.... نـــص شعبـان ،، كل عام وانتو بخير ،، النافلـــه ....

[JN000N]

النـــــافلــــــه

في عرفنا الخليجي.. وتكون في نص شهر شعبان

http://i1205.photobucket.com/albums/bb436/JN000N/null-22.jpg

كانو اجدادنا يهتمون في هاليوم وايد
لان كان يدل ع قرب شهر رمضان ويصومون في هاليوم ومثل العادات الي تصير في رمضان لما يطرشون حق بعض من اكلهم هريس او ساقو او زلابيا او غيره قبل المغرب

http://i1205.photobucket.com/albums/bb436/JN000N/null-23.jpg

هالعادات تقريبا بدت تندثر عندنا ف قطر :(
وما صارو الناس يهتمون بها نفس قبل
يمكن نلاقيهم فالبحرين مهتمين بهالعادات والتقاليد اكثر

ماعلينا
يعني الحين باقي اسبوعين على رمضان الله يبلغنا واياكم لا فاقدين ولا مفقودين



وهذي الكلمات
,,

يا النافله يام الشحم واللحم
يا النافلة يا أم الشحم واللحم
يا النافلة يا أم الشحم واللحم
يا رافعة اللي عطا واللي رحم
يا رافعة اللي عطا واللي رحم
يا أهل الكــــرم يا أهل الشيم
يا أهل الكــــرم يا أهل الشيم
زيـدوا الــعـطــا تـزيــد الـنـعـــم
يا النافلة ياأم الشحم واللحم

http://www.abdulaziznaser.com/songs/torath/song4.mp3


بليز بليز
لحد يطلعلي فيها ب طائفيه وبدع وغيره

[مثير للجدل]

الحين حتى فالبحرين مايهتمون مثل لول
راحو الطيبين
عاد تدرين توهم مطرشين لي على البيبي عن حكم الشرع بهاليوم ههههههههههههه
طرشي لنا هريس جنون
شكرا للموضوع

[ابوعلي]

اييييه راحوااا الطيبيين طبعا على ايامنا والحين عيد الحب وعيد الام وهالخرابيط


الله يبلغنا رمضان وكل عام والكل بخيررر


ابدعتي جنون

[JN000N]

الحين حتى فالبحرين مايهتمون مثل لول
راحو الطيبين
عاد تدرين توهم مطرشين لي على البيبي عن حكم الشرع بهاليوم ههههههههههههه
طرشي لنا هريس جنون
شكرا للموضوع

ايييي بس احنا بزووودنا كلش ناسيين

ههههههههههههههههههه سندرونا كل سنه طالعين مفتيين يداد استغفر الله
انزين وين بيتكم؟ :telephone:

العفو ولووو منورر خيو

[JN000N]

اييييه راحوااا الطيبيين طبعا على ايامنا والحين عيد الحب وعيد الام وهالخرابيط


الله يبلغنا رمضان وكل عام والكل بخيررر


ابدعتي جنون

وايامنا بعد :shy:
عبالك زعبوطه :omen2:

اميييين يارب وانت بخير
نورت بوعلي:nice:

[للصبر اخر]

والله في خاطري الزلابيه كانو قبل يوزعونهاا
الحين كل مكان مخلصه

ايااااام الطيبين

[غزلان]

اليوم قناة سما برنامج مباشر عن النص من شعبان والقرقيعان

الله يبلغنا رمضان

[ROSE]

اليوم في الشغل يحليلهم يوزعون عندنا كل وحده متفننه

واليهال يطقون البيبان والله تذكرت زمان لول

تحسين ان رمضان قرب خلاص الايام بتركض الحين


الله يبلغنا شهره الفضيل يارب ويكتبنا من العتقاء ان شاء الله


موضوع ولا اروع

[المهاجر]

اي ايام ياجنون راحت وبقت ذكرياتها الحلوه بقلوبنا

تسلمين على الموضوع الروعه

[بصمة قطرية]

عندنا زلابية من يبي :nice:



روز
في الإمارات تحتفلون بليلة النص من شعبان
إحنا بليلة النص من رمضان ..
هلي من الإمارات يبون يجون عندنا نص رمضان :nice:




تسلمين جنون
موضوع حلو :victory:

[R 7 A L]

من الذكريات القديمة
وكل منطقة من مناطق قطر كانت تحيياها

بس الان انتهت

[روز باريس]

عندنا للحين مانتهت سوينا مضروبه وزعنا على الفريج وجانا من الجيران زلابية ولقيمات وكل سنة وانتوا طيبين

[JN000N]

والله في خاطري الزلابيه كانو قبل يوزعونهاا
الحين كل مكان مخلصه

ايااااام الطيبين

ماقلتيلنا نوصي هل البحرين اييبون لج خخخخ
خلاص مره ثانيه بنييب لج زلابيه

[JN000N]

اليوم قناة سما برنامج مباشر عن النص من شعبان والقرقيعان

الله يبلغنا رمضان

اميين يارب
شاكرتلج مرورج

[JN000N]

اليوم في الشغل يحليلهم يوزعون عندنا كل وحده متفننه

واليهال يطقون البيبان والله تذكرت زمان لول

تحسين ان رمضان قرب خلاص الايام بتركض الحين


الله يبلغنا شهره الفضيل يارب ويكتبنا من العتقاء ان شاء الله


موضوع ولا اروع

انتي الاروع فديت ويهج
سبحان الله سنه مرت فلت :( وكله من عمرنا
اميين الله يبلغنا رمضان

[JN000N]

اي ايام ياجنون راحت وبقت ذكرياتها الحلوه بقلوبنا

تسلمين على الموضوع الروعه

اي والله :(
حتى العيايز الي هم اكثر شي يهتمون فهالسوالف قامو يخلصون
الله يسلمك مرورك الاروع يالمهاجر

[JN000N]

عندنا زلابية من يبي :nice:



روز
في الإمارات تحتفلون بليلة النص من شعبان
إحنا بليلة النص من رمضان ..
هلي من الإمارات يبون يجون عندنا نص رمضان :nice:




تسلمين جنون
موضوع حلو :victory:
هههههههههههههه ضحكتيني بصمه تذكرت ف رمضان
فالخور العصر يقرقعون وفالليل الدوحه يقرقعون واحنا نقول لاهلنا فالخور قرقعو العصر وتعالو قرقعو عندنا فالليل خخخ

للصبر مسكينه تبي زلابيه طرشولها قريظه
والله يسلمج فديتج منوره

[JN000N]

من الذكريات القديمة
وكل منطقة من مناطق قطر كانت تحيياها

بس الان انتهت

في بس خفيف خفيف خخخ

كل جيل ايي مايعرف هالامور
انا وجيلي نعرف لكن جيل خواتي الصغار احنا نعلمهم
واذا ما تناقلنا هالامور بتندثر

[JN000N]

عندنا للحين مانتهت سوينا مضروبه وزعنا على الفريج وجانا من الجيران زلابية ولقيمات وكل سنة وانتوا طيبين

وين بيتكم عن بيتنا :weeping:
جان طرشنالكم وطرشتولنا :shy:
كل سنه وانتي بخير وبالعافيه الزلابيه واللقيمات

[للصبر اخر]

ماقلتيلنا نوصي هل البحرين اييبون لج خخخخ
خلاص مره ثانيه بنييب لج زلابيه

هههههههه
المره الجايه
في ناس واعديني ولحد الحين انطر اناا
الله كريم :(

بنات الدوام ماخلوه بخاطري ويابولي :shy:

[JN000N]

هههههههه
المره الجايه
في ناس واعديني ولحد الحين انطر اناا
الله كريم :(

بنات الدوام ماخلوه بخاطري ويابولي :shy:

ههههههههههههه عووواافي ان شاء الله

[العلم]

أختي جنون .. إذا الأمر فيه تخصيص هذا اليوم بعبادة ففيه علاقة للدين به ..

فكيف تطلبين عدم التحدث بشأن الدين .؟