يا ويه استح [الأرشيف] - منتديات شبكة الأسهم القطرية

ودي أكون

26-06-2013, 01:13 PM

نوار قطر

26-06-2013, 01:16 PM

هههههههه عجبني العنوان :victory: مممم الله المستعااان

عاشق العديد

26-06-2013, 01:18 PM

والله الصصراحه عيـب ..

الحمد لله ماقصصروا راتب عالي وش تبون اكثر واذا على الديون الله يسهلها ..

وهالموضوع يبي له دراسه وباذن الله بينحل لكن اصبرو شـوي ..

بطل الفريج

26-06-2013, 01:22 PM

اكثرهم متجنسين الي يطالبون داشين البلد على طمع . اتمني سحب جنسية الي يطاب بالزيادة علشان يتعلم .

H H

26-06-2013, 01:22 PM

توني اشوف المواضيع واستغربت !! المطالبات بعضها ماهي لزيادة التنمية الاقتصادية
او للامن او للسياسة الخارجيه او فالمجال العسكري او فالتعليم او او او !!

قروض, سلفيات وخرابيط ! مدري من لعب علينا وقالنا ان الحياة جميله حلوه سهله ومليئه بالمسرّات !
لدرجة حتى القروض يدور على طريقه يشيلها عنه ! طيب ياخي انت خذيت هالقرض خلك قده !!!
اجل ليه الواحد يبي الجنه ؟ موب عشان يرتاح من الدنيا وتعبها وغثاها !!

البعض يبعثر ويبعزق ويصرف يمين ويسار وعنده سيارة اخر موديل وبيت على اجمل طراز وديكور
ياخذ العقل وزعلان لان عشرة الاف من راتبه تروح عالقروض, طيب ياادمي من قالك تحط رجولك فشي منت قده !!!

طيب انت حطيت رجولك وخلاص , ليه ماتتحمل نتيجة قراراتك كرجل ! ليه تدور من حكومة عزتك ورفعتك فوق فوق!!

غريب جداً ..

(بوطلال)

26-06-2013, 01:22 PM

ياختي فيه نوعيه من البشر تحب بس تاخذ وماتشبع وللاسف هالنوعيه بعد لاتحمد ولاتشكر تاكل وتمش يدها فالطوفه والله يستر منها .

قطريه22

26-06-2013, 01:25 PM

اكثرهم متجنسين الي يطالبون داشين البلد على طمع . اتمني سحب جنسية الي يطاب بالزيادة علشان يتعلم .

لا والله ياخوي غلطت
اكثرهم قطريين عندهم خير وبعد يطالبون
وياكثرهم بعد

مشكلة الانسان بطبعه طماع يحب الزياده في المال
مهما زادو في الرواتب بعد يبي زياده

لو الواحد يشوف هالمساكين الي يشتغلون في البنيان والا التنظيفات في الشارع بيعرف انه في نعمه وخير

الحمدلله على كل حال
سواءً زادو والا مازادو ماقصرو معانا

عنيــــد

26-06-2013, 01:25 PM

شيوخنا فيهم الخير و البركة و من غير محد يطلب .. الشي اللي فيه الخير للشعب و المواطنين ما يتأخرون عنه ..

مع الاخذ بالاعتبار ان القروض مب سهله و الانسان واجب يكون حذر قبل يتخذ مثل هالقرارات خصوصاً ان لها فوائد تكسر الظهر ،،

و الله يسهل على كل مسلم ..

عاشق العديد

26-06-2013, 01:27 PM

اكثرهم متجنسين الي يطالبون داشين البلد على طمع . اتمني سحب جنسية الي يطاب بالزيادة علشان يتعلم .

في هئه من الناسسس الي كل ماصار شي
قالو لك المجنسين والمجنسين ..

ياخوي عنده جواز مثله مثلك .. فا بلاش عنصريه وتوزيع ..
بدال مانكون ايد وحده كل واحد بيناقز بيقولك مجنس ومجنس ..

الله يهداكم بــس ..
مش انه مافي مجنسين لا في مجنسين لكن انتشرت هالكلمه بشكل كبير في الاونه الاخير
وبالعكس مثل ماقالت لك قطريه في ناس عندهم خير ويطالبون بعد ..
يعني الطلب من شعب قطر عامة ..

قطريه22

26-06-2013, 01:29 PM

في هئه من الناسسس الي كل ماصار شي
قالو لك المجنسين والمجنسين ..

ياخوي عنده جواز مثله مثلك .. فا بلاش عنصريه وتوزيع ..
بدال مانكون ايد وحده كل واحد بيناقز بيقولك مجنس ومجنس ..

الله يهداكم بــس ..
مش انه مافي مجنسين لا في مجنسين لكن انتشرت هالكلمه بشكل كبير في الاونه الاخير
وبالعكس مثل ماقالت لك قطريه في ناس عندهم خير ويطالبون بعد ..
يعني الطلب من شعب قطر عامة ..

بيض الله وجهك على هالرد
والله يكثر من امثالك

بصمة قطرية

26-06-2013, 01:29 PM

إستغربت بصراحة من الطلبات ...!!!
من أول دقيقة شفنا الطلبات ..
تراكم تضحكون العالم علينا ..
صادقة والله ( ودي أكون ) والله عيب ..

عاشق العديد

26-06-2013, 01:31 PM

بيض الله وجهك على هالرد
والله يكثر من امثالك

وجهج ابيض اختي ..
لكن بالفعـل عيب فالنهايه كلنا مسلمين ومافي فرق بينا ..

JN000N

26-06-2013, 01:32 PM

ابن ادم مايملي عينه غير التراب

وصج انا يوم شفت الطلبات الزايده
جنهم استغفر الله ماصدقو يصير امير عشان يتراكضون بالطلبات
وشنو اكثر مطالبهم؟؟!!! فلوس فلوس فلوسسسسس
بس عاد ماشبعتو، ؟ اكثر مدخول مدخول القطري
تبون الحكومه تعلمكم شلون تصرفون؟
خلاص انا اقترح لما كل واحد يبدا مسيرته العمليه يعطونه ورشه شلون يصرف بيزاته! :)
عشان لايي عقب ويقول علي وعلي وعلي
ورجاءاً كل واحد يمد ريله ع قد لحافه لايمددها وعقب يقول دفعو عني وساعدوني
الحق حق وخذتو حقوقكم وزياده والكل يحسدكم لانكم قطريين
ف بليز بدون طراره رسميه وتعالي يالدوله احنا شعبج الكريم فوق الي سويتيه لنا وعطتينا ورزيتينا وعزيتينا تعالي بعد دفعي ديونا والله واعلم بتتوبون عقب مايسددونها والا بعد بتتدينون

قطريه22

26-06-2013, 01:32 PM

وجهج ابيض اختي ..
لكن بالفعـل عيب فالنهايه كلنا مسلمين ومافي فرق بينا ..

صحيح كلامك وليت هالشيء الكل يعرفه وماينساه

(بوطلال)

26-06-2013, 01:32 PM

وجهج ابيض اختي ..
لكن بالفعـل عيب فالنهايه كلنا مسلمين ومافي فرق بينا ..

لاتزعل اخوي . هو نفسه الي يتكلم مجنس بس الفرق فيه مجنس من سنين وفه مجنس من عشرات لسنين .

Ashom Qatar

26-06-2013, 01:36 PM

اي والله عيب
مانبي الناس تاخذ عنا فكرة ان همنا الفلوس بس
الارزاق بيد الله

اهو الوحيد الي عينه ماتنام ولا ينسى بيوم عبيده

بارك الله فيك عالموضوع الصريح
وكثر الله من امثالك

حمد 2002

26-06-2013, 01:38 PM

السلام عليكم ورحمة الله وبركاته

عنوان موضوعي يا وجــه استح :rolleyes2:

بمجرد ما اصبح الشيخ تميم بن حمد ال ثاني أميراً لدولة قطر ..

اكثرت مواضيع المطالبات .؟!

بمعنى ..

اللي يطلبون سداد القروض .. واللي السلفيات .. واللي يبون الزيادات .. واللي يبون ويبون ويبون .؟!

توه الامير مستلم الحكم الله يطول بعمره ..

والله بصراحه عيب مثل هالمواضيع في هالوقت ..!

ماعرف اعبر والدوام قرب يخلص .. بس حبيت اقول ياويه استح :tease:

والخير صدقوني جاي من غير ماتطلبون الله يهديكم بس :shy:

انا طالبت بزياده رواتب هل الشؤون !!!

انا اجوف اذا الطلبات معقوله وفي حدود المستطاع مافيها شيء ،،،

بوحمد كريم وهل قطر يستاهلون ،،

الحين الي ايطالب بحقوقه وايطالب بالخير للناس وللشعب صار مايستحي ، ماقول الا الله يسامحج اختي ودي اكون ،، واسمحيلي موضوعج مب في محله نهائيا وخانج التعبير ،،، :nice:

عاشق العديد

26-06-2013, 01:39 PM

لاتزعل اخوي . هو نفسه الي يتكلم مجنس بس الفرق فيه مجنس من سنين وفه مجنس من عشرات لسنين .

انا مش زعلان ياخوي والله يعلم اني مافرق بين اي قطري سواء مجنس ولا مش مجنس
ومايفرقنا الا الدين ياخوك كلنا بشر فالنهايه .. المعاير مش عندنا هذا ولا تعلمنا ولاتربينا عليه ..
الي حاب اوضحـه .. سواء مجنس او مش مجنس يحمل الجنسيه القطريه هو قطري وبلاش من الكلام الفاضي ..

عاشق العديد

26-06-2013, 01:41 PM

انا طالبت بزياده رواتب هل الشؤون !!!

انا اجوف اذا الطلبات معقوله وفي حدود المستطاع مافيها شيء ،،،

بوحمد كريم وهل قطر يستاهلون ،،

الحين الي ايطالب بحقوقه وايطالب بالخير للناس وللشعب صار مايستحي ، ماقول الا الله يسامحج اختي ودي اكون ،، واسمحيلي موضوعج مب في محله نهائيا وخانج التعبير ،،، :nice:

اخوي حمـد .. راتب الشؤن هذا انا نعم اتفق معاك فيه يستاهلون الزياده .. لكن ادفعو ديون
وزيدو رواتبنا بعد زياده وعطونا بيوت مبنيه .. يعني المواضيع تحتاج صبـر .. والله كريم ..

والله العظيم اعرف قطري معاشه 11 الف والله مايشتكي من شي وبيت ايجار واخوانه مديونين واهو المديون لكن والله ماراح تكلم قال ادفعو ديني ولا شي لانه هو يعرف انه غلطان وانه غلط للما سحب سـلفه .. لو في شي بيصير الله يزاهم خير حكامنا ماقصروا لكن لو ماصار نقول الحمد لله على كل حال ..

بصمة قطرية

26-06-2013, 01:41 PM

ودي أكون

26-06-2013, 01:41 PM

بليز ياجماعه كلنا على ارض وحدة .. فمابي حد يدخل موضوع التجنيسن والبدون او ابناء القطريات الخ في السالفه

الموضوع واضح من عنوانه ويخص كل شخص .. حتى الغير قطريين .. بصفه عامه

موضوعي خاااااص للفئه اللي يالسه اتقول فلوس فلوووس فلووووس فلووووس وهل من مزيد .. هالفئه اللي انا حابه اقولها ياويه استح ووالله عيب

والله العظيم ان انا يالسه اقرا مواضيعكم وطلباتكم واحس بخجل بمستحى من طلباتكم وخاصه بمثل هالوقت

ياجماعة الخير والله عيب .. استحوا شوي

بومحمد المطاوعه

26-06-2013, 01:42 PM

عــــــــــــــــــــــــيــــــــــــــــــــــب

حسوو في الدول الفقيره التي ماعندهم الماء ولا الطعام واحوالهم جدآ صعبه

وانتو تطلبون الزياده !!!

لاحول ولاقوه الابالله

خافو الله في هالناس المظلومه في الخارج

انتو ترقدون بأحسن حال
واهم يرقدون في خوف ورعب

الأكل عندكم جميع الانواع متوفره وزياده

اهم حتى الخبز اليابس لم يمتلكونه

استغفرالله من هالبشر

اعوذ بالله

حمد 2002

26-06-2013, 01:43 PM

هل الشؤون يا حمد وضعهم غير ..
و أنا أتفق مع صاحبة الموضوع
ما قلنا لا تتمنون و تطلبون
بس مب على طول ما وهلتوا على الأمير ..!!!
و بعدين قلت اللي يطالب بحقوقه ...!!!
هل طلب الزيادة حقوق ...!!!!
هل إسقاط الديون حقوق ...!!!
وين الحقوق في المطالبات ..؟

يعني هل الشؤون مب قطرين ؟!! :) ولا مالهم حقوق ؟ ومن قالج اني طالبت بشيء ؟ :)

بصمة قطرية

26-06-2013, 01:46 PM

يعني هل الشؤون مب قطرين ؟!! :) ولا مالهم حقوق ؟ ومن قالج اني طالبت بشيء ؟ :)

ركز في كلامي
قلت هل الشؤون وضعهم غير ..!!!
و إن شاءالله بتجيهم الزيادة اللي تبرد قلوبهم ..
نتأمل خير في التغييرات القادمة ..

إنت طالبت بحقوق الناس
و قلت اللي يطالب بحقوقه يعني تأييد للطلبات ..

jassim69

26-06-2013, 01:47 PM

من كريم الى مستحق اهل قطر يستاهلون بدل المليون مليون

مهرة

26-06-2013, 01:51 PM

الله يهديكم ويهدينا ويطول بعمر غالينا ووالدنا الشيخ حمد والله يسدد خطاه أميرنا الشيخ تميم .. خلووه يقول على بركة الله وبسم الله وبه نبدأ ..

ودي أكون

26-06-2013, 01:54 PM

انا طالبت بزياده رواتب هل الشؤون !!!

انا اجوف اذا الطلبات معقوله وفي حدود المستطاع مافيها شيء ،،،

بوحمد كريم وهل قطر يستاهلون ،،

الحين الي ايطالب بحقوقه وايطالب بالخير للناس وللشعب صار مايستحي ، ماقول الا الله يسامحج اختي ودي اكون ،، واسمحيلي موضوعج مب في محله نهائيا وخانج التعبير ،،، :nice:

لا ما خانني التعبير اخوي حمد وكلامي واضح جداً ..

(( توه الامير مستلم الحكم عيب انكم تطلبون مثل هالطلبات.. هاذي نقطه
والنقطه الثانيه .. يوم قلت وخاصه في مثل هالوقت ..))

جملة خاصه فمثل هالوقت .. هاذي اتخص الامور اللي من حق المواطن يرفعها .. بس توالناس ياجماعه والله عيب

توه الامير امس مستلم دفة الحكم .. ولو هي حق من حقوق المتضررين .. لكن نطروا شوي بس .. والامير مابيقصر ان شاءالله وكلنا نثق بكلمة ابوي حمد يوم قال ان الامير تميم راح يحط سعادة المواطن القطري نصب عينيه ..

والله ان هالكلمة تككككككككفي ان الواحد يقول ويثق برب العالمين ان ان شاءالله الخير جااي

تريثوا اشوي استهدوا الله يهديكم بس .. توها المبايعه ماخلصت وانتو نبي ونبي وهذاك يبي وهذا يبي ..!

عيب فهمتوا والا لا

طير حوران

26-06-2013, 01:59 PM

اللهم لك الحمد ولك الشكر كما ينبغي لجلال وجهك وعظيم سلطانك

الله لايبلانا بقوة الوجه وقلة الحيا وعدم القناعه

محد قال لاتطلبون من قيادتكم فهذا مشروع ولكن الغير مقبول ان هذا ليس وقته فالامير لم يلقي خطاب الحكم حتى الان !!!!

الان الامور أكبر من هذا المستوى من التفكير

هناك قائد لن نتمكن من قبول فقده ونسيانه بسرعه وبكل هذه السهوله ونقفز الى ماهو أقل أهمية

هناك قائد جديد نتمنى ان نكون سواعد له لأجتياز ما يعلم به ومايخبئه له الزمن من عراقيل ومعوقات تقف في طريق طموحه لتحقيق طموحات وطن ومواطنين

ليعلم الجميع أننا ليس لنا اهتمامات في الوقت الحالي سوى مايلي:

** الدعاء بدوام الصحه والعافيه لسمو الشيخ / ابومشعل وبقائه مرشدا وموجها

الدعاء لسمو سيدي الامير / تميم بن حمد آل ثاني بالتوفيق والسداد على حمله الامانه

ابن البيطار

26-06-2013, 02:01 PM

هذيلا ينقالهم(........) متعودين على اسلوب الفم المفتوح الي مايشبع ولا عمره يتسكر.

Dmy Enabi

26-06-2013, 02:01 PM

في ناس ويها طوفة

لا حيا ولا مستحا

وهالفئة معروفة منهي في مجتمعنا مهما تعطيها تقول " هل من مزيد " ،وتجوف نفسها لها الحق في كل ريال ينصرف ،وهالفئة معروفة منا وفينا ،تحب الإشاعات نفسهم نفس المنافقين في عهد الرسول -صلى الله عليه وسلم وهم الذين أشار لهم الله عز وجل ب" المرجفين "

لكن شنقول " إذا لم تستح فاصنع ماشئت "

مخطط قطري

26-06-2013, 02:06 PM

كلامك صحيح يوجهه استح واتفق تماما معك وبعد ياوجهه استح اللي في دوامه ويدخل منتديات ومخلي الشغل

موظف ((حكومي

26-06-2013, 02:16 PM

بيض الله وجهك على هالرد
والله يكثر من امثالك

غايه الطواش

26-06-2013, 02:18 PM

هذيلا ينقالهم(........) متعودين على اسلوب الفم المفتوح الي مايشبع ولا عمره يتسكر.

جهنم تتعب وترمد وهم مايتعبون
نبي نبي نبي ...الخ

حسن

26-06-2013, 02:20 PM

:eek5:

ام السعف

26-06-2013, 02:26 PM

:eek5:

تصف معاي ونطالب بتقليل الاهتمام في الرياضة ؟

:shy:

ودي أكون

26-06-2013, 02:28 PM

جهنم تتعب وترمد وهم مايتعبون
نبي نبي نبي ...الخ

استغفرالله العظيم

اخوي خف شوي وموب زين هالكلام الله يهديك

عبر بس بشوي شوي الله يهديك :rolleyes2:

تغلبية

26-06-2013, 02:30 PM

في واحد قال ان المجتمع القطري "مجتمع رعوي"

المطالبات في هالوقت ذكرتني بهالمقولة ! :( .. أكدوها وللأسف :(

..

اصبروا ياجماعة .. وعينوا من الله خير .. تو الناس على هالمطالبات ..!

الله يكتب الخير لقطر وأهلها ..

غايه الطواش

26-06-2013, 02:31 PM

استغفرالله العظيم

اخوي خف شوي وموب زين هالكلام الله يهديك

عبر بس بشوي شوي الله يهديك :rolleyes2:

والله ياختي من الحره قلت هالكلام
عيب والله عيب
الامير توه مسلتم والناس بدت طراره نبي نبي ...
التفكير مجرد انج تفكيرين تطلبين من حد تستحين شلون من امير واول ماحكم
خوش ولاء وطاعه

(بوطلال)

26-06-2013, 02:35 PM

خوش ولاء وطاعه

ولاء وطاعه! خليني ساكت بس :rolleyes2:

ودي أكون

26-06-2013, 02:38 PM

والله ياختي من الحره قلت هالكلام
عيب والله عيب
الامير توه مسلتم والناس بدت طراره نبي نبي ...
التفكير مجرد انج تفكيرين تطلبين من حد تستحين شلون من امير واول ماحكم
خوش ولاء وطاعه

التفكير مجرد انج تفكيرين تطلبين من حد تستحين شلون من امير واول ماحكم

صدقت والله صدقت اخوي .. صدق ماتنلام

والله عيب انها اتجي من قطري وهو معزز ومكرم وخاصه فمثل هالوقت وتوه الامير مستلم الحكم .. عيب والله عيب فشله والله

اتخيله يقرا مواضيع الطلبات شبيقول عنا :weeping:

حروني والله عيب

العلم

26-06-2013, 03:01 PM

هو كريم وهم يستاهلون .. مب قالبين له البلد كل يوم مظاهرات .. :)

حمد 2002

26-06-2013, 03:13 PM

ركز في كلامي
قلت هل الشؤون وضعهم غير ..!!!
و إن شاءالله بتجيهم الزيادة اللي تبرد قلوبهم ..
نتأمل خير في التغييرات القادمة ..

إنت طالبت بحقوق الناس
و قلت اللي يطالب بحقوقه يعني تأييد للطلبات ..

(( اضرب الحديد وهو حامي ))

نعم ونعم ونعم ونعم ونعم سنطالب بحقوق اهل الشؤون اليوم وليس غدا

واطالب سمو الامير بمحاسبه كل من قصر وظلم هالفئه المظلومه واولهم نجاه العبدالله :):) ،،

قلتها امس واقولها اليوم وساقولها غدا اذا مازادوا هالفئه المحتاجه مانبي أي زياده جديده حتى لو ضعف الراتب 10 مرات ،،،،

JN000N

26-06-2013, 03:17 PM

هو كريم وهم يستاهلون .. مب قالبين له البلد كل يوم مظاهرات .. :)

قصورهم بعد
خل يقارنون معيشتنا ومعيشة باقي العالم
من كلللللللللللللللل النواحي

تغلبية

26-06-2013, 03:22 PM

قصورهم بعد
خل يقارنون معيشتنا ومعيشة باقي العالم
من كلللللللللللللللل النواحي

بووووه تطور الوضع

من مطالبات الى مقايضة وطنية !!!!

صدق من قال : عيييييب

(بوطلال)

26-06-2013, 03:22 PM

هو كريم وهم يستاهلون .. مب قالبين له البلد كل يوم مظاهرات .. :)

بعد مظاهرات؟

ماقول غيرالله يعز حكومتنا الي عزتكم .

عيسى111

26-06-2013, 03:25 PM

اللي يبغي يطلب حقه يطلبه واللي متنازل يسكت

chevelle-ss

26-06-2013, 03:26 PM

ماقول الا الحمد لله
ان الارزاق مب عندكم
الارزاق بيد الله
استغرب من ردود بعض الاعضاء صراحة
ترا غيركم ماكل تبن
والله يحفظ دولتنا واميرنا من كل شر
اللهم امين

العلم

26-06-2013, 03:28 PM

بعد مظاهرات؟

ماقول غيرالله يعز حكومتنا الي عزتكم .

عزنا الله قبل كل إنسان .. وعزنا ديننا الإسلامي .. وعزنا فعل شيباننا وفعلنا من بعدهم مع شيوخنا ..

العبد طول عمره عبد ..:)

حمد 2002

26-06-2013, 03:31 PM

عزنا الله قبل كل إنسان .. وعزنا ديننا الإسلامي .. وعزنا فعل شيباننا وفعلنا من بعدهم مع شيوخنا ..

العبد طول عمره عبد ..:)

:nice:

JN000N

26-06-2013, 03:35 PM

بووووه تطور الوضع

من مطالبات الى مقايضة وطنية !!!!

صدق من قال : عيييييب

ماكلين وشاربين وساكنين وعايشين احسن عيشه
ورواتب يحلمون بها الي حولنا
شيبون اكثر!!
اتوقع صج بيي زمن بيقولون نبي نقعد فالبيت وتمشيلنا رواتب وغيرنا يشتغل بدالنا :rolleyes2:

ام السعف

26-06-2013, 03:37 PM

عزنا الله قبل كل إنسان .. وعزنا ديننا الإسلامي .. وعزنا فعل شيباننا وفعلنا من بعدهم مع شيوخنا ..

العبد طول عمره عبد ..:)

تعظيم سلام

ترى يا ناس كل له حاجته وكل له امانيه

فمب عارفين اشبلاكم ؟

وسعوا صدوركم

الدنيا ربيع والجو بديع وقفلوا على كل المواضيع

(بوطلال)

26-06-2013, 03:39 PM

قارن بينك وبين عيال عمك :)

ام السعف

26-06-2013, 03:41 PM

شنهي مشكلتكم بالضبط اشعليه تتهاوشون ؟

بصمة قطرية

26-06-2013, 03:47 PM

شنهي مشكلتكم بالضبط اشعليه تتهاوشون ؟

من زمان ما تهاوشوا
و قالوا فرصة لقينا موضوع ..!!!!!!

الأفضل إغلاق الموضوع
الردود بدت تخرج عن السيطرة ..!!!!
و بصراحة البعض ( مصخها ) ..

العلم

26-06-2013, 03:49 PM

تعظيم سلام

ترى يا ناس كل له حاجته وكل له امانيه

فمب عارفين اشبلاكم ؟

وسعوا صدوركم

الدنيا ربيع والجو بديع وقفلوا على كل المواضيع

رد تعظيم سلام للوزيرة المرتقبة ام السعف ..:nice:

الأمور سهالات .. :shy:

بصمة قطرية

26-06-2013, 03:50 PM

(( اضرب الحديد وهو حامي ))

نعم ونعم ونعم ونعم ونعم سنطالب بحقوق اهل الشؤون اليوم وليس غدا

واطالب سمو الامير بمحاسبه كل من قصر وظلم هالفئه المظلومه واولهم نجاه العبدالله :):) ،،

قلتها امس واقولها اليوم وساقولها غدا اذا مازادوا هالفئه المحتاجه مانبي أي زياده جديده حتى لو ضعف الراتب 10 مرات ،،،،

إنتظر التشكيل الوزاري الجديد
و بعدها شوف القرارات
و عقب إضرب الحديد و هو حامي ..!!
لا تستبق الأحداث
تغييرات كثيرة قادمة
و بإذن الله راح ترضي الكل
و حط في بالك أهل الشؤون إن شاء الله ما راح ينسونهم
كلنا نتمنى لهم الخير
و نتمنى لهم زيادة اليوم قبل بكرة
هم أولى بأي زيادة
و الحمدلله الأعضاء مو مقصرين في المواضيع
إحنا نقول وهلوا يا جماعة
و خلوا عنكم الطلبات
الأمير للحين ما ألقى كلمته
و إنتو تبون و تبون ..!!!

JN000N

26-06-2013, 03:50 PM

شنهي مشكلتكم بالضبط اشعليه تتهاوشون ؟

شوفي الله يسلمج
السالفه ومافها ان احنا تونا فالحمد تونا نقول بسم الله توكلنا على الله
الشيخ تميم لحين حتى ما القى خطابه الاول گأمير
طلعولنا بسالفة تسديد ديون وعطونا وعطونا
يعني متى بتخلص هالمطالبات؟ ابن ادم مايشبع بهالدرجه
طيب رواتبكم اعلى الرواتب معيشتكم اريح معيشه
لا فلوس ع كهربا ولا ماي وعندكم تامين صحي وتعليم وكل شي متوفر
فالاخير يبون (((( بيوت مجانيه))))
ع اساس الدوله بتكد على عميان؟
زين شنو قدمو هم للدوله هذول الي يطالبون شعطو دولتهم؟
شنو انجازاتهم ؟ كل ذي حق خذ حقه وزياده
ليش الطراره الزايده؟

bos3eed

26-06-2013, 03:51 PM

قَالَ رَسُولُ اللهِ صَلَّى اللَّهُ عَلَيْهِ وَسَلَّمَ :
(مَنْ أَصْبَحَ مِنْكُمْ آمِنًا فِي سِرْبِهِ ، مُعَافًى فِي جَسَدِهِ ، عِنْدَهُ قُوتُ يَوْمِهِ ، فَكَأَنَّمَا حِيزَتْ لَهُ الدُّنْيَا)
رواه البخاري

تخيل لو اصبحت الصبح على حرب من بعد امن, او مرض من بعد صحه او اصبحت ومالقيت شي تاكله.
اللهم لك الحمد

عنيــــد

26-06-2013, 03:59 PM

تعوذوا من الشيطان و خلونا نفرح بسمو الامير و نستمع لخطابه و احنا مستانسين ..

و سمو الامير خير راع لشعبه و يعرف مصلحتهم و الله يحفظه و يحفظ شعبنا من كل شر ..

بصمة قطرية

26-06-2013, 03:59 PM

تعوذوا من الشيطان و خلونا نفرح بسمو الامير و نستمع لخطابه و احنا مستانسين ..

و سمو الامير خير راع لشعبه و يعرف مصلحتهم و الله يحفظه و يحفظ شعبنا من كل شر ..

:omen2::omen2::omen2:

حمد 2002

26-06-2013, 04:01 PM

:omen2::omen2::omen2:

كله من بصمه خلتنا نخرج عن صلب الموضوع :(

ابن البيطار

26-06-2013, 04:10 PM

هو كريم وهم يستاهلون .. مب قالبين له البلد كل يوم مظاهرات .. :)

مظاهرات ليش وين عايش في مصر ولا اليمن !

العلم

26-06-2013, 04:11 PM

شوفي الله يسلمج
السالفه ومافها ان احنا تونا فالحمد تونا نقول بسم الله توكلنا على الله
الشيخ تميم لحين حتى ما القى خطابه الاول گأمير
طلعولنا بسالفة تسديد ديون وعطونا وعطونا
يعني متى بتخلص هالمطالبات؟ ابن ادم مايشبع بهالدرجه
طيب رواتبكم اعلى الرواتب معيشتكم اريح معيشه
لا فلوس ع كهربا ولا ماي وعندكم تامين صحي وتعليم وكل شي متوفر
فالاخير يبون (((( بيوت مجانيه))))
ع اساس الدوله بتكد على عميان؟
زين شنو قدمو هم للدوله هذول الي يطالبون شعطو دولتهم؟
شنو انجازاتهم ؟ كل ذي حق خذ حقه وزياده
ليش الطرارع الزايده؟

الاخت جنون قبل لاتسألين الناس شنو قدموا لقطر .. أسألي نفسج أنتي شنو قدمتي لقطر ..
في ناس قدموا (الدم ) الأحمر لقطر ..

وإذا واحد طلب بيت يتزوج ويسكن فيه .. هل هذا طراره ؟

إذا واحد خلص ثانوية أو خلص جامعة وطلب يتوظف هل هذي طراره ؟

خلوا الناس تكتب اللي فيخاطرها .. شخسرانين ..؟

(بوطلال)

26-06-2013, 04:13 PM

صدق الله العظيم

( الأعراب أشد كفرا ونفاقا)

kitmat

26-06-2013, 04:14 PM

لابد من اغلاق الموضوع

العلم

26-06-2013, 04:16 PM

مظاهرات ليش وين عايش في مصر ولا اليمن !

خلاص لاعاد تقارنون حال الشعب القطري بغيره ..

حسن

26-06-2013, 04:16 PM

عطونا الله يعطيكم بيت مكه يوديكم

:)

حسن

26-06-2013, 04:17 PM

صدق الله العظيم

( الأعراب أشد كفرا ونفاقا)

بوطلال ابي تصريح ارض على البحر لو 10 متر

:victory:

Qatar Angel

26-06-2013, 04:17 PM

عيب والله من اولها طراره

برشلوني قطر

26-06-2013, 04:20 PM

كلامك صحيح يوجهه استح واتفق تماما معك وبعد ياوجهه استح اللي في دوامه ويدخل منتديات ومخلي الشغل

ههههههههههههه:nice:

سكر يامسكر. الموضوع طلع رانسيد

عيون الدوحة

26-06-2013, 04:21 PM

والله ماعندكم سالفة
كل شخص له الحق يطلب الي بخاطرة ومالكم حق تقولون له لاتطلب
هو طلب من الحكومة مش من عندكم قاعد يطلب
في ناس طرشو عيالهم ارتريا وتوفوا اهناك قدمو دماء عيالها
فمن حقهم يطلبون الى يحتاجونة

حسن

26-06-2013, 04:23 PM

نا عايز كوكا كولا

JN000N

26-06-2013, 04:24 PM

الاخت جنون قبل لاتسألين الناس شنو قدموا لقطر .. أسألي نفسج أنتي شنو قدمتي لقطر ..
في ناس قدموا (الدم ) الأحمر لقطر ..

وإذا واحد طلب بيت يتزوج ويسكن فيه .. هل هذا طراره ؟

إذا واحد خلص ثانوية أو خلص جامعة وطلب يتوظف هل هذي طراره ؟

خلوا الناس تكتب اللي فيخاطرها .. شخسرانين ..؟

انا بقولك
انا مواطنه قطريه درست وخلصت الجامعه واطمح لاعلى درجات التعليم لان اجوف اني انا ك قطريه اولى من غيري ولي حق طول ما انا ماسكه شهاده تشرفني وتشرف بلدي
والحين الحمدلله توفقت واشتغلت وسي فيي مقبول ف كل مكان
وانقبلت ف اماكن العالم تقول لازم واسطه فيها وانا اشتغلت بدون واسطه ليش؟ لاني اجتهدت ولكل محتهد نصيب
ويوم اشتغل مافكرت مثل غيري اهم شي عنده دوام راحه وراتب يقبضه اخر الشهر
قبل افكر ف الراتب فكرت ف نوع شغلي شنو! مابي اقعد ف مكتب اشرب شاهي واقرا جرايد واسولف واحش لين اخر الدوام واطلع
انا فكرت اتوظف ف مكان ابرز نفسي فيه واطور من نفسي لان الدوله تحتاج مواطنين قلوبهم عالبلد
انت فكرك والديني ماعليهم ديون؟ عبالك لاقيين بيزاتنا عالسيف
بالعكس عليهم ديون تهد الحيل لكن ماوقفنا حمد وشكر
الحمدلله كل طلباتنا متوفره وعايشين احسن عيشه
اكثرو من الحمد بييكم الخير
قبل تفكرون كم بيدش ف جيبكم فكرو ف الشغله الي تشتغلونها عدل

دولتنا وفرت كل شي للكل
صحيح في فئه وانا ماقول لا
بالعكس ف فئه مسكينه يكسرون الخاطر وهم الي لهم سوابق خريجين سجون ويبون فرصه ثانيه فالمجتمع وفي غيرهم فئات وايد

انا مب ضد مطالب هل قطر بالعكس
لكن لكل شي له حدود
اما توصل تعالو عطونا بيوت مجانيه!!
عادي عادي لين صارت. البيوت المجانيه تطالبون بالقعده فالبيت

التموين للمواطنين كلهم
وتذاكر سنويه
وتامين صحي وتعليم للطلبه
وكهربا وماي ببلاش
والاولويه للقطري فالتوظيف
واشياء واايد لا تعد ولا تحصى

ليش ماسحين كلمه الحمدلله من قاموسكم؟

طيب طالبو بس وهلو عالامير
توه امس استلم الحكم لا اله الا الله
خلوه يتنفس

العلم

26-06-2013, 04:24 PM

حمد 2002

26-06-2013, 04:25 PM

الحسد إذا عشش في القلوب يسوي بلاوي ..:nice:

:nice::nice:

حمد 2002

26-06-2013, 04:26 PM

نا عايز كوكا كولا

بوعلي اشرايك بالي ايطالب بحقوقه ؟ :shy:

حسن

26-06-2013, 04:26 PM

اهم شي عيش الحكومه لايغيرونه بركه

JN000N

26-06-2013, 04:28 PM

اهم شي عيش الحكومه لايغيرونه بركه

ههههههههههههههههههههههههههههههههههه

(بوطلال)

26-06-2013, 04:32 PM

بوطلال ابي تصريح ارض على البحر لو 10 متر

:victory:

تستاهل يابوعلي انت من هل (حصيه على حصيه) و(ام الحنايا ) فديتهم والله

ودي أكون

26-06-2013, 04:33 PM

الحسد إذا عشش في القلوب يسوي بلاوي ..:nice:

لحظه يبه حسد على شنو ان شاءالله .!!

اعرف لو سمحت ان الخير لنا جا بيجي كل اهل قطر .. هذا اولاً

وثانياً .. كلنا لنا مطالب واماني واحلام وحاجات .. لكن ولله الحمد اذا بنطلبها اولاً من رب العالمين ونعي الله ان الله يسهل على ولاة امورنا وسخرهم لنا

وثالثاً .. ولله الحمد احنا اغنى وله وكل شيء عندنا مجاني وعايشيين احسن عيشه ولله الحمد ولا ابونا حمد قصر معانا ولا اميرنا تميم بيقصر ان شاءالله

ورابعاً .. ماقلنا لا اطالبون بالحقوق المنطقيه لكن هذا موب وقته ابداً .. توه امس الامير مستلم الحكم ياويه استح والله ويه استح من اولها تاخذون الموضوع بالشيمه .؟! عيب والله عيب

اهالينا علمونا يعيشون على خبزه يابسه بس مايتكلمون وانتو الخير عندكم وموب تارس عينكم هالشيء ..!؟

عموماً هالفئه الحيا منقرضه عندهم عشان جي مهما قلنا لهم عيب ووهلول ومايصير جي

ماراح يفهمون :)

الله المستعان

حسن

26-06-2013, 04:33 PM

بوعلي اشرايك بالي ايطالب بحقوقه ؟ :shy:

تصدق ياحمد اني اطالب نزع الملكيه فلوس والله تركتها 100 الف اخصموها عن الارض بعد القص اللي اضلمونه فيه وش تسوي اذا صار خصمك هو الحكم والخصم يالله فداء للوطن هذا واجب علينا ياخوك الدنيا اخذ وعطا والحمدلله مرتاحين والله فرجها بس بركه
وقد الحكومه ماقصرت معانا الدنيا اخذ وعطى دام احنا بخير والبلد بخير وامان هذه هي النعمه وحكامنه مهب مقصرين علينا الحمدلله الكلام واقف ياحمد لو شفنا العالم بكبره واحنا غير غير بس شويه نواقص ملحوقين عنبو الكمال لله ياجماعه الخير

عيش الحكومه ....عيش الحكومه
:victory::victory:
:victory:

العلم

26-06-2013, 04:33 PM

انا بقولك
انا مواطنه قطريه درست وخلصت الجامعه واطمح لاعلى درجات التعليم لان اجوف اني انا ك قطريه اولى من غيري ولي حق طول ما انا ماسكه شهاده تشرفني وتشرف بلدي
والحين الحمدلله توفقت واشتغلت وسي فيي مقبول ف كل مكان
وانقبلت ف اماكن العالم تقول لازم واسطه فيها وانا اشتغلت بدون واسطه ليش؟ لاني اجتهدت ولكل محتهد نصيب
ويوم اشتغل مافكرت مثل غيري اهم شي عنده دوام راحه وراتب يقبضه اخر الشهر
قبل افكر ف الراتب فكرت ف نوع شغلي شنو! مابي اقعد ف مكتب اشرب شاهي واقرا جرايد واسولف واحش لين اخر الدوام واطلع
انا فكرت اتوظف ف مكان ابرز نفسي فيه واطور من نفسي لان الدوله تحتاج مواطنين قلوبهم عالبلد
انت فكرك والديني ماعليهم ديون؟ عبالك لاقيين بيزاتنا عالسيف
بالعكس عليهم ديون تهد الحيل لكن ماوقفنا حمد وشكر
الحمدلله كل طلباتنا متوفره وعايشين احسن عيشه
اكثرو من الحمد بييكم الخير
قبل تفكرون كم بيدش ف جيبكم فكرو ف الشغله الي تشتغلونها عدل

دولتنا وفرت كل شي للكل
صحيح في فئه وانا ماقول لا
بالعكس ف فئه مسكينه يكسرون الخاطر وهم الي لهم سوابق خريجين سجون ويبون فرصه ثانيه فالمجتمع وفي غيرهم فئات وايد

انا مب ضد مطالب هل قطر بالعكس
لكن لكل شي له حدود
اما توصل تعالو عطونا بيوت مجانيه!!
عادي عادي لين صارت. البيوت المجانيه تطالبون بالقعده فالبيت

التموين للمواطنين كلهم
وتذاكر سنويه
وتامين صحي وتعليم للطلبه
وكهربا وماي ببلاش
والاولويه للقطري فالتوظيف
واشياء واايد لا تعد ولا تحصى

ليش ماسحين كلمه الحمدلله من قاموسكم؟

طيب طالبو بس وهلو عالامير
توه امس استلم الحكم لا اله الا الله
خلوه يتنفس

ومن وين جبتي إننا ماسحين كلمة الحمد لله من قاموسنا ؟؟

ودي أكون

26-06-2013, 04:34 PM

اهم شي عيش الحكومه لايغيرونه بركه

ههههههه اخوي حسن موب وقتك كلش ترا هههه

ام السعف

26-06-2013, 04:35 PM

من زمان ما تهاوشوا
و قالوا فرصة لقينا موضوع ..!!!!!!

الأفضل إغلاق الموضوع
الردود بدت تخرج عن السيطرة ..!!!!
و بصراحة البعض ( مصخها ) ..

اشوف ان البعض يتعدى على البعض في حين كل يمارس حرية التعبير
:(

رد تعظيم سلام للوزيرة المرتقبة ام السعف ..:nice:

الأمور سهالات .. :shy:

نتمنى كذلك يارب

شوفي الله يسلمج
السالفه ومافها ان احنا تونا فالحمد تونا نقول بسم الله توكلنا على الله
الشيخ تميم لحين حتى ما القى خطابه الاول گأمير
طلعولنا بسالفة تسديد ديون وعطونا وعطونا
يعني متى بتخلص هالمطالبات؟ ابن ادم مايشبع بهالدرجه
طيب رواتبكم اعلى الرواتب معيشتكم اريح معيشه
لا فلوس ع كهربا ولا ماي وعندكم تامين صحي وتعليم وكل شي متوفر
فالاخير يبون (((( بيوت مجانيه))))
ع اساس الدوله بتكد على عميان؟
زين شنو قدمو هم للدوله هذول الي يطالبون شعطو دولتهم؟
شنو انجازاتهم ؟ كل ذي حق خذ حقه وزياده
ليش الطراره الزايده؟

شوفي يا اختي

من حق المواطن يطالب باللي يشوفه من حقه

يعني اليوم لا انا ولا انتي نقدر نقول للي ما عنده ارض يبني عليه من القرض
اربض دارك وسكر حلجك ؟

ولا نقدر نقول للمديون انطم وذوق سواة افعالك ،،

كل يتأمل خير وينتظر الفرج وما الفرج الا من عند الله
وربنا يفتحها على ايادي عباده ،،

فلو مثلا المواطن قال ياليت تسقط ديوننا او .. او ...او...
نلقى اصوات تعتبر مطالباته طرارة ،،

لكن لو صدر من الأمير نفسه بنلقى اللي بيعتبرها مكرمة ؟

عني اليوم ما اطالب الأمير بفلوس او ارض او قرض
لا لي ولا حق عيالي مع اني اتمنى كل واحد فيهم يحصل ارض
المتزوج وغير المتزوج ،،

لكني ابي الأمير ياخذ انفاسه ويستعد للمرحلة القادمة بتأييد
وتكاتف الشعب ،، وهالتكاتف ما بيصير لو احنا بيننا وبين نفوسنا
انطب في بطون بعض ،،

شكرا لكم جمعيا

ام السعف
الوزية المرتقبة للصحة
سمعت وزير الصحة بيترقى
فقلت اختار لي وزارة الصحة والتعليم
زاد الطمع
:(