افضل مظلات كويك سبان ؟

[أسير الاسهم]

السلام عليكم

لاهل التجارب
وين افضل محلات مظلات الكويك سبان ؟

من ناحية الجوده ؟
والضمان ؟
والسعر المناسب. !!؟


يا ليت استفيد من تجاربكم :nice:

[معماري قطري]

كقاعدة كل ما كان سمك الحديد أكبر يجي أفضل وأغلى .. بعض الشركات تستعمل نوعية رقيقة وتطقطق وتهتري بسرعة .. إسئل عن المواصفات والعينات قبل التركيب .. وحتى طبقة التغليف أو ببساطه الصبغ مهمة.

سويت وحده كبيره 12 في 8 ونص ومعلقة من حائط إلى حائط ببراغي خرسانه وبدون أعمده .. بس مهندس الشركه قال على مسؤوليتك وقبلت وللحين لها 8 سنين ثابتة مكانها وطلعت لي أوفر وأحلى لأني شلت الأعمده.

[ولد المنصور]

الاغلب كلهم جيدين ..

[أسير الاسهم]

طيب أفضل الشركات اللي تعاملتوووا معاهم

[ضوى]

بصراحة جبت اكثر من شركة وكل شركة عطتني سعر وطبعا من اهل حاضر يافندم واللي تؤمري بيه يافندم ، المهم اني رحت لشركة الدوحة للكويك سبان ، اسبوع من اخذ العربون ماشاء الله ركبهم لي اعمدة عالطوفة والصوب الثاني مافي شي اخذ مني 12 الف تقريبا 10 امتار في 3وماشاء الله شغل ترتوب ، وبطلوا الطبيلة القديمة وهم اللي تخلصوا منها من غير اي ريال زيادة وصبغوا لي الخرسانة والصراحة شغل نظيف ومحترمين لاقصى حد

[A.L.I]

الدوحة للكويك سبان في شارع الخليج

[ضوى]

محد راح لهم ، اتصلت فيهم وطرشوا لي المندوب خذ القياسات وقالي السعر وجايب معاه عقد وقعته وخذ دفعته وعطاني موعد وجا في الموعد وركب لي خلال يومين

[أسير الاسهم]

الدوحه كويك سبان جاني وخذا المقاسات وعطاني السعر بس تكاثرت المبلغ

فكرت بحصل نفس الجوده واسعار اقل

[ضوى]

نصيحة لا تستكثر السعر عالجودة ، مجرب وموثوق ان شاء الله وانا شفت فرق السعر بسيط لذلك اخذت الدوحة في النهاية

[أسير الاسهم]

جزاج الله خير ضوى ما قصرتي

[captin]

الدوحة كويك سبان

ولا تروح للرخيص ابدا
ادفع زيادة من الحين وريح بالك في المستقبل

[السهم الملتهب]

1- الدوحة كويك سبان

2- المصمك

هم الافضل في السوق من حيث الجودة والتركيب

[أسير الاسهم]

خلصنا مع الدوحـه كويك سبان ... وان شاء الله يكون تماام

[ضوى]

خلصنا مع الدوحـه كويك سبان ... وان شاء الله يكون تماام

بالتوفيق يااارب

[ماجد]

انا سويت عند الدوحة كويك سبان بصراحة شغل ممتاز ومواعيدهم اوكي