المدينة التعليمية وين المواطنين عنها ؟

[R 7 A L]

السلام عليكم ورحمة الله وبركاته


أسعد الله جميع أوقاتكم بكل خير ومحبة


( المدينة التعليمية وين المواطنين عنها ؟)

في البداية أشكر سمو الشيخ الوالد حمد بن خليفة ال ثاني أطال الله بعمره وصحته والشيخة موزة بنت ناصر ال مسنـد على جهودهم المبذولة في إنشاء هذا الكيان العظيــم ( المدينة التعليمية ) وجامعاتها العالميــــة في دوحة العز والخيــــر .


جامعات عالميــــة
الكثيرون من أهل الشرق والغرب يتمنون ويحلمون أن يلتحقوا بهـــا وأن يشدوا الرحال لهــا
احضرهـــــا أبو مشعل لنــــا في بلادنا
ومازال العمل مستمر ومتواصـــل لتوفير المزيد من المنشأت التعليمية الضخمـــة في ظل سيادة صاحب السمو الشيخ تميم بن حمد ال ثانـــي أمير قطر الذي سيواصل ماقام بــه والدنا أبومشعل .



ولكـــــن !!

وين ابناء الوطن عنــــها ؟
لماذا يتغربون والخير عندهم ؟
لماذا يفضل أولياء الأمور إرســال أبنائهم للخارج بينما هذة المنشأت الضخمة عندنا ؟

[alfaisaly]

عزيزي رحال منهجية التعليم لدينا في قطر لا تأهل طلابنا لمثل هذه الكليات او الجامعات
فالسابق كانت وزارة التربية والتعليم والان اصبح المجلس الاعلى للتعليم واتت المدارس المستقله
من وجهة نظري الشخصيه انه تم تأهيل الطلاب لمثل هذه الجامعات في السنوات الاخيره
ولكن سؤالي ليش ابناء قطر ما يبدون من الصفر في هذه المدارس

[abo saif]

السلام عليكم اخوي رحال
موضوع جداً مهم وخصوصاً ان التخصصات الموجودة تم اختيارها بعناية لخدمة فجوة التخصصات بالدولة

اتمنى رد من احد عنده معلومات بهذا الخصوص ، مثلاً هل هناك حصة في هذه الجامعات للقطرين في الدراسه.

------------------
من عنوان موضوعك حسبت اين القطرين من الوظائف المهمة "على الاقل" في المدينة التعليمية؟ وخصوصاً ان مؤسسة قطر "قطر فاوندتشن" تخدم قطر
يعني الوظائف المهممة هي: تلك الوظائف التي ترسم الخطة المدروسة لتوظيف الموارد المتاحة لخدمة هذا الوطن ،لان المواطن القطري اعرف بأهداف قطر التنموية

تحياتي اك
بوسيف

[يوسف0]

أسأل أصحاب الشأن عن سبب عزوف القطرين عن هذه الجامعات

عني لا أدري مالسبب الحقيقي

[دلة الرسلان]

هلا اخوي رحال فعلا المدينة التعليمية صرح عملاق ولم تتم الاستفادة منه كما ينبغي لأسباب

خاصة بهذه الجامعات العالمية واسباب عدم قدرة التعليم الحكومي بصفة عامة على توفير

مخرجات تتناسب مع متطلبات ومستوى هذه الجامعات .

ابني احد طلبة كلية تكساس في المدينة التعليمية ومعه مجموعة من الشباب القطريين .الدراسة

في هذه الكلية مجهدة جدا جدا للطالب سواء كمية الواجبات اليومية اوصعوبة الاختبارات او من

جهة التقديرات نظير العمل المنتج ويمكن أن يكون التباين الحاصل بين الأساتذه وتقديراتهم

لنفس المادة هي المعضلة الرئيسية واعتبرها ظلم للطلبة ، خاصة أذا كان اختيار الاستاذ يتم على

حسب السيستم وليس من حق الطالب .وهنا يلعب الحظ لعبته قد تقع ضمن مجموعة استاذ معقد

وامتحانه شديد الصعوبة او استاذ امتحانه في مستوى متوسط .

المفارقة أن الدراسة في البلد الأم اسهل لأن عدد الطلاب الكبير هناك يجبر المدرسيين على

تقليص كمية وحجم الواجبات والأختبارات بشهادة بعض الطلاب الأمريكان خلال تأديتهم لبعض

الكورسات عندنا في تكساس قطر .

وتغييرالواقع ليس بمستحيل ولكنه بأييدي طلاب الجامعة -بعد الله سبحانه - ومن خلال حشد

الأصوات وايصالها لأداراتهم وهناك تقبل من هذه الأدارات للحوار والتغيير .

[شيخ الديرة]

يجب أن يستند سؤالك على أحصائيات واضحة يا رحال.

وهل الهدف أن

1. كل من يود الدراسة الجامعية أن لا يسافر وأنما يدرس هنا في المدينة التعليمية؟

مستحيل لأن هناك ألاف الأختصاصات التي لا توفرها جامعات المدينة التعليمية

2. تحقيق نسبة طلاب قطريين 100 بالمئة في هذة الجامعات

وهل هذا يخدم الجامعة أو طلابها من ناحية عولمة التعامل والتواصل بعد الجامعة

3. تحسين التعليم القبل جامعي لكي يتمكن كل الطلاب القطريين من تحصيل متطلبات القبول في هذه الجامعات؟

ولا يبدو أن هناك دور للمدينة التعليمية في ذلك

4. المقارنة مع جامعات مماثلة وحساب النسبة, الجامعة الأمريكية في الشارقة مثلا؟ هذه النسبة لديهم, (المصدر)

هل نسبة مثل هذه تكون مقبولة هنا, وهل هي مقبولة للأماراتيين؟

(http://www.aus.edu/info/200129/why_aus/434/fast_facts#.UcpmbeTVBVI)http://www.aus.edu/images/spring_2013_top_ten_nationalities.jpg

يجب أن يكون السؤال محدد لكي يكون الجواب مفيدا

[Rosso]

متطلباتها صعبة والبعض يدخلون بالواسطة (ناس اعرفهم)
وفوق هاي يخلونك تسوي اشياء غبية
مثلا في جامعه من ضمن كورساتها انك تروح مشيرب وسط الهنود مرتين بالاسبوع لمدة 3 شهور تروح تحوس تكلم الناس ومادري ايش
مافي اعتبار للبنت ولا الولد :omen2:

[w.qatar]

ودي والله اكمل فيها مع ان عندي قبول مبدئي بس الايلز الله يعينا عليه ونجيب 6 :(

[عاشق العديد]

والله حاليا بما اني خلصت الثانويه العامه وبنسبه جباره والحمد لله ..

راح افكر ادخل معني اداوم بنفسس المكان بس ماعرف شالترتيب ..

[غايه الطواش]

اخوي الكريم الدراسه في المدينه التعليميه اصعب من الداراسه في البلد الام
بالاضافه ان منطلبات القبول في قطر اصعب من الجامعات الاجنبيه
وبما انها في نظامها وتاسيسها وشروطها ان تعمل وفق نظام الجامعه الام
فـ عدد القطرين محدود جدا لانه مرتبط بمحدوديه عدد الكراسي المخصصه للطلبه القطرين .. كما ان نظام العمل فيها مرتبط بنظام الموارد البشريه المتبع في الجامعه الام .
وكما ذكرت اختي دله الرسلان ,كميه الواجبات والجهود المطلوبه
من الطلبه في دوله قطر اكبر بكثير من ماهو مطلوب من الطلبه في الجامعه الام ,حتى في انظمه السفتي والسلامه تتيع جامعتها الام ولا تتبع انظمه الامن والسلامه في قطر فاونديشن .

[faisalqatar]

سبب عزوف القطريين عن جامعات المدينة التعليمية هو عدم تأهيلهم لدخول مثل هذه الجامعات
الدراسة في قطر لا تأهلهم لدخول مثل هذه الجامعات ..

جامعات المدينة التعليمية هي من اقوى الجامعات العالمية و كل جامعة فاتحه اقوى التخصصات لها ولازم اللي يدخلها تكون لغته و مهاراته في الرياضيات قوية جدا عشان يقدر يفهم المنهج

في بعض الطلاب القطريين ما شاء الله عليهم يشتغلون على نفسهم بدري و يقدمون الاختبارات المعيارية و يستوفون شروط القبول واهم في ثاني ثانوي و في البعض الثاني اللي مايتذكر يجهز عمره الا لما تطلع نتايج الثانوية العامة ..

الخلل مشترك بين الطالب اذا كان مهمل و بين التعليم المدرسي في قطر اللي ما يأهل الواحد يدخل افشل الجامعات ..

و اما بخصوص احد الردود المضحكة .. انه صديقتهم داخله بالواسطة فهذا شي مستحيل بما اني شغال في هالمجال ..

[ام السعف]

اخوي الكريم الدراسه في المدينه التعليميه اصعب من الداراسه في البلد الام
بالاضافه ان منطلبات القبول في قطر اصعب من الجامعات الاجنبيه
وبما انها في نظامها وتاسيسها وشروطها ان تعمل وفق نظام الجامعه الام
فـ عدد القطرين محدود جدا لانه مرتبط بمحدوديه عدد الكراسي المخصصه للطلبه القطرين .. كما ان نظام العمل فيها مرتبط بنظام الموارد البشريه المتبع في الجامعه الام .
وكما ذكرت اختي دله الرسلان ,كميه الواجبات والجهود المطلوبه
من الطلبه في دوله قطر اكبر بكثير من ماهو مطلوب من الطلبه في الجامعه الام ,حتى في انظمه السفتي والسلامه تتيع جامعتها الام ولا تتبع انظمه الامن والسلامه في قطر فاونديشن .

المتطلبات في الجامعتين هي وحدة يا غاية ،، وسبق في احدى المواضيع
وضعنا روابط للمتطلبات وكانت وحدة ،،

[ام السعف]

سبب عزوف القطريين عن جامعات المدينة التعليمية هو عدم تأهيلهم لدخول مثل هذه الجامعات
الدراسة في قطر لا تأهلهم لدخول مثل هذه الجامعات ..

جامعات المدينة التعليمية هي من اقوى الجامعات العالمية و كل جامعة فاتحه اقوى التخصصات لها ولازم اللي يدخلها تكون لغته و مهاراته في الرياضيات قوية جدا عشان يقدر يفهم المنهج

في بعض الطلاب القطريين ما شاء الله عليهم يشتغلون على نفسهم بدري و يقدمون الاختبارات المعيارية و يستوفون شروط القبول واهم في ثاني ثانوي و في البعض الثاني اللي مايتذكر يجهز عمره الا لما تطلع نتايج الثانوية العامة ..

الخلل مشترك بين الطالب اذا كان مهمل و بين التعليم المدرسي في قطر اللي ما يأهل الواحد يدخل افشل الجامعات ..

و اما بخصوص احد الردود المضحكة .. انه صديقتهم داخله بالواسطة فهذا شي مستحيل بما اني شغال في هالمجال ..

اتفق معاك في كل حرف ،،

احد ابنائي كانت نسبته في المدرسة 98% والأول على مدرسته بفضل من الله
وتوفيقه ،، من تخرج في الثانوية وهو عنده 6 ايلتز لكن المشكلة ان
ماكنا نعرف انه لازم يقدم اوراقه في نفس السنة اللي كان يدرس
فيها الثالث الثانوي ....> نحمل نفسنا المسؤولية ،،

سنة في الجسر عمل على نفسه وياب 7 في الايلتز وعدل سكوره
في الايه سي تي ،، ودخل احدى الجامعات وتخرج منها بفضل من الله
بتقدير ممتاز مع مرتبة الشرف ،،

شنهو اللي نقص اخوانه علشان يصيرون مثله وينقبلون في نفس
الجامعات ؟

ناقصتهم الواسطة ؟ لا طبعا لأني مؤمنة الواسطة ما تلعب دور في مثل هالجامعات
فاللي مب قد الدخول ودخلت الجامعة بالواسطة ما يقدر يكمل من غير واسطة ،،

اللي كان ناقصهم انهم ما اشتغلوا على نفوسهم بجد مثل ما اشتغل اخوهم
على نفسه وكانت النتيجة واحد سافر وتخرج ولله الحمد
والثاني جامعة تكساس ارسلت له مسج تطلب منه الاشتراك في دورة
ما ادري ورشة ما ادري شنهو المسمى لها يستغل وقته في الجامعة
لين يحقق المطلوب منه ،،بعد ضياع سنة من عمره في الجسر ،،

وليش اليوم جامعة تكساس تطلب القطريين والقطريات المتفوقات
في المشاركة في ورشها وبرامجها ؟

وليش اغلب الدورات الموجودة هناك للقطرين المتفوقين ؟

كل اللي اعرفه ان هناك اهتمام في قطرفاونديشن بالطلاب المتفوقين
ويرسلون لهم دعوات لحضور دورات وفعاليات تعريفية على مدار العام ،،

لكن الطالب القطري وينه ؟

هذا هو السؤال المهم ،،

فاليوم لما نسمع طالب يقول انا نسبتي قوية بدخل هالجامعات
لازم نعرف ان هناك خلل في مفهوم هالطالب فالنسبة
ما اتدخله هالجامعات قد ماهو مطلوب منه تحقيق المطلوب للدخول
لهالجامعات ،،

[شيخ الديرة]

المتطلبات في الجامعتين هي وحدة يا غاية ،، وسبق في احدى المواضيع
وضعنا روابط للمتطلبات وكانت وحدة ،،

متطلبات التقديم قد تكون نفسها, ولكن مؤهلات القبول تختلف.

ما أقصده, لو فرضنا أن 1000 طالب قدم على تكساس قطر, وكلهم لديهم متطلبات التقديم, ولكن الجامعة لا تقبل أكثر من 200 طالب بالسنة, فسوف تتحول المعايير من معايير تقديم, الى معايير تنافسية بحيث تختار الجامعة أحسن 200 حسب قناعتهم.

ولو فرضنا أن المتقدم المسكين الذي هو كان تسلسله بين 201 الى 500, فهذا الطالب لا شك أن فرصته في القبول في الجامعة الأم شبه أكيدة.

[ام السعف]

متطلبات التقديم قد تكون نفسها, ولكن مؤهلات القبول تختلف.

ما أقصده, لو فرضنا أن 1000 طالب قدم على تكساس قطر, وكلهم لديهم متطلبات التقديم, ولكن الجامعة لا تقبل أكثر من 200 طالب بالسنة, فسوف تتحول المعايير من معايير تقديم, الى معايير تنافسية بحيث تختار الجامعة أحسن 200 حسب قناعتهم.

ولو فرضنا أن المتقدم المسكين الذي هو كان تسلسله بين 201 الى 500, فهذا الطالب لا شك أن فرصته في القبول في الجامعة الأم شبه أكيدة.

يا شيخ الديرة كلامك ماعليه خلاف حسب ما اتفقنا عليه مع الاخ بوعادل
في احدى المواضيع ،،

لكن خلنا ننظر للموضوع من ناحية ثانية

كم طالب قطري تم رفضه في تكساس مع انه مستوفي كل المتطلبات ؟

اذا الطالب القطري يخصصون له برنامج او كورس تأهيلي لدخول الجامعة
فهل معقول يتم رفضه وقبول الاجنبي ؟

الموضوع يبي له اشوية منطق ،،

وحسب ما سمعت هناك من كل 200 كرسي 60 كرسي
للطالب القطري وعقب تتساوى الفرص ما بين المتقدمين
فهل سنويا يتم قبول 60 طالب قطري في كل جامعة من الجامعات ؟

مثل هالموضوع احنا ما نقدر نفتي فيه ،،

بس اللي اعرفه يا اخوي ان الطلاب اللي حولي ما انقبلوا مب لأن
الكراسي خلصت ولكن لأنهم ما حققوا المطلوب منهم ،،

ومن ثم خلنا نفرض ان بالفعل يتم رفض القطريين وقبول الاجانب
ليش القطري ما يرفع كتاب لمكتب الشيخة موزة ؟

ليش ما يقول تم رفضي وقبول الاجنبي في جامعة في بلادي ؟
مع ان كلنا عندنا نفس المتطلبات ؟

واسمح لي اضيف نقطة مهمة بعد

قطرفاونديشن عندهم برنامج للطالب القطري اللي يتخرج بمعدل3.5
هالبرنامج فيه مميزات كثيرة ما يحصلها اي طالب في اي جهة عمل ثانية ،،

المشكلة ان النقص فينا احنا يا اخوي ودائما نحاول نحمل غيرنا
تقاصعنا وتراخينا ،،

[faisalqatar]

اتفق معاك في كل حرف ،،

احد ابنائي كانت نسبته في المدرسة 98% والأول على مدرسته بفضل من الله
وتوفيقه ،، من تخرج في الثانوية وهو عنده 6 ايلتز لكن المشكلة ان
ماكنا نعرف انه لازم يقدم اوراقه في نفس السنة اللي كان يدرس
فيها الثالث الثانوي ....> نحمل نفسنا المسؤولية ،،

سنة في الجسر عمل على نفسه وياب 7 في الايلتز وعدل سكوره
في الايه سي تي ،، ودخل احدى الجامعات وتخرج منها بفضل من الله
بتقدير ممتاز مع مرتبة الشرف ،،

شنهو اللي نقص اخوانه علشان يصيرون مثله وينقبلون في نفس
الجامعات ؟

ناقصتهم الواسطة ؟ لا طبعا لأني مؤمنة الواسطة ما تلعب دور في مثل هالجامعات
فاللي مب قد الدخول ودخلت الجامعة بالواسطة ما يقدر يكمل من غير واسطة ،،

اللي كان ناقصهم انهم ما اشتغلوا على نفوسهم بجد مثل ما اشتغل اخوهم
على نفسه وكانت النتيجة واحد سافر وتخرج ولله الحمد
والثاني جامعة تكساس ارسلت له مسج تطلب منه الاشتراك في دورة
ما ادري ورشة ما ادري شنهو المسمى لها يستغل وقته في الجامعة
لين يحقق المطلوب منه ،،بعد ضياع سنة من عمره في الجسر ،،

وليش اليوم جامعة تكساس تطلب القطريين والقطريات المتفوقات
في المشاركة في ورشها وبرامجها ؟

وليش اغلب الدورات الموجودة هناك للقطرين المتفوقين ؟

كل اللي اعرفه ان هناك اهتمام في قطرفاونديشن بالطلاب المتفوقين
ويرسلون لهم دعوات لحضور دورات وفعاليات تعريفية على مدار العام ،،

لكن الطالب القطري وينه ؟

هذا هو السؤال المهم ،،

فاليوم لما نسمع طالب يقول انا نسبتي قوية بدخل هالجامعات
لازم نعرف ان هناك خلل في مفهوم هالطالب فالنسبة
ما اتدخله هالجامعات قد ماهو مطلوب منه تحقيق المطلوب للدخول
لهالجامعات ،،

ما شاء الله على ولدج فعلا هذا هو النموذج الصحيح للطالب المرغوب فيه في جامعات المدينة التعليمية او بالاصح الجامعات الشريكة لجامعة حمد بن خليفة
اختي في قسم كامل اللاختبارات و استقطاب الطلاب و هدفهم دائما و ابدا استقطاب الطالب القطري للدراسة في هذه الجامعات .. و دائما يحااولون الوصول لكل المتوفقين و المرشحين للدخول و يتابعون معاهم و ينصحونهم و يسوون لهم ورش عمل
قسم كامل هدفه استقطاب الطالب القطري .. ولكن مثل ما قلتي وينه الطالب القطري؟

والله لو الطالب يشتغل على نفسه من ثالث اعدادي و اول ثانوي و يرتب اموره و يتدرب على الاختبارات المعيارية (أيلز - توفل - سات - اي سي تي) بيقدر يجيب الدرجة اللي تخليه يدخل الجامعة اللي يبيها.
انا دائما انصح بـ تقديم الاختبارات المعيارية مبكرا وقبل ثالث ثانوي لان الطالب لين يوصل ثالث بيكون تركيزه الاكبر على النسبة.

هنا يكون دور الاهل .. الطالب في هالسن يكون محتاج توجيه سليم لازم ينجبر على تقديم الامتحانات المعيارية لان هذي مصلحته وفي النهاية لين ما جاب الدرجة المرجوة منه بيقول والله ما اقبلوني و الجامعات و الجامعات.

و مثل ما ذكر احد الاخوان ,, فعلا الجامعات الشريكة لجامعة حمد بن خليفة ماعندهم درجة معينة كـ متطلب للقبول .. دائما ياخذون الدرجات الاعلى و دائما يفضلون القطريين

و اسمحوا لي على الاطاله

[ام السعف]

ما شاء الله على ولدج فعلا هذا هو النموذج الصحيح للطالب المرغوب فيه في جامعات المدينة التعليمية او بالاصح الجامعات الشريكة لجامعة حمد بن خليفة
اختي في قسم كامل اللاختبارات و استقطاب الطلاب و هدفهم دائما و ابدا استقطاب الطالب القطري للدراسة في هذه الجامعات .. و دائما يحااولون الوصول لكل المتوفقين و المرشحين للدخول و يتابعون معاهم و ينصحونهم و يسوون لهم ورش عمل
قسم كامل هدفه استقطاب الطالب القطري .. ولكن مثل ما قلتي وينه الطالب القطري؟

والله لو الطالب يشتغل على نفسه من ثالث اعدادي و اول ثانوي و يرتب اموره و يتدرب على الاختبارات المعيارية (أيلز - توفل - سات - اي سي تي) بيقدر يجيب الدرجة اللي تخليه يدخل الجامعة اللي يبيها.
انا دائما انصح بـ تقديم الاختبارات المعيارية مبكرا وقبل ثالث ثانوي لان الطالب لين يوصل ثالث بيكون تركيزه الاكبر على النسبة.

هنا يكون دور الاهل .. الطالب في هالسن يكون محتاج توجيه سليم لازم ينجبر على تقديم الامتحانات المعيارية لان هذي مصلحته وفي النهاية لين ما جاب الدرجة المرجوة منه بيقول والله ما اقبلوني و الجامعات و الجامعات.

و مثل ما ذكر احد الاخوان ,, فعلا الجامعات الشريكة لجامعة حمد بن خليفة ماعندهم درجة معينة كـ متطلب للقبول .. دائما ياخذون الدرجات الاعلى و دائما يفضلون القطريين

و اسمحوا لي على الاطاله

شوف يااخوي

اليوم لما نكتب ونقول ان قطرفاونديشن تحاول تستقطب القطري
ما نكتب هالشي لأن عندي طالب متفوق في البيت على مستوى الدولة ،،

اكتب لأني اشوف حرص قطرفاونديشن انهم بالفعل يستقطبون الطلاب
اللي ممكن يشدون الجامعات الموجودة في هالمكان ،،

يوم اكون حاضرة في احدى المدارس الثانوية المستقلة واشوف
اوراق لدورات في الايلتز والايه سي تي للطالبات ان نسبهم فوق 90 %
ان ما خنتني الذاكرة ،،والشرط تكون قطرية ،،

لما اشوف دورة قيادة و ادارة من البنك الأهلي برعاية قطرفاونديشن
الطلاب اللي حضروا الدورة كلهم قطريين ولا طالب اجنبي ،،
لما اشوف ورش العمل اللي تقوم فيه الجامعات واللي لليوم
في طلاب مدارس في هالجامعات يحضرون ورش عمل
وهالورش للقطريين فقط ،،

هل تعتقد اني باقبل اللي يقول ان هالجامعات او قطرفاونديشن
ضد الطالب القطري ؟

[شيخ الديرة]

ما شاء الله على ولدج فعلا هذا هو النموذج الصحيح للطالب المرغوب فيه في جامعات المدينة التعليمية او بالاصح الجامعات الشريكة لجامعة حمد بن خليفة
اختي في قسم كامل اللاختبارات و استقطاب الطلاب و هدفهم دائما و ابدا استقطاب الطالب القطري للدراسة في هذه الجامعات .. و دائما يحااولون الوصول لكل المتوفقين و المرشحين للدخول و يتابعون معاهم و ينصحونهم و يسوون لهم ورش عمل
قسم كامل هدفه استقطاب الطالب القطري .. ولكن مثل ما قلتي وينه الطالب القطري؟

والله لو الطالب يشتغل على نفسه من ثالث اعدادي و اول ثانوي و يرتب اموره و يتدرب على الاختبارات المعيارية (أيلز - توفل - سات - اي سي تي) بيقدر يجيب الدرجة اللي تخليه يدخل الجامعة اللي يبيها.
انا دائما انصح بـ تقديم الاختبارات المعيارية مبكرا وقبل ثالث ثانوي لان الطالب لين يوصل ثالث بيكون تركيزه الاكبر على النسبة.

هنا يكون دور الاهل .. الطالب في هالسن يكون محتاج توجيه سليم لازم ينجبر على تقديم الامتحانات المعيارية لان هذي مصلحته وفي النهاية لين ما جاب الدرجة المرجوة منه بيقول والله ما اقبلوني و الجامعات و الجامعات.

و مثل ما ذكر احد الاخوان ,, فعلا الجامعات الشريكة لجامعة حمد بن خليفة ماعندهم درجة معينة كـ متطلب للقبول .. دائما ياخذون الدرجات الاعلى و دائما يفضلون القطريين

و اسمحوا لي على الاطاله

جيد, والأن يجب أن يتقدم النقاش الى مرحلة أخرى لكي نحدد أطر المشكلة والحلول الممكنة.

هناك قسم متخصص وميزانية وجهد لجذب الطالب القطري الى المدينة التعليمية, ولكن لا يبدو أن الطلاب يستجيبون لذلك الجهد,

1. لماذا الطلاب لا يستجيبون؟

2. وهل الجهد غير مثمر لأنه مركز فقط على الطلاب وليس أهلهم؟

3. وهل الجهد غير مثمر لأنه مركز على الطلاب المتفوقين الذين يعتبرون أنفسهم أعلى من أن يدرسون في كليات المدينة التعليمية, ويدرسون في جامعات معروفة بالخارج؟

جيل اليوم فكريا أصغر كثير من عمرهم مقارنة بجيلنا (جيل ننتظر التلفزيون دقائق الى أن تطلع الصورة :waiting:), لذلك يجب التركيز اكثر الجهد على الأهل, وهم يقومون بالباقي عن طريق المتابعة اليومية ومتابعة الأختبارات المعيارية وغيرها

[faisalqatar]

جيد, والأن يجب أن يتقدم النقاش الى مرحلة أخرى لكي نحدد أطر المشكلة والحلول الممكنة.

هناك قسم متخصص وميزانية وجهد لجذب الطالب القطري الى المدينة التعليمية, ولكن لا يبدو أن الطلاب يستجيبون لذلك الجهد,

1. لماذا الطلاب لا يستجيبون؟

2. وهل الجهد غير مثمر لأنه مركز فقط على الطلاب وليس أهلهم؟

3. وهل الجهد غير مثمر لأنه مركز على الطلاب المتفوقين الذين يعتبرون أنفسهم أعلى من أن يدرسون في كليات المدينة التعليمية, ويدرسون في جامعات معروفة بالخارج؟

جيل اليوم فكريا أصغر كثير من عمرهم مقارنة بجيلنا (جيل ننتظر التلفزيون دقائق الى أن تطلع الصورة :waiting:), لذلك يجب التركيز اكثر الجهد على الأهل, وهم يقومون بالباقي عن طريق المتابعة اليومية ومتابعة الأختبارات المعيارية وغيرها

حسب علمي الجهد مثمر ولكن ليس بالشكل المطلوب
عدد طلاب الجامعات القطريين في زيادة مستمرة ولكن مب بالشكل الكافي

المشكلة اقولها للمرة الثانية والثالثه والالف .. تقصير من المدرسة و المرشد الاكاديمي و عدم اداء دورهم الكامل في حث الطلاب على تقديم الامتحانات المعيارية في وقت مبكر و للعلم في اختبارات لطلاب الصف الثالث اعدادي و اول ثانوي و هي عبارة عن امتحانات تدريبية للامتحانات المعيارية .. يعني الطالب يقدر يتدرب من الصف الثالث الاعدادي ولكن !!! وين المرشد او وين المدرسة اللي بتوصل هالمعلومة للطلاب؟

ثانيا اذا الطالب المميز في الدفعه كان يدور على احسن الجامعات اللي يدرس فيها .. وين بيحصل جامعات اقوى و افضل من جامعات المدينة التعليمية علما بأن

جامعة وايل كورنيل هي افضل كلية طب
تيكساس اي اند ام من افضل جامعات الهندسة
جورج تاون افضل الجامعات في مجال السياسه
و غيرها من الجامعات كلها تعتبر من افضل الجامعات في العالم في مجالاتها ..

يعني يترك كل هالجامعات و فوق كل هاي يدرس فيهم مجانا لان في حال الحصول على قبول
يحصل الطالب على بعثة من المجلس الاعلى ..

و القرار في يد الطالب .. اذا يبي يتميز يقدر يشد حيله و يشتغل على نفسه و بيدخل و بيتخرج .. اللي ادخلوا قبله ماعندهم عقلين ولا عندهم يد و ريل زيادة ..

و بالتوفيق لكل الطلبة

[ام السعف]

جيد, والأن يجب أن يتقدم النقاش الى مرحلة أخرى لكي نحدد أطر المشكلة والحلول الممكنة.

هناك قسم متخصص وميزانية وجهد لجذب الطالب القطري الى المدينة التعليمية, ولكن لا يبدو أن الطلاب يستجيبون لذلك الجهد,

1. لماذا الطلاب لا يستجيبون؟

2. وهل الجهد غير مثمر لأنه مركز فقط على الطلاب وليس أهلهم؟

3. وهل الجهد غير مثمر لأنه مركز على الطلاب المتفوقين الذين يعتبرون أنفسهم أعلى من أن يدرسون في كليات المدينة التعليمية, ويدرسون في جامعات معروفة بالخارج؟

جيل اليوم فكريا أصغر كثير من عمرهم مقارنة بجيلنا (جيل ننتظر التلفزيون دقائق الى أن تطلع الصورة :waiting:), لذلك يجب التركيز اكثر الجهد على الأهل, وهم يقومون بالباقي عن طريق المتابعة اليومية ومتابعة الأختبارات المعيارية وغيرها

شوف جيل اليوم اللي هم في عمر بنتي الله يحظفها ويحفظ كل عيالكم
عارفين شنهو المطلوب منهم بس حاطين في بطونهم بطيخة صيفية
ويقولون صعب وصعب وصعب وما يبون يشدون على اعمارهم،،

وفي المقابل تلقاهم في الهاي دي والفن رن وتويتر والانستغرام اكثر اوقاتهم ،،

فهل نحمل الأهل المسؤولية ولا نصرح ان عيالنا ما يبون يتطورون ؟
انتظر اجابتك ،،

[غايه الطواش]

المتطلبات في الجامعتين هي وحدة يا غاية ،، وسبق في احدى المواضيع
وضعنا روابط للمتطلبات وكانت وحدة ،،

والله ياختي الكريمه يوم شفت طلبات الماستر تختلف :shy:

[ام السعف]

والله ياختي الكريمه يوم شفت طلبات الماستر تختلف :shy:

اوبس يا خويتي للحين ما وصلنا للمواصيل هذي
احنا تونا في البكالوريس
فـ مي سوري :shy:

[شيخ الديرة]

شوف جيل اليوم اللي هم في عمر بنتي الله يحظفها ويحفظ كل عيالكم
عارفين شنهو المطلوب منهم بس حاطين في بطونهم بطيخة صيفية
ويقولون صعب وصعب وصعب وما يبون يشدون على اعمارهم،،

وفي المقابل تلقاهم في الهاي دي والفن رن وتويتر والانستغرام اكثر اوقاتهم ،،

فهل نحمل الأهل المسؤولية ولا نصرح ان عيالنا ما يبون يتطورون ؟
انتظر اجابتك ،،


اللي عمره 17 سنة هذي الأيام لا يعرف أهمية الجامعة أو أهمية الإستعداد لدخولها.

كنت مرة أنتظر دوري لمقابلة منسقة القبول في أحد كليات المدينة التعليمية، وكانت قبلي طالبة قطرية تسأل المنسقة كيف التصرف مع التقديم لأن نتائج السات توصل شهر بعد فوات الموعد المحدد، كانت عيونها تدمع وتتوسل إذا هناك طريقة لتفادي الموقف وهي متأكدة إنها ستحصل على علامات القبول . وأخيراً لما أيقنت إن فرصة التقديم فاتتها غادرت وهي حزينة،

هل هذه غلطتها أم غلطة أهلها؟

[ام السعف]

اللي عمره 17 سنة هذي الأيام لا يعرف أهمية الجامعة أو أهمية الإستعداد لدخولها.

كنت مرة أنتظر دوري لمقابلة منسقة القبول في أحد كليات المدينة التعليمية، وكانت قبلي طالبة قطرية تسأل المنسقة كيف التصرف مع التقديم لأن نتائج السات توصل شهر بعد فوات الموعد المحدد، كانت عيونها تدمع وتتوسل إذا هناك طريقة لتفادي الموقف وهي متأكدة إنها ستحصل على علامات القبول . وأخيراً لما أيقنت إن فرصة التقديم فاتتها غادرت وهي حزينة،

هل هذه غلطتها أم غلطة أهلها؟

في احدى الردود كتبت ان احنا كأسرة تحملنا مسؤولية تأخير تقديم ولدنا اوراقه

هالأمر كان مجهول يوم كنا نجهل والمدارس ما تتحرك ،،

لكن مع السنين الأخيرة هناك الارشاد الاكاديمي في المدرسة
والطلاب يعرفون زين ان عليهم انهم يتحركون ،،

اليوم مثلا بنتي في ثاني ثانوي ،،

هناك عدة مجموعات من البنات
في اللي ماخذة المدرسة تسلية
وفي اللي ماخذة المدرسة وسيلة للقضاء على الفراغ
وفي اللي مجبورة عليها
وفي اللي لها اهداف وطموح

كل هالفئات اليوم عندهم علم بالمتطلبات
فمن جذيه احنا اليوم يا اخوي وصلنا مرحلة نقدر نقول ان
اقل شي 80% من الطلاب المهتمين يعرفون ان هناك متطلبات
ونترك 20% من الطلاب غير المهتمين علشان ما نعمم ،،

[شيخ الديرة]

في احدى الردود كتبت ان احنا كأسرة تحملنا مسؤولية تأخير تقديم ولدنا اوراقه

هالأمر كان مجهول يوم كنا نجهل والمدارس ما تتحرك ،،

لكن مع السنين الأخيرة هناك الارشاد الاكاديمي في المدرسة
والطلاب يعرفون زين ان عليهم انهم يتحركون ،،

اليوم مثلا بنتي في ثاني ثانوي ،،

هناك عدة مجموعات من البنات
في اللي ماخذة المدرسة تسلية
وفي اللي ماخذة المدرسة وسيلة للقضاء على الفراغ
وفي اللي مجبورة عليها
وفي اللي لها اهداف وطموح

كل هالفئات اليوم عندهم علم بالمتطلبات
فمن جذيه احنا اليوم يا اخوي وصلنا مرحلة نقدر نقول ان
اقل شي 80% من الطلاب المهتمين يعرفون ان هناك متطلبات
ونترك 20% من الطلاب غير المهتمين علشان ما نعمم ،،

قناعتي إنها مسؤولية الأهل ياخذون ملابس السباحة والمناشف لما ياخذون أبناءهم للبحر، وخاصة اذا كانت المرة الأولى. كثير من الطلاب يتوقعون الجامعة حالها حال الفندق، تروحلهم وتحجز مقعد دراسي،.

[ام السعف]

قناعتي إنها مسؤولية الأهل ياخذون ملابس السباحة والمناشف لما ياخذون أبناءهم للبحر، وخاصة اذا كانت المرة الأولى. كثير من الطلاب يتوقعون الجامعة حالها حال الفندق، تروحلهم وتحجز مقعد دراسي،.

ما اخلي مسؤولية الأهل يا اخوي

بس لازم ما نغفل ان الطالب اليوم غير عن الطالب من عشرين سنة
الطالب اليوم ينمون فيه روح البحث والاعتماد على النفس
الطالب اليوم لسانه اطول من المدرس والمدير
الطالب اليوم يزورونه شركات ومندوبين عن الجامعات
ويودونهم رحلات للجامعات ،،

لكنه مع هذا تلقى الطموح صغير وايد واللعب هو المسيطر
رغم اهتمام الاهل فيه ....> ما اقول كل الطلاب لكن في منهم اللي
يضعيون مجهود اباؤهم وامهاتهم باهمالهم لنفوسهم ،،

[R 7 A L]

عزيزي رحال منهجية التعليم لدينا في قطر لا تأهل طلابنا لمثل هذه الكليات او الجامعات
فالسابق كانت وزارة التربية والتعليم والان اصبح المجلس الاعلى للتعليم واتت المدارس المستقله
من وجهة نظري الشخصيه انه تم تأهيل الطلاب لمثل هذه الجامعات في السنوات الاخيره
ولكن سؤالي ليش ابناء قطر ما يبدون من الصفر في هذه المدارس


يعني المجلس الاعلى وزارة التربية والتعليم سابقاً هي المسئوله بعدم جاهزية الطلاب للدراسة بهذة الجامعات ؟

نتمنى ان نرى تأهيل الطلاب والعمل على ما بعد الثانوية



تحياتي

[استغفرالله]

اذا جامعات المدينة التعليمية مالها جدوى يرجى اغلاقها

المطلوب من الجامعات انها تخرج طلاب قطريين

اذا كانت هالجامعات مخرجاتها قليلة من القطريين فما الفائدة منها خصوصا ان ما يصرف عليها مبالغ كبيرة خلال سنوات ...

اليس اجدى ابتعاث بضع طلاب اللي تخرجوا من المدينة التعليمية

[ام ناصر1]

متابعة لجودة الموضوع وكذلك الردود....

[كاشف الغطاء]

لان الجامعات اللي فيها صعبة ومستواها عالي ماعتقد في دراسة لجذب القطريين لهالجامعات

[تحداني]

مافيني شده على هالمواضيع هالحزه كلش
بس ان رد خاطري لهالمواضيع برجع لك يا اخوي


الله يسعدك يارب .. ما قصرتي ام السعف

[ام السعف]

مافيني شده على هالمواضيع هالحزه كلش
بس ان رد خاطري لهالمواضيع برجع لك يا اخوي


الله يسعدك يارب .. ما قصرتي ام السعف

جميعا يارب :shy:

[ضوى]

اثنين كن عيالنا تخرجوا من احدى جامعات المدينة التعليمية من كم سنة واثنين ان شاء الله بيدرسون فيها هالسنة ، اتوقع متطلبات هالجامعات صعبة شوي لذلك نشوف عزوف الشباب والبنات عنها

[استغفرالله]

اثنين كن عيالنا تخرجوا من احدى جامعات المدينة التعليمية من كم سنة واثنين ان شاء الله بيدرسون فيها هالسنة ، اتوقع متطلبات هالجامعات صعبة شوي لذلك نشوف عزوف الشباب والبنات عنها

شروط القبول غير واضحة
المسؤولين عن القبول اجانب
منافسة الاجنبي للقطري

ماهي مخرجات المدينة التعليمية وماهي المصاريف التي تدفع فيها

[نوآف]

لان الجامعات اللي فيها صعبة ومستواها عالي ماعتقد في دراسة لجذب القطريين لهالجامعات


اخوي مب معناته ان الجامعه الصعبه القطري مب قدها

الاجنبي عمره ماكان احسن منا صح

بس الاجنبي تأسس من يومه صغير صح

ليش ؟

لان كان في مدرسه قويه مثل شويفات وقطر اكاديمي وو الخ ..

يبدون وياهم من الصغر يقونهم من عمرهم 6 سنين اييك بلبل ف الانجليزي وشااطر ف الماث

ويدخلونهم مسابقات ووايد اشياء

احنا عيالنا شنو ؟ حكومه مستقله ؟ عمرهم ماكانو اقوياء

المستقله تهون بس الحكومه الانجليزي والرياضيات وايد ضعيف

الغلط مب منا الغلط ماتقوينا من احنا صغار

الاجنبي الشركه اللي جابته تصرف عليه اهو واخوانه في احسن المدارس

مب كل قطري يقدر يدخل عياله في اقوى المدارس

كل اللي مفروض يصير يهتمون بالجيل القطري الجديد لان التعليم وايد سايب

والمرشد الاكاديمي ماله خص الا في طلاب ثالث ثنوي

هو بيدرس حق الثانويه العامه ولا بيسوي امتحانات ولا بحوث حق كل ماده مايقل عن 3000 كلمه ولا بيقدم اختبارات " اكثر من مره " ولا بيقدم على جامعه

المرشد الاكاديمي مفروض يمسك الطالب من صف اول ثنوي او 3 اعدادي يعلمه عن الجامعات وكل شي الولد مفروض يعرفه

عشان من يخلص اول ثنوي يكون حاط ف باله شنو يدرس وشنو يتخصص و في ثاني ثنوي وقت الراحه يقدم الايلز والاي سي تي والاي سي 3 ويكتب البيرسونال ايسي وياخذ 2 ريفرنسز ويحاول يشتغل على ملف الجامعه اللي مفروض يقدمه في اخر سنه

في 3 ثنوي مايشل الا هم النسبه فقط

والمفروض كل مواطن قطري له " الحق " و " الاولويه " في الدراسه في ارقى الجامعات في الدوله ومفروض كل من استوفى الشروط ينقبل عقب باقي الكراسي تتوزع على المنافسين الاجانب

وهاي الحق :)

[ام السعف]

اخوي مب معناته ان الجامعه الصعبه القطري مب قدها

الاجنبي عمره ماكان احسن منا صح

بس الاجنبي تأسس من يومه صغير صح

ليش ؟

لان كان في مدرسه قويه مثل شويفات وقطر اكاديمي وو الخ ..

يبدون وياهم من الصغر يقونهم من عمرهم 6 سنين اييك بلبل ف الانجليزي وشااطر ف الماث

ويدخلونهم مسابقات ووايد اشياء

احنا عيالنا شنو ؟ حكومه مستقله ؟ عمرهم ماكانو اقوياء

المستقله تهون بس الحكومه الانجليزي والرياضيات وايد ضعيف

الغلط مب منا الغلط ماتقوينا من احنا صغار

الاجنبي الشركه اللي جابته تصرف عليه اهو واخوانه في احسن المدارس

مب كل قطري يقدر يدخل عياله في اقوى المدارس

كل اللي مفروض يصير يهتمون بالجيل القطري الجديد لان التعليم وايد سايب

والمرشد الاكاديمي ماله خص الا في طلاب ثالث ثنوي

هو بيدرس حق الثانويه العامه ولا بيسوي امتحانات ولا بحوث حق كل ماده مايقل عن 3000 كلمه ولا بيقدم اختبارات " اكثر من مره " ولا بيقدم على جامعه

المرشد الاكاديمي مفروض يمسك الطالب من صف اول ثنوي او 3 اعدادي يعلمه عن الجامعات وكل شي الولد مفروض يعرفه

عشان من يخلص اول ثنوي يكون حاط ف باله شنو يدرس وشنو يتخصص و في ثاني ثنوي وقت الراحه يقدم الايلز والاي سي تي والاي سي 3 ويكتب البيرسونال ايسي وياخذ 2 ريفرنسز ويحاول يشتغل على ملف الجامعه اللي مفروض يقدمه في اخر سنه

في 3 ثنوي مايشل الا هم النسبه فقط

والمفروض كل مواطن قطري له " الحق " و " الاولويه " في الدراسه في ارقى الجامعات في الدوله ومفروض كل من استوفى الشروط ينقبل عقب باقي الكراسي تتوزع على المنافسين الاجانب

وهاي الحق :)

نواف الحق اللي تتكلم عنه مب مقبول ابدا في مجتمعنا

المفروض ان الطالب القطري يدخل اي مكان وبأي شكل
:(

[نوآف]

نواف الحق اللي تتكلم عنه مب مقبول ابدا في مجتمعنا

المفروض ان الطالب القطري يدخل اي مكان وبأي شكل
:(

والله ياختي انتي تدرين وكلنا ندري القطري يحن على اخوه القطري ومايرضى بهالشي يصير

الاجنبي يحاول قد مايكون يفتح الباب للاجانب ويخنق القطري

يعني اييك طالب تخرج بنسبة 96% والايلز 7

والاي سي تي 24

ليش ماينقبل ؟ ناقصه ريل ولا ايد ؟

والمشكله ولد البلد يعني ! الصبي راح تغرب شيسوي يعني

واحد من الربع كان ناوي يكمل في كارنجي ميلون

لان في الدوحه واحسن من غربه وبهدله

والجي بي اي ماله 3.50

قالوا له مانقدر نقبلك لان نقبل بس 2-6 % من اللي اللي ايون من جامعات اخرى

اوكي باي حق تقولي جذي ؟

كأنهم يحاولون بقد مايمكن يطيرون الشاب القطري من الجامعات ويحتلون كل شي

روحوا تكساس ,

جوفوا نسبة القطريين كم مقارنه بالاجانب

ترى هالشي وايد واضح ويبيلها وقفه !

احنا مادفعنا حق غيرنا دفعنا لان الشعب اللي بنى هالبلد احق فالتعليم !

[تغلبية]

اخوي مب معناته ان الجامعه الصعبه القطري مب قدها

الاجنبي عمره ماكان احسن منا صح

بس الاجنبي تأسس من يومه صغير صح

ليش ؟

لان كان في مدرسه قويه مثل شويفات وقطر اكاديمي وو الخ ..

يبدون وياهم من الصغر يقونهم من عمرهم 6 سنين اييك بلبل ف الانجليزي وشااطر ف الماث

ويدخلونهم مسابقات ووايد اشياء

احنا عيالنا شنو ؟ حكومه مستقله ؟ عمرهم ماكانو اقوياء

المستقله تهون بس الحكومه الانجليزي والرياضيات وايد ضعيف

الغلط مب منا الغلط ماتقوينا من احنا صغار

الاجنبي الشركه اللي جابته تصرف عليه اهو واخوانه في احسن المدارس

مب كل قطري يقدر يدخل عياله في اقوى المدارس

كل اللي مفروض يصير يهتمون بالجيل القطري الجديد لان التعليم وايد سايب

والمرشد الاكاديمي ماله خص الا في طلاب ثالث ثنوي

هو بيدرس حق الثانويه العامه ولا بيسوي امتحانات ولا بحوث حق كل ماده مايقل عن 3000 كلمه ولا بيقدم اختبارات " اكثر من مره " ولا بيقدم على جامعه

المرشد الاكاديمي مفروض يمسك الطالب من صف اول ثنوي او 3 اعدادي يعلمه عن الجامعات وكل شي الولد مفروض يعرفه

عشان من يخلص اول ثنوي يكون حاط ف باله شنو يدرس وشنو يتخصص و في ثاني ثنوي وقت الراحه يقدم الايلز والاي سي تي والاي سي 3 ويكتب البيرسونال ايسي وياخذ 2 ريفرنسز ويحاول يشتغل على ملف الجامعه اللي مفروض يقدمه في اخر سنه

في 3 ثنوي مايشل الا هم النسبه فقط

والمفروض كل مواطن قطري له " الحق " و " الاولويه " في الدراسه في ارقى الجامعات في الدوله ومفروض كل من استوفى الشروط ينقبل عقب باقي الكراسي تتوزع على المنافسين الاجانب

وهاي الحق :)


أنا أشهـــــد :victory:

[R 7 A L]

شكراً لمشاركاتكم القيمة

[الأصيلة]

المواطنين الله يسلمك
لاهين مع الدور الثاني والإختبارات الوطنية

[بوحارب]

شلون إذا ابغي اشتغل في المدينة التعليمية

وين اقدم ؟؟

[R 7 A L]

بوحارب

اعتقد في المنطقة التعليمية فية ادارة للتوظيف