تأخرت نتايج عيالنا !! شسالفة ؟؟

[مشاكل]

ضغط نفسي من بداية السنة الدراسية حتى اخر لحظة !!
سنة دراسية طويلة
يوم دراسي طويل
امتحانات مرهقة شملت مناهج الفصلين
طريقة الامتحانات جديدة على طلابنا ومغايرة لكل الامتحانات اللي امتحنوها خلال السنة

والختام

بعض عيالنا مخلصين منذ اكثر من 11 يوم ولين الحين مافي اي خبر عن موعد النتايج
اتصلت اليوم فالمدرسة ويقولون لين الحين مانعرف متى النتايج !!
ليش التأخير يالمجلس الأعلى للتعليم ؟
ارحمونا يرحمكم الله
اخبر قبل كان بالكثير اسبوع والنتايج خالصة

شسالفة ؟

[تحداني]

الثانويه العامه باجر ان شاء الله
اما صفوف النقل الله اعلم

الله يستر من النتايج .. لان في ناس سافرت وراحت
فلو كانت غير مرضيه راح اتصير كارثه اسمها العوده لدوله قطر :)
افكر في عمور اخوي

:(

[ضوى]

نتايج النقل قايلين لهم 25/6 ان شاء الله

[رجل الجزيرة]

إلي عنده أيفون وإلا أيباد يروح للأيتونز ونزل برنامج بالعربي وإسمه "تعليم" فينزل شعار المجلس الأعلى للصحة ومن هناك تكتب رقم جلوس الطلاب إلي في الثانوية.

[السلولي]

إلي عنده أيفون وإلا أيباد يروح للأيتونز ونزل برنامج بالعربي وإسمه "تعليم" فينزل شعار المجلس الأعلى للصحة ومن هناك تكتب رقم جلوس الطلاب إلي في الثانوية.





:omen2::rolleyes2:

[حبر وقرطاس]

إلي عنده أيفون وإلا أيباد يروح للأيتونز ونزل برنامج بالعربي وإسمه "تعليم" فينزل شعار المجلس الأعلى للصحة ومن هناك تكتب رقم جلوس الطلاب إلي في الثانوية.

يا نهار اسود:omg:

[للصبر اخر]

إلي عنده أيفون وإلا أيباد يروح للأيتونز ونزل برنامج بالعربي وإسمه "تعليم" فينزل شعار المجلس الأعلى للصحة ومن هناك تكتب رقم جلوس الطلاب إلي في الثانوية.

شدخل

احمممم
:telephone:

[qrt_trading]

ولدي في اول ابتدائي ولحد الحين شهاداتهم ما اطلعت

[مشاكل]

الثانويه العامه باجر ان شاء الله
اما صفوف النقل الله اعلم

الله يستر من النتايج .. لان في ناس سافرت وراحت
فلو كانت غير مرضيه راح اتصير كارثه اسمها العوده لدوله قطر :)
افكر في عمور اخوي

:(
الله يوفق عمور ويخليه لكم ويخليكم له

نتايج النقل قايلين لهم 25/6 ان شاء الله
طولت ياضوى والله المستعان :weeping:

إلي عنده أيفون وإلا أيباد يروح للأيتونز ونزل برنامج بالعربي وإسمه "تعليم" فينزل شعار المجلس الأعلى للصحة ومن هناك تكتب رقم جلوس الطلاب إلي في الثانوية.
اخوي انا اقصد فالموضع نتايج المدارس مب نتايج فحص الدم :omen2:
اتغشمر معاك فديت خشمك
جزاك الله خير على التوجيه

ولدي في اول ابتدائي ولحد الحين شهاداتهم ما اطلعت

من الاول لين الثالث عطوهم شهاداتهم يوم الخميس
الظاهر ولدج مدرسه خاصة

[qrt_trading]

لا مدرسة مستقلة

[الدينار الذهبي]

الأن وصلتني رسالة من مدرسة الشروق الأبتدائية في الوكرة بأن تسليم الشهادات بكره من الساعة 7الى 11 صباحاً

[qrt_trading]

وأنا بعد توهم امطرشين مسج مدرسة الخليج العربي بكره من ٨ لين ١١ ونص

[مشاكل]

الأن وصلتني رسالة من مدرسة الشروق الأبتدائية في الوكرة بأن تسليم الشهادات بكره من الساعة 7الى 11 صباحاً


وأنا بعد توهم امطرشين مسج مدرسة الخليج العربي بكره من 8 لين 11 ونص

يااااارب لطفك

[ام السعف]

الله يوفق الجميع يارب ،

[alfaisaly]

رابط #نتائج الثانوية العامة :

أعلن #المجلس الاعلى للتعليم ان #موعد نتائج الثانوية العامة تاريخ 25/6/2013

ويمكن معرفة النتائج من خلال إدخال رقم #الجلوس عبر الرابط التالي :

http://sec-nateeja.gov.qa/

مع العلم بأن الرابط #لن يتم تفعيله إلا قبل تاريخ 25 بيوم أو يومين .


بالتوفيق للجميع ،،



تم افتتاح الرابط للشهاده الثانوية

[بصمة قطرية]

من الاول لين الثالث عطوهم شهاداتهم يوم الخميس
الظاهر ولدج مدرسه خاصة

عيالي في أول و ثاني إبتدائي
في مدرسة مستقلة
و للحين ما عطوهم الشهادات ..
ما زلنا ننتظر ..!!!!

[vip-30003]

يوم الثلاثاء الشهادات في كل المدارس

[cavok]

اللة يوفقهم جميعا

[ورد الدوحه]

الله يوفقهم يارب

[الدينار الذهبي]

وزعوا شهادات أول وثاني وثالث ابتدائي بس ولدي في سادس قالوا يوم الخميس
رددو معي ياليل مطولك مدرسة الشروق بالوكره

[الدينار الذهبي]

لا وبعد جايتنا رسايل من اسبوعين لاحد يسافر إلا بعد النتايج لا خلو العالم يتهنون في إجازتهم ولا خلصوهم

[بصمة قطرية]

ما زلنا ننتظر شهادات أول و ثاني إبتدائي ..!!
أغلب المدارس توزعت ..

[شمس المغيب]

اتصلت مدرسة بناتي
ماعندهم خبر متى النتايج

[اهل قطر]

الشهاده الثانويه اذا باكر بيحطونها في الموقع يعني متى ننتظرها

[alwahesh]

يوم الثلاثاء الشهادات في كل المدارس

نعم كلامك صحيح وهذا الرابط



http://sec-nateeja.gov.qa




وبالتوفيق لعيالنا ان شاء الله

[الـخـالـدي]

مبروك لناجحين

[qrt_trading]

الحمد لله استلمت شهادة ولدي ونجح ولله الحمد الحين ارتحت.

[حياة]

انزين الاعداديه والبتدائيه متى؟ وثالث ثانوي متى؟
الله يهديهم نقعونا واحنا ع اعصابنا

[ورد الدوحه]

متى نتايج الثانويه

[Special man]

الساعه 1 الظهر

[ورد الدوحه]

الساعه 1 الظهر

متأكد؟؟؟؟؟

[وحيد-الشوق]

الساعه 1 الظهر

وايد مصخوها المجلس الاعلى :( واليوم اجازة شسالفه :rolleyes2:

[بوطويشم]

نزلو ابلكيشن اسمه تعليم على الآي فون

ولفو الشاشة يسار بتطلع نتائج الثانوية

[alwahesh]

طلعت نتايج الثانويه المستفله ويمكن استخدام الرابط اعلاه مع كتابة رقم الجلوس

الف الف مبروك

[بصمة قطرية]

طلعت النتايج الحمدلله أخوي نجح :victory:
الفال للباقي ..


عندي البرنامج في الآيفون
بس تدخل رقم الجلوس
لازم بالانجليزي..

[alwahesh]

نعم كلامك صحيح وهذا الرابط



http://sec-nateeja.gov.qa




وبالتوفيق لعيالنا ان شاء الله


الف الف الف مبروك

[alwahesh]

بغيت اعرف شلون احسب النتيجه

[ام السعف]

بالمبارك لكل الناجحين والناجحات وحظ اوفر للراسبين في الدور الثاني يعوضون رسوبهم

[حراير قطر]

اللي عياله بمدرسة ام القرى

من صف اول لين ثالث يروح يستلم

شهادات عياله من الحين لين 12 الا ربع

باروح استلم شهادة ولدي اللي بالثالث

وباقي اللي بالصف الرابع :(

[عاشق العديد]

نجحت ونسسسسبتي 89 حازرييين

[ام السعف]

نجحت ونسسسسبتي 89 حازرييين

بالمبارك وزع الشربات

[عاشق العديد]

بالمبارك وزع الشربات

الله يباررك فيج ..
مشكله ناجح ومداوم وين الفرحه مافي شربات ):

[ام السعف]

الله يباررك فيج ..
مشكله ناجح ومداوم وين الفرحه مافي شربات ):

شلي مانعك خذ لك اجازة ووزع الشربات
:(

[دااانة قطر]

السلام عليكم ورحمة الله وبركااته

الكل يسأل عن سبب تأخر نتاائج الطلبة
استفسااري بالمدارس اللتي احتفلت بتخريج الطالبات للمراحل الابتداائية والاعدااية قبل تسليم النتاائج


اتصلت مدرسة بنتي يوم الحد وتم ابلااغي ان اليوم النتاائج والشهاادات
واليوم وصلني مسجين


1- نظرا لاستفسار أولياء الأمور عن النتائج والشهادات نفيدكم بأنه لم يتم استخراج النتائج حتى الآن وسوف يتم ابلاغكم عن طريق الرسائل القصيرة فور استخراجها
تمنياتنا للجميع بالتوفيق


2- طالبات الصف التاسع .. يرجى الحضور للمدرسة الخميس من السعه 8 الى 11 لحضور حفل التخرج علما بأن موعد الحفل الثلاثاء 2/7 ننوه بأنه يتولى ولي الأمر اصطحاب الطالبة صباحا وظهرا لعدم توفر الباصات


ولما اتصلت واستفسرت شلون الطاالبة تجي البروفه تقول عادي تحضرها واذا ماكانت نااجحه لاتجي الحفله (( مافي مراعاة لمشااعر الطاالبات ))على الاقل تتاجل البروفه تقول لا مانقدر نأخر البروفه لان في ناس بتسافر وانهم اخروا الحفله واايد:eek5::eek5:

والحفل يوم 2/7 يعني في مجال تكون البروفه قبلها بيوم لحد ماتطلع النتايج


ايش سبب التأخير؟؟

[حراير قطر]

مبروك اخوي عاشق العديد

وانا ولدي بعد نجح :dance

[دااانة قطر]

بالمبااارك لكل النااجحين

[ام السعف]

بالمبااارك لكل النااجحين

حفل التخريج يسوونه لكل الناجح او الراسب قبل ظهور النتايج،،

بس مب عارفين شنهي سالفة هالحفلات اللي يخرجون الكل بغض النظر
عن نتايجه حتى في المدارس الاجنبية ،،

اما بخصوص ان البنات يحضرون البروفة واذا راسبين ما يحضرون الحفل
مب حلوة بصراحة :(

[ام السعف]

مبروك اخوي عاشق العديد

وانا ولدي بعد نجح :dance

كلولولولووووووش
مبروك:telephone:

[دااانة قطر]

حفل التخريج يسوونه لكل الناجح او الراسب قبل ظهور النتايج،،

بس مب عارفين شنهي سالفة هالحفلات اللي يخرجون الكل بغض النظر
عن نتايجه حتى في المدارس الاجنبية ،،

اما بخصوص ان البنات يحضرون البروفة واذا راسبين ما يحضرون الحفل
مب حلوة بصراحة :(



الله المستعااان

[بصمة قطرية]

ألف مبروك للناجحين ..



وصلني هالمسج اليوم من مدرسة العيال ..
كل عام و أنتم بخير بمناسبة نهاية العام الدراسي
و نحطيكم علماً بأن موعد إستلام التقارير سنعلمكم به
حال إعتمادها من قبل المجلس الأعلى ..


ما زلنا ننتظر الشهادات ..!!
ليش كل هالتأخير ..!!
علماً بأن بعض المدارس سلمت الشهادات ..

عمر الأولى لم تسلم شهادات المرحلة الإبتدائية ..
و عمر الثانية الإسبوع اللي طاف سلمت الشهادات ..!!!

أول و ثاني و ثالث
لين اليوم ما إستلموا الشهادات
و هم مخلصين قبل الكل ...!!!!!!
لعبتوا بأعصابنا يالمجلس الأعلى
حتى المرحلة الإعدادية و الثانوية
كل يوم نسمع يمكن بكرة ...!!!!!

[عاشق العديد]

شلي مانعك خذ لك اجازة ووزع الشربات
:(

ههههههههه .. مايعطون اجازه ناخذ اجازه يخصمون قبل مافي فس فس .. ):

وتستاهلين الشربات يام السعف ..

[عاشق العديد]

مبروك اخوي عاشق العديد

وانا ولدي بعد نجح :dance

الله يبارك فيج تسسستاهلين ويستاهل .. والله يوفقه للاعلى المراتب .. وحاليا انا بحط فتوقيعي جايكم قريبا يالدكتواريه والمجاسيتريه

[ام السعف]

ههههههههه .. مايعطون اجازه ناخذ اجازه يخصمون قبل مافي فس فس .. ):

وتستاهلين الشربات يام السعف ..

زين ناطرة الشربات

:waiting:

[عاشق العديد]

زين ناطرة الشربات

:waiting:

تبين فسكر فرشش توه مصيود

[ام السعف]

تبين فسكر فرشش توه مصيود

يم يم يم

اييه ليش لا

[مشاكل]

لين الحين ماظهرت النتايج :cry2:

اجازة مع وقف التنفيذ :weeping:

حسبنا الله ونعم الوكيل

[حـ ن ـيـ ن]

نزلت النتائج في المدارس

[MAZEN37]

سؤال اتمنى اجابه من المجلس الاعلى
لين اليوم ماطلعت نتائج المدارس فقط الثالث ثنوي
ؤالي الحين تخيل انه عقب النتائج لباقي الصفوف بعد اسبوع واحد فقط ستكون اختبارات الدور الثاني
طيب ليش العذاب ابي افهم شفايدة الاسبوع ؟؟؟؟
طيب ليش ما عرفتوا الطالب نتيجته يمكن راسب ويلحق يدرس للدور الثاني
امركم عجيب يا مجلس اعلى للتعليم

[شمس]

لا وبعد جايتنا رسايل من اسبوعين لاحد يسافر إلا بعد النتايج لا خلو العالم يتهنون في إجازتهم ولا خلصوهم

هههههه متفرعنه هالمدرسه
وايد تاخرت النتائج عسى المانع خير

[ضوى]

مدرسة الايمان معلقين النتايج برع المدرسة والشهادات الاحد ان شاء الله


بنتي نجحت والحمد لله نسبتها عالية اللهم لك الحمد والفضل والمنة


باقي اخوها ياعساه ناجح بتفوق مثلها