أفضل ساتر حول البيت ؟

[أسير الاسهم]

السلام عليكم

يا جماعه حاب اسأل عن السواتر حول البيت ؟

افضل الانواع من حيث :

التغطية الجيده ؟
النوعية الجيده ؟
الشكل الجيد ؟
والسعر المناسب ؟


:nice:

[أسير الاسهم]

سبحان الله

[العربية نت]

اذا تقصد ان بيتك مكشوف من الجيران وتبغي ساتر فيه نوعين :


نوع قماش وغالي جداً ويمتاز بشكله الحلو :rolleyes2:
وفيه الطبيلات الشينكو العادية وهي تفي بالغرض واي محل حدادة وطبيلات يسويها لك حسب المتر والارتفاع المطلوب انصحك بها النوع لانه رخيص ويفي بالغرض مثل ما وضحت :shy:

بالتوفيق ... :)

[هدوء العاصفة]

في سواتر قماش وسعرها معقول وفي سواتر بلاستيك مقوى الشبيه بالخشب والسعر تقريبا دبل .. شوف النوعين وقرر ميزانيتك والكمية اللي تبيها وبالتوفيق.

[بومحمد86]

ماقصرو الربع وعندك اذا مكشوف من قدام البيت ازرع شجر ساتر ومنظر اثنين في واحد:nice:

[king999]

انا انصح ب الجي ار سي منظرة احلى من القماش بواجد

[w.qatar]

القماش الاسترالي اللي منتشر في اعلانات الوسيط عليه ضمان 10 سنوات ما شاء الله رووعه مركبينه ولا اشتكينا منه و احسن من الشينكو اللي مع الهوا يطلع صوت مزعج

[catqat]

من وين أحصل اللي يركبون الشينكو؟؟؟

[محب الخيل]

أخوي / أسير الأسهم

خذها نصيحة مجرب أنا ركبت شينكو بطول متر وعرض البيت 25 متر
الصراحة تحسفت إني ماركبت قماش أو جي ار سي , لأنه الشينكو منظرة مش حلو
ثانياً :- يطلع صوت مع الهواء , ثالثا :- سبب لي تصدعات في الطوفة الخارجية بسبب إهتزازة مع الهواء
بالأضافة الى أنه ممكن يكتم الهواء عن البيت خاصة لما يكون بإرتفاع عالي .

الأيام الجاية إن شاء الله ناوي أشيله وباركب قماش , منظر حلو ويسمح بمرور الهواء

أدفع زيادة شوي وريح نفسك ,,,

[أسير الاسهم]

جزاكم الله خير

[QP Engineer]

اتمنى من الأخوان يحطون النوع اللي تم تركيبه بالطول والعرض + السعر + المصدر وذلك حتى تعم الفائده للجميع :) وياريت إذا في صور بعد يكون أفضل .. وكل الشكر لكل من يتعاون :victory:

[QtrGate]

اذا الحوش كبير ازرع نخل وتحت النخل ليمون او لوز

[معماري قطري]

انا مع القماش كساتر مع اني ضده كمظله للسيارات بسبب تجميعه للغبار وتسريب الماي على السيارات وصلصال الغبار الناعم.

[أسير الاسهم]

القماش يا جماعه كم أسعاره ...؟

وهل عليه ضمان ؟ وأفضل محل يسويه .؟

[العربية نت]

اسال الي سوا لك طبيلة السيارات :shy: يقدر يسوى لك هالشغل بعد او بيدلك على المكان الزين:(

بالتوفيق :)

[أسير الاسهم]

اللي سوا الطبيله كويك سبان .. ما يجي ساتر

وقال ما نسوي سواتر

ابي ناس متخصصه قماش

[BoAzozz]

القماش سعره معقول وشكله ارتب
الشينكو ارخص بس الشكل مب شي وصوت مع الهوى

هذا واحد يركب ساتر
70104036

تحياتي

[وطن]

أحلى شي الشجر

بس لازم تعطيه وقت عشان يكبر و يستر بيتك

[العربية نت]

اخوي مثل ماذكرت لك من قبل القماش الزين غالي الي هو بلاستيك ويجيك نفس هالصورة ومنه اشكال والون متعدده :(

http://www6.0zz0.com/2011/08/28/09/573368990.jpg


و يجيك نوع ثاني من القماش الاسترالي منظربس وجودة ردئية معليك منهم ومن ضمانهم كل واحد بيمدح سوقه شف اغلب المظلات طايحة هي نفسها يستخدمونها سواتر :rolleyes2:


الشينكو مثل ما وضحت سابقاً يفي بالغرض ورخيص بس يبغي له تركيب جيد

شف وسيط الشرق اليوم فيه كذا شركة كلمهم اذا انت مصمم على القماش وموجود صور

http://www.al-sharq.com//PDFLinks/PDFs/bd92db03-77c3-40ae-a7c8-82a6060bc3ef.pdf

[AL-MAYSTRO]

انا شفت عند جيرانا نفس هالساتر طربال اعتقد

http://up.arab-x.com/May12/3vS78958.jpg (http://up.arab-x.com/)


عجبني الصراحه ومنظره لايق ع البيت اذا البيت حديث

اما الشينكو الحديد شفته ع بيت واحد يديد في الفريج وخرب المنظر للبيت

[أسير الاسهم]

والله القماش شكله زين مو مثل الشينكوو يخرب شكل البيت .. وقوة ظغطه على البيبات المثبته فالسور تصدع الجدار
اما القماش الهواء يدخل فيه عادي وما يصده ولا يعمل ضغط على السور المثبه فيه

[w.qatar]

اخوي احنا سوينا عن شركة اسمها المظلات البرونزية قماش استرالي و عليه ضمان 10 سنوات و سعره احسن من السواتر البلاستيكية عطانا المتر على 130 اظن للسواتر و طبيله السيارات اغلى شوي لان القماش معاه وتر بورف اما القماس اللي للسواتر بدون الوتر بروف

[catqat]

اتمنى من اللاخوة ذكر الاسعار.. علشان نستفيد .. ونقارنه بسعر الباقي ف السوق

[أسير الاسهم]

الحمدلله اتفقت مع شركة فوريورسيرفس

عمل لي ساتر قماش استرالي .. ضمان 10 سنوات

السعر 90 ريـال

[PGR]

شباب ماعليكم امر بغينا صور للاعمال اللي بتسوونها عشان نستفيد

[محاسب]

ولاعليكم امر ودنا بالصوووووور

[معماري قطري]

موضوع مهم ناوي أركب قماش بإذن الله نبي الأسعار وعناوين وأرقام الشركات إذا ممكن.

[محاسب]

الحمدلله اتفقت مع شركة فوريورسيرفس

عمل لي ساتر قماش استرالي .. ضمان 10 سنوات

السعر 90 ريـال

عسى توفقت معاهم .............. وتم الشغل ع خير