ارمضان قرب والهجوم على الجمعيات قرب

[حمد 2002]

السلام عليكم ورحمه الله وبركاته

الموضوع يحمل العنوان التالي

(( ارمضان قرب والهجوم على الجمعيات قرب ))

في البدايه مابي احد ايحط اللوم على الحريم ولا الرجال ، لأن اثنينهم مشتركين بهالشيء :omen2: ، ومانبي عنصريه مابين الحريم والرجال :rolleyes2: ، لان كلهم مكملين للأخر :) ،،،

ليش بمشترياتنا برمضان ناخذ فوق احتياجاتنا ، ليش مانقتدي بالاجانب بمشترياتهم خلال رمضان :) ،،

والحديث في هذا الجانب يطول يطول لذا سأترك لكم الحديث حول هذا الموضوع بكل اريحيه مع بعض الصور التي اقتبستها من هنا وهناك ،،

ناس تشتري

http://up.arabseyes.com/uploads2013/25_06_13137219031426181.jpg (http://up.arabseyes.com/)

والنتيجه
http://up.arabseyes.com/uploads2013/25_06_13137219031443513.jpg (http://up.arabseyes.com/)

الموضوع مفتوح للنقاش العام على مصراعيه وفقا لسياسه المنتدى وبدون الخروج عن الإطار العام للموضوع

تحياتي للجميييع ،،،

[بوخالد911]

هلا

هناك أكلات ووجبات تشتهر وترتبط بقدوم شهر رمضان الفضيل
وبعد عندك بعض المشروبات وأشهرها الفيمتوو



الاعتدال مطلووب
والخير متوفررر

والله يعيين ميزانية الأسر بذي الشهرر

[برويقن]

إخوي حمد روح اللولو وشوف الأجانب شكثر يشترووون أكثر من القطريين

وازيدك من الشعر بيت من فترة كنت في بريطانيا ودخلت جمعية Asda وشفت الأجانب يشترووون وايد

[قلبي الطيب]

الأجانب يشترون للشهر كله هذا نظامهم لرمضان أو غيره
عموما أنا معاك قلبا وقالبا الإسراف في رمضان وزيادة الأكلات اللي الواحد مايلحق يأكلها ممنوع

[تغلبية]

عادة سيئة (اقتصاديا) ولكنها نوعاً ما حلوة .. تحسسنا بجية رمضان .. الله يعوده علينا وعليكم بالصحة والعافية

لكن بديت احد منها في البيت .. ونأخذ اغراضنا اسبوعيا او كل اسبوعين .. ذاك اول نمير شهر بشهر

[R 7 A L]

بعضهم اناني يشتري فوق حاجته
ومايخلي شي للناس

[R 7 A L]

http://im39.gulfup.com/25lNU.jpg (http://www.gulfup.com/?FUe8Ub)

[aziz4z]

مب شرط كل واحد يشتري على الفاضي, في ناس تشتري و توزع على الفقراء أو العمال البسطاء , وفي نفس الوقت في أكلات مانسويها إلا في رمضان , مرات واحد يسوي زيادة يفكر كل العائلة بتاكل , بس في ناس ممكن تعجبها و في ناس ممكن ماتعجبها , و أنا إيش أسوي إذا ماياكلون , أكيد راح أرميه في الزبالة
بس في الاساس هاي شهر يتوقع تنقص أوزان الناس , بس عندنا زيادة في الاوزان , ياكل لحديت ماينفجر , الظهر نوم , و الليل مجالس ,كيف هيشعر بالجوع أو بلذة رمضان
الله يهدي شبابنا وفتياتنا لمافيه خير دنياهم و أخراهم
ومشكور حمد على الموضوع :d

[catqat]

من كم سنة اتبعنا نظام اشتر وقت الحاجة ... وبنظر الوالدة دام الجلي والمحلبية والكريمة موجودين مش لازم نروح للجمعية!!

[لاجل QT]

انا اشتري اغراضي نفس كل شهر في رمضان

بس عاد بيخلون لنا شي هالمتخرعين اعنبو

يبا ارمضان زيدو فيه العبادة مهب الاكلات

بس سؤوال هل هل هالفئة المتخرعة فاهمة الموعظة صح من الصيام ولا لا

هل يحسون بالجائع ولا لا

وين بيحسون على هالكم الهائل من الاكلات
زط يامال العافية ومسلسلات وسهرات وقبقات وكل يوم لبس رمضاني جديد(دراريع كويتة جلابيات مغربية واشي اصفر واشي احمر واشي اخضر)
وزيارات المفوشر)

اللهم ارحمنا برحمتك

[moonبنتnight]

ذاك أول تحول 00
هذه العادة أنتثرت 00 الجمعيات طول سنة زحمة سواء من القطريين أو الاجانب 00

[نوار قطر]

صبااح الخير..الناس وظروفهم حمد انت ماتدري ليش ياخذون هالكثر يمكن ياخذون لهم وحق عيالهم... يمكن ياخذون ويوزعوون على الفقاره والمحتاجين.. ويمكن مثلي انا اخذ حق الشهر كله .. اخذ الاشياء الاساسيه حق شهر كامل عشان مااضطر اخذها مره ثانيه طبعا ذي طول السنه مب في رمضان بس ودخلتي للجمعيه في باقي الشهر حق الاشياء البسيطه.. ... وبعدين ياحمد الحين الجمعيات ماتخلى من الناس سواء في رمضان ولا غيره يمكن انت تشوف ان رمضان غير لان معروف فيه كثرة الاكل ..

الله يعوده علينا وعليكم بالخير والبركه:victory:

[ضوى]

تسوقي في رمضان نفس تسوقي لباقي الاشهر يمكن ازيد شوي عشان توزيعات عالجيران وخلافه لكن بشكل عام الجمعية من روادها يوم وترك اذا مب كل يوم لشراء سلعة والا ثنتين

الحمد لله رب العالمين مب اكيلين وكل اللي معاي بالبيت مثلي

[عاشق العديد]

بسم الله الرحمن الرحيم ..

في شي محد ركز عليه لكن حمد اانا ركزت عليه انت ضد الحريم لو تلاحظون الصوره الي حاطها بس فيها حريم وهو قال انه الموضوع مب على الحريم فقط .؟؟؟؟؟؟

<< يقلب البنات عليه ههههههههههههههه

والله ياحمد يعني انا مالي فهالسوالف فديت خشمـك .. لكن الوالده ماتقصر والحمد لله لما تجيب ششـي تجيبه والحمد لله يخلص من لذة الاكل الي تسويه الوالده والحمد لله.. واكيد احنا مانشجع على الاسراف او الجنونيه فالاكل ولا ليكون العالم الحين يسون اكل بس عشان تصوير .؟؟؟

موضوع حلـو ياخوي حمد .. بس ماقد مره رحت بيت احد من هلي في رمضان وشفتهم مكثرين يعني الحمد لله يكون الاكل على عدددنا ويكفي ويخلص .. والحمد لله ..

[همر]

http://im39.gulfup.com/25lNU.jpg (http://www.gulfup.com/?FUe8Ub)


سياره ما يجي :no2:




انا اشتري اغراضي نفس كل شهر في رمضان

بس عاد بيخلون لنا شي هالمتخرعين اعنبو

يبا ارمضان زيدو فيه العبادة مهب الاكلات

بس سؤوال هل هل هالفئة المتخرعة فاهمة الموعظة صح من الصيام ولا لا

هل يحسون بالجائع ولا لا

وين بيحسون على هالكم الهائل من الاكلات
زط يامال العافية ومسلسلات وسهرات وقبقات وكل يوم لبس رمضاني جديد(دراريع كويتة جلابيات مغربية واشي اصفر واشي احمر واشي اخضر)
وزيارات المفوشر)

اللهم ارحمنا برحمتك


ما بيمدي المتخرعين ياكلون طول الليل

رمضان هالسنه اطول نهار منذ العصر الحجري

يعني الليل قصير

مب بطون هذي اللي بتاكل 3 وجبات في 8 ساعات !!! :rolleyes2:

[لاجل QT]

سياره ما يجي :no2:






ما بيمدي المتخرعين ياكلون طول الليل

رمضان هالسنه اطول نهار منذ العصر الحجري

يعني الليل قصير

مب بطون هذي اللي بتاكل 3 وجبات في 8 ساعات !!! :rolleyes2:



هههههههههه

حط بطن اخر حق الزيارات :nice:

[شبح الصمت]

لازوم ياخوي حمد

ما تبي تشوف المنتديات تصوير الاكل محد مخلص طلبات الجمعية غير الي تحصلهم ينزلون صور اكلاتهم في المنتديات

:)

[ام السعف]

شوف يا حمد

بالنسبة لي ناطرة الدعم الخاص من الدولة على المنتجات بمناسبة حلول شهر رمضان
علشان اروح اتقضى من الجمعية حق هالشهر ،،

بالنسبة لي اتخذت قاعدة مفادها اني ابطل عادة توزيع الصحون في الفريج
الا لو ضربت في راسي وسويت شي خاص ،،

بتقول لي ليش ؟

بقول لك ،، الحمدلله احنا في مثل هالشهر كل البيوت القطرية
موائدهم عمرانة باصناف الطعام مالذ منه وما طاب
ومب من الحكمة انطرش اطباق زيادة علشان نقدر هالشهر الفضيل
ونكسب اجر في الجار ،،

هناك اسر تموت من الجوع في اماكن متفرقة من العالم الاسلامي
فالأولى تقليل المصاريف في هالشهر والتفكير في اللي يموتون من الجوع ،،

لكن مع هذا مااقدر انكر ان صرفي يزيد في هالشهر
لأن تزيد معاه التنويع في اعداد الحلويات اللي ممكن تشفط الميزانية
من قيمر و دريم ويب والكوافي وغيره وغيره ،،