تشتغل هدفها الاول الراتب وخلوا عنكم الكلام الانشائي اثبات الذات وهالخرابيط :) <<<< في نص الجبهه

خلونا نركز على محور الموضوع وهو الراتب

الموظفه الى اي حد ممكن توصل الى اكتفاء ذاتي من الراتب بمعنى ثاني انتي ايتها الموظفه الجميله ماهو نهايه حدك في سلم الراتب

مثلا لو راتبج 25 الف ماهو طموحج؟؟ توصلين 40 وتحسين وقتها بالاكتفاء؟؟؟!

لو راتبج 50 الف هل تطمحين الى 70 ووقتها تحسين بالاكتفا؟!!


لو وصلتي حد الاكتفاء هل بتفقدين الطموح؟! وتقولين خلاص جمعت مايكفيني؟!!

،،


هل تحسين ان هالنظريه الانسان مايكتفي من الماده تنطبق عليج؟!

هل اذا حصلتي على زياده في الراتب تشعرين بالرضا ام تشعرين انك بحاجة الى مزيد؟!!

نعرف ان الحياه غاليه وكل مالها في زياده والعشره الالاف قبل كانت شي والحين حتى الخمسين ولا شيء

هل تاخذين هالقاعده اعلاه تضخم الاسعار والغلا بالحسبان وتحاولين تلقين مصدر دخل ثاني مثلا تشترين عقار او تتاجرين او تشاركين بمشروع ؟!

متى هاجس الموظفه المادي ينطفىء؟ وتشعر بالاكتفاء!


اتمنى المشاركة بالارقام خلينا نقول متوسط الراتب الي تشعرين فيه بالاكتفاء والتشبع

[مشاكل]

قال تعالى : ( وتحبون المال حباً جماً )

وقال رسول الله صلى الله عليه وسلم :
( لو كان لابن آدم واديان من مال لابتغى ثالثا ولا يملأ جوف ابن آدم إلا التراب ويتوب الله على من تاب )

[qatara]

يا الله يالي حطيت لهوديه بيت يا الله تردهوديه .....

[أم علي 2010]

أكيد الراتب شي اساسي .. عند كل شخص موظف رجل و لا مرة

بالنسبة توظفة وانا متزوجة وعندي عيال .. فكان الراتب شي مهم عشان انا وزوجي نستقل ..

ولو بتقولين الراتب يكفي .. بقول لج ولله الحمد انا ماعلي سلفيات بس زوجي عليه يعني تقريبا نص الراتب رايح حق البنك ..

فأكيد بيهمني ان راتبي يزيد كل سنة بس ان في لمت واكتفي .. ماظن ..

الاكتفاء اقول لج لما يكون عندي مصدر دخل ثاني غير الراتب .. مثلا اجارات .. اسهم .. مشروع .. الخ

بس اذا وحدة مش متزوج يمكن يتغير المنظور للراتب ..

وخاصة الحين صار سن التقاعد اظن 55 سنة .. للحين باقي لنا حول 26 سنة خدمة ههههههههه

[ضوى]

الحمد لله رب العالمين واذا جات زيادة بعد الحمد لله راتبي من زمان وقبل الزيادة مكفيني وزايد عن حاجتي ولله الحمد ولا انتظر زيادة ثانية لاني الحمد لله مقتنعة براتبي مع انه في ازدياد من فترة لفترة وطبعا هذا فضل من رب العالمين ، يمكن لو هالموضوع من ست والا سبع سنين باقولج ايه والله نبي زيادة بس حاليا الحمد لله مكتفين باللي عندنا

[qrt_trading]

الوحدة يا أختي ما تقول إلا الحمد لله على نعمته إللي انعمها عليها وأنا ولله الحمد ما اطمح إلا بإللي الله كاتبه لي اذا كاتب لي بزياده في الراتب فالحمد لله وإذا كان هذا حدي فالحمد لله أيضاً المفروض ما انشوف اللي أعلى منا لكن انشوف اللي اقل وبجذي بنرضى بكتبة رب العالمين ولله الحمد.

[لبيبة]

اذا السؤال عن الاكتفاء مافي اكتفاء، اكيد كل حد يبي زيادة مب بس الموظفة، لكن ممكن ان الطموح يتوقف لعدة اسباب مب الاكتفاء المادي منها، ممكن يتوقف للكسل او المرض او اي سبب ثاني.

[ام السعف]

الله يبارك لكم في اموالكم وارزقاكم

وينعم علينا بموفور الصحة والعافية والقناعة

[بنت شرق]

100 الف بدون ما يقطعه مصاريف البيت واليهال والشخصبة والاقساط هو حد الاكتفاء عندي ، بسسس

[NINA RICCI]

المال والبنون زينة الحياة الدنيا ..

عن نفسي مافي حد للاكتفاء .. كل مازاد الراتب زادت الرفاهيه عندي ^_^

[sweet qatar]

عمري ما فكرت بليمت لراتبي.. عسى الله يرزقني واياكم الخير من أوسع أبوابه

ودي راتبي يزيد بسرعه.. طموحاتي وأهدافي كبيرة

ادري بعض الأمور يبيلها طولة بال وصبر.. لكن للأسف الوقت مب في صالحي والدنيا ماتنطر حد


تدرين يالاستقراطية

احس غلط الواحد يحط رقم يقول انا بكتفي عنده،
الصح انه يحط نقطة الاكتفاء من اشباع حاجات او رغبات معينة

[بوخالد911]

هلا

محد بيكون مقتنع
الا ما ندر

وطبيعة بني آدم يحب الزيادة دووما

ولكن اتوقع راتب من 30 الف ولغاية 40 سيكون كافيا لهن

والله يديم النعمة ع هل قطر

[دااانة قطر]

الْحٍمَدٍللـّہ راتبي مكفيني ولا علي سلفيات ولا احب أمد يدي لاحد
لكن أتمنى يزيد عشان لين أوصل سن التقاعد ماقول شوي وياليته أكثر


الّلَھّ* يعطينا الصحة والعافية وطولة العمر ويقدرنا نقضيه فـ♡ـي طاعته

[kitmat]

اهم شي راتب التقاعد

[تغلبية]

محد بيقول لا للفلوس

لان ان قلنا لا معناتها توقفت احلامنا وطموحاتنا وامالنا في الدنيا سواء للراتب او اي مصدر دخل آخر

كل مازاد الراتب كل مازادت الرغبة في الاستثمار او الاستقلالية في الامتلاك .. وزيادة الترفيه والرفاهية ايضاً

شخصياً راتب مكفيني الحمدلله ويهمني ان البركة تزيد على انه هو يزيد.

[بالول صغير]

ولإن شكرتم لأزيدنكم

اللهم لك الحمد ولك الشكر

[مستوى الدعم]

المسألة نسبية..

فإذا تحدثنا عن الحاجات اليومية والموسمية.. نجد أن الكثيرات سيصرحن أن الراتب يكفي لهذا الغرض..

أما إن تطرقنا لكفاية الراتب للإحساس بالأمان من الأمور غير السارة.. أو عند التقاعد.. فإننا سنرى أن الراتب لا يكفي..

بالعربي معظمنا رواتبنا كافية للاستهلاك ولكن ليس للاستثمار..

وفي كل الأحوال نقول الحمدلله رب العالمين على نعمه التي لا تحصى

[نيساني]

اختي ،

موضوعج غريب جداً جداً

انتوا البنات اكثر شي ماتبون حد يسئلكم عنه هو العمر والراتب !!!!


فمستغرب كثير من الموضوع

وعجبتني كثير في نص الجبهه!!!!

وشكراً:)

[تحداني]

المال والبنون زينة الحياة الدنيا ..

عن نفسي مافي حد للاكتفاء .. كل مازاد الراتب زادت الرفاهيه عندي ^_^




محد بيقول لا للفلوس

لان ان قلنا لا معناتها توقفت احلامنا وطموحاتنا وامالنا في الدنيا سواء للراتب او اي مصدر دخل آخر

كل مازاد الراتب كل مازادت الرغبة في الاستثمار او الاستقلالية في الامتلاك .. وزيادة الترفيه والرفاهية ايضاً

شخصياً راتب مكفيني الحمدلله ويهمني ان البركة تزيد على انه هو يزيد.



هذا الي كان في خاطري
جملكم الله برضاه

[نوار قطر]

مافي حد للاكتفاء بالراتب.... اصلا سبحان الله كل ما كان الراتب اكثر كل ماطمح الانسان ان يكون اكثر من المبلغ الي ياخذه .. محد بيعاف مبلغ اكثر من الي ياخذه وعلى نفس شغلته الي يشتغلها وبدون اي ضغوط او تعب... ابن ادم مايملي عينه الا التراب

[الحره]

اعوذ بالله من الحسد
ياختي انصحج لوجه الله اقتنعي بالي عندج ولا تنظرين للناس وانتي شعليج الموظفات كم رواتبهم وهل هم مكتفيين او لا ومن انتي عشان تقولين لاحد يقول الي مشتغله عشان ذاتها مب عشان الراتب هذا كله مايعنيج اصلن.

[حسن]

اختي ،

موضوعج غريب جداً جداً

انتوا البنات اكثر شي ماتبون حد يسئلكم عنه هو العمر والراتب !!!!


فمستغرب كثير من الموضوع

وعجبتني كثير في نص الجبهه!!!!

وشكراً:)


هذا هو اللي ابي اقوله بس ماحبيت ادخل
لان الموضوع يخص النسوان والواحد يقول الله السلامه

فا فضلت اكون ضيف شرف
ونتابع من بعيد

[أخت الكل]

الحمد لله والشكر له

بالنسبه لي المال وسيلة وليس هدف هو وسيلة لتحسين حياتي

راتبي زايد عن حاجتي لدرجة أني أوفر النص منه والله مبارك لي فيه

[ام السعف]

اعوذ بالله من الحسد
ياختي انصحج لوجه الله اقتنعي بالي عندج ولا تنظرين للناس وانتي شعليج الموظفات كم رواتبهم وهل هم مكتفيين او لا ومن انتي عشان تقولين لاحد يقول الي مشتغله عشان ذاتها مب عشان الراتب هذا كله مايعنيج اصلن.

:eek2::looking::eek2:

[رهج السنابك]

اعوذ بالله من الحسد
ياختي انصحج لوجه الله اقتنعي بالي عندج ولا تنظرين للناس وانتي شعليج الموظفات كم رواتبهم وهل هم مكتفيين او لا ومن انتي عشان تقولين لاحد يقول الي مشتغله عشان ذاتها مب عشان الراتب هذا كله مايعنيج اصلن.

هههه الحمدلله والشكر

ترا محد يه صوبج وسألج عن راتبج عشان تخافين من الحسد

الموضوع عن الاكتفاء المادي مب عن راتبج حبيبتي

ركزي وافهمي الموضوع عدل

واقري اجوبه المشاركات

البعض قال ابدا ماعنده حد اكتفاء

وحده قالت لو وصل راتبها 100الف اهني تحس بالاكتفاء


الاغلب قال الماده ماينشبع منها


المال وسيله ومحد بيشتغل ببلاش

لو قلنا لج خلج في دوامج بس بنقطع الراتب وتشتغلين تطوع او لتحقيق الذات او اي سبب هل بترضين!! انتي بالذات لانج متحسسه مابتوافقين لان الراتب شيء مهم عندج

فالموضوع يا عزيزتي مب كم تاخذين لا ابي اعرف ولا حد يهمه يعرف


الموضوع متى تقول الوحده انا مكتفيه ماديا من راتبي وعملي هو لتحقيق انجازات ثانيه ماوصلت فيها للاكتفاء


ضوى وحده من الناس الي تقول تشعر بالاكتفاء في الوقت الحالي

فمعنى ذلك هي تعمل الان بوظيفتها لتحقيق انجازات اخرى ولا يهم زاد الراتب او لا لانه مكتفيه فيه

البعض مثلا يواصل دراسات عليا ودورات طمعا في زياده الراتب وليس لتحقيق انجازات شخصيه لانه مب مكتفي

البعض الاخر يدرس ويطور نفسه حتى على حسابه الخاص لان هذفه مب زياده الراتب بقدر ماهو هدفه تحقيق طموحات ااخرى يسعى فيها لتطوير نفسه

[pink pearl]

أنا راتبي الحمدلله مكفيني وزود...

بالنسبة للزيادة إن كان فيه فبها ونعمة وإن ماكان فيه بعد الحمدلله عايشين برفاهية ومرتاحين ...

بالنسبة للحد الأعلى للراتب ما يهمني بقدر مايهمني إني أكون مرتاحة في دوامي بدون مشاكل وعوار راس،،، ولي طومح إني أكمل ماجستير بإذن الله،،

تسلمين على الموضوع وبالنسبة لي شخصياً عندي أمور وايد أهم من الراتب بحد ذاته ويارب أحققها ....