توزيعات ونقاط الكهرباء ؟

[وحيد-الشوق]

السلام عليكم

يا اخوان المهندس خلصلي توزيعات الكهرباء والانارة وكل شيء تمام وزدت وعدلت اشياء من عندي وتوصيلات التلفزيون والهاتف في كل الغرف وتوزيعات الاثاث بعد مرتبه ولله الحمد

هل في شيء ناقص بعد ؟ :rolleyes2: مثلا اجهزه كاشف الدخان والانتركم وغيره ماضفتها لحد الان

وبالنسبة للاصنصير(المصعد) هل يركبون فيه تلفون ولا انتركم فقط ؟

[هدوء العاصفة]

جهز حق الكاميرات اما كشف الدخان فعادة تكون وايرلس ما تحتاج تجهيز ..

بالتوفيق

[بومحمد86]

عندك الانتر كم والكامرات للخدم اما اجهزه كشف الدخان ماعتقد بتحتاج لها ان شاء الله

[captin]

مرحبا الأخ وحيد

دامك وزعت الأثاث بشكل دقيق وصحيح وعلى اساسة وزعت
نقاط الكهرباء والإضاءة والهاتف والتلفزيونات في المساحات والغرف

بالنسبة للهاتف عندك خيار انك تسوي نظام بدالة وتمدد كابلات للبيانات
والهاتف مع بعض نوع Cat6 وفي هالحالة بتكون شبكة تقدر توصل
أجهزة الكومبيوتر على أيه نقطة اذا حبيت او تستخدم الوايرلس
وهاذي البدالة بتغنيك عن الانتركم لانك بتستخدم الهاتف للتواصل داخل الفيلا
بين الغرف.

تبقى عندك أجهزة كشف الدخان وهاذي اما نوع ويرالس او واير وتحتاج
مصدر كهرباء في السقف.

أيضا لو حبيت نظام صوتي عبارة عن سماعات صغيرة في الجبس في الامكان العامة
لو حبيت تشغل موسيقى هادية في الاماكن العامة او الاذاعة او غرفة الطعام وهاذي تمديداتها في السقف ويتم توصليها بامبليفاير للتحكم تخليه في الصالة مثلا.

اذا ناوي تركب كاميرات مراقبة على السور والامكان المفتوحة في الحوش ايضا تخلي المهندس يسوي لك توصيلات ومصدر للكهرباء لها.

ولاتنسى تحط كم نقطة كهرباء على البيت من الخارج عشان لوبغيت تستخدم كهرباء او غسيل يكون عندك مصدر وما تمدد وايرات من الغرف . وحط لك مصدر ماء وكهرباء فوق السطح للغسيل خصوصا غسيل المكيفات.

بالتوفيق ان شاء الله .

[ولد المنصور]

اخوي العزيز ..
افضل توزيع للسواكت ف زوايا البيت ماتكون ف النص ,, وعندك وضع ساكتين للتلفزيون والرسيفر وارفعهم اشوي ..
مثل ماذكرو ا الاخوان من تمديدات للسماعات والكاميرات ...
وتذكرت نقطه مهمه بعد ,, منهولات الصرف الصحي اللي داخل الحمامات ( الله يعزكم ) تنحط بزاويه مب ف النص ,,,, الشطاف بعد يستحسن حار* بار...
وان شالله مانسيت شي .....

[وحيد-الشوق]

جزاكم الله خير يا اخوان وبارك الله فيكم

الف شكر لكم على الافادة

:)

[معماري قطري]

جهز حق الكاميرات اما كشف الدخان فعادة تكون وايرلس ما تحتاج تجهيز ..

بالتوفيق

هذا كان اعتقادي قبل

بس مهم على الأقل كم نقطة أساسية يكونون مرتبطين بحيث لو اشتغل جرس يشتغلون الباقي .. فمثلاً يمكن يستوي حريق بسيط في غرفة معزولة وبعيدة ويصيح الجرس فيها والكل نايم ما يدري ولا يوصله الصوت .. لكن لو شبكة مربوطة ببعض يكون الإنذار مسموع للكل وممكن السيطرة على الحريق في بداياته بدون خساير كبيرة أو أقل شيء يحصلون أهل البيت فرصة للهرب، وهذا النظام ما يكلف شيء وعلى الكهرباء وفيه بطاريات احتياط.

شيء آخر لو جهاز كان معطل يشتغل الجهاز الثاني لحظة وصول الدخان اليه، وهناك أجهزة حرارية، وهناك أجهزة كاشفة لتسرب الغاز توضع في المطابخ.

[w.qatar]

اخواني بسالكم بعد ما سكنت البيت اكتشفت ان المقاول مكنسل بلك كهرباء في احد الغرف كلمة انكر ولا يبي يجيب الخرايط اللي عنده المفروض فيها 3 حط لي بس 2 شالحل الحين
والمشكله ان الغرفه خلصنا ورق الجدران فيها

[عايش فرحان]

هذا كان اعتقادي قبل

بس مهم على الأقل كم نقطة أساسية يكونون مرتبطين بحيث لو اشتغل جرس يشتغلون الباقي .. فمثلاً يمكن يستوي حريق بسيط في غرفة معزولة وبعيدة ويصيح الجرس فيها والكل نايم ما يدري ولا يوصله الصوت .. لكن لو شبكة مربوطة ببعض يكون الإنذار مسموع للكل وممكن السيطرة على الحريق في بداياته بدون خساير كبيرة أو أقل شيء يحصلون أهل البيت فرصة للهرب، وهذا النظام ما يكلف شيء وعلى الكهرباء وفيه بطاريات احتياط.

شيء آخر لو جهاز كان معطل يشتغل الجهاز الثاني لحظة وصول الدخان اليه، وهناك أجهزة حرارية، وهناك أجهزة كاشفة لتسرب الغاز توضع في المطابخ.

سؤال (بعد اذن صاحب الموضوع) حق اللي ركب كاشف الحريق ..
يوم تبخرون البيت او حد يشيش او يدخن في البيت .. كواشف الدخان ما تسويلكم مشاكل؟

[معماري قطري]

سؤال (بعد اذن صاحب الموضوع) حق اللي ركب كاشف الحريق ..
يوم تبخرون البيت او حد يشيش او يدخن في البيت .. كواشف الدخان ما تسويلكم مشاكل؟

أكيد تكون مزعجه .. بس لها حاجة ضرورية .. وبعدين تبعد عنها الدخان المباشر ما تشتغل.

[هدوء العاصفة]

هذا كان اعتقادي قبل

بس مهم على الأقل كم نقطة أساسية يكونون مرتبطين بحيث لو اشتغل جرس يشتغلون الباقي .. فمثلاً يمكن يستوي حريق بسيط في غرفة معزولة وبعيدة ويصيح الجرس فيها والكل نايم ما يدري ولا يوصله الصوت .. لكن لو شبكة مربوطة ببعض يكون الإنذار مسموع للكل وممكن السيطرة على الحريق في بداياته بدون خساير كبيرة أو أقل شيء يحصلون أهل البيت فرصة للهرب، وهذا النظام ما يكلف شيء وعلى الكهرباء وفيه بطاريات احتياط.

شيء آخر لو جهاز كان معطل يشتغل الجهاز الثاني لحظة وصول الدخان اليه، وهناك أجهزة حرارية، وهناك أجهزة كاشفة لتسرب الغاز توضع في المطابخ.

عزيزي معماري شريت من الانترنت جهاز كشف الحريق ينربط مع بعضه وايرليس وطريقة تركيبه بسيطه :nice:

[معماري قطري]

عزيزي معماري شريت من الانترنت جهاز كشف الحريق ينربط مع بعضه وايرليس وطريقة تركيبه بسيطه :nice:

شيء حلو علمنا التفاصيل والله أتوقع وايد محتاجين انا أولهم .. ركبت بالبطاريه بس ابي اللي ينربطون ببعض وأتمنى حد يعرف وين يحصلون جهاز كشف تسريب الغاز هذا مهم للمطابخ.