تكفون .. انصحوني يا اهل الخبره

[BU_7MD]

السلام عليكم اخواني

انا عندي مبلغ سحبته من البنك عشان اشتري ارض .. لكن للاسف ان الحد الاقصى الي سحبته مايجيب لي ارض

حاولت اتسلف من الربع والاخوان .. لكن كل واحد عليه ديون ومايقدر


فأفكر احط المبلغ بالكامل فالبورصه .. ادري انها مغامره .. لكن النفسيه تعبانه بسبة اني ماقدر اشتري الارض اللي في بالي



ابي منكم تنصحوني .. وين اقدر استثمر الفلوس وفي اي شركه بشرط تكون حلال

استثماري تقريباً خلال سنه ..


افيدوني يا اهل الخير

[حمد (بوعلي)]

علييك بمواشي (اودام) ولا غيرها توكل على الله

[ولد العرب]

حطيت مليون بالبورصة وصارت ملح :( قدر الله ماشاء فعل
انتبه انتبه انتبه انتبه
حاول تشتري سوبر مان او شفر اصفار من سعوديه 3 او 4 وادرس اسعارها بمعارض قطر والوكالات وعقب توكل على الله خلال سنة بيكون عندك مبلغ يدسم شاربك لان السيارة الجديدة بدون جمرك :)

[النهار]

تحمل تغامر بالمبلغ
اشتري اسهم بمبلغ 50% وارجع الباقي للحساب وعدم وضع المبلغ في شركه واحده نوع
دائما الكاش ملك ممكن تجد فرصه من الفرص
بس ماعرفنا كم المبلغ

[BU_7MD]

تسلمون عالنصايح

المبلغ مليون

طبعاً انا افكر اني اشتر في اكثر من شركه .. تنويع

[bo7mood72]

تحمل يا بوحمد
أسواق المال غداره

قدم المبلغ دفعه وأشتر لك بيت جاهز
وسدد الباقي

[الكاسر99]

والله يا أخوي مبلغ المليون ريال صار ألحين ولا شي

شي لا يتوقعه أحد ارض بمساحة 900 قبل عشر سنوات كانت بمبلغ 100 ألف

ألحين نفس مساحة الأرض ونفس المكان صار سعرها فوق الثلاث ملايين

السوال ليش هل الحصى والرمل اللي فيها تحول لذهب

[عاشق العديد]

اخوي حمد صوتي من صوت اخوي فوق تاجر فالسيارات والله انها ربـح ..

السيارات وراها رزقق ..
وخاصتن ركز على السيارات الي يستهدفونها الشباب صدقني باذن الله راح تربح في كل سياره 5 ولا 4 الالف وتخيل تكون ماخذلك اكثر من 5 سيارات يعني فالشهر راح تدخلك مبلغ محترم ..

[أسد الجزيرة]

رجع الفلوس البنك

[الـخـور]

ابعد ابعد عن البورصة تراها تمرض
محد خسرنا الا هالبورصة ..

انا صارت عندي قناعة .. اذا بدخل البورصة بدخل عشان احصل عائد سنوي فقط وليس للمضاربة
وركز على الحلال منها

[d.romance]

50% مواشي
و50% بروة
والله يرزقك
والله تعالى اعلم

[وحيد-الشوق]

رجع المبلغ للبنك ولاتتهور نصيحه مافي احلى من انك تعيش ومايكون عليك ديون :)

[aboemad]

اخي الحبيب
اضافة الى ان الدين هم بالليل ومذلة بالنهار ، فحسب معرفتي البسيطة من عوامل النجاح فى البورصة ان تستثمر ببعض من فائض اموالك حتى لاتتطر الى البيع فى اوقات قد تكون غير مناسبة لك ، .

[افاميا]

انصحك شيرا من المانيا مرسدسات روس تريلات مديل 2008بتحصله 130000البيع 200000شرط تكون نضيفه والله الموفق

[BU_7MD]

شكرا عالنصيحه يالربع .. لكن من الواضه انه في اختلاف .. بين مؤيد ومعارض للفكره


طيب بخصوص التجاره بخصوص السيارات .. من يقدر يفيدني فيها .. بالتفاصيل

[دربوه]

نصيحه حطه المبلغ كله ف البورصه واصبر ولاتطمع

عندك التكافلي مواشي مخازن ازدان كلها على اخر السنه اسعارها بترتفع

بس لاتطمع اربح ريال ريالين بيييع