المساعد الشخصي الرقمي

مشاهدة النسخة كاملة : جميع استفسارات المصاعــــــد المنزليــــة



الصفحات : [1] 2

Chambray
22-04-2010, 01:10 AM
جميع مواضيع المصاعد توضع هنا


حبيت استفسر عن مصاعد schindler (http://www.schindler.com/)
http://www.schindler.com/logo-schindler.gif
اليوم رحت وقالي صناعه سويسريه
لكن يصنع في الصين

وسعره مناسب تقدرون تقولون
نفس سعر مصعد ( كوني )
koni

ونظام الدفع كالتالي
30% دفعه اولى
60% عند الوصول والتركيب
10% عند التشغيل

شموخ دائم
22-04-2010, 11:49 AM
,

,


مرحبا اخوي


الله يعطيك العافيه

بالفعل الشركه Switzerland in 1874

ومعظم مصانعهم في الصين وهم مختصين بالسلالم المتحركه والمصاعد وشركه قديمه

في الخارج وجديده علينا

بس خليني اوضح لك شغله بسيطه

اذا هو سعره قريب من الكوني ونت ضربت فيه مثل لانه معروف بالسوق

والكوني سمعته احسن بالسوق والشركه الي تستفسر عنها

مجهوله تقريبا لنا

ليش نغامر في شركات الناس ما تقبل عليها

على سبيل المثال لما الناس تشتري التويوتا والمرسيدس والنيسان

فهذا يعني ثقه الناس في هذي البراند نيم ( الماركه ) وما بعد الشراء والصيانه

ولما انا اروح اشتري سياره اول مره تدخل قطر صناعه جديده صينيه مثلا او روسيه او سويسريه

فهذا ليس الخيار المناسب ولا انا جبت شي جديد وتميزت به ابد

هذا معناه اني احب اغامر واجرب الجديد

والبيوت الي راح نسكن فيها مو مكان مناسب نجرب فيه

في المصاعد ومواد البناء نفس الموضوع الناس تثق في اسماء معينه

متسوبيشي و otis وبعدهم كوني

الناس والشركات تثق فيهم لانهم جربوهم واقتنعوا فيهم

وانا انصح في واحد من هذه الاسماء حتى لو سعرهم زياده شوي

اما الممتاز في الموضوع فهو استفسارك دائما عن هذا الماركات والانواع

الي غير متداوله بين الناس وهذه فرصه طيبه تعريف الناس في اشياء ما سمعوا فيها

وتعد احد الخيارات المطروحه امامهم

بالنسبه للدفعات

30% دفعه اولى اوكي
60% عند الوصول والتركيب ( ياريت توضيح الوصول في موقع المشروع وليس في مخازن الشركه )
10% عند التشغيل اوكي

ودمت بطيب

,

,



اخوك



شموخ دائم

Chambray
22-04-2010, 12:42 PM
بيض الله وجهك على ردك الطيب
المشكلة موتسبيشي سعره غالي واوتيس ..وتبي الصج الغالي سعره فيه :)

بخصوص 60% عند التوصيل والتركيب في المنزل ..
10% عند التشغيل

بيض الله وجهك

المترجم
22-04-2010, 11:01 PM
اخوي كم قياس المصعد عندك؟؟

وكم طلع عليك السعر؟

Chambray
23-04-2010, 02:12 AM
البير ( 180 × 180 )
بس المشكلة ابيه يوصل للبنت هاوس
والمشكلة ارتفاع البنت هاوس 3.4 ولازم يكون المصعد 4 متر
لان انا ما احبذ تركيب المصاعد ( الهادرليك )
لذلك ادور حلول من احين :) لاني احين اشتغل في الطابق الثاني

قالي في حدود 130 الف لكن فيه خصم .. اتوقع 110 راح اخلص معاه ..

قطري عصامي
09-05-2010, 12:44 AM
شباب لو سمحتوا ، ايش اسعار المصاعد المتوفره في السوق هالايام ، للفلل (ارضي+اول+بنت هاوس)

مستثمر_
30-05-2010, 10:44 AM
اتمنى حد عنده فكره عن المصاعد القزاز هل تصلح للبيت لان عندي مساحه 2 في 2 مع الدرج الرئيسي

wj3
22-11-2010, 09:37 PM
السلام عليكم

عندي استفسار يالربع شركه المفتاح حق المصاعد نوعه فوجي هل تنصحوني فيه ؟

Chambray
23-11-2010, 01:21 AM
والله يالغالي انا عن نفسي لفيت ولفيت وفي النهايه استقريت على مصعد موتسبيشي
شفت كوني وشفت شنايدر وشفت اوتيس و و إلخ
لكن في النهايه اختر الافضل جوده اريح حق راسي مستقبلاً

اوتيس و موتسبيشي هم الافضل
ومن ثم كوني وفوجي وشنايدر
وهناك ماركات ايطاليه وفرنسيه وو وإلخ لانصح بها

سؤال : كم حجم المصعد وكم عطاك اياه ؟؟؟؟

captin
23-11-2010, 03:45 AM
وانا بعد أنصحك بالميتسوبيشي

انا توني بديت في مشروع الفيلا وبعد مادرست السوق وعملت
مقارنة واخذت رأي عدد من الفنيين في المجال استقر الرأي
عندي على ميتسوبيشي ووقعت معاهم عقد ودفعت لهم الدفعة الأولى

انا عندي بيسمنت المصد بيخدم ( بيسمنت - أرضي - أول)

http://www.mitsubishi-elevator.com/sp/products/basic/elevators/home_elevator/pdf/catalog.pdf

وبتلقى في هذا الرابط كتالوج للنوع المستخدم في المنازل وهو نفس النوع
اللي انا اخترته للفيلا عندي اقراه وشوف مواصفاته والزين فيه أيضا ان حمل
الكهرباء لهذا النوع سنغل فيز اي ما يستهلك كهرباء وفيه نظام امان
والعقد يشمل الصيانة والخدمة المجانية في أول سنة
يبقى أقول أن الشركة او الوكيل اسمها المتحدة ومقرها في عمارة بمنطقة
اسلطة القديمة واذا بقيت بيانات الشخص المسئول عن قسم المصاعد
انا حاضر

Chambray
23-11-2010, 05:00 AM
وانا بعد أنصحك بالميتسوبيشي

انا توني بديت في مشروع الفيلا وبعد مادرست السوق وعملت
مقارنة واخذت رأي عدد من الفنيين في المجال استقر الرأي
عندي على ميتسوبيشي ووقعت معاهم عقد ودفعت لهم الدفعة الأولى

انا عندي بيسمنت المصد بيخدم ( بيسمنت - أرضي - أول)

http://www.mitsubishi-elevator.com/sp/products/basic/elevators/home_elevator/pdf/catalog.pdf

وبتلقى في هذا الرابط كتالوج للنوع المستخدم في المنازل وهو نفس النوع
اللي انا اخترته للفيلا عندي اقراه وشوف مواصفاته والزين فيه أيضا ان حمل
الكهرباء لهذا النوع سنغل فيز اي ما يستهلك كهرباء وفيه نظام امان
والعقد يشمل الصيانة والخدمة المجانية في أول سنة
يبقى أقول أن الشركة او الوكيل اسمها المتحدة ومقرها في عمارة بمنطقة
اسلطة القديمة واذا بقيت بيانات الشخص المسئول عن قسم المصاعد
انا حاضر

روعه الديزاين
انا اخترت النوع العادي ..
اعتقد انك ماخذ بو 8 اشخاص !!
لان البابين يجي حق 8 اشخاص
والباب حتى 7 اشخاص
والقزاز يفرق تقريباً 20 - 30 الف !!

وحداني64
23-11-2010, 06:49 AM
بعد التحية والسلام للجميع ،،،
أخي العزيز أنصحك بشراء الخدمة قبل البضاعة ، خاصة في تلك الأمور ، وأنصحك بمصاعد ميتسوبيشي أو أوتيس ، والأمر الأول والأخير لك ، وتقبل تحياتي ،،،

wj3
23-11-2010, 07:20 PM
السلام عليكم بالربع مشتبيشي قالي ١٨٠ الف ٨ ركاب وستاندر وضمانه سنه اما فوجي قالي١٣٠ وبينزل لي شي عدل ٨ ركاب وضمانه والسيرفس وقطع غيار اول سنه ونص بلاش وللي في فوجي اخترت شي فخم مذهب من داخل وبرع والمكينه والدينمه يابانيين اما الكبينه لا لهم كذا مصنع وقالي عقب مايخلص الضمان تقدر تشترك في السنه ٥٠٠٠ ريال حق السيرفس وفيه شتراك ثاني قيمه ٩٠٠٠ ريال سيرفس وقطع غيار عليهم ونسيت بعد اقول لكم ضمان المكينه ٥ سنين والسيفتي ااذا بنده الكهربه علي البيت ينزل المصعد اقرب دور ويفتح الباب *

شموخ دائم
24-11-2010, 10:36 AM
,

,


مرحبا


اخوي الكريم

سؤالي ليه تركب الاصنصير 8 اشخاص ؟؟؟
هذا مو فندق اخوي علشان تركب عدد كبير ودوم بيكون مزدحم
واهل البيت ما يركبون مع بعض
ياريت تشوف لك 4 اشخاص بيكون ارخص بكثير
ومحد يركب 8 اشخاص داخل الفلل نهائيا ال 8 اشخاص للعمارات

اخوي الكريم التويوتا تعطيك ضمان سنه والكيا تعطيك ضمان ( سنتين )
هل الكيا احسن ؟؟
:)
هذا اسمه تسويق منتج ومحاوله المنافسه
المتسوبيشي احسن بكثير اخوي
مهما عطوك الشركات الثانيه من عروض لان بضاعتهم اقل جوده
لازم يحاولون يعطون الزبون اغراء بالسعر والمميزات الاخرى
المتسوبيشي بيعيش عندك فوق ال 20 سنه ونت مرتاح
ونواحي الامان قويه فيه وينزل لوحده الدور الاقرب كلهم بهذه التقنيه
تطمن
اختار ال 4 اشخاص متسوبيشي هذا انسب خيار لك
بتلاقيه في حدود ميزانيتك وشركه محترمه وما تندم على هذا القرار
ان شاء الله



,

,


اخوكم


شموخ دائم

بو فهد
24-11-2010, 10:20 PM
يمكن يفيدك هذا الرابط

http://www.qatarshares.com/vb/showthread.php?t=296507

http://aqarcity.org/up092/images/bfi1260617365i.jpg



http://www.space-elevators.com.sa/mysite3/images/index.jpg

http://www.space-elevators.com.sa/mysite3/images/stairlift.jpg

بو علي
03-03-2011, 12:21 AM
حد عنده خبره عن ال Vacuum Lifts قريت عنه في النت. وهو يشتغل على مبدأ تفريغ الهوى عشان يسحب اللفت فوق او ينزله تحت ومكتوب ان له فوائد كثيره منها حجمه الصغير وانه مايحتاج زيت وغيرها.

حد عنده فكره لو هالنوع موجود في الدوحه ولا لا؟

الكيلاني
03-03-2011, 09:33 AM
أفضل الموجود كتقنية هو مصعد الهيدروليك
صامت أولاً
مصروف أقل لأن يصرف الكهرباء بالصعود بس و ليس بالنزول
و صيانته أسهل

مساهم قديم
19-04-2011, 01:29 PM
محتاج اركب مصعد وابي عنوانين شركات تركيب مصاعد وياليت مايكونون لبنانيين

شموخ دائم
19-04-2011, 04:08 PM
,

,

مرحبا

اخوي الكريم

بعيد عن الجنسيات والدول

الاصنصيرات ماركات مثلها مثل السيارات

واحسن ماركتين بالسوق من ناحيه الاستخدام والمتانه والشكل

otis

و

(Mitsubishi)

وهم الاكثر مبيعا في قطر

اسعارهم من 100 الف الى 200 الف
حسب الحموله واللون والديكور الداخلي

وهناك انواع ارخص

مثل

كوني

وهيونداي

بالتوفيق لك

,

,


اخوك


شموخ دائم

PoBox
19-04-2011, 04:48 PM
محتاج اركب مصعد وابي عنوانين شركات تركيب مصاعد وياليت مايكونون لبنانيين




*
*
ميتسوبيشي في مبنى الجابر
مقابل مطعم الزرقا ... على يمينه

والاسعار تختلف حسب الحملة
200 كيلو 300 ،1000 اكثر ، أقل
الديكور الداخلي ،،، طريقة فتح الابواب بنفس الاتجاه او اتجاهات مختلفة ، عدد محطات الوقوف

وابشرك مش لبنانيين طووووووووووووط :anger1:

Chambray
19-04-2011, 07:23 PM
*
*
ميتسوبيشي في مبنى الجابر
مقابل مطعم الزرقا ... على يمينه

والاسعار تختلف حسب الحملة
200 كيلو 300 ،1000 اكثر ، أقل
الديكور الداخلي ،،، طريقة فتح الابواب بنفس الاتجاه او اتجاهات مختلفة ، عدد محطات الوقوف

وابشرك مش لبنانيين طووووووووووووط :anger1:


Electromec Technical Associates
Post Box # 6320, Al Jaber Tower, Building No.10116
Flat No.3 & 4, 3rd Floor, Al Muthaf Street
[Al Salata Al Qadeem], Doha, Qatar
Phone: 974-4-328309
Fax: 974-4-321746
E-Mail: reception@etamelco-elevator.net

عابر سبيل
20-04-2011, 09:30 AM
التحية....
مثل ما قال الاخ/ شموخ دايم..
انا سألت مهندس اجليزي متخصص في هالمجال
يعمل في احدى اكبر الشكرات في قطر..
و ذكر لي تحديدا هالشركتين..اوتيس و ميتسوبيشي..
و المالك يشوف نهو يعطي سعر افضل
و يوفر ديكورات مناسبة له..و بس.


فيه امر الكثيرين يغفلون عنه عند اختيار المصعد.
وهو "الامان/safety" و قدرات الشركة الموردة
لعمل الصيانة الدورية.. للمحافظة على اعلى درجات
السلامة في المصعد..

فشخصيا..ما دام المصعد في بيت..
و فيه "اطفال" ربما يستخدمونه بغياب الكبار..
فاشوف ان أهم شي..
هو توافر احتياطات السلامة
في المصعد..
و التكلفة تأتي بعد ذلك!!

و اوتيس و ميتسوبيشي..
عندهم التكنولوجيا المسماة
(Machine-room-less Elevator system)

http://www.mitsubishielevator.com/images/mrl_motor.gif


والمكينة اعلاه هي نفسها بالازرق ادناه

http://products.construction.com/swts_content_files/151999/411042.jpg


تتركب في داخل بيت المصعد"الشافت"..

يعني ما يحتاج "غرفة مصعد" باعلى السطح
و بالتالي الجير بوكس و كيابل التحميل
لا تحتاج الى "تزييت" دوري...
و هي عملية شاقة و مؤذية ..للسكان
و خطيرة ان لم تتم بالشكل المطلوب..

فالتكنولوجيا هذي..تفك المالك من عناء "التزييت الدوري"
و بناء غرفة "مكيفة" مخصوص لماكينة المصعد..
كما في التكنولوجيا القديمة ذات المحركات الكبيرة.

اضافة الى ان الشركتين يوفران ما يسمى
Emergency Landing Device..
جهاز الهبوطالاضطراري..
و هو يعمل اوتوماتيكيا في حال انقطاع الكهرباء
عن المصعد لأي سسبب...بحيث
يقوم يتزويد المصعد ان كان في حالة /صعود/هبوط
بالكهرباء اللازمة..لانارته و تحريكه لاقرب بوابة..
اعلى او اسفل و فتح الباب..و من ثم..خروج الركاب بسلامه..

و علاوة على ادوات السلامة تلك..شخصيا طلبت ان
يكون الباب (زجاجي) بحيث ان من بالخارج ينظرون
الى من بالداخل...و هي خاصية جمالية..و الاهم
انها مهمة للسلامة..في اقصى الحالات-لا قدر الله-
ان يكون من السهل رؤية من بالداخل من قبل ن هم بالخارج..

خاااصة..في البيوت..يوجد صغار
و ربما يكون من ابناء الضيوف..الخ الخ..

*
*
،،
اخيرا..
من المهم اختيار نوع المصعد قبل البدء في تنفيذ
البناء ..ان كان مصعد عادي..فراح يحتاج لبناء غرفة "مكيفة" باعلى السطح..
و ان كان منالنوع في ما شرحته اعلاه..
فلا يحتاج الى غرفة..بس يحتاج الى اخذ الارتفاع و التصميم
المطلوب من قبل المورد للمصعد..حتى ينفذه المقاول اثناء
بناء "العظم"..
اضافة الى متطلبات الكهرباء (3 Phase/أو 1Phase)!!؟؟

عموما..
شركة ميتسوبيشي انتقلت من برج "الجابر"
الى ابراج "الهتمي" الجديدة المقابلة لصالة القادمين
الجديدة لمطار الدوحة..مباشرة بعد مسجد ابو بكر الصديق..

و تلفونهم هو نفسه المذكور
من قبل الاخ Moyen Orient
اعلاه :
44328309
"مؤسسة الاتحاد الكهربائي والميكانيكي"
ETA

خشوف
12-05-2011, 09:55 AM
استفسار : وش احسن مصاعد لفتات للبيوت تكون امانه

وكم اسعارهم وهل في بدون حفر الشفافه الاوربيه :nice:

سيناتورنايف
12-05-2011, 10:10 AM
otisفي نوع ستيل مع زجاج وعلى حسب الكيلو المطلوب اعتقد الحجم المناسب للمنزل 600 الا اذا كان اوزان اخرى والسعر مع الاساس والتوصيل والتركيب تقريبا 120000

شموخ دائم
12-05-2011, 12:18 PM
,

,


مرحبا


احسن نوعين بالسوق والي دائما عليهم طلب

otis

و

mitsubishi

الشركتين ممتازين جدا من كل النواحي والامان عالي

وانا انصحك في المتسوبيشي اذا تحبين الاشكال الحلوه والزجاج
عندهم تشكيله واسعه منزلينها خصيصا للفلا

والسعر يعتمد على طلباتك اللون من الداخل ذهبي او سلفر
ونوع الارضيه ونوع السقف وشكل الازره فخمه او عاديه
وحموله الاصنصير كم شخص
الفيلا يكفي تختارين شخصين او 4 اشخاص بالكثير
لان مو مثل الفندق عليه حركه طول اليوم
بالبيت ماعليه حركه كثيره

عموما السعر من 120 الى 200 الف حسب طلباتك ومواصفاتك

,

,


اخوك


شموخ دائم

r07
12-05-2011, 03:59 PM
من فتره زرت ثلاث شركات اوتس وكوني وميتسوبيشي...والصراحه ارتحت لميتسوبيشي حسيتهم بروفشنل وعلى ما اظن هو الوحيد اللي ما يحتاج حفر كثير بس 50سم تقريبا ...واللي عجبني ان عندهم مصعد خاص للبيوت وفيه قفل عشان العيال ما يلعبون فيه...من ناحية الامان اشوف هالشي زين..
شي مهم انك تسأل الشركه في حالة اخترب المصعد هل يجون يصلحونه في نفس الوقت واذا عندهم رقم للطوارئ...
بالتوفيق

السد
13-05-2011, 05:47 AM
سمعت انه يحتاج اللفت صيانة شهريا
هل صحيح ذلك ؟؟؟

مملوحة الفال
13-05-2011, 01:34 PM
اختي


انا شفت ناس اعرفهم مركبين في فلتهم مصعد mitsubishi وبصراحة كان حلو وفيه قفل للأطفال

خالد32
13-05-2011, 06:59 PM
كم حجم المصعد للبيوت؟
و كم قياسات بير المصعد؟

محمد الجفيري
13-05-2011, 11:29 PM
ما شاء الله ما قصروا الاعضاااء


بالتوفيق

خالد32
14-05-2011, 12:16 AM
ما شاء الله ما قصروا الاعضاااء


بالتوفيق

ما شاء الله عليك
نتمنى نسمع تجاربك و خبرتك حتى يستفيد الكل

Chambray
14-05-2011, 12:47 AM
انا عن نفسي خلصت مع موتسبيشي ووصلولي المصعد لكن للاسف ماخلصت تشطيب في الفيلا لحد الآن . وجالس انتظر الانتهاء من التشطيب حتى تركيب المصعد ..
:nice::nice:


ما شاء الله عليك
نتمنى نسمع تجاربك و خبرتك حتى يستفيد الكل

هههههههههههه في كل موضوع هشكل ( السعي وراء زيادة عدد المشاركات ) :nice:

خالد32
14-05-2011, 07:23 AM
متسوبيشي حجم 90 في 110 عطوني فيه 125 الف بس احس انه صغير
ممكن اعرف حجم الي خذته؟

Chambray
14-05-2011, 11:27 AM
متسوبيشي حجم 90 في 110 عطوني فيه 125 الف بس احس انه صغير
ممكن اعرف حجم الي خذته؟

والله انا خذت حق 7 اشخاص اعنقد 110 في 130 شي هشكل

خشوف
15-05-2011, 08:19 AM
يعطيكم العاافيه

عندكم صور لهم ؟

فقيه زمانه
15-05-2011, 10:24 AM
انا صارلي 8 شهور ادور لفت حق بيتي رحت حق شركة اسمها باور تك اتجيب الفت من الكويت مساحة المصعد 1.60 قالو يتسع حق 6 اشخاص المصعد ايطالي الكبينة تصنع في الكويت السعر 90000 الف شرايكم في السعر والشركة

Chambray
15-05-2011, 11:37 PM
انا صارلي 8 شهور ادور لفت حق بيتي رحت حق شركة اسمها باور تك اتجيب الفت من الكويت مساحة المصعد 1.60 قالو يتسع حق 6 اشخاص المصعد ايطالي الكبينة تصنع في الكويت السعر 90000 الف شرايكم في السعر والشركة

والله اول مرة اسمع بهالماركة

عندك
اوتيس - موتسبيشي - التصنيف الاول
كوني - شنايدر - سيجما - هيونداي و و وإلخ التصنيف الثاني
اما البقيه اعتبره تصنيف ثالث ورابع وخامس ..

انصحك بالافضل دام البيت هو بيتك انت وليس للايجار

خالد32
21-05-2011, 11:37 AM
otisفي نوع ستيل مع زجاج وعلى حسب الكيلو المطلوب اعتقد الحجم المناسب للمنزل 600 الا اذا كان اوزان اخرى والسعر مع الاساس والتوصيل والتركيب تقريبا 120000

كلمت شركة الدرويش اليوم عن نفس المواصفات قالوا السعر من 180 الى 200 الف
من عطاك 120000؟

Chambray
21-05-2011, 04:14 PM
كلمت شركة الدرويش اليوم عن نفس المواصفات قالوا السعر من 180 الى 200 الف
من عطاك 120000؟

كلامك صحيح يا خالد32

بودحوم
21-05-2011, 05:27 PM
عساك على القوة ياخوي Moyen Orient

سؤال بخصوص لفتات المتسوبيشي

منهو الوكيل و وين مكانه ؟؟؟

Chambray
21-05-2011, 11:24 PM
عساك على القوة ياخوي Moyen Orient

سؤال بخصوص لفتات المتسوبيشي

منهو الوكيل و وين مكانه ؟؟؟
الله يقويك يالشيخ
ETA
http://etamelco.in/images/eta.gif
قريب من دوار التشريفات
44660904

بو راشد 1
24-05-2011, 02:30 PM
اذا بتركب باب زجاج للفت (وهو الاحلى) لازم يكون حجم كبير (8 اشخاص هو 600 كيلو) ويحتاج مساحه 1.8 متر في 1.8 متر و سعره حوالي 200 ألف ريال (حق 4 stops).
انا سألت عند الهتمي (ميستوشيبي) و الدرويش (اوتس)، و كلهم قالو البانوروما او ابواب زجاج ما عاد يجي حجم صغير.
والافضل ان تركب نوعيه "روم لس" يعني ما يحتاج غرفه فوق.

Chambray
24-05-2011, 10:43 PM
اذا بتركب باب زجاج للفت (وهو الاحلى) لازم يكون حجم كبير (8 اشخاص هو 600 كيلو) ويحتاج مساحه 1.8 متر في 1.8 متر و سعره حوالي 200 ألف ريال (حق 4 stops).
انا سألت عند الهتمي (ميستوشيبي) و الدرويش (اوتس)، و كلهم قالو البانوروما او ابواب زجاج ما عاد يجي حجم صغير.
والافضل ان تركب نوعيه "روم لس" يعني ما يحتاج غرفه فوق.

كلامك سليم 100%

:nice::nice::nice::nice:

HiTec
25-05-2011, 08:55 AM
بالتوووفيق

السندان
26-05-2011, 09:36 PM
اذا بتركب باب زجاج للفت (وهو الاحلى) لازم يكون حجم كبير (8 اشخاص هو 600 كيلو) ويحتاج مساحه 1.8 متر في 1.8 متر و سعره حوالي 200 ألف ريال (حق 4 stops).
انا سألت عند الهتمي (ميستوشيبي) و الدرويش (اوتس)، و كلهم قالو البانوروما او ابواب زجاج ما عاد يجي حجم صغير.
والافضل ان تركب نوعيه "روم لس" يعني ما يحتاج غرفه فوق.

والروم لس .. كيف نظامه هل هو هايدروليك ولا ايش

وبخصوص الصيانه لاصحاب التجارب هل هي دوريه ومكلفه؟ افيدونا

Chambray
27-05-2011, 12:36 AM
والروم لس .. كيف نظامه هل هو هايدروليك ولا ايش

وبخصوص الصيانه لاصحاب التجارب هل هي دوريه ومكلفه؟ افيدونا

لا اخوي نظامه عادي جداً نفس اي مصعد والافضل انه مش هايدروليك ..
الفرق ان النظام الجديد مايحتاج إلى غرفه في اعلى المصعد
الآن محتاج فقط مابين 30 - 50 سم عن آخر طابق لتركيب الماكينه
http://products.construction.com/swts_content_files/151999/411042.jpg

بو راشد 1
27-05-2011, 10:21 AM
اخوي مركب لفت في بيته من كم سنه (6اشخاص) اخر عقد صيانه جدده معاهم كان 550 ريال في الشهر.

بودحوم
29-05-2011, 11:03 AM
المتسوبيشي ل 4اشخاص أو 300كغم
بـ 120 الف ريال قبل الخصم

الوان الباب : يمكنك الأختيار من بين 7 الوان متوفرة او استيل
اللون الداخلي : متوفر 3 الوان او استيل
الأرضية : تتوفر 6 الوان
لوحة الأزره : تتوفر بلونين فقط اسود و أبيض

ويتوفر في اللفت بطارية طوارئ خاصة تستخدم عند انقطاع الكهرباء

ابـو مــحــــمـــــد
19-06-2011, 07:33 PM
السلام عليكم ورحمة الله وبركاته

الله يعينكم علينا ها الايام النشده واجده والبيت وبدينا ندخل في مراحل تشطيبه
الله يوفقنا في مخلاصه

سوالي بنسبه لشركات المصاعد عندنا

انا تقريبآ خلصت غرفة المصعد في البيت ومساحة الغرفه 1.5 في 2.3 متر

مريت على شركة المعموره للمصاعد وشفت الكتالوج عندهم وشفت اشكال حلوه

عندهم من المصاعد وعلى حسب الكلام انها ايطاليه المنشى

الكتالوج حلو حاولت انزله لكن ماعرفت

المهم شرايكم لانهم عطوني سعر حلو تقريبآ انا مامريت على الشركات الباقيه

لان ولد عمي مشتغل عند نفس الشركه وعاملين لي سعر جيد

نبي النصيحه ومخاب من استشار

حسن
20-06-2011, 06:00 AM
عندك شركه المفتاح شارع سلوى عندهم مصاعد البدي صيني والدينمو فوجي ياباني انا مركب عندهم يشيل 8 اشخاص 135 الف وعندهم ارخص على حسب السعه والديزان

ابـو مــحــــمـــــد
20-06-2011, 08:35 PM
تسلم اخوي حسن على المشاركه
وياليت موقعهم بالتحديد

وياليت با اهل الخبره والي مركبين يشاركونا الموضوع

بودحوم
20-06-2011, 08:45 PM
اخوي أنت المفروض تاخذ مواصفات اللفت قبل لاتبني

بالنسبه لي اتفقت مع شركة الهتمي على لفت سعة 4 اشخاص (300 ك ) نوع متسوبيشي
وسعره 120 الف وبيعطيك خصم وقت الأتفاق.

وغرفة اللفت : 1.5 * 1.35 م

شموخ دائم
20-06-2011, 11:19 PM
,

,


مرحبا


منزل مبروك

ننتظر العشاء ان شاء الله

:)


انا دائما انصح بنوعين ممتازين

otis

او

متسوبيشي

بصراحه ذولا الشركتين

مثل المرسيدس وال بي ام دبليو في الجوده والكفائه

الاثنين توب

:)

وانا انصحك في المتسوبيشي

والراي لك اخوي


,

,



اخوك


شموخ دائم

السد
20-06-2011, 11:52 PM
المتسوبيشي
يمدحونه

مرتبش
21-06-2011, 09:45 AM
مرحبا
هل يحتاج اللفت عقد صيانة سنوية؟ اخبر واحد كان بيركب مصعد وهون يقول ان عقد الصيانة ضروري جدا والشركات تنزل سعر البيع لجذب العميل وعقد الصيانة يطلع عليه بالشي الفلاني..

مادري مدى صحة هالكلام الان..حد يعرف اسعار الصيانة وهل هي سنوية وهل توجد مصانع ماتحتاج صيانة

يعطيكم العافية

ابـو مــحــــمـــــد
21-06-2011, 11:45 AM
اخوي أنت المفروض تاخذ مواصفات اللفت قبل لاتبني

بالنسبه لي اتفقت مع شركة الهتمي على لفت سعة 4 اشخاص (300 ك ) نوع متسوبيشي
وسعره 120 الف وبيعطيك خصم وقت الأتفاق.

وغرفة اللفت : 1.5 * 1.35 م

لا اخوي مشمن الضروره تاخذ الموصفات قبل عمل الخرائط هو على حسب احتياجك فقط
مقاس المساحه يحددها مكتب الاستشاري عند عمل الخرائط ولكن اذا تبي حجم الفت لعدد
معين لابد تاخذ مقاساته من شركة الاصنصيرات

شاكر لك اخوي


,

,


مرحبا


منزل مبروك

ننتظر العشاء ان شاء الله

:)


انا دائما انصح بنوعين ممتازين

otis

او

متسوبيشي

بصراحه ذولا الشركتين

مثل المرسيدس وال بي ام دبليو في الجوده والكفائه

الاثنين توب

:)

وانا انصحك في المتسوبيشي

والراي لك اخوي


,

,



اخوك


شموخ دائم

مشكور يا اخوي شموخ دوم في خدمة الشعب


المتسوبيشي
يمدحونه

يمدحونه بس غالي الله المستعان
وعلى كل بنمر عليهم نشوف اخر اسعارهم
شاكر لك


مرحبا
هل يحتاج اللفت عقد صيانة سنوية؟ اخبر واحد كان بيركب مصعد وهون يقول ان عقد الصيانة ضروري جدا والشركات تنزل سعر البيع لجذب العميل وعقد الصيانة يطلع عليه بالشي الفلاني..

مادري مدى صحة هالكلام الان..حد يعرف اسعار الصيانة وهل هي سنوية وهل توجد مصانع ماتحتاج صيانة

يعطيكم العافية

هلا اخوي
هو اكيد يحتاج لصيانه سنويه
لكن السنه الاولى مجانيه وبعدين العقد السنوي اعتقد 3000 الاف ريال لتصليح الاعطال
مع اعتقد ضمان على القطع لمدة 5 سنوات

شاكر لك اخوي

سحـــاب
26-06-2011, 10:25 AM
السلام عليكم ورحمة الله وبركاته

اخواني وخواتي

ودي استفسر عن شركة سيباك للمصاعد، هل مرت على حد منكم ؟
هل حد منكم ركب عن طريقهم ؟
خدمتهم ضمانهم ... أو أي معلومه ... لأني احتمال اخذ مصعد عن طريقهم ...

والشي الاهم شنو نصيحنكم لي بخصوص المصعد ... أخذه من أي شركة ؟؟

وجزاكم الله خير ... وكان الله في عون العبد ماكان العبد في عون أخيه ..

أخوكم .. سحـــاب

والسلام عليكم

سحـــاب
26-06-2011, 10:51 AM
السلام عليكم

أبو محمد

بالنسبه لي كلمت شركة سيباك للمصاعد واحس منهم ان تعاملهم جيد ...
بس اليوم مكلم شركة المفتاح وبروح لهم ان شاء الله العصر ... لأنه يوم قارنت الاسعار لقيتها قريبه من بعض ... والضمان في المفتاح خمس سنوات ...
ومصاعدهم ... فوجي ...

مدري .. بس مثلك محتار ... واسال الله لك ولجميع المسلمين ولنا التوفيق ...

أخوك ... سحـــاب
والسلام عليكم

Chambray
26-06-2011, 03:03 PM
http://www.qatarshares.com/vb/showthread.php?t=460724

qtr-1st
26-06-2011, 03:04 PM
شنو صناعة المصعد وكم سعر التكلفه

.Q a T a R.
27-06-2011, 01:17 AM
السلام عليكم

أبو محمد

بالنسبه لي كلمت شركة سيباك للمصاعد واحس منهم ان تعاملهم جيد ...
بس اليوم مكلم شركة المفتاح وبروح لهم ان شاء الله العصر ... لأنه يوم قارنت الاسعار لقيتها قريبه من بعض ... والضمان في المفتاح خمس سنوات ...
ومصاعدهم ... فوجي ...

مدري .. بس مثلك محتار ... واسال الله لك ولجميع المسلمين ولنا التوفيق ...

أخوك ... سحـــاب
والسلام عليكم

تاكد من المفتاح اعتقد تجميع سعودي

سهم طايش
27-06-2011, 07:14 AM
طبعا افضل شركتين هم متسوبيشي و اوتيس

انا مركب متسوبيشي 6 اشخاص و العقد السنوي للصيانه ب5200 ريال

شغلهم 100% ماشاء الله

ابـو مــحــــمـــــد
27-06-2011, 11:54 AM
السلام عليكم

أبو محمد

بالنسبه لي كلمت شركة سيباك للمصاعد واحس منهم ان تعاملهم جيد ...
بس اليوم مكلم شركة المفتاح وبروح لهم ان شاء الله العصر ... لأنه يوم قارنت الاسعار لقيتها قريبه من بعض ... والضمان في المفتاح خمس سنوات ...
ومصاعدهم ... فوجي ...

مدري .. بس مثلك محتار ... واسال الله لك ولجميع المسلمين ولنا التوفيق ...

أخوك ... سحـــاب
والسلام عليكم

عليكم السلام اخوي سحاب
ياليت اخوي تعطينا علوم شركة المفتاح وشنهو الفرق بينهم وبين شركة سيباك
والبضاعه شنهي ماركتها عندهم لانها مهما

يعطيك العافيه


تاكد من المفتاح اعتقد تجميع سعودي

هلا اخوي قطر ياليتك تفيدنا اذا عندك معلومه عن الشركه


طبعا افضل شركتين هم متسوبيشي و اوتيس

انا مركب متسوبيشي 6 اشخاص و العقد السنوي للصيانه ب5200 ريال

شغلهم 100% ماشاء الله

هلا اخوي طاش

بكم طلع لك سعر الاصنصير وهل هو ديكور ولا عادي

سهم طايش
27-06-2011, 10:49 PM
اخوي انا مركبة من اربع سنوات و كان السعر 120 الف بدون ديكور

انا سويت الديكور بعد التركيب

.Q a T a R.
28-06-2011, 12:16 AM
بو محمد

بالنسبه للمفتاح ( فوجي ) تجميع سعودي 100%

بالنسبه للرافعه ( المكينه ) اعتقد صناعه صينيه يتم التجميع في السعوديه

بالنسبه لمتسبيشي فيه نوعين من نفس الشركه تايواني هذا حق مش حالك عماره 4 ادوار او 5

اما الابراج ياباني 100%

ممكن تاكد من الشركه نفسها لان هالمعلومه من الشركه متسبيشي
وحتى المفتاح بقولن لك نفس المعلومات الي ذكرتها

بوعبدالله77
28-06-2011, 12:18 PM
هل يشترط استخراج رخصة من البلدية لاضافة المصعد في الفيلا اذا ما كان موجود في الخارطة ؟؟؟؟

ابـو مــحــــمـــــد
28-06-2011, 04:23 PM
اخوي انا مركبة من اربع سنوات و كان السعر 120 الف بدون ديكور

انا سويت الديكور بعد التركيب

تسلم اخوي سهم على المشاركه
يعني عادي اقدر اسوي له ديكور بعد ما يخلصون شغلهم


بو محمد

بالنسبه للمفتاح ( فوجي ) تجميع سعودي 100%

بالنسبه للرافعه ( المكينه ) اعتقد صناعه صينيه يتم التجميع في السعوديه

بالنسبه لمتسبيشي فيه نوعين من نفس الشركه تايواني هذا حق مش حالك عماره 4 ادوار او 5

اما الابراج ياباني 100%

ممكن تاكد من الشركه نفسها لان هالمعلومه من الشركه متسبيشي
وحتى المفتاح بقولن لك نفس المعلومات الي ذكرتها

تسلم اخوي قطر على الرد والتفاعل
هل موقعهم وهل انت مركب عندهم او حد مدح لك شغلهم


هل يشترط استخراج رخصة من البلدية لاضافة المصعد في الفيلا اذا ما كان موجود في الخارطة ؟؟؟؟

لا اخوي مب شرط
بنسبه لي الفله جديده يعني جاي مع التصميم
ولكن ولد عمي الشركه جاوه للبيت وشافو الموقع الي يصلح يحطون فيه المصعد
وعملو له خريطه لعمل غرفة المصعد وبعدين هم كملو شغلهم

فا اتوقع اذا الكهرباء عندك بالبيت قويه وعندك مكان للمصعد عادي بدون موافقه البلديه
والله اعلم

خالد32
28-06-2011, 04:58 PM
في شركه اسمها باورتيك بعد لفة النصر قبل اشارة السودان
مر عليهم
عندهم اشياء حلوه و صناعة اوروبيه

.Q a T a R.
29-06-2011, 12:51 AM
هلا بومحمد

بالنسبه للمفتاح اخذت من هم عدد2 ولحد الان مافيه مشاكل

ومتسبيشي عدد2 واحد من 15 سنه واحد من سنتين وكلهم ممتازين

واتيس عدد 1 من 5 سنوات بعد ممتاز

بالنسبه للمفتاح اتجهت لهم لان متسوبيشي تاخر علي وانا كنت مستعجل

بالنسبه لعقود الصيانه

متسوبيشي 9000 سنوي عدد 1
اوتيس 7000 سنوي عدد 1
فوجي المفتاح 4000 سنوي عدد 1

طبعا هذي كلها عمارات وعتقد انها تفرق معاك بالنسبه للفيلا لان الاستهلاك اقل

واي استفسار انا حاضر

MeMe MoOoON
16-07-2011, 01:01 AM
حبيت اتاكد عن اللفت لانه مش مركبينه الحين بالبيت بيكون المكان جاهز وبنسكر مكانه بخشب
بس حبيت اتاكد منكم على كلام المقاول يقول مايحتاج نسوي شي حق اللفت والكهربه فوق البنت هوس غرفه صغيره حق المكاين التشغيل

مساحة اللفت 2 في 2

خالد32
16-07-2011, 08:16 AM
2 في 2 مساحه ممتازه اذا كانت القياسات من الداخل
اللفتات الجداد ما تحتاج غرفه فوق البنت هاوس لان المكينه تكون داخل مع اللفت
اما الي مع غرفه يعتبر نوع قديم و محتاج تكييف و قيمته ارخص بالطبع
بس بتكون محتاج تقريبا ترفع عمود اللفت متر فوق البنت هاوس و الاحسن تتأكد من شركات اللفتات
لاني مريت على متسوبيشي و قالوا ان مب محتاج صبيات اقدر اسوي مكانه طابوق و اعمده على الزوايا
و متسوبيشي لفتهم الصغير كهربته تو فيس
بس انا خذت نوع ثاني من شركة باور تيك
و مره ثانيه الاحسن تروح حق اي شركة و تاخذ القياسات منهم

MeMe MoOoON
16-07-2011, 12:23 PM
2 في 2 مساحه ممتازه اذا كانت القياسات من الداخل
اللفتات الجداد ما تحتاج غرفه فوق البنت هاوس لان المكينه تكون داخل مع اللفت
اما الي مع غرفه يعتبر نوع قديم و محتاج تكييف و قيمته ارخص بالطبع
بس بتكون محتاج تقريبا ترفع عمود اللفت متر فوق البنت هاوس و الاحسن تتأكد من شركات اللفتات
لاني مريت على متسوبيشي و قالوا ان مب محتاج صبيات اقدر اسوي مكانه طابوق و اعمده على الزوايا
و متسوبيشي لفتهم الصغير كهربته تو فيس
بس انا خذت نوع ثاني من شركة باور تيك
و مره ثانيه الاحسن تروح حق اي شركة و تاخذ القياسات منهم


مشكور اخوي على التوضيح


بس شنو احسن نوع غير شركة المتسوبيشي غالي بس الجوده عاليه عندي فكره

انته شو ركبة اي نوع
وكم طلع عليك السعر؟

وكم الصيانه سنويا

خالد32
16-07-2011, 12:49 PM
للحين ما ركبت بس سويت عقد مع شركة باور تيك
اللفت نسيت اسمه صناعة اوروبية و المواد المانية 3 وقفات و ابواب زجاج 120 الف مع مكينه داخليه
الصيانه ما اتذكر بس حول 3 او 4 الاف
و فيه بطاريات للسيفتي اذا طفت الكهربه ينزل و يفتح الابواب

مساحته 110 في 140 ستالستيل

شموخ دائم
16-07-2011, 12:56 PM
,

,


مرحبا

بخصوص الاصنصير من الاحسن تحددون الشركه مع بدايه بناء المنزل
لمعرفه المقاس وعمل قاعده له في الارضيه تجهزونها وتتركونها

الشركات المعروفه بقطر وهي الي ننصح فيها دائما

شركات عالميه وفيها مواصفات الامان عالي حسب الترتيب

1- المتسوبيشي

2- otis

3- كوني


الاصنصير يكلف تقريبا من 120 الف الى 200 الف
فرق السعر في عدد المستخدمين شخصين او اربع اشخاص
وفي الاكسسوارات ايضا
مذهب وزجاج ومرايا والحركات هذي ترفع السعر

اول سنه صيانه مجانيه والمتسوبيشي يعطي ضمان اكثر من 10 سنوات

بالتوفيق لك


,

,


اخوك


شموخ دائم

كود نمبر
16-07-2011, 01:35 PM
مرحبا اختي

بنسبه للاصنصير على اغلب الشركات الي مريت عليهم
تقريبآ نفس الكلام وطريقتهم وحده
المساحه ممتازه الي انتي مسويتها بنسبه للكهرباء
داخل برج الاصنصير مايحتاج المقاول يعمل شي هذا كله
وقت تركيب الاصنصير هم يركبون بيبات المفاتيح والاصنصير
النقطه الوحيده الي ممكن تعملينها من الان هو موقع مكينة الاصنصير
حدد موقعها بالضبط ومش لازم تكون غرفه فوق البنت هاوس حتى لو تكون تحت
الدرج لان الموقع صغير بيكون اهم شي يكون فيه فيش 3 فيس للطرنبه و موقع لمكيف
التبريد على المضخه اذا كان موقعها لاتوصله تهويه

@north_star@
16-07-2011, 05:08 PM
ميتسوبيشى ومصاعد اوتيس بس غاليين شوي

MeMe MoOoON
16-07-2011, 11:29 PM
,

,


مرحبا

بخصوص الاصنصير من الاحسن تحددون الشركه مع بدايه بناء المنزل
لمعرفه المقاس وعمل قاعده له في الارضيه تجهزونها وتتركونها

الشركات المعروفه بقطر وهي الي ننصح فيها دائما

شركات عالميه وفيها مواصفات الامان عالي حسب الترتيب

1- المتسوبيشي

2- otis

3- كوني


الاصنصير يكلف تقريبا من 120 الف الى 200 الف
فرق السعر في عدد المستخدمين شخصين او اربع اشخاص
وفي الاكسسوارات ايضا
مذهب وزجاج ومرايا والحركات هذي ترفع السعر

اول سنه صيانه مجانيه والمتسوبيشي يعطي ضمان اكثر من 10 سنوات

بالتوفيق لك


,

,


اخوك


شموخ دائم

مشكور اخوي على التوضيح

MeMe MoOoON
16-07-2011, 11:29 PM
مرحبا اختي

بنسبه للاصنصير على اغلب الشركات الي مريت عليهم
تقريبآ نفس الكلام وطريقتهم وحده
المساحه ممتازه الي انتي مسويتها بنسبه للكهرباء
داخل برج الاصنصير مايحتاج المقاول يعمل شي هذا كله
وقت تركيب الاصنصير هم يركبون بيبات المفاتيح والاصنصير
النقطه الوحيده الي ممكن تعملينها من الان هو موقع مكينة الاصنصير
حدد موقعها بالضبط ومش لازم تكون غرفه فوق البنت هاوس حتى لو تكون تحت
الدرج لان الموقع صغير بيكون اهم شي يكون فيه فيش 3 فيس للطرنبه و موقع لمكيف
التبريد على المضخه اذا كان موقعها لاتوصله تهويه

مشكور اخوي على الشرح

MeMe MoOoON
16-07-2011, 11:31 PM
[quote=خالد32;7437890]للحين ما ركبت بس سويت عقد مع شركة باور تيك
اللفت نسيت اسمه صناعة اوروبية و المواد المانية 3 وقفات و ابواب زجاج 120 الف مع مكينه داخليه
الصيانه ما اتذكر بس حول 3 او 4 الاف
و فيه بطاريات للسيفتي اذا طفت الكهربه ينزل و يفتح الابواب

مساحته 110 في 140 ستالستيل[/uote]


يعطيك العافيه اخوي

مواقف النجادة
16-07-2011, 11:51 PM
[quote=خالد32;7437890]للحين ما ركبت بس سويت عقد مع شركة باور تيك
اللفت نسيت اسمه صناعة اوروبية و المواد المانية 3 وقفات و ابواب زجاج 120 الف مع مكينه داخليه
الصيانه ما اتذكر بس حول 3 او 4 الاف
و فيه بطاريات للسيفتي اذا طفت الكهربه ينزل و يفتح الابواب

مساحته 110 في 140 ستالستيل[/uote]


يعطيك العافيه اخوي


عسى الله يبارك لك فيه ..

اخوي كم طلبوا منك مساحة حق اللفت وهل لهم شروط معينة لازم الواحد يسويها لما يبني العضم ؟

خالد32
17-07-2011, 08:42 AM
[quote=meme moooon;7439299]


عسى الله يبارك لك فيه ..

اخوي كم طلبوا منك مساحة حق اللفت وهل لهم شروط معينة لازم الواحد يسويها لما يبني العضم ؟

اكثر الشركات يبون 180 في 180 سم من الداخل يعني من الخارج 220 في 220 كاقل شي و اعتقد متر و نص تحت مستوى الارض و متر قوق البنت هاوس
هذا للفت الصغير بو 4-6 اشخاص

بودحوم
20-07-2011, 09:23 AM
[quote=خالد32;7437890]للحين ما ركبت بس سويت عقد مع شركة باور تيك
اللفت نسيت اسمه صناعة اوروبية و المواد المانية 3 وقفات و ابواب زجاج 120 الف مع مكينه داخليه
الصيانه ما اتذكر بس حول 3 او 4 الاف
و فيه بطاريات للسيفتي اذا طفت الكهربه ينزل و يفتح الابواب

مساحته 110 في 140 ستالستيل[/uote]


يعطيك العافيه اخوي

بهذا السعر ( 120 الف ويوجد خصم 10 الاف يعني يطلع سعره 110 الاف ) تقدرين تاخذين ميتسوبيشي ياباني اصلي 4 ركاب
( ارضي + دور اول + بنتهاوس ) ومساحته 1.35 * 1.50 م
وفيه بطارية طوارئ في حال انقطاع الكهرباء ..

فتى الجود
21-07-2011, 03:25 PM
السلام علييكم

المساحة المطلوبة للمصعد 2 × 2

ولازم يكون له عمق لايقل عن 60 سم بالدور الارضي

والافل انها تكون غرفه خرسانية للبنت هاوس

وشوف شركة عسكر

يعطونك الاستشارة مجاناً

عندهم مهندس لبناني اسمه شادى - يمكن يفيدك بمعلومات وتفاصيل أكثر .

khaldoon
24-07-2011, 03:40 PM
السلام علييكم

المساحة المطلوبة للمصعد 2 × 2

ولازم يكون له عمق لايقل عن 60 سم بالدور الارضي

والافل انها تكون غرفه خرسانية للبنت هاوس

وشوف شركة عسكر

يعطونك الاستشارة مجاناً

عندهم مهندس لبناني اسمه شادى - يمكن يفيدك بمعلومات وتفاصيل أكثر .

اخوي الاصنصيرات الحديثه ما تحتاج لعمق لانها صارت تسمى pitless

يعني ما يلزم عمل غرفه صغيره pit اسفل الاصنصير

خالد32
24-07-2011, 05:19 PM
اخوي الاصنصيرات الحديثه ما تحتاج لعمق لانها صارت تسمى pitless

يعني ما يلزم عمل غرفه صغيره pit اسفل الاصنصير

متسوبيشي و كوني و اوتيس و ثلاث شركات ثانيه عندهم ماركات مختلفه قالوا لي لازم الحفره
و يختلف عمقها على حسب سرعة اللفت.. هاي الي اعرفه
من الي عندهم بدون حفره؟

khaldoon
24-07-2011, 06:45 PM
متسوبيشي و كوني و اوتيس و ثلاث شركات ثانيه عندهم ماركات مختلفه قالوا لي لازم الحفره
و يختلف عمقها على حسب سرعة اللفت.. هاي الي اعرفه
من الي عندهم بدون حفره؟

والله تعاملت مع شركة بالسابق بس كانت مقاول باطن وما كنت اتعامل معاها بشكل مباشر فنسيت الاسم بس قوله انا ابي pitless elevator و شوف ايش يرد عليك

فتى الجود
24-07-2011, 11:55 PM
اخوي الاصنصيرات الحديثه ما تحتاج لعمق لانها صارت تسمى pitless

يعني ما يلزم عمل غرفه صغيره pit اسفل الاصنصير



اللى اعرفه واشتغلته ميدانياً:

انه لازم الحفره وعقمها بين الــ 60 سم والــ 45 سم

لان يتركب بها قطعه مثل البستن عشان تخفف حده الارتطام عند نزول

المصعد أو حدوث انقطاع بالكيبل العلوي

khaldoon
25-07-2011, 01:48 PM
متسوبيشي و كوني و اوتيس و ثلاث شركات ثانيه عندهم ماركات مختلفه قالوا لي لازم الحفره
و يختلف عمقها على حسب سرعة اللفت.. هاي الي اعرفه
من الي عندهم بدون حفره؟

اخوي الشركه اللي تسوي بدون حفره هي شركة THYSSEN KRUPP و الحقيقه العمق بيكون بس 10سم و هذه الشركه سمعت عنها انا مشتغله في كل مطارات العالم بما فيها مطار الدوحة الدولي الجديد حيث انها مركبه فيه بحدود 250 مصعد و اسكليتر او اكثر :nice:

خبير صيانة
25-07-2011, 09:01 PM
بخصوص الاصنصير من الاحسن تحددون الشركه مع بدايه بناء المنزل
لمعرفه المقاس وعمل قاعده له في الارضيه تجهزونها وتتركونها

الشركات المعروفه بقطر وهي الي ننصح فيها دائما

شركات عالميه وفيها مواصفات الامان عالي حسب الترتيب

1- المتسوبيشي

2- otis

3- كوني


الاصنصير يكلف تقريبا من 120 الف الى 200 الف
فرق السعر في عدد المستخدمين شخصين او اربع اشخاص
وفي الاكسسوارات ايضا
مذهب وزجاج ومرايا والحركات هذي ترفع السعر

اول سنه صيانه مجانيه والمتسوبيشي يعطي ضمان اكثر من 10 سنوات
اخوك


شموخ دائم

هذا من الاخر بعدهذا التوضيح ما يحتاج

Chambray
26-07-2011, 12:50 AM
انا حالياً شركة موتسبيشي هي الي تركب لي المصعد
وتقريباً مابين 60 -80 سم الحفره

وفوق البنت هاوس نفس الشئ 60 سم
بس اللفت بدون غرفه للماكينه فوق ..

عدد الاشخاص 7
والسعر 150 الف على حسب مواصفات انا طالبها ..

لكن في امور كنت موقعها في العقد وماتوقعتها
يمكن لجهلي للغه الانجليزية

وهي انهم يبون سقالات داخل المصعد ( انا اوفرها ) والسقالات خشب ..

ثانياً حديد تفصيل لبعض المناطق ومن ضمنها ( درج السيرفس ) كلفني في حدود 2400 ريال هالتفصيل

كرين اشيل المصعد واحذفه فوق السطح ، هذا كلفني 600 ريال

وهذا كله انا ملزووم فيه لان انا موقع العقد معاهم على هالاساس ...
وحالياً المصعد قيد التركيب ..
وان شاء الله التشغيل اول ماتدخل الكهرباء للبيت :)
الله يوفقني ويوفقكم

MeMe MoOoON
27-07-2011, 10:40 PM
انا حالياً شركة موتسبيشي هي الي تركب لي المصعد
وتقريباً مابين 60 -80 سم الحفره

وفوق البنت هاوس نفس الشئ 60 سم
بس اللفت بدون غرفه للماكينه فوق ..

عدد الاشخاص 7
والسعر 150 الف على حسب مواصفات انا طالبها ..

لكن في امور كنت موقعها في العقد وماتوقعتها
يمكن لجهلي للغه الانجليزية

وهي انهم يبون سقالات داخل المصعد ( انا اوفرها ) والسقالات خشب ..

ثانياً حديد تفصيل لبعض المناطق ومن ضمنها ( درج السيرفس ) كلفني في حدود 2400 ريال هالتفصيل

كرين اشيل المصعد واحذفه فوق السطح ، هذا كلفني 600 ريال

وهذا كله انا ملزووم فيه لان انا موقع العقد معاهم على هالاساس ...
وحالياً المصعد قيد التركيب ..
وان شاء الله التشغيل اول ماتدخل الكهرباء للبيت :)
الله يوفقني ويوفقكم




اشكرك اخوي على الرد والتوضيح


بالنسبة لبعض الاشياء تتكلف فيها بدفع القطع والدرج ليش هم مايتحملون
المفروض على المبلغ اللي تدفعه والله بوق عيني عينك ولا غير كذا تقول اخوي أجر السياره
علشان ترفع اللفت ما اقول الا الله يعينا


الله يتمم عليك ويشغلون اللفت
وعقبالي اركب اللفت ونفتك

Chambray
27-07-2011, 11:20 PM
اشكرك اخوي على الرد والتوضيح


بالنسبة لبعض الاشياء تتكلف فيها بدفع القطع والدرج ليش هم مايتحملون
المفروض على المبلغ اللي تدفعه والله بوق عيني عينك ولا غير كذا تقول اخوي أجر السياره
علشان ترفع اللفت ما اقول الا الله يعينا


الله يتمم عليك ويشغلون اللفت
وعقبالي اركب اللفت ونفتك

هذا فخ قانوني الله يسلمج
لو ان العقد بالعربي كان فهمته
لكن بالانجليزي وانجليزيتي على قدي :nice:

HSMK
21-08-2011, 08:14 PM
السلام عليكم ورحمة الله وبركاته
كيف الحال اخواني الكرام
وكل عام وانتم بخير

اخواني حبيت اسئل عن المصاعد

واي شركة افضلهم

وعندي سوال بخصوص الحفره المناسبه للمصعد
لاني سويتها

135*135 اي متر وخمسة وثلاثين في متر وخمسة ثلاثين

والي عنده الاسعار ياليت يفيدني بارك الله فيكم

وخصوصا البانروما

والسموحه

MeMe MoOoON
21-08-2011, 10:35 PM
اخوي احسن اصنصير متسوبيشي وسعره تقريبا 130 الف العادي
تبي تزيد تدفع اكثر بانوراما اتوقع يمكن 300 الف او اكثر بعد

وبعدها ماركة اوتيس

وفي اصنصير المعموره اسم الشركه على ماعتقد م

RE-Qatar
22-08-2011, 06:01 AM
من واقع تجربه
افضل شركه هي مصاعد فوجي ( شركة المفتاح )
يكفيك ان المكينه بالكامل ياباني 100 %
والكبينه سعودي وسماكتها اكثر من الشركات الثانيه
بس من المهم انك تتفق مع شركة المصاعد اولا
وتشبكهم مع المهندس الاستشاري مباشرة
على شان اي تعديلات في الخرايط
والله يوفقك انشالله

المحتار20
22-08-2011, 06:37 AM
من واقع تجربه
افضل شركه هي مصاعد فوجي ( شركة المفتاح )
توي موقع معاهم عقد مصعد ل 8 اشخاص ب 133000

وحش الصناعات
22-08-2011, 11:28 AM
متابع

strong woman
22-08-2011, 12:03 PM
متابعه ويهمني الموضوع

ابوعلي
22-08-2011, 12:06 PM
شركة اعرضت علي عرض سعر لمصعد للفيلا وبصراحة للحين ما تعاقدت

اسم الشركة : رن للمصاعد

والحد الأعلى للسعر 142000

وحسب الاختيار بيخفض السعر

واذا حد تعاقد معاهم وجرب اللفت يالليت يقولنا

Abdulla86
22-08-2011, 12:44 PM
المتسبيشي لامنافس له

طير حوران
22-08-2011, 01:06 PM
مؤسسة القافله وبلاتردد وبتدعيلي

من حيث السعر والتركيب والصيانه والمعامله

Chambray
22-08-2011, 06:40 PM
عرض حفره المصعد يفضل ان يكون
1.8 × 1.8


الحفره السفليه لازم تكون 60 سم اقل تقدير

والارتفاع العلوي مش اقل من 60 سم عن آخر طابق

تمنياتي لك بالتوفيق وكل شركة لها مواصفاتها تأكد من الشركات افضل

MeMe MoOoON
22-08-2011, 07:35 PM
من واقع تجربه
افضل شركه هي مصاعد فوجي ( شركة المفتاح )
توي موقع معاهم عقد مصعد ل 8 اشخاص ب 133000



ممكن رقم تيلفونهم اخوي على الخاص وين المكان بالضبط

HSMK
23-08-2011, 01:03 AM
الله يجزاكم خير اخواني وخواتي على ردودكم الطيبه
ووانا شاورت المقاول وهو مهندس قالي الحفره مناسبه
والشركة الافضل هي الموستيبيشي

ودونت كل ملاحظاتكم مع الاسعار عندي الله يعطيكم العافيه جميع وبارك الله فيكم على مساعدتكم
عساكم على القوه

qtr-1st
27-12-2011, 06:45 PM
يالربع فزعتكم ورايكم في مصاعد فوجي للفل الى جرب التعامل معاهم من ناحيه

المعامله والتركيب والصيانه يفيدني واكون شاكر لكم

ابوعلي
11-01-2012, 10:50 PM
وبانتظار المجرب لمصاعد فوجي يبدي رايه

shaheen-915
12-01-2012, 11:43 AM
اخوي افضل مصاعد فوجي وجربنا التعامل معهم بعمارة مكونه من 7 طوابق وحتى خدمتهم للصيانة جيدة جدا وازيدك من الشعر بيت كنت ساكن بفيلا ايجار ومركبين من فوجي مصعد وكان ممتاز وفوق الممتاز
وبعدهم مصاعد متسبيوشي

PGR
12-01-2012, 12:49 PM
مرحبا اخوي ,,, بالنسبه لمصاعد فوجي احنا مركبين من عندهم ,,, المشكلة الوحيده اللي صادتنا هي في التاخير ويمكن كانت عندهم مشاكل حزتها ,,, لكن المصعد تمام ويجون كل شهر يشيكون المصعد والحمدلله صارلنا كم شهر مركبين والامور تمام

ابـو مــحــــمـــــد
22-03-2012, 11:23 AM
السلام عليكم ورحمة الله وبركاته

power tech

اخواني عندي استفسار عن شركة باور تيك للمصاعد اذا حد من الاخوان قد اشتغل معاهم ولا سامع عن الشركه نبي الراي ولا عليكم امر

انا مريت على الشركه وعطوني سعر جيد بنسبه للشركات الاخرى والمواصفات جيده

فياليت اذا حد عنده معلومه يفيدني بها ...

شاكر للجميع

$الملياردير$
22-03-2012, 01:31 PM
الله يوفقك و يسهل عليك ان شاء الله و الربع فيهم البركة و ن شاء الله بيردون عليك

Chambray
22-03-2012, 02:40 PM
امور لازم تعرفها

نوع المصعد
اسمه
صناعه
نوع الصيانة
عمر الشركة في قطر
مشاريع الشركة
الخ ........

خالد32
22-03-2012, 04:10 PM
عندهم نوعين من المصاعد
واحد صيني و الثاني اوروبي (يوناني او اسباني) و التقنية المانية
و الفرق بينهم بسيط في السعر
مواصفاتهم جيدة جداً و خدمتهم جيدة على كلام واحد من الربع ماخذ من عندهم
الزين فيهم يركبون لك لفت 140 في 140 على بير 180 في 180 و يكون الباب يفتح من الوسط
اذا معزم توكل على الله
و شوف راي باقي الاعضاء

i.qatar
23-03-2012, 01:30 PM
اخوي وين مكانهم ؟

فقيه زمانه
25-03-2012, 12:44 AM
نصيحة طق منهم ادفع اكثر 20 او 30 الف واخذ من شركة ثانية ميتسوبيشي او غيره لمصاعد يجيبونها من كويت انا موقع وياهم من شهر 10 الي فات وقالولي بيوصل خلال 4 شهور قلتلهم انا مستعجل قالي لهندي باجيبه خلال 3 شهور ولين الحين ماشفته واخر وعد كان تاريخ 22 وجا تاريخ ولمصعد ماجا كلمت لهندي يوم لخميس قالي باشوف الطلبيه وبارد عليك و ذاك وجه الضيف ولا حد كلمني وانشا الله بكر ...... اه يا بكرا بارويك فيهم :anger1:

ابـو مــحــــمـــــد
26-03-2012, 03:25 PM
الله يوفقك و يسهل عليك ان شاء الله و الربع فيهم البركة و ن شاء الله بيردون عليك

الله يوفق الجميع
مشكور اخوي على المشاركه



امور لازم تعرفها

نوع المصعد
اسمه
صناعه
نوع الصيانة
عمر الشركة في قطر
مشاريع الشركة
الخ ........

مشكور اخوي على المشاركه
نوع المصعد اوربي حسب كلام مندوب الشركه
عمر الشركه في الدوحه 6 سنوات ولها عدة مشاريع


عندهم نوعين من المصاعد
واحد صيني و الثاني اوروبي (يوناني او اسباني) و التقنية المانية
و الفرق بينهم بسيط في السعر
مواصفاتهم جيدة جداً و خدمتهم جيدة على كلام واحد من الربع ماخذ من عندهم
الزين فيهم يركبون لك لفت 140 في 140 على بير 180 في 180 و يكون الباب يفتح من الوسط
اذا معزم توكل على الله
و شوف راي باقي الاعضاء

مشكور اخوي وتقريبأ نفس كلام مندوبهم لي
شاكر لك اخوي


اخوي وين مكانهم ؟

هلا اخوي
موقعهم السد واذا تبي رقم مندوبهم حاضر
شاكر لك مشاركتك


نصيحة طق منهم ادفع اكثر 20 او 30 الف واخذ من شركة ثانية ميتسوبيشي او غيره لمصاعد يجيبونها من كويت انا موقع وياهم من شهر 10 الي فات وقالولي بيوصل خلال 4 شهور قلتلهم انا مستعجل قالي لهندي باجيبه خلال 3 شهور ولين الحين ماشفته واخر وعد كان تاريخ 22 وجا تاريخ ولمصعد ماجا كلمت لهندي يوم لخميس قالي باشوف الطلبيه وبارد عليك و ذاك وجه الضيف ولا حد كلمني وانشا الله بكر ...... اه يا بكرا بارويك فيهم :anger1:

هلا اخوي
مشكور على النصيحه وهذا المطلوب من فتح الموضوع والله يعينك وان شالله
تخلص مشكلتك ويرجع لك حقك

انا تكلمت معه وقال لي المكينه اوربيه من ايطاليا تقنيه المانيه والديكور الداخلي ماليزي
وبنسبه لفرق السعر والله كثير بينهم وبين المتسوبيشي هم عطوني 95 الف والمتسوبيشي
160 الف ومش مثل الديكور الداخلي والباب عادي مش زجاج اتمنى اخوي تعطيني اخر
تفاصيل مشكلتك ووين وصلت لحد الان

شاكر لك تفاعلك

Chambray
26-03-2012, 07:20 PM
اخوي انا انصحك انك تدفع زيادة وتاخذ موتسبيشي او اوتيس
انت بحاجه إلى مصعد 4 - 5 اشخاص مب اكثر
لانك في بيت مب عماره
الصيانه مطلوبه واسم الشركة مطلوب في هالمشاريع

اخذ ارقام هواتف العملاء الي تعاملوا معاهم ( الاشخاص ) - فلل
واتصل بهم واسألهم عن جوده مصاعدهم والصيانه والشركة في خدمة ( مابعد البيع )

لان خدمة ( مابعد البيع ) هو الاهــــــــــــــم ..

فقيه زمانه
27-03-2012, 12:00 AM
هلا يابو محمد اخر الاخبار كلمني مديرهم لهندي ويطلب اسبوع اضافي غسلت شراعه وسكرت التلفون في وجهه وقلتله اذا مارجعت فلوسي خلال يومين انا شكاي ، وفي واحد كلمني قبل شهر قالي ان الشركه عندها مشاكل ، لمصعد الي عندهم ماركتين واحد الماني كامل ، ونوع الثاني ايطالي اسمه يونايتد واحد من لجماعه ماخذه يجيبون لكبينه من كويت واعتقد لمحرك يمكن من ايطاليا اذا مش لبنان او كويت انا لمصعد طالع علي 100000 بدون غرفه وهذا يكون اغلا من داخل خشب ، وخلك متابعني بتجيك لعلوم اول باول

ابوعلي
27-03-2012, 12:08 AM
اخوي اذا بخاطرك لفت نوع فوجي من شركة كمفيرت

انا باتعاقد معاهم وسئلت عنهم أكثر من شخص واسعارهم قريبه من سعرك

الاسكافي
27-03-2012, 08:17 AM
اخوي اذا بخاطرك لفت نوع فوجي من شركة كمفيرت

انا باتعاقد معاهم وسئلت عنهم أكثر من شخص واسعارهم قريبه من سعرك

ممكن بعد اذن صاحب الموضوع رقم الشركة ومكانهم ومواصفات المصعد

بخصوص شركة الباور تيك ترآ شغلهم وتعاملهم بعد البيع لك عليه من خلال تجربة احد الاشخاص واسعارهم بالنسبة للماكينة والكابينة عالية .. اذا حبيت مر على شركة اطلس للمصاعد في التاون سنتر وسعر المصعد مكينة ايطالية محترمة والكابينة خشب تصنيع كويتي حول 75 الف والشركة لها خبرة طويلة في الكويت ومعروفة

وبعد عندك شركة قطر للمصاعد وكلاء شندلر اسعارهم جيدة وارخص من المستوبيشي

متفاءل
16-04-2012, 09:13 PM
السلام عليكم

الموضوع تكرر واااايد لكن ماوصلت حق شي !!!!!

ابي اعرف كل شي عن مصاعد فوجي
صناعة الكبينة ؟؟؟
صناعة المكينة ؟؟
جودة المصعد ؟؟
الخدمة بعد البيع ؟؟
السعر اذا حد ركب لــ 5 أشخاص؟
كم سنة شركة المفتاح شغالين في المصاعد ؟؟

والسرعة 5, في الثانية هل هي السرعة مناسبة لمصعد الفيلا ؟؟؟

واايد اسأله بس تدرون ان شي مهم ومب ناقصين خساير:weeping:

تحياتي للجميع

PGR
17-04-2012, 09:28 AM
عندنا مصعد فوجي مركبينه تقريبا من سنه ,, الكبينه تصنع في الصين(على ماذكر), المكينه يابانيه,, جودة المصعد اعطيها 10/10 (طبعا على حسب الكبينه اللي بتطلبها وتصميمها),, خدمة ما بعد البيع لحد الان مافي مشاكل ويجون بشكل شهري يشيكون على المصعد,, السعر ل 5 اشخاص ماعندي فكره ,, وبالنسبه للسرعه اذا بيت لاتحاتي السرعه لانه ما تحتاج شي سريع كلها ثواني وانت واصل(بس اسال مب خسران شي)

بالتوفيق ان شاء الله

متفاءل
17-04-2012, 11:24 AM
عندنا مصعد فوجي مركبينه تقريبا من سنه ,, الكبينه تصنع في الصين(على ماذكر), المكينه يابانيه,, جودة المصعد اعطيها 10/10 (طبعا على حسب الكبينه اللي بتطلبها وتصميمها),, خدمة ما بعد البيع لحد الان مافي مشاكل ويجون بشكل شهري يشيكون على المصعد,, السعر ل 5 اشخاص ماعندي فكره ,, وبالنسبه للسرعه اذا بيت لاتحاتي السرعه لانه ما تحتاج شي سريع كلها ثواني وانت واصل(بس اسال مب خسران شي)

بالتوفيق ان شاء الله

تسلم طال عمرك وماقصرت
المكينه يابانيه �� ومن الاشياء المهمه عندي .
وانشالله الاعضاء ماراح يقصرون اذا في شي ثاني
وبنطر ردهم

بس اذا ممكن تستفسر من السعر ☺

حسن
17-04-2012, 11:33 AM
اانه مركب منهم صارله اقل من سنه الصندوق يتصنع في الصين والدينمو فوجي ياباني
على قولتهم سعته عندي حق 8 اشخاص على حسبتهم صينين مهب قطرين لا اذا قطرين بيشل
سته
كان عندي مشاكل في الابواب الحساسات ووتم تصليحه عده مرات
صيانتهم لاباس
سرعته زينه مايصيده الرادار
سعره 135000
بالتوفيق:victory:

الاسكافي
17-04-2012, 01:28 PM
السلام عليكم

في الحقيقة كثير مدحوا المصعد من حيث الجودة (اوروبي مصنوع بالكامل في اسبانيا )

استفساري اذا احد جرب مصاعد تيسن جروب .. من حيث الهدوء والفخامة وخدمة الشركة بعد البيع ؟؟


ملاحظاتكم مهمة و اقتراحاتكم اهم

تحياتي للجميع

$الملياردير$
17-04-2012, 01:32 PM
مشكور اخوي صاحب الموضوع و خوي حسن الله يجزاك خير ...بس ممكن اسال كم المساحة اللي لازم نتركها في الخرايط ستاندروهل لها حل لوكانت اصغر او اكبر

و شي ثاني وشي احسن الشركات للي تركب

وجزاكم الله الف خير

khaldoon
17-04-2012, 03:47 PM
يعني اشقد مهمه ملاحظاتنا ممكن توضح اكثر علشان نساعدك :p

على العموم اللي اعرفه انهم من اشهر شركات المصاعد في العالم و سمعت و العهدة على الراوي انهم بيركبون 250 مصعد و اسكليتر بمطار الدوحة الجديد
مره ركبوا عنا في احد البيوت مصعد بس ما لحقة عليه بعد التشغيل و لا عرفت اذا هادي و الا لا و كان المصعد PITLESS يعني تقريبا ما في حفرة تحته الا 15 سم

و هذا موقعهم

http://www.thyssenkrupp-elevator-architecture.com/

سهم عتيج
17-04-2012, 11:57 PM
مشكور اخوي صاحب الموضوع و خوي حسن الله يجزاك خير ...بس ممكن اسال كم المساحة اللي لازم نتركها في الخرايط ستاندروهل لها حل لوكانت اصغر او اكبر

و شي ثاني وشي احسن الشركات للي تركب

وجزاكم الله الف خير

ممكن 1,8 x 1.8 متر مناسب

والافضل 2x2 عشان تقدر تزيد السعة عندك لين 8 اشخاص

طبعا الميتسو بيشي وال اوتس هم اللي لهم شعبية كبيرة في قطر بس اعتقد ان الفوجي ارخص منهم وقد تصل التكلفة الى النصف حسب كلام الخبراء اللي استشرتهم بهذا الخصوص

بودحوم
18-04-2012, 12:20 AM
مشكور اخوي صاحب الموضوع و خوي حسن الله يجزاك خير ...بس ممكن اسال كم المساحة اللي لازم نتركها في الخرايط ستاندروهل لها حل لوكانت اصغر او اكبر

و شي ثاني وشي احسن الشركات للي تركب

وجزاكم الله الف خير

إذا بتركب متسوبيشي 4 ركاب تحتاج 150سم في 135سم
المساحة الصافية من الداخل .

الاسكافي
18-04-2012, 08:14 AM
تسلم اخوي khaldoon على الرد
مثل ما تفضلت شركة رائدة ومركبه معظم مصاعد المطار الجديد ومشاريع وابراج كثيره
يبقى السؤال المهم والاجابة الأهم : حد جرب المصعد في بيته واي ملاحظات عليه او على الشركة

بوخليفة83
18-04-2012, 09:56 AM
بعد اذن صاحب الوضوع في شركة اسمها شركة كوني للمصاعد اشرايكم فيها
عندي مصعد 1,60 في 1.60 عطوني سعر 125000 صناعة الصين

بودحوم
18-04-2012, 12:06 PM
بعد اذن صاحب الوضوع في شركة اسمها شركة كوني للمصاعد اشرايكم فيها
عندي مصعد 1,60 في 1.60 عطوني سعر 125000 صناعة الصين

المتسوبيشي أضمن وارخص ( 120 الف ) . خصوصاً انه ياباني 100% وصيانة مجانية للسنه الأولى
ماأنصحك بالصيني

الزلزال
18-04-2012, 12:07 PM
سبحان الله

متفاءل
18-04-2012, 10:10 PM
اانه مركب منهم صارله اقل من سنه الصندوق يتصنع في الصين والدينمو فوجي ياباني
على قولتهم سعته عندي حق 8 اشخاص على حسبتهم صينين مهب قطرين لا اذا قطرين بيشل
سته
كان عندي مشاكل في الابواب الحساسات ووتم تصليحه عده مرات
صيانتهم لاباس
سرعته زينه مايصيده الرادار
سعره 135000
بالتوفيق:victory:

الله يوفق الجميع
نفس الكلام اللي قالوا لي ان الدينمو فوجي ياباني :nice:
بعدين بنشوف الميد:victory:
اشكر مرورك يالطيب


مشكور اخوي صاحب الموضوع و خوي حسن الله يجزاك خير ...بس ممكن اسال كم المساحة اللي لازم نتركها في الخرايط ستاندروهل لها حل لوكانت اصغر او اكبر

و شي ثاني وشي احسن الشركات للي تركب

وجزاكم الله الف خير

العفـــــــو
نفس ماقال اخوي سهم عتيج 2*2 افضل شي
تحياتي


ممكن 1,8 x 1.8 متر مناسب

والافضل 2x2 عشان تقدر تزيد السعة عندك لين 8 اشخاص

طبعا الميتسو بيشي وال اوتس هم اللي لهم شعبية كبيرة في قطر بس اعتقد ان الفوجي ارخص منهم وقد تصل التكلفة الى النصف حسب كلام الخبراء اللي استشرتهم بهذا الخصوص

كلام سليم
وعداك العيب:nice:



إذا بتركب متسوبيشي 4 ركاب تحتاج 150سم في 135سم
المساحة الصافية من الداخل .


بعد اذن صاحب الوضوع في شركة اسمها شركة كوني للمصاعد اشرايكم فيها
عندي مصعد 1,60 في 1.60 عطوني سعر 125000 صناعة الصين

شركة زينه بس اللي عرفتة ان الصيني ابتعد عنه مثل ماقالوا اخواني الاعضاء
وفي عندهم صناعة ثانيه بس نسيت وشو ...
اشكرك


المتسوبيشي أضمن وارخص ( 120 الف ) . خصوصاً انه ياباني 100% وصيانة مجانية للسنه الأولى
ماأنصحك بالصيني


سبحان الله

عيب المتسوبيشي ان ديكور الحجم الصغير بو 5 اشخاص تعباااااااااااااان
والصراحة ان الديكور بعد مطلوب

بوخليفة83
19-04-2012, 12:57 PM
سالت عن المستوبيشي عند المعمورة للمصاعد عطاني سعر 135000 ويوصل بعد 5 الى 6 شهور

بلاميعاد
30-04-2012, 03:07 AM
ياجماعه حد يفيدني وين احصل في الدوحه مصاعد هيدروليك الي ماتحتاج لتكسيرولا حفر وتجي جاهزة تركب علا رخام البيت

A.L.I
30-04-2012, 06:05 AM
بتعينها في الوسيط اخوي

خالد32
30-04-2012, 09:26 PM
اعتقد لازم حفر. بس يمكن تغيرت التكنلوجيا
جرب المعمورة في نجمة

jassimqtr
30-04-2012, 10:00 PM
طلبك موجود اخوي بس لازم حفر فالبيت وتركيد عمدان خرسانيه وتقريبا تكلفة الاصنصير الهيدروليك سعره 90 الف وطالع

معماري قطري
30-04-2012, 10:31 PM
[B]إخوي فيه نوعية جديدة من المصاعد تعتمد على التفريغ الهوائي، وهي تستخدم طاقة كهرباء بسيطة، وفيه غيرها وغيرها بس تيارنا يركضون ورا دبي ولا ماركات معروفة ونظام غالي.

مره شفت في لبنان بعد مصعد كبير ولحمل البضائع وعلى بستن هيدروليكي، والعملية سهله بس الله يعينك تمر على الشركات وابدأ بمتسوبيشي بتحصلهم في عمارة مقابلة المطار قسم القادمين، عندهم نوعيات والمفروض يطلبون طلبيات وعندهم حق 4 أشخاص في حدود 120 الف نسيت والله صناعة وين، ونبي الصج بيت بدون لفت ما يسوى.

شوف الروابط ذي بتعطيك فكرة http://www.************/watch?v=y2_mbWPu_go

http://www.************/watch?v=7e2OPcWIBXQ&feature=related

[http://www.************/watch?v=8ydoyKV5e-4

http://www.************/watch?v=06goztjLo48&feature=related

الأخير عند أوتس في الدرويش وهو أمريكي بس وين يصنع الحين الله أعلم، وعجبني كثير الأول الفراغي بس يبين صغير حق شخص واحد، ونصيحتي إذا تبي تركب خذ اللي بستن من متسوبيشي حق 4 أشخاص وأسس له كامل لو بيتك مب جاهز، ولو جاهز أتوقع هم بيقولون لك شالمتطلبات، شوف شتحتاج وإحسب تكلفته عدل وتوكل على الله ... بيت بدون لفت مثل مره بدون شعر هالأيام/B]

wadha-qa
30-04-2012, 10:31 PM
انا شفت فيلا صوب بيتنا مركبين حديد برا البيت و الدريشه موسعينها و الظاهر بيخلونها باب

فيه بالوسيط شفت الاعلان من فتره الافضل تتصل وتسال

معماري قطري
30-04-2012, 10:37 PM
[b]إخوي فيه نوعية جديدة من المصاعد تعتمد على التفريغ الهوائي، وهي تستخدم طاقة كهرباء بسيطة، وفيه غيرها وغيرها بس تيارنا يركضون ورا دبي ولا ماركات معروفة ونظام غالي.

مره شفت في لبنان بعد مصعد كبير ولحمل البضائع وعلى بستن هيدروليكي، والعملية سهله بس الله يعينك تمر على الشركات وابدأ بمتسوبيشي بتحصلهم في عمارة مقابلة المطار قسم القادمين، عندهم نوعيات والمفروض يطلبون طلبيات وعندهم حق 4 أشخاص في حدود 120 الف نسيت والله صناعة وين، ونبي الصج بيت بدون لفت ما يسوى.

شوف الروابط ذي بتعطيك فكرة http://www.************/watch?v=y2_mbwpu_go

http://www.************/watch?v=7e2opcwibxq&feature=related

[http://www.************/watch?v=8ydoykv5e-4

http://www.************/watch?v=06goztjlo48&feature=related

الأخير عند أوتس في الدرويش وهو أمريكي بس وين يصنع الحين الله أعلم، وعجبني كثير الأول الفراغي بس يبين صغير حق شخص واحد، ونصيحتي إذا تبي تركب خذ اللي بستن من متسوبيشي حق 4 أشخاص وأسس له كامل لو بيتك مب جاهز، ولو جاهز أتوقع هم بيقولون لك شالمتطلبات، شوف شتحتاج وإحسب تكلفته عدل وتوكل على الله ... بيت بدون لفت مثل مره بدون شعر هالأيام/b]


الروابط أعلاه ما ادري ليش تطلع نجوم وهي روابط يوتيوب ... ما ادري الظاهر ممنوع هنيه وشكلي خبصت ، وإحتمال انطرد الله يستر

al-obaidly
12-05-2012, 09:17 PM
اريد شركه تقوم بتركيب لفت من جانب الفيلا ايش النصيحه او المساعده

رمح الشمال
12-05-2012, 11:54 PM
عادي يركب انا شفت ناس مركبينه اعتقد تركيبه سهل

الزلزال
12-05-2012, 11:58 PM
انت اختار الشركه وهم ينصحونك في المكان المناسب

السد
13-05-2012, 08:24 AM
شركة المتسوبيشي

al-obaidly
14-05-2012, 12:22 AM
ما تقصرون ونشوف من يساعد

محمد الجفيري
19-05-2012, 04:15 PM
up up up up up

بالتوفيق ان شالله
:)

كيت كات قطر
20-05-2012, 01:39 AM
شركة اشنايدر الالمانيه يتبعون شركة عسكر مقرهم على انوار التويوتا سابقا انصحك فيهم

راشد محمد
31-05-2012, 11:01 AM
up up up up up

بالتوفيق ان شالله

K.A
31-05-2012, 11:44 AM
شركة المتسوبيشي
غالي اللفت على الفاضي
ونفس الجوده والمواصفات في شركة فوجي واحسن

شوف المقارنه
شركة المتسوبيشي لفت 6 اشخاص قالي 150 ديكور عادي اعتقد كل شي يباني
فوجي 8 اشخاص 630kg مساحه 1.80×1.80 وديكور والسعر من 99 ألف الى 126 فرق كبير
والمهم مكينه يابانيه واللفت ماليزي وخلاص شهرين يكون عندك
وفيه مميزات السلامه

بس قبل كل شي خذ المساحات الاصليه يفضل 1.80 في 1.80 صافي

QAT2020
31-05-2012, 01:23 PM
عندي سؤال لوتكرمتوا كم المساحه المطلوبه لتركيب مصعد صغير ؟

ولكم جزيل الشكر ..

معماري قطري
31-05-2012, 01:54 PM
عندي سؤال لوتكرمتوا كم المساحه المطلوبه لتركيب مصعد صغير ؟

ولكم جزيل الشكر ..

إخوي المساحة تختلف من شركة لشركة

وحتى لو كانت شوي أزيد من المطلوب تتضبط بحديد خاص ودعامات لمسار المصعد، وعندك حدود مترين في مترين بتكون كافية على حسب علمي،، بس الأضمن لك والأحسن إنك تمر على الشركات الموردين وتشوف شروطهم وتحدد إجتماع مع استشاريك علشان تناقشون المتطلبات ويحطها كلها، وفي نفس الوقت توقع العقد مع شركة المصعد وتحاول تدفع دفعات ميسرة، وتبي الصج أغلب الشركات الموردة يفصلون العقد كله لصالحهم، ويخلون كل شيء عليك وعلى المقاول ويماطلون في التركيب ويجيبون عدة المصعد ويرمونها لك في الشارع، ويقولون حسب العقد انت مطلوب توفر فوركلفت وعمال وتخزن العدة عندك حتى يحين موعد التركيب، وإنت تكون دافع لحد 90% من قيمة المصعد، وهذي شركاتنا الفتية وحماية المستهلك، وهذا والله عن تجربة أمر بها حالياً، لا ويبون توفر لهم مكينة كهرب وسقالات وغير أُمور كثيرة، والشركة للعلم هي شركة ميتسوبيشي وهذي ثالث مرة أتعامل معاهم صج قبل غير بس الحين في إنحدار غريب.

ولد شرق
07-06-2012, 01:50 PM
خذ نصيحتي
مر على كوني
صج اغلى اشوي لكن خذ شغل

تراثكم
09-06-2012, 01:59 PM
حد جرب مثل هالمصاعد اللي تعمل على مكائن توربينيه وعادة تكون صغيره ولاتحتاج حفروخرسانات وتركيبها خلال يومين وميزته في اي مكان تقدر تركبه.

ابي اعرف اذا فيه عيوب او مخاطر وعن الصيانة والاسعار.

http://im28.gulfup.com/2012-06-09/1339239349551.jpg (http://www.gulfup.com/show/X1zzl8bi3zc4gg)


http://im28.gulfup.com/2012-06-09/1339239349982.jpg (http://www.gulfup.com/show/X7zycyj8cv0w840)


في شركه في الدوحه تركبه اسمها شركة السالم حد تعامل معاهم؟

وشكرا

معماري قطري
09-06-2012, 02:33 PM
والله زين وصلت انا شفت استخدامها في اليوتيوب

وهذي على ما اعتقد تعمل بضغط الهواء وبحيث تنشفط الكبينة لفوق شفط، وأكيد تحتاج كهربة منزلية عادية وما تحتاج تعقيد .. بس ما نعرف مساوئها للحين .. وبننتظر ردود الأعضاء الكرام.

تراثكم
10-06-2012, 10:54 AM
والله زين وصلت انا شفت استخدامها في اليوتيوب

وهذي على ما اعتقد تعمل بضغط الهواء وبحيث تنشفط الكبينة لفوق شفط، وأكيد تحتاج كهربة منزلية عادية وما تحتاج تعقيد .. بس ما نعرف مساوئها للحين .. وبننتظر ردود الأعضاء الكرام.

صحيح كلامك اخوي
اللي اعرفه ان قيمته 75000 ريال لفيلا دورين ومساحته 1 متر ويشيل حمولة 170 كيلو

المكينه تصنيع امريكا والبودي في دبي.

وننتظر ردود اللي جربوه

معماري قطري
10-06-2012, 11:55 AM
صحيح كلامك اخوي
اللي اعرفه ان قيمته 75000 ريال لفيلا دورين ومساحته 1 متر ويشيل حمولة 170 كيلو

المكينه تصنيع امريكا والبودي في دبي.

وننتظر ردود اللي جربوه



كثير غالي ما يسوى خصوصاً إنه مصنوع إقتصادي علشان يوفر مساحة وكهرباء وسهولة تركيب وبعدين بس لشخص واحد وممكن بالغصب شخصين،، وببحث في الإنترنت بتحصله نص هالسعر،، وإذا محتد كلش ركب الهايدروليك ببستن تحت وبحديد وقزاز خله مكشوف يمكن يطلع شوي أغلى بس بيشيل أربعة أشخاص.

تراثكم
11-06-2012, 09:33 AM
تعرف حد يركب مصعد هيدروليك؟

خالد32
12-06-2012, 07:52 PM
تعرف حد يركب مصعد هيدروليك؟

شركة المعمورة في نجمة

معماري قطري
13-06-2012, 02:39 PM
تعرف حد يركب مصعد هيدروليك؟


تقريباً كل الشركات وبعضهم ما يساعدون لأن يبون يبيعون اللي عندهم وبس .. بس توقع التأخير وشوف عندك متسوبيشي والمفتاح والدرويش والألماني شنايدر ما ادري من وكيله.. وحتى لو تسوي بوكس خرساني خارج البيت يعني ناحية الحوش وله مداخل من الداخل شوف حسب تخطيط بيتك يمكن يطلع لك أحسن مب شرط أرخص بس لفت لأربع أشخاص أو 300 كيلو أشوفه أحسن من ذيه .. اتوقع لشخصين حده.

GRNAS2002
30-07-2012, 12:19 PM
السلام عليكم

اخواني ياليت لو احد عنده خبره عن المصاعد من حيث:-

احسن شركه تم التعامل معها
اسعارها
اسعار خدمة الصيانه الدوريه لها

لكي تعم الفايده للجميع

تقبلو تحياتي

Chambray
30-07-2012, 01:16 PM
عليكم السلام

احسن وارخص ( كلمتين مايركبون مع بعض )
دايماً الاحسن هو الاغلى
والاسوء هو الارخص
( وجهة نظر )

خذ يا موتسبيشي يا اوتيس يا كوني

وفي شركات جيده نوعاً ما في عالم المصاعد .. لكن انا عن نفسي ماخذ موتسبيشي

ابـو مــحــــمـــــد
30-07-2012, 01:27 PM
فوجي من شركة المفتاح
عطوني سعر ممتاز وكثير من الاخوان يمدحون مصاعدهم وتعاملهم مابعد البيع

موسكو
02-08-2012, 07:59 PM
على فكرة مصاعد فوجي الي تجي بدون غرفة تبيرد في الصطح عيبها انه لو وقف المصعد مافي نظام طواري مثل متشبيشي او اوتس تعمل بطاريات احتياطية وتنزلك عند اقرب دور .
يعني الله يعينك او وقف عليك مصعد فوجي وبيتكم في الخور . انتظرهم وانت في المصعد لييييين يجونك

Chambray
03-08-2012, 02:38 AM
على فكرة مصاعد فوجي الي تجي بدون غرفة تبيرد في الصطح عيبها انه لو وقف المصعد مافي نظام طواري مثل متشبيشي او اوتس تعمل بطاريات احتياطية وتنزلك عند اقرب دور .
يعني الله يعينك او وقف عليك مصعد فوجي وبيتكم في الخور . انتظرهم وانت في المصعد لييييين يجونك

مب شئ تكون بصروال وفانيله في المصعد لا جوال ولا وسيله اتصال ومحد في البيت :rolleyes2:
شلحل في وجهة نظرك خخخخخخخخخخ:nice:

al saad
03-08-2012, 02:47 AM
عندي مصعد مستعمل مستوبشي اذا لك خاطر تشتري يخدم ٣ ادوار فقط

said454
03-08-2012, 02:52 AM
عندك مصاعد SEPAC ذات التكنولوجيا الألمانية

http://www.sepac-elevator.de

naif3
03-08-2012, 03:08 AM
افيدونا ع الأسعار الله يجزاكم خير

السيليه
03-08-2012, 04:26 AM
اوتس من الدرويش 6 اشخاص بسعر 160الف فيه اسباني وفيه صيني والله يوفقك

captin
03-08-2012, 05:30 AM
عليكم السلام

احسن وارخص ( كلمتين مايركبون مع بعض )
دايماً الاحسن هو الاغلى
والاسوء هو الارخص
( وجهة نظر )

خذ يا موتسبيشي يا اوتيس يا كوني

وفي شركات جيده نوعاً ما في عالم المصاعد .. لكن انا عن نفسي ماخذ موتسبيشي


للأسف معظم ربعنا يدخل يسأل يقول أبي احسن شي وأرخص وهاذي معادلة غلط

لايمكن أن يكون الأحسن هو الأرخص تبي الجودة أدفع وتبي الرخيص اللي كل يوم
تسوي له صيانة ويخترب روح للرخيص .

انا شخصيا اخترت نوع ماركة متيسوبيشي صغير للفلل كلفني
حوالي 120000 ريال من شركة المتحدة بس للحين ما خلص بنياني وماركبته
بس قريت عنه وعن مواصفاته وتوكلت على الله وشريته .

موسكو
03-08-2012, 02:47 PM
ميتسوبيشي 8 أشخاص 190 الف

أوتس 8 أشخاص 180 الف

فوجي 8 أشخاص 140 ألف

GRNAS2002
03-08-2012, 03:10 PM
الله لا يهينكم على الردود وجعلها في ميزان حسناتكم

بنسبه لكلمة (احسن وارخص) المقصود فيها بارك الله فيكم النوعيه الجيده يعني الوسط في الجوده والسعر أو

فيه اشياء رخيصه بس ذات جوده عاليه وتوها ما انشهرت وتبغي تكون لها اسم في البدايه وهي تأدي نفس

الغرض الي يأديه الغالي ويمكن احسن

وهذا الي ادوره بارك الله فيكم يعني مش الرخيص الي طايح حضه من حيث الجوده

وأن شاءالله تعم الفايده على الجميع

abdulla999
04-08-2012, 03:58 AM
اخوي في شركة جديده في النصر في المبنى الجديد مكان حلاق امواج سابقا ادخل شقه رقم 2 وشوف المصاعد ولسعر رخيص اخوي متعاقدمعاهم بيركبون له الاسبوع الجاي لانه عنده بعض التعديلات والشخص الي هناك محترم اسمه نعيم رروح شوف مش خسران ارخص من الاماكن الثانيه

Chambray
04-08-2012, 03:58 AM
الله لا يهينكم على الردود وجعلها في ميزان حسناتكم

بنسبه لكلمة (احسن وارخص) المقصود فيها بارك الله فيكم النوعيه الجيده يعني الوسط في الجوده والسعر أو

فيه اشياء رخيصه بس ذات جوده عاليه وتوها ما انشهرت وتبغي تكون لها اسم في البدايه وهي تأدي نفس

الغرض الي يأديه الغالي ويمكن احسن

وهذا الي ادوره بارك الله فيكم يعني مش الرخيص الي طايح حضه من حيث الجوده

وأن شاءالله تعم الفايده على الجميع

شركة كوني
شركة ممتازة واسعارها مقبوله وذات صيت في عالم المصاعد
https://encrypted-tbn1.google.com/images?q=tbn:ANd9GcQWf6mpwQdLSMB5e6-MC40KNUpR_pfn55RbUMWZy2w46pQn4nCvhQ

سهم عتيج
06-09-2012, 08:11 PM
السلام عليكم

حاليا اتفاوض مع شركة الهتمي لتوريد وتركيب مصعد في البيت الجديد

ولاحظت ان مصعد ميتسوبيشي هو الاغلى في السوق
ولكني بعد التشاور والاطلاع استقريت على هذا المصعد لكفاءته العالية وتوفر خدمة مابعد البيع

ولكن سؤالي هل هناك شركات اخرى تستطيع توريد هذا النوع من المصاعد وبأسعار اقل ؟

أم وضاحي
06-09-2012, 08:44 PM
انا طالبته حق بيتي
سويت سيرتش عن احسن الأنواع في المصاعد
الأغلبية قالت عن المتسوبيشي
وسعره فيه
أنا طالبته يتسع لثلاثة أشخاص
كونه حق البيت و استعمال اهل البيت مش حق فندق أو عماره
فكلفني تقريبا 140 ألف

غايه الطواش
06-09-2012, 09:43 PM
حق. ٣ أشخاص ١٤٠ الف غالي
الميتسوبيشي كأني شفته ب ٨٠ الف


اخوي سهم عتيج يوم الأحد برد عليك
اعتقد الدريويش والمفتاح يركبون
بس بعد بجيك الرد الأكيد الأحد

حسن
06-09-2012, 10:16 PM
انا مركبه عند المفتاح يسع حق ثمانيه صينين ييعني حد اثنين صينين واحد قطري

ممتاز وكان سعره 135000 الف اضن وارضيته رخام وجدرانه ستانلس استيل وبيبانه قزاز البدي صيني والماككينه ماركه

فوجي يابانيه

captin
06-09-2012, 10:36 PM
ميتسوبيشي

اوتيس

فوجي

الأشهر والأكثر جودة في العالم


أنا عن نفسي شريت ميسوبيشي بعد ما سألت أصدقاء منهم مهندسين
وفنيين من ذوي الخبرة والجميع اوصى على الميتسو بيشي
وشريت النوع المخصص للمنازل الصغير
من شركة المتحدة.

غايه الطواش
06-09-2012, 10:37 PM
بكم خذته؟

captin
06-09-2012, 10:53 PM
بكم خذته؟


إذا كنتي تقصدين اختي الميتسوبيشي من شركة المتحدة فهو بسعر 115 الف ريال
والمحرك يكون في الأسفل ويخدم البيسمنت والدورين الأول والثاني.

اللوز
07-09-2012, 08:48 AM
متسوبيشي
والاوتيس فقط

غايه الطواش
10-09-2012, 10:07 AM
السعر الي موجود عندي 93 الف

سهم عتيج
11-09-2012, 02:54 PM
مشكورين جميعا على الردود

واختي غاية ميتسوبيشي سعره 93

من وين خذتيه؟؟

غايه الطواش
11-09-2012, 03:02 PM
مشكورين جميعا على الردود

واختي غاية ميتسوبيشي سعره 93

من وين خذتيه؟؟
اخوي شوف الخاص ...وتجاهل السعر شوي :shy:

(عبدالله)
13-09-2012, 09:06 AM
أمس كنت عند ميتسوبيشي (مؤسسة الاتحاد الكهربائي الميكانيكي)

وعطاني مواصفات المصعد وقال لي لازم أغير في التصميم اللي عندي حتى

يركب عليه أصغر مصعد من صناعة ميتسوبيشي (6 أشخاص-450 كيلو- المساحة الداخلية (1 متر * 1.20) - أرضية سيراميك-نظام طوارئ آمنة)

وما عطاني سعر لكن سعر تقريبي يقول لي تقريباً ممكن يوصل 160 ألف ريال عقد كامل مع خدمة صيانة لمدة سنة

علماً إن الفيلا عندي 4 مستويات (بيسمنت+أرضي+أول+بينت هاوس)


فايش رايكم يا جماعة الخير؟

هل المتحدة وكيل ميتسوبيشي بعد تنصحوني أشوفه؟ ووين مكانه؟

غايه الطواش
13-09-2012, 09:11 AM
سهم عتيج حاولت ارسلت لك رساله صندوق الرسايل ممتلئ

ameeer3
13-09-2012, 07:16 PM
السلام عليكم ،،،،

بعد قراءة نصائح الاعضاء عن احسن مصعد للفيلا والي هو ميتسوبيشي فحبيت اركبه عندي في البيت والمقاول قالي لزم تعطيني المواصفات النتفق عليها مع شركة ميستوبيشي ، وان الى الان ما مريت شركة الميستوبيشي لاني مب عارف المواصفات الممتازة مثل نوع الاسنصير كهربائي او هيدروليك وعقد الصيانة اشلون يكون والديكور ومثل ها الامور ويا اليت الي ركب يزكينا بمواصفاته مع العلم ان الحجم الي بركبه يسع حق 6 اشخاص - ويا ليت الي عنده رقم حد من الشركة يعطيني اياه لان حتى مكان الشركة مب عارفه ---- واسمحولي على الاطالة

sweety
13-09-2012, 08:20 PM
مصاعد ميتسوبيشي
*ابراج*"الهتمي" الجديدة المقابلة لصالة القادمين
الجديدة لمطار الدوحة..مباشرة بعد مسجد ابو بكر الصديق..

(عبدالله)
13-09-2012, 11:17 PM
مصاعد ميتسوبيشي
*ابراج*"الهتمي" الجديدة المقابلة لصالة القادمين
الجديدة لمطار الدوحة..مباشرة بعد مسجد ابو بكر الصديق..

و تلفونهم هو نفسه المذكور


بالضبط

للتوضيح أكثر، خلي مسجد أبوبكر الصديق على يمينج بيكون ميتسوبيشي في المبنى الثاني اللي بعد جسر المشاة (الدور الرابع)

أنا كنت عند المهندس البارحة وخلت منه كل المعلومات اللازمة، الآن أنا تعبان جداً ووراي سفر بكرة الصبح إن شاء الله اذا لقيت وقت مناسب بكرة الليل بحط هني التفاصيل بشكل واضح وعملي بالصور

شموخ دائم
13-09-2012, 11:29 PM
,

,



مرحبا


اخوي الكريم


المقاول يبي اهم شي المساحه
180×180 مثلا هذا اكثر مقاس للبيوت
حتى يرتب له الاساسات
وكيف نظام الدفع من تحت او من السطح
حتى يعمل بيت الاصنصير

وباقي المواصفات هذي كماليات لك انت وذوقك
تبيه ذهبي او مرايات من داخل وكيف شكل الازره ... الخ

,

,

اخوك


شموخ دائم

ameeer3
14-09-2012, 01:01 PM
يعطيكم العافية - وننتظر باقي تجارب الاخوان والانواع الذي ركبوها وكم سعر المصعد لــ 6 أشخاص وهل حد عنده رقم شخص في الشركة نفسها يقدر يساعدنا في اللسعر؟؟؟؟؟؟؟؟؟

شموخ دائم
14-09-2012, 01:41 PM
,

,



مرحبا

6 اشخاص !!

للبيت او عماره !!
,

,



اخوك


شموخ دائم

رامي خوري
17-09-2012, 10:03 PM
اتصل على شركة المعمورة للمصاعد
المدير العام اسمه : طوني
اسعارهم ممتازة وشغلهم جيد جدا انشالله

مستثمر_
21-09-2012, 10:47 PM
ان شاء الله بكره بمرهم

تراثكم
24-09-2012, 12:38 PM
تقريباً كل الشركات وبعضهم ما يساعدون لأن يبون يبيعون اللي عندهم وبس .. بس توقع التأخير وشوف عندك متسوبيشي والمفتاح والدرويش والألماني شنايدر ما ادري من وكيله.. وحتى لو تسوي بوكس خرساني خارج البيت يعني ناحية الحوش وله مداخل من الداخل شوف حسب تخطيط بيتك يمكن يطلع لك أحسن مب شرط أرخص بس لفت لأربع أشخاص أو 300 كيلو أشوفه أحسن من ذيه .. اتوقع لشخصين حده.



جزاك الله خير

M O 7 A M M E D
26-09-2012, 10:37 AM
اللي تتكلمون عنه هو الصغير يجيك متر ومركبينه في المعرض عندهم وتقدرون تستخدمونه عالطبيعة ومكانهم جنب وكالة المرسيدس للسيارات المستعملة ..

انا طالب من عندهم الكبير pve 52 وهو 4 ابواب من امريكا لانه في دبي ما عندهم و كرسي المتحرك يدخل فيه ويتحمل 238 كيلو ومساحته 1.18 متر ويحتاج سنجل فيز وراح يوصل بعد 3 اشهر ..

اتفق معاكم سعره غالي لكن الزين فيه سهل التركيب ومايبيله صيانة مقارناً مع الانواع الثانية خصوصا اللي شطب بيته وما سوى حساب المصعد ..

اهم شي يكون عندك مكان له والامور الثانية بسيطه ..

خالد32
26-09-2012, 09:48 PM
اشوفه ما ينفع لانه لو كان عملي كان الكل استعمله خصوصاً انه مب شي جديد. بس الي فيه طريقته و شكله اما باقي الاشياء الي في الاصنصيرات العاديه مثل السعه و القوه ا تلاقيها فيه

غلا ابوها
19-11-2012, 12:58 AM
عندي استفسار بخصوص المصاعد لان ناويه اخذ واحد وطبعا من ميتسيوبيشي رحت اليوم بس الاسعار نار اذ حق 2اشخاص 130 الف واذا 6لشخاص 160الف بس حق 4 عادي جدا وديكوراته مش نفس بو 150 شرايكم اخذ منه ولا في شركة احسن

القلم الصريح
19-11-2012, 03:26 AM
المتسبيشي رقم واحد في العالم بس مثل ماقلتي غالي

شوفي شركة المعموره للمصاعد انا عطوني كوتيشن لمصعدين ب190 الف يعني يطلع الواحد ب 80 الف وايطالي

bu_khalaf
19-11-2012, 08:47 AM
المعموره للمصاعد بعد عندهم متسوبيشي شوفي اسعارهم

(عبدالله)
19-11-2012, 09:07 AM
انا هذا اللي وصلت له لحد الآن للستاندر ستاينلس ستيل
لعدد 3 طوابق (بيسمنت+أرضي+أول) مع سيفتي ..إلخ


:: ميتسوبيشي::
لعدد 6 أشخاص ب 183 ألف ريال

:: المفتاح::
فوجي: لعدد 5 أشخاص ب116 ألف ريال

:: مصاعد كون ::
لعدد 5 أشخاص ب140 ألف ريال

:: المعمورة ::
لعدد 5 أشخاص عطاني سعر تقريبي مب كوتيشن
(1) ميتسوبيشي شنغهاي ب140 ألف ريال
(2) ماركة إيطالية ب120 ألف ريال

:: أطلس للمصاعد::
لعدد 5 أشخاص عطاني سعر تقريبي مب كوتيشن
(1) أطلس (صناعة أيطالية) ب80 ألف ريال
(2) سانيو: مازلت بانتظار السعر.


والله المستعان

معماري قطري
19-11-2012, 11:07 AM
نصيحتي متسوبيشي فسقوا في السوق والبعد عنهم أفضل

معاملتهم تعبانه لي تجربتين معاهم وحده قبل 1998 وكانت شركة جيدة وسرعة تركيب وخدمه زينه والثانية هالأيام ومعاناة معاهم شهور يجون يشتغلون يوم في الشهر يمكن ويروحون وما يرجعون الا باتصالات وخلاص خذوا 90% من قيمة اللفت .. متوقع المفتاح ينافسون بقوة وسعرهم فوق الزين بس ما لي تجربة معاهم للحين .. ولتنسون حطوا غرامة تأخير.

ولد شرق
19-11-2012, 11:09 AM
انا هذا اللي وصلت له لحد الآن للستاندر ستاينلس ستيل
لعدد 3 طوابق (بيسمنت+أرضي+أول) مع سيفتي ..إلخ


:: ميتسوبيشي::
لعدد 6 أشخاص ب 183 ألف ريال

:: المفتاح::
فوجي: لعدد 5 أشخاص ب116 ألف ريال

:: مصاعد كون ::
لعدد 5 أشخاص ب140 ألف ريال

:: المعمورة ::
لعدد 5 أشخاص عطاني سعر تقريبي مب كوتيشن
(1) ميتسوبيشي شنغهاي ب140 ألف ريال
(2) ماركة إيطالية ب120 ألف ريال

:: أطلس للمصاعد::
لعدد 5 أشخاص عطاني سعر تقريبي مب كوتيشن
(1) أطلس (صناعة أيطالية) ب80 ألف ريال
(2) سانيو: مازلت بانتظار السعر.


والله المستعان

مشكور اخوي على المعلومات
بس يجب الحذر لأني مريت وكيل المستبيشي وقال ماعنده ياباني عنده صيني لكن طبعا تحت اشراف الشركة الام
انا ركبت كوني وعندهم اشكال وايد حلوه وبلد المنشأ فنلندا لكن تجميع صيني
ترا في النهاية كل شي صيني خلاص اهم شي اشراف الشركة الام والضمان

كود نمبر
19-11-2012, 11:31 AM
أنا خذيت عرض سعر من المفتاح فوجي
5 أشخاص بسعر ١١٥ الف من الداخل ستانلس والديكور يفرق بعشرة الاف

اخوي ولد شرق وين موقع شركة كوني

Reemee
19-11-2012, 01:32 PM
أنا خذت هو نداي حلو ومقبول شكله ..

Reemee
19-11-2012, 01:33 PM
بس نصيحه خل تركيبه اخر شي يخترب مع الغبار ..

غلا ابوها
19-11-2012, 07:36 PM
المتسبيشي رقم واحد في العالم بس مثل ماقلتي غالي

شوفي شركة المعموره للمصاعد انا عطوني كوتيشن لمصعدين ب190 الف يعني يطلع الواحد ب 80 الف وايطالي

يعطيك العافيه وين شركة المعمورة ممكن رقمهم وبعدين المصعد من اي بلد المنشأ ومشكور

ولد شرق
20-11-2012, 10:48 AM
أنا خذيت عرض سعر من المفتاح فوجي
5 أشخاص بسعر ١١٥ الف من الداخل ستانلس والديكور يفرق بعشرة الاف

اخوي ولد شرق وين موقع شركة كوني

هلا اخوي كود نمبر
موقع كوني في الدائري الرابع بعد جريدة الشرق مباشرة بتحصل مبنى وعليه لافتة بكل الشركات اللي في المبنى ومن ضمنهم كوني
تعاملهم راقي جدا

حسن
20-11-2012, 05:56 PM
انا ركبت عند المفتاح فوجي ممتاز وصيانتهم زينه وماعليه كلام سعره كان 135000 حق 6- 8 اشخاص وارضيته رخام وستانليس ستيل

al saad
20-11-2012, 07:26 PM
عندي مصعد مستعمل

http://www.qatarshares.com/vb/showthread.php?t=515459

الغالي1
20-11-2012, 07:27 PM
عندنا في قطر الاسعار خيالية مقارنة بدول الخليج الاخرى وهي هناك موديلات احدث وارقى وارخص بس صدق راعي المثل (( وش حدك على المر قال الامر منه ))

حسن الاحمد
21-11-2012, 05:26 PM
صندوق الرسايل مليان عندك
امسحي حتى اقدر ابعثلك الارقام

كنونة
26-11-2012, 08:27 AM
بعد ذن صاحب الموضوع بقيت دزلي الارقام

لجين قطر
27-11-2012, 11:55 AM
بعد اذن صاحب الموضوع انا بعد ابي الارقام اذا ممكن ترسلها لي

الخزرجي قطر
27-11-2012, 09:05 PM
في مصاعد اسبانيه الماطور والكابينه وديكورات حديثه وراقيه مع الاكسسوارات وسقف الاناره
اسعارهم فوق الممتازه وعندهم عدة احجام واشكال موقعهم سوق بروه طريق الوكره .

مضارب
20-01-2013, 05:43 PM
السلام عليكم

بغيت شركه جيده للمصاعد في الدوحه ، واللي عنده خلفيه عن احسن شركات لتركيب واسعار المصاعد يفيده ، لان افكر اركب مصعد في البيت .


وجزاكم الله خير

شموخ دائم
21-01-2013, 11:01 AM
,

,


مرحبا


اخوي الكريم

اذا تبي الاحسن فهم

متسوبيشي و اوتيس

وهذا الي ننصح فيهم دائما واسعارهم من 120 الف وطالع
حسب الوزن كم شخص والديكور الداخلي

واذا تبي الارخص

فيه اكثر من شركه منهم كوني على سبيل المثال




ملاحظه
اخوي الكريم توقيعك حجمه كبير ومخرب الصفحه
ياريت لو تصغر الصوره او تستبدلها

,

,


اخوك


شموخ دائم

A.R.Man
31-01-2013, 07:10 AM
حاسبوا معظم هالشركات اللي بدون ماركة عالمية اتجي تجميع من الصين او الكويت او لبنان .
اللي يبي يتاكد , يسأل عن بوليصة الشحن واي ميناء جايه منه المصاعد لأن بعض الشركات اتبيع وتهرب وتعالوا دوروهم عقب .

المشكلة ان بعض الشركات اتحط اسماء شركات عالمية واتضيف اسم تجاري فيوحي لك بأنه ماركة ويطلع تجميع .....

السلامة أولا ثم السعر

sweety
31-01-2013, 08:09 PM
للمهتمين بالمصاعد تفضلو
مصاعد ميتسوبيشي

شركة ميتسوبيشي انتقلت من برج "الجابر"
الى

مصاعد ميتسوبيشي
ابراج "الهتمي" الجديدة المقابلة لصالة القادمين
الجديدة لمطار الدوحة..مباشرة بعد مسجد ابو بكر الصديق..

و تلفونهم هو نفسه المذكور
44328309 المهندس غوبي

"مؤسسة الاتحاد الكهربائي والميكانيكي"
ETA
وكيل مصاعد أوتيس

Otis , وكيلهم الدرويش للمصاعد ومكانهم خلف مدرسة الاستقلال
44568216
44567385
44567382
44567386
مصاعد بضغط الهواء
مجموعة السالم
44358771
44358772
66936682
33132026

sweety
01-02-2013, 01:21 AM
من كم يوم رحت مع زوجي عشان نوقع العقد مع شركة ميتسوبيشي وللامانه اسعارهم غالية وكثير من بنود العقد في صالحهم
مثل توفير الرافعة والسقالات وحواجز السيفتي ومولد الكهرباء على نفقة المالك.
ولكن في النهايه لغينا جميع هذه الشروط مقابل توقيع العقد وتم ذلك بحمد الله.
فتصيحتي للي حاب يتعامل معاهم ينتبه لهذي البنود.

Chambray
01-02-2013, 03:15 PM
من كم يوم رحت مع زوجي عشان نوقع العقد مع شركة ميتسوبيشي وللامانه اسعارهم غالية وكثير من بنود العقد في صالحهم
مثل توفير الرافعة والسقالات وحواجز السيفتي ومولد الكهرباء على نفقة المالك.
ولكن في النهايه لغينا جميع هذه الشروط مقابل توقيع العقد وتم ذلك بحمد الله.
فتصيحتي للي حاب يتعامل معاهم ينتبه لهذي البنود.

صحيح
انا واحد وقعت في فخ هالبنود وتوهقت حدي

سهم عتيج
02-02-2013, 09:03 AM
من كم يوم رحت مع زوجي عشان نوقع العقد مع شركة ميتسوبيشي وللامانه اسعارهم غالية وكثير من بنود العقد في صالحهم
مثل توفير الرافعة والسقالات وحواجز السيفتي ومولد الكهرباء على نفقة المالك.
ولكن في النهايه لغينا جميع هذه الشروط مقابل توقيع العقد وتم ذلك بحمد الله.
فتصيحتي للي حاب يتعامل معاهم ينتبه لهذي البنود.

جزاك الله خير على هذا التنبيه الهام خاصة انني على وشك التوقيع معهم باذن الله وراح اضع هذه النقاط في الاعتبار

كم شخص سعة الاصنصير اللي اتفقتوا عليه وكم سعره ؟

sweety
02-02-2013, 12:02 PM
جزاك الله خير على هذا التنبيه الهام خاصة انني على وشك التوقيع معهم باذن الله وراح اضع هذه النقاط في الاعتبار

كم شخص سعة الاصنصير اللي اتفقتوا عليه وكم سعره ؟

ثمان اشخاص ب260000ريال لاني مختارة ديكورات ذهبيه والكبينة بالكامل ماعدا الارضية والسقف
وقالو لي اذا تبين كبينه ستاندرد بيعطوني ب160000

معماري قطري
02-02-2013, 12:16 PM
ثمان اشخاص ب260000ريال لاني مختارة ديكورات ذهبيه والكبينة بالكامل ماعدا الارضية والسقف
وقالو لي اذا تبين كبينه ستاندرد بيعطوني ب160000


ما قصروا دفعوكم قيمة كل شيء مضاعفة

sweety
02-02-2013, 12:33 PM
ما قصروا دفعوكم قيمة كل شيء مضاعفة

والله الصراحة انا اهم شي عندي الجودة
وثاني شي بيتي يحتوي على بيسمنت وبنتهاوس يعني 4 ادوار
ولا انا مريت قبلها على شركات رخيصة ومب معروفة بس ماقدرت اضحي بالجودة مقابل السعر الرخيص

PGR
03-02-2013, 12:24 PM
260 الف وايد ابصراحه ,, وبعدين انا استغرب انه مصعد ينحط في بيت ل 8 اشخاص او 6 يعني المفروض المصعد هاي بيكون يستخدم من قبل كبار السن او اذا شخص يبي يروح من الطابق الاخير لين الطابق الاول لكن انه الواحد يسوي حسابه انه 6 اشخاص بيركبون مره وحده فاشوفها مبالغه وعدم تقييم الامر بالطريقة الصحيحه ,,, بالتوفيق للجميع

سهم عتيج
03-02-2013, 02:10 PM
ثمان اشخاص ب260000ريال لاني مختارة ديكورات ذهبيه والكبينة بالكامل ماعدا الارضية والسقف
وقالو لي اذا تبين كبينه ستاندرد بيعطوني ب160000

جزاك الله خير

عطاني الاستاندر حق 8 اشخاص ب 165 الف ل ثلاث ادوار

اشوف انه عطاكم افضل مني حق الاستاندر ب 160 الف + 4 ادوار

الله يبارك لكم في منزلكم وتتهنون فيه ان شالله

معماري قطري
03-02-2013, 03:13 PM
والله الصراحة انا اهم شي عندي الجودة
وثاني شي بيتي يحتوي على بيسمنت وبنتهاوس يعني 4 ادوار
ولا انا مريت قبلها على شركات رخيصة ومب معروفة بس ماقدرت اضحي بالجودة مقابل السعر الرخيص

الله يوفقكم إن شاء الله ومنزل مبارك مقدماً

وصج متسوبيشي جودة لا يعلى عليها .. عندنا في عماره له الحين 14 سنه شغال زين بس ماخذين معاهم عقد صيانه وضمان في نفس الوقت ب 8000 ريال سنوي، لكن صراحة تعبونا مع التركيب هالأيام في بناية جديدة وكرهت التعامل معاهم خلاص.

صدقتي في رايج بخصوص عدم التضحية بالجودة .. انا لي صديق بالغ وايد ركب بانوراما اللي مثل اللي في الستي سنتر ب 500 ألف بس طلع روعه على بيتهم .. عاد نطالب بصور للفت علشان يكتمل الموضوع .. زين؟

sweety
03-02-2013, 10:25 PM
الله يوفقكم إن شاء الله ومنزل مبارك مقدماً

وصج متسوبيشي جودة لا يعلى عليها .. عندنا في عماره له الحين 14 سنه شغال زين بس ماخذين معاهم عقد صيانه وضمان في نفس الوقت ب 8000 ريال سنوي، لكن صراحة تعبونا مع التركيب هالأيام في بناية جديدة وكرهت التعامل معاهم خلاص.

صدقتي في رايج بخصوص عدم التضحية بالجودة .. انا لي صديق بالغ وايد ركب بانوراما اللي مثل اللي في الستي سنتر ب 500 ألف بس طلع روعه على بيتهم .. عاد نطالب بصور للفت علشان يكتمل الموضوع .. زين؟
ان شاء الله

ameeer3
05-02-2013, 08:35 AM
انصحج وبقوة عند شركة كوني - مع العلم أختي ان مصاعد كوني مركبه في برج الشعه - وحتى فندق زمزم في مكه من مصاعد كوني - وهذا دليل على قوة تحمل هذه النوعية من المصاعد لكثرة استخدام المصاعد في الأماكن الي وضحتها لج والله يوفقج

K.A
05-02-2013, 01:37 PM
انا خذت فوجي مكينه يابانيه وكابن ماليزي 86 بدون ديكور مع ديكور 96
بس انا خذت العادي وقلت ب10 بسوي ديكور مثل البيت بضبط

والحين صار السعر 116 تقريباً

6 اشخاص 630 كيلو
الصافي داخل 1.40 × 1.10

الزلزال
05-02-2013, 01:41 PM
بالتوفيق ان شاء الله

سهم عتيج
06-02-2013, 05:35 PM
ايش رايكم في مصاعد سانيو
حصلت عرض منهم

اللي عنده خبرة فيهم او مجربهم ياريت ينصحنا

معماري قطري
06-02-2013, 08:30 PM
انا خذت فوجي مكينه يابانيه وكابن ماليزي 86 بدون ديكور مع ديكور 96
بس انا خذت العادي وقلت ب10 بسوي ديكور مثل البيت بضبط

والحين صار السعر 116 تقريباً

6 اشخاص 630 كيلو
الصافي داخل 1.40 × 1.10

فوجي من موزعهم في قطر؟ السعر وايد زين وخصوصاً إنه ماركة يابانية.

حمد 2002
06-02-2013, 09:04 PM
السلام عليكم ورحمه الله وبركاته

عندي سؤال

هل ايصير لو الواحد الحين ساكن بيته وبيته جاهز خلاصص ايركب مصعد كهربائي ؟ لاني سمعت ان بعض المصاعد الكهربائيه مب شرط اتأسس لها مكان ؟

تحياتي لكم

حسن
06-02-2013, 09:11 PM
في مصاعد تركب من برع وفي مصاعد داخل بس اعتقد بعد يبيله شغل
اعتقد شوفلك محل المصاعد وشوف مهندسهم هو تقريبا بيقولك
بالتوفيق

حسن
06-02-2013, 09:14 PM
فوجي من موزعهم في قطر؟ السعر وايد زين وخصوصاً إنه ماركة يابانية.

مساء الخير يامعماري
انا مركب فوجي ووكيلهم شركه المفتاح شارع سلوى عند مفروشات بوكنان
سارله سنه واكثر الحمدلله مافي مشاكل
وسعته تقريبا 8 اشخاص وسعره 135000 وثلاث محطات

حمد 2002
06-02-2013, 09:14 PM
مشكور اخووي حسن وماقصرت

معماري قطري
06-02-2013, 09:31 PM
أمر على مكان مركبين الدائري اللي يشيل شخص .. بس لاحظت انه ما يشتغل ما ادري مبرمج حق ناس معينين .. هو قزاز ويركب بدون أي تأسيس وكهربته عادية .. بس إحساسي يقول ما يسوى وأكيد مشاكله وايد.

فيه نوعية بستن هيدروليك يمكن يحتاج شغل شوي .. وفيه اللي يتركب خارجي بس يبي لك تشوف منفذ له على البيت .. وبعد تبقى الطريقة الصعبة إنك تكسر وتسوي لفت ببيت لفت حديد أو خرسانه.

العرّاف
06-02-2013, 09:43 PM
مساء الخير يامعماري
انا مركب فوجي ووكيلهم شركه المفتاح شارع سلوى عند مفروشات بوكنان
سارله سنه واكثر الحمدلله مافي مشاكل
وسعته تقريبا 8 اشخاص وسعره 135000 وثلاث محطات

اخوي حسن كم صافي المساحة داخل اللفت

معماري قطري
06-02-2013, 09:46 PM
مساء الخير يامعماري
انا مركب فوجي ووكيلهم شركه المفتاح شارع سلوى عند مفروشات بوكنان
سارله سنه واكثر الحمدلله مافي مشاكل
وسعته تقريبا 8 اشخاص وسعره 135000 وثلاث محطات

الله يديم مساك بالخير والسرور إخوي حسن

ما شاء الله المفتاح ناس فاهمين ويعرفون شيسوون وصراحة من تعاملي معاهم أحس إنهم ما يبالغون في أسعارهم .. إحنا تعاملنا مع شركة متسوبيشي وهي تحت كفالة الهتمي بس ما شفت الا هنود فيها .. وشركة ما تستاهل وقلتها في وجههم ووراهم .. خذنا لست أشخاص ب 175000 ولأربع محطات بس وايد ضيق إن كفى لأربعه زين.

باحاول آمر عليهم إن شاء الله.

حمد 2002
06-02-2013, 09:56 PM
أمر على مكان مركبين الدائري اللي يشيل شخص .. بس لاحظت انه ما يشتغل ما ادري مبرمج حق ناس معينين .. هو قزاز ويركب بدون أي تأسيس وكهربته عادية .. بس إحساسي يقول ما يسوى وأكيد مشاكله وايد.

فيه نوعية بستن هيدروليك يمكن يحتاج شغل شوي .. وفيه اللي يتركب خارجي بس يبي لك تشوف منفذ له على البيت .. وبعد تبقى الطريقة الصعبة إنك تكسر وتسوي لفت ببيت لفت حديد أو خرسانه.

شرح وافي اخووي معماري وماقصرت

تحياتي لك ،،، وشكلي بكنسل الفكره لانه نفس ماتفضلت شكله يحتاج خرسانه ولف ودوران ووجع راس

حسن
06-02-2013, 10:11 PM
الله يديم مساك بالخير والسرور إخوي حسن

ما شاء الله المفتاح ناس فاهمين ويعرفون شيسوون وصراحة من تعاملي معاهم أحس إنهم ما يبالغون في أسعارهم .. إحنا تعاملنا مع شركة متسوبيشي وهي تحت كفالة الهتمي بس ما شفت الا هنود فيها .. وشركة ما تستاهل وقلتها في وجههم ووراهم .. خذنا لست أشخاص ب 175000 ولأربع محطات بس وايد ضيق إن كفى لأربعه زين.

باحاول آمر عليهم إن شاء الله.

شوف يامعماري ولد عمي ركب عند المتسوبيشي كان صغير وغالي
وتهاوش ويا الشركه في التركيب كانو متاخرين عليه في التركيب وكله يوعدونه ولا يجون
اخر شي شب البيسمنت عنده فكه وعطاه اخوي قال خلاص ماعاد ابي لفت
اما بالنسبه لي لا والله كانو فوق الممتازين ومن فتره موقع معهم صيانه سنويه ب 4000 ريال
عندك مديرهم على حماد بيضبطلك كل شي

معماري قطري
06-02-2013, 10:35 PM
شرح وافي اخووي معماري وماقصرت

تحياتي لك ،،، وشكلي بكنسل الفكره لانه نفس ماتفضلت شكله يحتاج خرسانه ولف ودوران ووجع راس

شوف إخوي فيه بيت يتشطب ألحين صار له يمكن 10 سنوات جاهز، وهو مقابل فيلاجيو مباشرةً ومركب مصعد للمجلس مسويه دورين مكتب فوق ومجلس تحت، ومركب مصعد بعد للبيت عبارة عن حديد .. آي بيم .. وحوله قزاز.

هذا البيت كان معروض في 2003 بمليونين ومئتين ألف وكان عظم .. ومن فترة وقبل الأزمة المالية وصل سعره 30 مليون ومتحسف قد شعر راسي إني ما خذته .. المهم طريقة المصعد وايد حلوه فيه من الحوش للبيت وخارجي وقزاز مخفي.

معماري قطري
06-02-2013, 11:13 PM
شوف يامعماري ولد عمي ركب عند المتسوبيشي كان صغير وغالي
وتهاوش ويا الشركه في التركيب كانو متاخرين عليه في التركيب وكله يوعدونه ولا يجون
اخر شي شب البيسمنت عنده فكه وعطاه اخوي قال خلاص ماعاد ابي لفت
اما بالنسبه لي لا والله كانو فوق الممتازين ومن فتره موقع معهم صيانه سنويه ب 4000 ريال
عندك مديرهم على حماد بيضبطلك كل شي

الله يعين ويوفق إخوك إن شاء الله

إحنا خذنا من عند متسوبيشي بعد سنة 98 وصيانة كل سنة من ذاك الوقت 8000 سنوياً .. بس صيانة وضمان واستبدال قطع غيار والحمد لله للحين زين وكانت معاملتهم وخدمتهم مسكته بس ألحين شبعوا مشاريع وفلوس.. مستحيل مره ثانية أرجع لهم ما لي الا المفتاح من اللي سمعته.

بو راشد 1
07-02-2013, 11:54 AM
انا خليت المقاول يتعاقد مع شركة ThyssenKrupp وكيلهم المسند وهم اللي مركبين اصانصيرات مطار الدوحه الجديد

صمت 1
09-02-2013, 10:56 PM
شركة أطلس للمصاعد

الجواري
10-02-2013, 06:22 PM
اخوي عتقد تقدر تسوي بس مر على شركة المفتاح الي على طريق سلوى الي يبيعون الخزانات المياه في الدور الثاني:nice:

K.A
12-02-2013, 04:23 PM
فوجي من موزعهم في قطر؟ السعر وايد زين وخصوصاً إنه ماركة يابانية.

مب عارف اسم الشركه بس عندي رقم المدير لو حاب برسله لك