انواع النزلاء في السفر

[غزلان]

http://t0.gstatic.com/images?q=tbn:ANd9GcROXIjg95C-a0UY9hR1XIMUYq7JEqLDzDER2cjKhWSsSvWyJA_R

بما ان بموسم السفر تكلمنا عن عدة مواضيع سابقه تتعلق بالسفر مثل وين بتسافرون وكيف تقضى وقتك بالطياره وتغير العمله

موضوعنا الجديد عن سكنك في السفر ويشمل فنادق او شقق


كلنا نبحث ونشترط السكن النظيف والمرتب عند اختيار المكان في السفر ..يأمل المستأجر ان يتسلم من المؤجر مسكنه كما سلمه عند وصوله ,,هناك من النزلاء يتعامل بالسلوك الذي يمثل شخصيته واسلوبه في الحياه والسكن ,,يحافظ على المكان ويعيده كأول مرة استأجره بأن لايغادر المكان الا وقد رتبه ونظفه من حاجاته كاكياس الشراء او باقي المشتريات المستخدمه سواء اكل او غيره خاصه اذا تواجد معه اطفال ..فيكون نعمه للمؤجر ، وهناك من النزلاء كابوس ونقمة يغارد المكان تاركا خلفه كارثه من التخريب والتكسير والقذاره وانعدام النظافه،




//

ماهي مواقفكم عن النزلاء او المستأجر الى قبلك ؟


هل انتم من النوع الي تهتم بترتيب المسكن قبل المغادره؟ وكيف ترتبه ؟

[قطري شايب]

الصراحة اذا شفت السرير مرتب اجررر اللحاف وانا طالع واحذف المخدات

مدررري تجيني حرة عليهم (يمكن مرض)

[غزلان]

الصراحة اذا شفت السرير مرتب اجررر اللحاف وانا طالع واحذف المخدات

مدررري تجيني حرة عليهم (يمكن مرض)


ترى العمال الى ينظفون الغرف مالهم ذنب

احنا يوم السفر نقول للعامله لاتنظفين الا بعد مانطلع من الغرفه

حاول انك ماتكرر هالشي مره ثانيه

[بـن عدوان]

احييج على مواضيعج الحلوة اللي تحطينها بخصوص السفر

لي رجعة ان شاءالله للموضوع

[عاشق العديد]

عشـان اكـون صـريح

إذا توصخت توصخت توصخت عقب انظف لكن فالبدايه كل شـي انثـره عاده سيئه. وان اشاء الله بغيرهـا

[غزلان]

احييج على مواضيعج الحلوة اللي تحطينها بخصوص السفر

لي رجعة ان شاءالله للموضوع


جزاك الله خير اخوي ومن ذوقك

ننتظر رجعتك

[غزلان]

عشـان اكـون صـريح

إذا توصخت توصخت توصخت عقب انظف لكن فالبدايه كل شـي انثـره عاده سيئه. وان اشاء الله بغيرهـا


لاتنسون احنا نمثل دينا الأسلام الى يامرنا بالنظافه

حاول تغير من طبعك كلنا ماكنا نهتم قبل ومعتمدين على عاملات النظافه وهالشي غلط لأنا نعكس لهم حياتنا بس الحين من البدايه انحاول ما انوسخ المكان وامي وابوي بكل سفره ينبهونا وصرنا مانطلع الا المكان مثل مادخلناه:nice:

[Aaziz]

السلام عليكم ، ما استوعبت تماما المطلوب او اني مش متخيل ايش الي ممكن يسويه الساكن.
اسكن الغرفه و تكون مرتبه ونظيفه بطبيعه الحالو اطلع من الغرفه او الشقه بتكون في حاحه حق تنظيف !
ليش هل فيه ناس ينظفون الغرفه قبل لا يطلعون ؟
لكن تخريب مستحيل اخرب. بالكثير الزبايل و الحمام يحتاج تنظيف و الشراشف تحتاج تغيير. وهم لازم يسوون هذا الشي بعد مل زبون يطلع من غرفه.

[غزلان]

السلام عليكم ، ما استوعبت تماما المطلوب او اني مش متخيل ايش الي ممكن يسويه الساكن.
اسكن الغرفه و تكون مرتبه ونظيفه بطبيعه الحالو اطلع من الغرفه او الشقه بتكون في حاحه حق تنظيف !
ليش هل فيه ناس ينظفون الغرفه قبل لا يطلعون ؟
لكن تخريب مستحيل اخرب. بالكثير الزبايل و الحمام يحتاج تنظيف و الشراشف تحتاج تغيير. وهم لازم يسوون هذا الشي بعد مل زبون يطلع من غرفه.


عليكم السلام

الى اقصده التخريب المتعمد سواء للغرفه او للأثاث الموجود ,,غير رمى اكياس الشراء وترك باقي الأطعمه,, مافيها شي لو رتبنا الى نقدر عليه فاكياس الشراء يفضل تجميعها بدل مانرميها على كل اجزاء الغرفه ,,الحفاظ على المكان واجب علينا حتى لو فيه عمال للتنظيف

[Class - Qtr]

السلام عليكم

باامانه انا شخص احب الشي المرتب يعني غرفه النوم في الفندق مثل غرفه النوم عندي في البيت

لازم مرتبه وريحه العود كل يومين مرة والشنطه في مكان مرتب والثياب والجواتي والنعل في مكان

فواله الغرفه لازم تكون مرتبه ومسكرة وعدة القهوة والشاي بعد لازم اتاكد انها مسكرة عدل كل يوم

حمام الفندق مهم عندي احرص اني اكيد مااحوله الي بركه سباحه

اذا بااحجز 3 ليالي مب محتاج عمال نظافه الغرف ينظفون عندي

اذا اكثر طبيعي حلوو كل 5 ايام اتبدل شراشف السرير

ويتم تغيرالفوط في الحمام

لما كنت اعزوبي كنت

احب الترتيب طبيعي

اللحين اكثر

:)

[ضوى]

شخصيا انا واحدة نظامية جدا ، اكره الفوضى قبل لا اطلع من الغرفة مايكون فيها اي شي مقطوط يعني اكياس الشراء مطوية ومرتبه في الخزانة الفوط مقطوطة في البانيو اللهم بس السرير اللي مارتبه ، لكن بشكل عام اترك الغرفة منظمة

[غزلان]

السلام عليكم

باامانه انا شخص احب الشي المرتب يعني غرفه النوم في الفندق مثل غرفه النوم عندي في البيت

لازم مرتبه وريحه العود كل يومين مرة والشنطه في مكان مرتب والثياب والجواتي والنعل في مكان

فواله الغرفه لازم تكون مرتبه ومسكرة وعدة القهوة والشاي بعد لازم اتاكد انها مسكرة عدل كل يوم

حمام الفندق مهم عندي احرص اني اكيد مااحوله الي بركه سباحه

اذا بااحجز 3 ليالي مب محتاج عمال نظافه الغرف ينظفون عندي

اذا اكثر طبيعي حلوو كل 5 ايام اتبدل شراشف السرير

ويتم تغيرالفوط في الحمام

لما كنت اعزوبي كنت

احب الترتيب طبيعي

اللحين اكثر

:)



عليكم السلام
مافي احلا من الترتيب يشعرك بالهدوء
واظن من واجبنا نترك انطباع جيد لأدارة الفندق عنا ,,وحلو ان نترك المكان كما دخلناه ولو بالشيء البسيط ,,

احنا مثلك لازم نعطر المكان ونرتب كل شي بمكانه المناسب الشنطه واكياس الشراء بالخزانه واذا فيه افاله على الطاوله ومغطيه ولا نطلع الا حاطين لزياده بكيس ونقول للعاملات عنه ,,

شكرا

[غزلان]

شخصيا انا واحدة نظامية جدا ، اكره الفوضى قبل لا اطلع من الغرفة مايكون فيها اي شي مقطوط يعني اكياس الشراء مطوية ومرتبه في الخزانة الفوط مقطوطة في البانيو اللهم بس السرير اللي مارتبه ، لكن بشكل عام اترك الغرفة منظمة


مثلك ضوى احب امثل نفسي بكل مكان اروح له

[المسعف]

انه اعتبر افضل الفنادق لأني أكيف على الريق(الفطور)

بنسبه لي السكن عطيه 50% من السفرة

[غزلان]

انه اعتبر افضل الفنادق لأني أكيف على الريق(الفطور)

بنسبه لي السكن عطيه 50% من السفرة


اخوي الموضوع يتكلم عن نوع النزلاء في الفندق:secret:

[مـراحـب]

أنا عندي حكمه وأمشي عليها في كل أموري


" أترك المكان أفضل مما كان "

[storm..]

الغرفه ترجعلهم نظيفه لان ماحب اتم في الغرفه معفسه الا السرير يكون معفس اتعيز ارتبه خلهم يرتبونه هاذي شغلتهم :shy:

[good_man]

انواع النزلاء عندك نزيل يبحث عن الاسترخاء والهدوء وهذا نزيل جدا مريح الى معاه في الغرفه والى الفندق نفسه لانه لا يريد ان يعكر مزاج احدا ويبغي يكون كووووول وعندك نزيل مزعج وهذا كل مكان يروح له لازم يكون له بصمة الازعاج سوى كان في الاستقبال او حتى في اللوبي وطبعا طلباته احيانا تكون اكثر من لازم وطبعا يكون مصدر قلق الى معاه في الغرفه والفندق كذلك

[وطن]

ماهي مواقفكم عن النزلاء او المستأجر الى قبلك ؟

ما استأجر شي يكون فيه اثر حد قبلي
الشقق تكون منظفة قبل لا ندخلها من قبل شركة تنظيف

والفنادق طبيعي جدا تكون نظيفة


هل انتم من النوع الي تهتم بترتيب المسكن قبل المغادره؟ وكيف ترتبه ؟

اذا فندق ارتب كثر ما اقدر واترك التنظيف الباقي عليهم
ومن وراي ماراح يتعبون
لاني ما احب اقعد في مكان وسخ ومب مرتب اصلا


والشقق
ننظف و نرتب كل شي قبل لا نطلع ونطلع حتى الزبالات كرمكم الله
واذا في اكل في الثلاجة ويخترب ينقط بعد
لان احتمال اصحاب الشقة ما يجونها يشيكونها او ينظفونها الا بعد كم يوم

حرام نتركها وسخة


عموما ما نطلع من البيت في السفر الا مرتبين المكان
عشان نرجع من المشوار مكاننا نظيف ومرتب ;)

[شيزكيك]

بالنسبة لي قبل ما نطلع من الفندق الم الاكياس كلها واقطها في الزبالة والاكياس الكشخه اخذها معاي الفوط تكون في الحمام الاكل نرميه في الزبالة
السرير عليهم

[غزلان]

أنا عندي حكمه وأمشي عليها في كل أموري


" أترك المكان أفضل مما كان "


:nice:

اوحتى لو اترك المكان مقبولا قدر الأمكان

استغرب من الى يتركون المكان والحمام وانتوا بكرامه معفوس بحجه ان العامل بينظف

[غزلان]

الغرفه ترجعلهم نظيفه لان ماحب اتم في الغرفه معفسه الا السرير يكون معفس اتعيز ارتبه خلهم يرتبونه هاذي شغلتهم :shy:


المهم انها نظيفه قدر ماتقدر السرير حتى لو رتبته هم بيغيرون كل شي فيه

[غزلان]

انواع النزلاء عندك نزيل يبحث عن الاسترخاء والهدوء وهذا نزيل جدا مريح الى معاه في الغرفه والى الفندق نفسه لانه لا يريد ان يعكر مزاج احدا ويبغي يكون كووووول وعندك نزيل مزعج وهذا كل مكان يروح له لازم يكون له بصمة الازعاج سوى كان في الاستقبال او حتى في اللوبي وطبعا طلباته احيانا تكون اكثر من لازم وطبعا يكون مصدر قلق الى معاه في الغرفه والفندق كذلك

:nice::nice:

[غزلان]

ماهي مواقفكم عن النزلاء او المستأجر الى قبلك ؟

ما استأجر شي يكون فيه اثر حد قبلي
الشقق تكون منظفة قبل لا ندخلها من قبل شركة تنظيف

والفنادق طبيعي جدا تكون نظيفة


هل انتم من النوع الي تهتم بترتيب المسكن قبل المغادره؟ وكيف ترتبه ؟

اذا فندق ارتب كثر ما اقدر واترك التنظيف الباقي عليهم
ومن وراي ماراح يتعبون
لاني ما احب اقعد في مكان وسخ ومب مرتب اصلا


والشقق
ننظف و نرتب كل شي قبل لا نطلع ونطلع حتى الزبالات كرمكم الله
واذا في اكل في الثلاجة ويخترب ينقط بعد
لان احتمال اصحاب الشقة ما يجونها يشيكونها او ينظفونها الا بعد كم يوم

حرام نتركها وسخة


عموما ما نطلع من البيت في السفر الا مرتبين المكان
عشان نرجع من المشوار مكاننا نظيف ومرتب ;)


---
مثلنا وطن مانطلع الا المكان مرتب قد مانقدر وكل شي بمكانه المناسب:victory:

[غزلان]

بالنسبة لي قبل ما نطلع من الفندق الم الاكياس كلها واقطها في الزبالة والاكياس الكشخه اخذها معاي الفوط تكون في الحمام الاكل نرميه في الزبالة
السرير عليهم



تصرف سليم ويدل على نمط حياتك وهذا المفروض يسويه كل نزيل :nice: