بعد الضرب بالخمس !!!!!!!!!!!

[حمد 2002]

السلام عليكم ورحمه الله وبركاته

عنوان الموضوع يحمل المسمى التالي

(( بعد الضرب بالخمس !!!!!!!!!!! ))



http://up.arabseyes.com/uploads2013/22_06_13137192219116091.jpg (http://up.arabseyes.com/)

في الباديه حبيت اعتذر اولا عن انقطاعي عن الكتابه في الفتره السابقه لمده 4 ايام تقريبا بسبب بعض الضروف الخاصه ،،

اما بالنسبة لهذا الموضوع وهو ان الناس بعد ماكانو يضربون بالخمس باليد اليمين اثناء الاكل صاروا يستعملون اليدين بالاكل والشرب وهالشيء منهي عنه بالاسلام وبالدين ،، :):)

وصار هالشيء اعتيادي عندهم !!!!! :):)

يعني اتحصله يستعمل يدينه الثنتين بالاكل وبالشرب وهالشيء اكبر غلط ومب من اداب الطعام المتعارف عليها بمجتمعاتنا ،،

وللأسف البعض اذا جاف الاكل ينسى نفسه وينسى اداب الطعام وكل شيء :secret: ،،،،

لذا سأترك المجال لكم للتعليق وللحديث حول هذا الموضوع بهدف اثراءه ،،،

الموضوع مفتوح للنقاش العام على مصراعيه وفقا لسياسه المنتدى وبدون الخروج عن الإطار العام للموضوع ،،،

تحياتي للجميييع ،،،

[مستر راشد]

اشتقنا لك

[حمد 2002]

اشتقنا لك

تسلم :nice:

[العلم]

حي الله بو شهاب .. الحمد لله عالسلامة .. :victory:

[حمد 2002]

حي الله بو شهاب .. الحمد لله عالسلامة .. :victory:

الله يحييييييييييييييك ويبقيك :shy:،،، الله يسلمك يالعلم :victory::victory:

[$الملياردير$]

حمد الله على السلامة أخوي حمد ......اللي نعزمهم و يعزمونا أبد للحين ذر بين أبشرك هههههههههه دمت بود

[حمد 2002]

حمد الله على السلامة أخوي حمد ......اللي نعزمهم و يعزمونا أبد للحين ذر بين أبشرك هههههههههه دمت بود

ههههههههههه :secret: ،، الله يسلمك يالذيب :nice: ،،،

منوور الموضوع :victory:

[النهار]

يقول المثل خش اليسرى علشان ماتدري ايش تسوى اليمنى
حمد اذا .. اللحم مش مستوي عدل تتطر تطلب المساعده بصديق :nice:

الحمدلله على سلامة العوده

[أبوفهد666]

مرحبتين ياحمد .. من طول الغيبات جاب الغنايم .. لك وحشة ياخوي :nice:


تعليقي على الموضوع ..
http://im33.gulfup.com/81Nmw.png (http://www.gulfup.com/?5ahGQj)

[مابدل العادات]

للأسف فعلا ناس كثار قامو يستعملون يدهم اليسار في الشرب

[MAZEN37]

صحيح مره كنت قاعد على صحن وحولي ناس تاكل باليسار
شوي قاموا الباقيين فستغربت سئلت قالوا عيب يقعدون على صحن فيه ناس تاكل باليسار
الكلام هذا زمان لكن الحين لو ياكلون بخشومهم محد يقوم هههه
سبحان مغير الاحوال

[بوخالد911]

بعض الرجال ( صغار ) بتصرفاتهم عند الأكل

ولا كأنهم شايفين خيرررررررررررررر

تشووف يده ترووح يمين ويسار
والرسول الأكرم وصانا (( كل مما يليك ))

[.. الكاش ..]

الله المستعان

[مشاكل]

والله لك وحشه ياحمد

انا لاحظت هذي العادة عند الشباب لصغار والجيل الجديد بشكل خاص

لاتباعد ياحمد وخلك قريب

ننتظر جديدك

[مضارب دوسري]

السلام عليكم ورحمه الله وبركاته

عنوان الموضوع يحمل المسمى التالي

(( بعد الضرب بالخمس !!!!!!!!!!! ))



http://up.arabseyes.com/uploads2013/22_06_13137192219116091.jpg (http://up.arabseyes.com/)

في الباديه حبيت اعتذر اولا عن انقطاعي عن الكتابه في الفتره السابقه لمده 4 ايام تقريبا بسبب بعض الضروف الخاصه ،،

اما بالنسبة لهذا الموضوع وهو ان الناس بعد ماكانو يضربون بالخمس باليد اليمين اثناء الاكل صاروا يستعملون اليدين بالاكل والشرب وهالشيء منهي عنه بالاسلام وبالدين ،، :):)

وصار هالشيء اعتيادي عندهم !!!!! :):)

يعني اتحصله يستعمل يدينه الثنتين بالاكل وبالشرب وهالشيء اكبر غلط ومب من اداب الطعام المتعارف عليها بمجتمعاتنا ،،

وللأسف البعض اذا جاف الاكل ينسى نفسه وينسى اداب الطعام وكل شيء :secret: ،،،،

لذا سأترك المجال لكم للتعليق وللحديث حول هذا الموضوع بهدف اثراءه ،،،

الموضوع مفتوح للنقاش العام على مصراعيه وفقا لسياسه المنتدى وبدون الخروج عن الإطار العام للموضوع ،،،

تحياتي للجميييع ،،،

الباديه=البدايه :telephone:

[مضارب دوسري]

للاسف كثير من الشباب قاموا يستعملون اليدين في الاكل ومنهم اللي للاسف ياكل بيده اليسرى
ولما تحاول توصله المعلومه يقوول لااا اذا اكل بيدي لازم باليمين
واذا اكل باستعمال شوكه وسكين مب شرط باليمين
مع ان اللي اعرفه المفروض السكين باليسرى والشوكه باليمين

عالعموم الله المستعان

[أبوفهد666]

قال رسول الله صلى الله عليه وسلم :

{ ‏يا غلام سم الله وكل بيمينك وكل مما يليك }..

[ابومبارك]

يعطيك العافيه على طرحك

بس لو سمحت هات لنا شي من القران او حديث شريف يقول ان الدين نهى عن الاكل باليدين الثنتين
تحياتي لك

[مضارب دوسري]

يعطيك العافيه على طرحك

بس لو سمحت هات لنا شي من القران او حديث شريف يقول ان الدين نهى عن الاكل باليدين الثنتين
تحياتي لك

شوف الرد اللي فوقك :nice:

[عضوو]

في حياتي ماشفت في قطر حد ياكل باليسار ممكن بعض الأطفال فقط جهلا منهم
*

*

[حسن]

والله ياحمد ماخبر مر على حد ياكل بيده الثنتين الى اذا كان هذا مفجوع

ولا يقلدون القبقب لانه ياكل بالعضعضين


غبت كم يوم وهذا موضوعك !مايسير لا حالتك صعبه يبيلك اندزلك موضوع
يزل زل المنتدي اللمت دوان عندك يابوشهاب
خلني اشوفلك موضوع انفجاري انشاطري شديد الدمار بس وسعلي باب صندوقك الخاص



:victory:

[ام ناصر1]

اعتقد القصد من قوله ياكل بيده الثنتين ...ياكل بالطريقة الغربية بالشوكة أو الملعقة مع السكين... فياكل باليسار لأنه الشوكة عندهم تمسك باليسار

[R 7 A L]

شدعوة ياكلون بالثنتين ( مصريين )

[يوسف0]

القباقب والسمج والهبرجر احتاج مساعدة اليسار

[قطريه22]

مرحبتين ياحمد .. من طول الغيبات جاب الغنايم .. لك وحشة ياخوي :nice:


تعليقي على الموضوع ..
http://im33.gulfup.com/81Nmw.png (http://www.gulfup.com/?5ahGQj)



:eek2::eek2::eek2::eek2:

:swoon::swoon::swoon:

:swoon::swoon:

[جراسا]

انا ما أكل الا بالمعلقة و الشوكة و السكين:nice:

[نوار قطر]

ولكم بااااك حمد مكااانك مبين :victory:

[لاجل QT]

اولا وين القهوة؟؟:omen2:

ثانيا استخدام اليدين في الاكل في دول اخرى عندنا مافي الا اليهال:eek2:

الكبار ياكلون باليمنى بس اولا مكروة الاكل باليسرى ثانيا عيب

[طرف محايد]

عشان نفهم المعضلة الي تطرق لها الأخ حمد


خلونا نفهمها بشكل دقيق



الحين المنع في السنة عن الأكل بشماله


هو إيصال الأكل للفم باليد اليسرى



لكن لو واحد قطع اللحم أو غيره بيده اليسرى


هل تعتبر مشكلة؟


بانتظار الرد من كاتب الموضوع


عشان نحدد هل هي مشكلة ولا مجرد توهم انها مشكلة !!!

[جراسا]

للاسف كثير من الشباب قاموا يستعملون اليدين في الاكل ومنهم اللي للاسف ياكل بيده اليسرى
ولما تحاول توصله المعلومه يقوول لااا اذا اكل بيدي لازم باليمين
واذا اكل باستعمال شوكه وسكين مب شرط باليمين
مع ان اللي اعرفه المفروض السكين باليسرى والشوكه باليمين

عالعموم الله المستعان

الله يسلمك...السكين باليمين و الشوكة باليسار...حتى تعرف تقطع بالسكين

وبعدين ممكن تحول الشوكة لليمين ساعة ما تاكل

[حسن]

ولكم بااااك حمد مكااانك مبين :victory:

الحين مكانه مبين ومسكين من ينزل موضوع يكونون عليه الغالبيه شديدي العقاب
ماعرفنالكم

بس انا من مؤيدين ثوره حمد من البدايه
واقوله الى الامام يابوشهاب ثوره ثوره

:fight:


من انتمم

[تحداني]

عشان نفهم المعضلة الي تطرق لها الأخ حمد


خلونا نفهمها بشكل دقيق



الحين المنع في السنة عن الأكل بشماله


هو إيصال الأكل للفم باليد اليسرى



لكن لو واحد قطع اللحم أو غيره بيده اليسرى


هل تعتبر مشكلة؟


بانتظار الرد من كاتب الموضوع


عشان نحدد هل هي مشكلة ولا مجرد توهم انها مشكلة !!!




هذا الي انا ابي اوصل له
شكرا لاختصار المشوار

[نوار قطر]

الحين مكانه مبين ومسكين من ينزل موضوع يكونون عليه الغالبيه شديدي العقاب
ماعرفنالكم

بس انا من مؤيدين ثوره حمد من البدايه
واقوله الى الامام يابوشهاب ثوره ثوره

:fight:


من انتمم

ههههههااااي ... شوف صج مواضيع حمد اكثرها تكون مستفزه بس الصراحه استانس لين عارضته وتناقشت و تذابحت معاه.. ووااايد نفقده ونفقد مواضيعه:nice: اصلا من ادخل المنتدى لازم اطل طله على حمد ومواضيعه...

نحن معشر النساء:victory:

[طرف محايد]

هذا الي انا ابي اوصل له
شكرا لاختصار المشوار



شكرا لتعليقك اختي الفاضلة تحداني


بس هالاختصار وراه نقاش بسيط


الأخ حمد كتب وقال ان هالشي منهي عنه بالاسلام والدين


طبعا الي هو الأكل باليد اليسرى


بدون التفريق بين استخدامها كوسيلة مساعدة وبين وسيلة أساسية للأكل




هو ركز ع نقطة الضرب بالخمس

والمقصود الخمس الأصابع


وفي السنن أن النبي صلى الله عليه وسلم كان يأكل بثلاث أصابع

والإمام النووي وغيره ذكروا أنها سنة


لكن يظهر أنها من السنن البشرية أو الجبلية كما نص عليها علماء الأصول


وهو داخل في باب العادات وليس أكثر من ذلك



فهل الضرب بالخمس من السنن أم من العادات؟

وهل استخدام اليد اليسرى كوسيلة مساعدة يدخل في باب العادات؟

[ام السعف]

هذا الي انا ابي اوصل له
شكرا لاختصار المشوار



ردا على السؤال المطروح ومن خلال مشاركتج اقول

كنت استمع لمجموعة احمد القطان في تربية العيال

ان اليد اليسار ما تستخدمها كلش الا في رمي المخلفات والتنظيفات
يعني تاكل او تقطع او تنتف فيها او على اساس انك يدك الثانية مب
نظيفة ما يصير ،،

واحنا من وعينا على الدنيا ناكل باليمين ونقطع باليمين
وعلموننا اذا بتناولون شي باليسار اسندوا اياديكم باليمين ،،

[ام السعف]

منور يا حمد غوغشت قلوبنا عليك

قلنا يمكن معطينك باند مخفي :secret:

تبي الصراحة لو بتدخل المجتمع الانثوي بتشوف التغيير هذا بشكل مريب

تحصل الوحدة ما يحلى لها تشرب من كوستا الا بيدها اليسار
واذا راحت مطعم لازم الشوكة في اليسار ،، واذا طلبت برجر
لازم اخر قطعة باليسار وتلقاهم يلحسون الصبع لحسة طايرة ،،

اعتقد المشكلة تكمن في انهم يبون يخلقون لنفوسهم جو من التطور
في تقليد الاجانب ،،

[تحداني]

ردا على السؤال المطروح ومن خلال مشاركتج اقول

كنت استمع لمجموعة احمد القطان في تربية العيال

ان اليد اليسار ما تستخدمها كلش الا في رمي المخلفات وتنظفات
يعني تاكل او تقطع او تنتف فيها او على اساس انك يدك الثانية مب
نظيفة ما يصير ،،

واحنا من وعينا على الدنيا ناكل باليمين ونقطع باليسار
وعلموننا اذا بتناولون شي باليسار اسندوا اياديكم باليمين ،،




انا واخوي طرف محايد نبي انعرف ايش يبي يوصل له اخونه حمد " بإستخدام اليدين "
لان عن نفسي في حياتي ما شفت حد ياكل بايدينه الثنتين الا اليهال
فحبينه انعرف هو وين العلامه الاستفهاميه الدقيقه في الموضوع

[ام السعف]

في حياتي ماشفت في قطر حد ياكل باليسار ممكن بعض الأطفال فقط جهلا منهم
*

*

امبلى يا عضوو في اللي ياكلون باليسار

لو رحت المطاعم وشفت بعض جيل اليوم
الشوكة يمسكونها باليسار والسكين باليمين حتى القفشة باليسار ،،

واللي يقول احنا ما ناكل بيدين

احنا ومروا علي ناس وااااااااااااااايد وحضرتي منهم

ناكل السندويش باليمين نشرب البيبسي باليسار ،

فهل الشرب يختلف عن الأكل في هالنقطة ؟

يعني حديث كل بيمين ومما يليك ما ينطبق على الشرب ؟

[تحداني]

منور يا حمد غوغشت قلوبنا عليك

قلنا يمكن معطينك باند مخفي :secret:

تبي الصراحة لو بتدخل المجتمع الانثوي بتشوف التغيير هذا بشكل مريب

تحصل الوحدة ما يحلى لها تشرب من كوستا الا بيدها اليسار
واذا راحت مطعم لازم الشوكة في اليسار ،، واذا طلبت برجر
لازم اخر قطعة باليسار وتلقاهم يلحسون الصبع لحسة طايرة ،،

اعتقد المشكلة تكمن في انهم يبون يخلقون لنفوسهم جو من التطور
في تقليد الاجانب ،،


عن نفسي اشرب وايد بايدي اليسار .. والسبب اني تعودت عليها وانا اسوق
لان لما اسوق اسوق بايد وحده والثانيه لازم اشرب فيها شي
فخذت ايدي على هالشي ما اعرف اشلون

نجي للمطاعم .. حقيقه انا ما انتبهت اني اكل باليسار بس في المطاعم الا من فتره بسيطه
ويمكن تعودت عليها لان من امسك الشوكه القاها موجوده جهه اليسار
بالعاده ما ادقق وايد واسوي الشي على ماهو عليه
في البعض يعتبر ان مقصوده
بس لا والله مب مقصوده
جربت الحين ابدل مكان الشوكه والسكين ما عرفت
بس لو تعودت عادي بعرف

وفي البيت ما استخدم كل هالتعقيدات
يا باليد او بالقبشه واكفايه


جملك الله برضاه

[ام السعف]

انا واخوي طرف محايد نبي انعرف ايش يبي يوصل له اخونه حمد " بإستخدام اليدين "
لان عن نفسي في حياتي ما شفت حد ياكل بايدينه الثنتين الا اليهال
فحبينه انعرف هو وين العلامه الاستفهاميه الدقيقه في الموضوع

شفتي ناس متعودين ياكلون باليمين وراحوا بياكلون بشوكة وسكين
لاحظي عليهم في المطاعم لو عزمتيهم
يشربون الشوربة باليمين وياكلون المشاوي باليسار

ليش ؟

لأن السكين يمسكونها باليمين والشوكة باليسار
والقفشة مالها صاحب فتنمسك باليمين ،،
فهمتي الحين اشلون ياكلون بيدين ؟

تراني شفت من هالنوعية وااايد :telephone:

[ام السعف]

عن نفسي اشرب وايد بايدي اليسار .. والسبب اني تعودت عليها وانا اسوق
لان لما اسوق اسوق بايد وحده والثانيه لازم اشرب فيها شي
فخذت ايدي على هالشي ما اعرف اشلون

نجي للمطاعم .. حقيقه انا ما انتبهت اني اكل باليسار بس في المطاعم الا من فتره بسيطه
ويمكن تعودت عليها لان من امسك الشوكه القاها موجوده جهه اليسار
بالعاده ما ادقق وايد واسوي الشي على ماهو عليه
في البعض يعتبر ان مقصوده
بس لا والله مب مقصوده
جربت الحين ابدل مكان الشوكه والسكين ما عرفت
بس لو تعودت عادي بعرف

وفي البيت ما استخدم كل هالتعقيدات
يا باليد او بالقبشه واكفايه


جملك الله برضاه

من لاحظت هالشي على عيالي
قلت لهم قطعوا اللي تبونه تقطعونه باليمين واكلوا باليمين
يعني الدنيا ما بتخرب لو خصصتوا وقت وقطعتوا الاكل وعقب
تفرغتوا تاكلون منه ،،

او انكم تقطعون على مراحل وفي كل مرحلة تردون الشوكة في اليمين ،،

فالحمدلله الاحظ عليهم حرصهم ياكلون باليمين
بس ما يندرى من ورانا شلي يصير ،،

[تحداني]

شفتي ناس متعودين ياكلون باليمين وراحوا بياكلون بشوكة وسكين
لاحظي عليهم في المطاعم لو عزمتيهم
يشربون الشوربة باليمين وياكلون المشاوي باليسار

ليش ؟

لأن السكين يمسكونها باليمين والشوكة باليسار
والقفشة مالها صاحب فتنمسك باليمين ،،
فهمتي الحين اشلون ياكلون بيدين ؟

تراني شفت من هالنوعية وااايد :telephone:



اوبيه .. ترى انا اسوي جي .. بس ما اعرف اشلون
والله توني اركز معاج واتخيل واتذكر

بس جوفي الصوره الي حاطها حمد
حاط ذبيحه وعيش ولحم .. ويقصد جنه الناس الي ياكلون بإيدينهم
مب الي ياكلون بالشوكه والسجين

دققي


من لاحظت هالشي على عيالي
قلت لهم قطعوا اللي تبونه تقطعونه باليمين واكلوا باليمين
يعني الدنيا ما بتخرب لو خصصتوا وقت وقطعتوا الاكل وعقب
تفرغتوا تاكلون منه ،،

او انكم تقطعون على مراحل وفي كل مرحلة تردون الشوكة في اليمين ،،

فالحمدلله الاحظ عليهم حرصهم ياكلون باليمين
بس ما يندرى من ورانا شلي يصير ،،




انا امي ما اتقول لي جي :(

[ام السعف]

اوبيه .. ترى انا اسوي جي .. بس ما اعرف اشلون
والله توني اركز معاج واتخيل واتذكر

بس جوفي الصوره الي حاطها حمد
حاط ذبيحه وعيش ولحم .. ويقصد جنه الناس الي ياكلون بإيدينهم
مب الي ياكلون بالشوكه والسجين

دققي




دام ان الصورة تتكلم فهي خير دليل على كلامه
لكني ما قط مرت علي ناس يستخدمون اليدين على صينية عيش
ولحم عربي ذبح اسلامي طاطاطا طاطاطاااا،،

انا مرات يدي تستوي ملاس انجب فيها واكل فيها واقطع اللحم فيها
ماشاءالله تبارك الرحمن سبع صنايع والبخت ضايع ،،







انا امي ما اتقول لي جي :(

الله يخليها لج
ما قصرت وعلمتج وايد ،، ما يات على هذي
ابتسموا انتشروا اضحكوا النتايج طلعت :telephone:

[شيخ القبيلة]

مرحبتين ياحمد .. من طول الغيبات جاب الغنايم .. لك وحشة ياخوي :nice:


تعليقي على الموضوع ..
http://im33.gulfup.com/81nmw.png (http://www.gulfup.com/?5ahgqj)

هههههههههههههههههههه من وين جبت هالصورة ههههههههه

[طرف محايد]

هل هذا كل مفهومك للأمر اخي العزيز ؟؟؟!!!!

تحتاج استشاره دينيه جزاك الله خير



اشرح لي يا طير حوران


تكسب أجري !!





في انتظار شرح فهمك العميق عن الأكل باليد

قبل لا ادور أي استشارة دينية !!

[حسن]

اشرح لي يا طير حوران


تكسب أجري !!





في انتظار شرح فهمك العميق عن الأكل باليد

قبل لا ادور أي استشارة دينية !!

ياخوك مايبيلها اجتهاد ولا شي
شلح عن ثوبك الهده الى المرفق ويدك اليمين وسم بااسم الله وكل واضرب بالخمس
وكل من اللي جدامك ولا تنفظ يدك على الصحن واذا خلصت الحس اصابعك تراى فيها لذه عجيبه

وانتهت السالفه واقول قولي هذا وسلام عليكم
واذا تبي موضوع عملي حاضرين نسويلك عشى على كيف كيفك

ها وش قلت

:telephone:

[ام السعف]

ياخوك مايبيلها اجتهاد ولا شي
شلح عن ثوبك الهده الى المرفق ويدك اليمين وسم بااسم الله وكل واضرب بالخمس
وكل من اللي جدامك ولا تنفظ يدك على الصحن واذا خلصت الحس اصابعك تراى فيها لذه عجيبه

وانتهت السالفه واقول قولي هذا وسلام عليكم
واذا تبي موضوع عملي حاضرين نسويلك عشى على كيف كيفك

ها وش قلت

:telephone:

هو تصحيح صغير
من السنة انك تاكل بثلاث اصابع ان ما خانتني الذاكرة مب بالخمس
والاصابع هم الوسطى والسبابة الابهام ،،

بس احنا ما شاءالله علينا ما يحلى لنا الأكل الا بالخمس
ومرات اللقمة لازم تصير كورة جولف صايده خاز باز :p

وان مصخناها حولنا كرة تنس ارضي :shy:

[أبوفهد666]

عشان نفهم المعضلة الي تطرق لها الأخ حمد


خلونا نفهمها بشكل دقيق



الحين المنع في السنة عن الأكل بشماله


هو إيصال الأكل للفم باليد اليسرى



لكن لو واحد قطع اللحم أو غيره بيده اليسرى


هل تعتبر مشكلة؟


بانتظار الرد من كاتب الموضوع


عشان نحدد هل هي مشكلة ولا مجرد توهم انها مشكلة !!!


نعم مشكلة انك تقطع باليسرى

اقول لك وين المشكلة

المتعارف عليه وانا اخوك ان اليسرى ليست بموضع للاكل ( إلا للضرورة القصوى )

انت بنفسك اذا شفت احد يقطع لك لحمة بيده اليسار ويحطه يمك في درب أكلك

هل انت بتاكلها ؟؟؟ جاوبني ..

[طرف محايد]

اخي العزيز

من اولها (فهمي العميق)!!! وتبيني اشرح لك ؟؟؟

عموما لا استحمل وزر الفتوى والى (اهل العلم) نتجه في مثل هذه الامور وانا لست منهم

واسمح لي سحبت نصيحتي



انت كتبت ( هل هذا كل فهمك ) ؟؟

توقعت ان لديك فهم آخر وان فهمي قاصر !!

يمكن يكون كلامك صحيح



وطلبت فهمك فقط !!

نورنا بارك الله فيك




وانا نقلت كلام الإمام النووي في أحد الردود

عن القول بسنية الأكل بثلاث أصابع

وهل هو من السنة البشرية كما نص علماء الأصول




اطرح الي عندك

ناخذ ونعطي مع بعض !!

[طرف محايد]

ياخوك مايبيلها اجتهاد ولا شي
شلح عن ثوبك الهده الى المرفق ويدك اليمين وسم بااسم الله وكل واضرب بالخمس
وكل من اللي جدامك ولا تنفظ يدك على الصحن واذا خلصت الحس اصابعك تراى فيها لذه عجيبه

وانتهت السالفه واقول قولي هذا وسلام عليكم
واذا تبي موضوع عملي حاضرين نسويلك عشى على كيف كيفك

ها وش قلت

:telephone:


الوعد في أي مطعم ؟

:):)

[حسن]

هو تصحيح صغير
من السنة انك تاكل بثلاث اصابع ان ما خانتني الذاكرة مب بالخمس
والاصابع هم الوسطى والسبابة الابهام ،،

بس احنا ما شاءالله علينا ما يحلى لنا الأكل الا بالخمس
ومرات اللقمة لازم تصير كورة جولف صايده خاز باز :p

وان مصخناها حولنا كرة تنس ارضي :shy:

احنا لوطبقنا السنه في الاكل كان ماشفتي الناس ضرب ومضارب على عمليات القص واللزق والتحويل والتحوير

كان سكرت محلات الرشاقه عندنا والدايت
:victory:

[طرف محايد]

نعم مشكلة انك تقطع باليسرى

اقول لك وين المشكلة

المتعارف عليه وانا اخوك ان اليسرى ليست بموضع للاكل ( إلا للضرورة القصوى )

انت بنفسك اذا شفت احد يقطع لك لحمة بيده اليسار ويحطه يمك في درب أكلك

هل انت بتاكلها ؟؟؟ جاوبني ..


مشكلة من ناحية الشرع ولا العرف؟


بس عشان نحدد وين المشكلة فقط !!

[أبوفهد666]

مشكلة من ناحية الشرع ولا العرف؟


بس عشان نحدد وين المشكلة فقط !!

لاتدخل في الشرع والعرف

ابيك تجاوبني من الناحية النفسية !!!!

[أبوفهد666]

عن أبي هريرة رضي الله عنه قال رسول الله صلى الله عليه وسلم:
إذا أكل أحدكم فليلعق أصابعه فإنه لا يدري في أيتهن البركة.

[حسن]

الوعد في أي مطعم ؟

:):)


انت ماصدقت يااخي خلك محايد
:(

ياخوك انا مال مطاعم الله يهداك انا مال جلسه ارضيه

نتشرف وشرايك الليله اسويلك ربيان برياني
على كيف كيفك

وبتشوف الفرق

قولي ها اوكي قبل لااطلع

علشان اخبر البروفسير جلش
:telephone:

[ام السعف]

احنا لوطبقنا السنه في الاكل كان ماشفتي الناس ضرب ومضارب على عمليات القص واللزق والتحويل والتحوير

كان سكرت محلات الرشاقه عندنا والدايت
:victory:

مرات لما اشوف الشيخ السديس الله يعطيه الصحة والعافية
اقول هالنوع من الناس اكثر ناس يتعايشون مع الايات القرآنية
بحكم فهمهم لكل حركة في القرآن وما بالك بالحروف والكلمات،،

لكني لما اشوف وزنه الزايد نوعا ما اقول هذا هو الانسان
ينسحب سحب مرات كثيرة سحاب لأمور هو ما يبيها ،،

هذه هي الحياة ،،

[غزلان]

لو شفت حد ياكل باليدين كان علقت على موضوعك

[أبوفهد666]

يقول عليه الصلاة والسلام: "ما ملأ ابن ءادم وعاء شرًا من بطنه، بحسب ابن ءادم لُقيمات يُقمن صُلبه فإن كان ولا بدَّ فثُلثٌ للطعام وثُلثٌ للشراب وثُلثٌ للنّفس".

[H H]

جوعتنا :(

[طرف محايد]

لاتدخل في الشرع والعرف

ابيك تجاوبني من الناحية النفسية !!!!


الناحية النفسية تختلف من شخص لآخر

يمكن شخص عنده مشكلة والآخر لا


حديثنا عن الناحية الشرعية

لان الاخ حمد في بداية المقال كتب:


الناس بعد ماكانو يضربون بالخمس باليد اليمين اثناء الاكل صاروا يستعملون اليدين بالاكل والشرب وهالشيء منهي عنه بالاسلام وبالدين ،،


ولهالسبب تكلمت من الناحية الشرعية الي لها أدلة نرجع لها جميعا

اما الناحية النفسية كل واحد حر في تصرفه

[طرف محايد]

انت ماصدقت يااخي خلك محايد
:(

ياخوك انا مال مطاعم الله يهداك انا مال جلسه ارضيه

نتشرف وشرايك الليله اسويلك ربيان برياني
على كيف كيفك

وبتشوف الفرق

قولي ها اوكي قبل لااطلع

علشان اخبر البروفسير جلش
:telephone:


اتشرف والله يا بو علي

بس الليلة بالذات عندي اجتماع من بعد المغرب


وانت خطير

شكلك تدري اني بكون مشغول ههههه

[بومحمد المطاوعه]

بارك الله فيك ياخوي حمد

مشتاقين لك يالذيب

مواضيعك فللللللللله وتفتح النفس والله

يا عبط ياضحك يا حك وجلد ههههههههه

مافي واحد ثنين ههههههه


الصراحه بعض البشر
ياكل باليسرى وياكل ويتكلم ويضحك

والي ياكل واهو واقف ويتمشى بريوله

يعني مافي اداب للطعام

في ناس ماعندهم قطره ماي للشرب

وهالبشر يستهينون فالاكل

بعيد الشر


تحياتي لك ياخوي

[أبوفهد666]

الناحية النفسية تختلف من شخص لآخر

يمكن شخص عنده مشكلة والآخر لا


حديثنا عن الناحية الشرعية

لان الاخ حمد في بداية المقال كتب:




ولهالسبب تكلمت من الناحية الشرعية الي لها أدلة نرجع لها جميعا

اما الناحية النفسية كل واحد حر في تصرفه

الحرية كفلت لك الراي

سلام ياعسل

[حسن]

اتشرف والله يا بو علي

بس الليلة بالذات عندي اجتماع من بعد المغرب


وانت خطير

شكلك تدري اني بكون مشغول ههههه

انما الاعمال بالنيات

خيرها في غيرها

:victory:

[العلم]

الأخ طرف محايد .. كلامك بالنسبة للتفريق بين الأكل باليسرى وبين المساعدة في الأكل له وجه ..

[لبيبة]

توقيت موضوعك عجيب يا حمد، و ولكم باك

عني اكل باليمين ولو ابي اشرب شي اخليه بعد الاكل مب اثناء الاكل، ممكن لو لازم اشرب ماي مثلا اترك اللي في يميني وامسك اللي باشربه باليمين، اما اليسار لا امسك فيها الاكل او الشرب ابدا، ولو في مطعم ابدل مكان الشوكة والسكين.

[ام السعف]

توقيت موضوعك عجيب يا حمد، و ولكم باك

عني اكل باليمين ولو ابي اشرب شي اخليه بعد الاكل مب اثناء الاكل، ممكن لو لازم اشرب ماي مثلا اترك اللي في يميني وامسك اللي باشربه باليمين، اما اليسار لا امسك فيها الاكل او الشرب ابدا، ولو في مطعم ابدل مكان الشوكة والسكين.

سؤال بعد اذنج
ليش موضوعه توقيته عجيب ؟

[ضوى]

توقيت موضوعك عجيب يا حمد، و ولكم باك

عني اكل باليمين ولو ابي اشرب شي اخليه بعد الاكل مب اثناء الاكل، ممكن لو لازم اشرب ماي مثلا اترك اللي في يميني وامسك اللي باشربه باليمين، اما اليسار لا امسك فيها الاكل او الشرب ابدا، ولو في مطعم ابدل مكان الشوكة والسكين.


:victory::victory::victory:

[شيخ الديرة]

سؤال بعد اذنج
ليش موضوعه توقيته عجيب ؟

+1

نفس السؤال

[لبيبة]

سؤال بعد اذنج
ليش موضوعه توقيته عجيب ؟
التوقيت عندي مختبص، لازم تحطيني في كورنر يعني، ما شفت الموضوع الا حزة الغدا وبالتالي صار التوقيت عجيب على الرغم من انه موجود من البارحة :omen2:

[لبيبة]

+1

نفس السؤال

تفضل الجواب ^^^

[ام السعف]

التوقيت عندي مختبص، لازم تحطيني في كورنر يعني، ما شفت الموضوع الا حزة الغدا وبالتالي صار التوقيت عجيب على الرغم من انه موجود من البارحة :omen2:

هاهاها

حلوو ،، سبب مقنع ظنيت اثار القعدة وصلت للمنتدى :secret:

[لبيبة]

يا حمد توقيت موضوعك مب عجيب، بس الموضوع عجيب،

واللي يضرب بالخمس يبشر بالكرش جدام :nice:

[لبيبة]

هاهاها

حلوو ،، سبب مقنع ظنيت اثار القعدة وصلت للمنتدى :secret:
لا هذا اثار استقعاد، مشي الكلام وبيمشي، مثل اللبن عقب المجبوس. :secret: