الفرن الكهربائي ؟؟

[وحيد-الشوق]

السلام عليكم ورحمه الله وبركاته

يا اخوان شرايكم في الفرن الكهربائي لقيت فرن في تكنو بلو وكيل سامسونج ايطالي ب3000 ريال فوق 4 عيون غاز و2 كهرباء وتحت كامل كهرباء يعني لطبخ صواني الدجاج وماشابه :)

المهم هل الافران الكهربائية عملية :rolleyes2: لأني استغربت من كم يوم كان عندنا كهربائي في البيت لأنه عندنا مشكلة مع مكيف الستور يبيله كهرباء قويه من المجمع وقالي فرن الكهرباء ياخذ وايد حمل عالكهرباء ويمكن تصير لك مشاكل عقب :rolleyes2: مادري كلامه صحيح ولا يألف علي :telephone:

[مثير للجدل]

صحيح كلامه ولازم يكون اكثر ملي من الوايرات العاديه
فرن الكهربا ياخذ كهربا ولكن زيد حجم الواير وبيظبط معك
بخصوص فرن الكهربا فهو ممتاز
وايضا المكيرويف ياخذ كهربا ولكن اقل من فرن الكهربا لذا تجنب ان كان السويج بو حبتين انك تحط شي مع المكرويف
وشكرا

[بصمة قطرية]

سبع سنين و أنا عندي فرن كهربائي
من أروع ما يكون
و مريحني وايد
المطبخ الخارجي فرن غاز
و الداخلي فرن كهربائي كامل
لما يخلص الغاز و أتوهق على طول أطبخ بالكهربائي ..
من شهر خذت لي فرن كهربائي جديد لرمضان :victory:
كامل كهربا داخل و برع
و في منه نفس النوع غاز و كهربا
روح للمانع و شوفه
بصراحة خذته بعد ما مدحوه و قالوا لي أفضل نوع
العين تكون بشكل حلزوني مب مثل القرص الدائري
جربته جداً رائع :victory:

[لاجل QT]

انا شريتة تقريبا العام بنفس السعر..بس كامل كهرباء ممتاز جدا

[saud580]

اخوي توكل على الله واخذ كهربائي انا شريت من سنتين من نفس المحل الي تقول عنه وكان افخم فرن واتوقع الي شفته انت ولقيته والله ب لولو ب الغرافه اقل من تكنوبلو ب قرابه ٧٠٠ ريال

[khaldoon]

أخوي انتبه انه لازم يكون بيشتغل من فوق بشكل منفصل عن اللي تحت و إلا بتحرق الطبيخ. يعني ممكن ما تبي تحمر من فوق مثلا. اعتقد انه النوع اللي شفته ما يحقق الكلام اللي أنا أقوله لأني من أسبوع شريت فرن ب ٣٣٩٩ ريال يحقق كلامي و جودته زينه. تأكد قبل انك تشتري

[إعلامي قطر]

..

عن نفسي شاري 3 أفران كهرباء من المناعي "شركة الجمس"
لكذا بيت وماركتهم إيطاليه أظن "كومباني" حالياً برع
البيت ومب متأكد !! عيبهم الوحيد بخدمة مابعد البيع
فيه قطعه أختربت بالفرن وصار لي معاهم شهور
ومن أسبوع بس ركبوها لي عقب حرق أعصاب !!

لكن كفرن ماشفت عليهم شي واستخدامهم ممتاز ولاتنسى
تاخذ جدور أصليه أظن "تيفال" اللون الغامج ممتاز
أو عندك زهران بشارع آل شافي عندهم جدور
ألمانيه غاليه لكن شغل أصلي ومحترم
وحالياً مسوين تنزيلات..

وفيه محل بالستي يبيع عدة الطباخ أصليه أيضاً..

الخلاصه إذا بتاخذ أفران كهربائيه حط في بالك
تشتري جدور أصليه "أغلى شي بالسوق"
ولوازمهم لأن التجاري والصيني فيه
مواد مسرطنه..

..