من احسن مكان يبيع الجكوزي

[q6ryah]

باريت لو تساعدوني أني اشتري جكوزي نوعه ممتاز
اخوي نصحني بنابينا يقول ضمان 20 سنة وألماني بس ما عرف اسم الشركة
وانا شفت محل بشارع سلوى عندة جكوزي بحريني ماركة اوال والضمان عشر سنوات
أنا ابي اشتري جكوزي حد مجرب شركته :confused::confused:
لكم المايك :secret:

[مضارب دوسري]

محل جكوزي ف طريق سلوى
وعلى فكره يقدر ينزل لج فالسعر وايد
بس انتي وشطارتج
نابينا اللي عنده صيني فقط

[ابوعلي]

انا خذت من محل جكوزي بطريق سلوى ولكن للحين ماركبت ولكن امدحوا المكان وعلى هالاساس خذت من عندهم

[ولد المنصور]

انا خذت من عند جاكوزي اللي بطريق سلوى لحد الان ممتاز .. اعتقد هوالافضل والارخص

[captin]

قاعدة عامة عندة الاختيار والشراء ,

عدم تفضيل السعر على الجودة والمصدر والمواصفات

وأهم العناصر عند الشراء

الجودة والمصدر الأوروبي أو الأمريكي للجاكوزي
تناسب الجاكوزي مع المساحة المتوافرة بالحمام
سهولة التمديدات
سهولة التشغيل وعوامل الأمان وفصل الكهرباء عند وجود مشكلة فنية

من خلال هذه العناصر راح يتحدد السعر

أعتقد نابينا بالإضافة إلى عدد من المحلات بشارع سلوى عندهم اختيارات متنوعة

وهذا رابط للإطلاع على المواصفات والاشكال لأنواع الجاكوزي أحلاها في وجهة نظري
اللي يجي على الزاوية .

http://www.jacuzzi.com/baths/categories/index/primo

بالتوفيق ان شاء الله

[معماري قطري]

قاعدة عامة عندة الاختيار والشراء ,

عدم تفضيل السعر على الجودة والمصدر والمواصفات

وأهم العناصر عند الشراء

الجودة والمصدر الأوروبي أو الأمريكي للجاكوزي
تناسب الجاكوزي مع المساحة المتوافرة بالحمام
سهولة التمديدات
سهولة التشغيل وعوامل الأمان وفصل الكهرباء عند وجود مشكلة فنية

من خلال هذه العناصر راح يتحدد السعر

أعتقد نابينا بالإضافة إلى عدد من المحلات بشارع سلوى عندهم اختيارات متنوعة

وهذا رابط للإطلاع على المواصفات والاشكال لأنواع الجاكوزي أحلاها في وجهة نظري
اللي يجي على الزاوية .

http://www.jacuzzi.com/baths/categories/index/primo

بالتوفيق ان شاء الله

أخ كابتن هذا الجكوزي اللي باسم مخترع الجكوزي ومطوره الأمريكي وهو من أفضل الجكوزيات في العالم .. شكل ما قلت عن المميزات وأضيف لها ميزة التشطيب الراقي واللي يخلي الحوض سهل الغسيل ولا يمسك الوصخ ولا يتغير لونه ولا يتشمخ بسهولة.

[q6ryah]

اي محل جكوزي اللي بسلوى اللي شفت فيه الجكوزي اللي صناعته بحرينيه يعني تتوقعون أخذ منه ؟

[ولد شرق]

محل جكوزي ف طريق سلوى
وعلى فكره يقدر ينزل لج فالسعر وايد
بس انتي وشطارتج
نابينا اللي عنده صيني فقط


لا اخوي
نابينا قد يكون عنده صيني
لكن عنده جكوزي ماركة توتو احسن الماركات على الاطلاق صناعة يابانية 100%

لكن سعره غالي...

[القنيطرة]

العطيه الي عند استاد الدوحه

[مضارب دوسري]

لا اخوي
نابينا قد يكون عنده صيني
لكن عنده جكوزي ماركة توتو احسن الماركات على الاطلاق صناعة يابانية 100%

لكن سعره غالي...

من قالك ياباني اخوي :)

هالكلام تغير من كم سنه
الحين عندهم فقطططططططط اندونيسي مافي شي ياباني عندهم

[مضارب دوسري]

لا اخوي
نابينا قد يكون عنده صيني
لكن عنده جكوزي ماركة توتو احسن الماركات على الاطلاق صناعة يابانية 100%

لكن سعره غالي...

من قالك ياباني اخوي :)

هالكلام تغير من كم سنه
الحين عندهم فقطططططططط اندونيسي مافي شي ياباني عندهم

وعلى فكره اخوي
روح عندهم وقوله ابي اشتري طقم دبليو سي ومغسله
وشوف المعروض
بتلقى الله يكرمك داخل الدبليو سي الا بيض صار اصفر
يعني الله يكرمك داخل الدبليو سي اللون اصفر وترسبات هذا وهو بس معروض مب مستخدم فما بالك لو كان مستخدم :shy:

[مضارب دوسري]

العطيه الي عند استاد الدوحه

ماعنده اخوي
عنده نوع واحد اذا ماخاب ظني قالي صيني او الاكيد انه مب انجليزي وب 12000 ريال
لا وعندهم بانيو فقط (مب جكوزي) انجليزي سعره ب 32000 :telephone:

[@north_star@]

ماعنده اخوي
عنده نوع واحد اذا ماخاب ظني قالي صيني او الاكيد انه مب انجليزي وب 12000 ريال
لا وعندهم بانيو فقط (مب جكوزي) انجليزي سعره ب 32000 :telephone:

اسمحلي على المداخلة اخوي مضارب بس الي عند العطية الي صوب استاد الدوحة ماركة جاكوزي ,وهي من أرقى الماركات الايطالية بس السعر شوي غالي والفرع الي صوب طريق سلوى موجود ماركة جاكوب ديلافون الفرنسية والكوهلر الامريكي اما الانجليزي الي هناك معظمه للبانيوهات العادية

[سهم عتيج]

يعطيكم العافية جميعا

ممكن حد يوصف لي وين محل جاكوزي بطريق سلوى بالضبط

دورته ذاك اليوم وماعرفت وين مكانه

[كب كيك]

مساء الخير جميعاً

لا شك بأن الجاكوزي أصبح شيء ضروري في كل منزل

ويوجد ملاحظة هامة في الجاكوزي يجب الانتباه لها قبل الشراء وهي فتحات دفع الماء الموجودة في أرضية البانيو حيث ان وجود الفتحات في أرضية الجاكوزي لها مساؤئ كبيرة جداً تكمن في ترسب المياه بعد الانتهاء من استعمال الجاكوزي وعندما يبقى الجاكوزي لمدة أيام قليلة دون استخدام ينتج روائح كريهة و مزعجة بشكل كبير من هذه الفتحات نتيجة ترسب المياه مما ينتج خلاف الروائح بكتيريا و تلون كريه جداً

[معماري قطري]

اسمحلي على المداخلة اخوي مضارب بس الي عند العطية الي صوب استاد الدوحة ماركة جاكوزي ,وهي من أرقى الماركات الايطالية بس السعر شوي غالي والفرع الي صوب طريق سلوى موجود ماركة جاكوب ديلافون الفرنسية والكوهلر الامريكي اما الانجليزي الي هناك معظمه للبانيوهات العادية

صادق أخ نورث ستار

شوف الموديل نفسه اللي عند العطية من جكوزي وسو بحث عنه في النت بتحصله وايد أغلى وفي بلاد إنتاجه .. وبعضه يصنع في أمريكا للسوق الأمريكي وبعضه في ايطاليا لباقي العالم واللي في ايطاليا يجي شوي أرخص وتشطيبه أفضل .. عن بحث وتجربه انا خذت من شبيب وعلي العطية وكان هو الأرخص حتى أرخص من دبي.

اللي يعيب تسويق العطية إنهم مخازنهم بدائية ولازم العميل يستلم وينقل والعيب الآخر كانت الصيانة معدومة وألحين مثل ما سمعت يسوون.

[معماري قطري]

يعطيكم العافية جميعا

ممكن حد يوصف لي وين محل جاكوزي بطريق سلوى بالضبط

دورته ذاك اليوم وماعرفت وين مكانه

هو نفسه تابع للعطيه وتحصله قريب من غرناطه للاناره قبل دوار مدماك .. وقريب من الإمارات للأثاث.. وهذا رقم خالد مسؤول المبيعات هناك 55557849 لو ضيعت أو شيء يقدر يوصف لك.

[سهم عتيج]

هو نفسه تابع للعطيه وتحصله قريب من غرناطه للاناره قبل دوار مدماك .. وقريب من الإمارات للأثاث.. وهذا رقم خالد مسؤول المبيعات هناك 55557849 لو ضيعت أو شيء يقدر يوصف لك.

مشكور يا اخ معماري على المساعدة..

[معماري قطري]

مشكور يا اخ معماري على المساعدة..

لا شكر على واجب يا اخوي

[ولد شرق]

من قالك ياباني اخوي :)

هالكلام تغير من كم سنه
الحين عندهم فقطططططططط اندونيسي مافي شي ياباني عندهم

وعلى فكره اخوي
روح عندهم وقوله ابي اشتري طقم دبليو سي ومغسله
وشوف المعروض
بتلقى الله يكرمك داخل الدبليو سي الا بيض صار اصفر
يعني الله يكرمك داخل الدبليو سي اللون اصفر وترسبات هذا وهو بس معروض مب مستخدم فما بالك لو كان مستخدم :shy:

تسلم ياخوي على الشرح

انا خذت منهم دبيلو سي وخذت معاهم شهادة منشأة انه ياباني
قال لي في انواع يابانية وانواع مهب يابانية

إلا اذا انت متأكد برجع لهم...