الزراعه في البيت وحول السور ؟

[أسير الاسهم]

السلام عليكم ورحمة الله

حبيت اسألكم عن الزراعه في حوش البيت
وبعد الاشجار حول السور

بغيت اشجار خضراء طوال العام وتعمل كساتر حول السور يستر البيت

وايضا اشجار حلوه داخل الحوش عندي ارض لأخوي فاضيه جمبي وابي استغل السنوات اللي بتتم فاضيه فيها بالزراعه

يا ليت ما تبخلون علينا بالنصائح

واذا تعرفون حد ممكن يقوم بالشغل بضمير وشغله تمام وسعره زين افيدوني برقمه


شاكر لكم :nice:

[محب الخيل]

إن شاء الله الأخوة يفيدونك أكثر

بس اللي حبيت أنصحك به أبتعد أبتعد كل البعد عن الشجر الأمريكي ( الكوناكربكس )
أنا أسميه شجر الدمار , بيخرب عليك الطوفة ومجاري الصرف .

والله يوفقك ...

[عايش فرحان]

لا تزرع سدر .. لانه نفس الشيء بيخرب لك بلاط الحوش و ممكن يوصل للحمامات (جلك الله) و يخربهم .. اذا مصر على السدر خله يبعد على الاقل 15 متر عن بلاط الحوش و البنيان..

احسن شجرة رفيقة بالبنيان هي النخلة ..

و انصحك ايضا بشجرة النيم لانها تبعد الحشرات و خضراء طوال العام ..

[أسير الاسهم]

شباب ايش احسن الاشجار الساتره حول البيت ,, يعني تكون كبيـره وتستر السور ؟ ووين المحلات اللي تبيعها بسعر مناسب وتزرعها لي

وبخصوص النخيل .. وين الافضل هنا فالدوحـه ؟ وبكم ؟

[w.qatar]

بخصوص النخيل تلقاه في سوق عمان النخله ب600 مع التركيب

بس نصيحه ترا الاشجاار اللي الناس يحطونها سواتر ماعرفت اسمها بس تخرب الصرف الصحي و الطوف

حط سواتر و الواجهه الامامية للبيت جي ار سي ارتفاع متر ونص

[QtrGate]

ليمون ونخيل والتوت واللوز

[أسير الاسهم]

النخيل اللي بسوق عمان مب أوك اللي سمعت عنها

والجي آر سي غالي لو بسوي هالمساحات عندي

والاشجار اللي عرفت انه مب كلها تخرب الصرف والبلاط .. نوعيات معروفه المخربه

ولكن فيه نوعيات زينه .. بس شنهي ماعرف ؟؟ أفيدوني ؟؟

[فريج النجادة]

يوجد شجر جميل جدآ ولا يرمي الاوراق ولا اعرف اسمة

وهو متواجد من دوار المرخية الى دوار دحل الحمام

واذا بغيت تشتري مر على مشتل الخور

وانت داخل الخور من شارع الشمال اول مشتل على يدك اليمين

بعد 300 متر من دخولك طريق الخور

من اكبر المشاتل في قطر وكل شي موجود عندة وبالاحجام التي تحبها

ومن كبر المشتل عندهم سيارة الجلوف حتى تتنقل في المشتل

المكان روعة لا يفوتك

ويفتحون من 8 صباحآ الى 5 مسآ بدون توقف

[Chambray]

شجر النيم جميل وممتاز ومشتل البلديه يبيعها باسعار ممتازه ٥ ريال للشتله

[النهار]

شجر النيم جميل وممتاز ومشتل البلديه يبيعها باسعار ممتازه ٥ ريال للشتله

شجرة النيم من الاشجار المعمره جذورها سطحيه
المسافه بين كل شجره 6 امتار
فقط عيبها الوحيد وقت الخريف ترمي كل اورقها وعند التزهير
تحتاج عنايه فائقه عند الغرس ولمدة 3 الي4 سنوات لكي لاتميل
لاتحتاج الي السماد او السقى المتكرر مثل باقي الاشجار
تسمى صيدلية القريه ولها فؤاد عده
الشتلات في البلديه على 5 ريالات وفي السوق من 10 الي 20 حسب الحجم

[أسير الاسهم]

يا جماعة وين فالبلدية ممكن يوفرون لي الاشياء اللي محتاجها .؟ أي قسم ووين عشان اتواصل معاهم ؟؟

[سهم عتيج]

مافي افضل من شجر النخيل وجوز الهند لان جذع النخلة هو نفسه عروق النخلة وبالتالي تضمن عدم تمدد العروق للصرف الصحي .. بالاضافة الى ان النخل منظره جميل جدا ،، وعندما تسلط على الشجرة الضوء بالوان متعددة بالليل يعطي جمالا اضافيا للبيت

بالاضافة الى انك تستطيع نقل النخلة من بيتك الى بيتك الجديد اذا تركت المكان ،، ولا ننسى الرطب الذي تنتجه النخلة بكميات طيبة ،، واخيرا فانك تستطيع بيع النخلة بمبالغ كبيرة عندما تكبر

يعني هالشجرة فيها خير كبير ومنظر جميل

شخصيا : لا احب ان ارفع سور المنزل اكثر من 3 متر تحت اي ظرف لان السور المرتفع يعطي كآبة للنفس سواء وضعت ساتر او رفعت السور ،، لذلك فالتشجير هو الافضل للنفس وللبيئة ولجمال المكان

والله اعلم

[w.qatar]

هذا موقع البلدية لشراء الشتلات بس مادري وين تروح عشان تستلمهم ودي اعرف والله لان طريقه الحجز و الدفع سهله الكترونية بس مب حاطين عنوان مشتلهم

http://www.baladiya.gov.qa/cui/view.dox?id=1300&siteID=1

[أسير الاسهم]

جزاكم الله خير على كل حال