نطالب بتخصيص ايام للرجال فقط بالمعرض التجاري درءا للفتنة

[حمد 2002]

السلام عليكم ورحمه الله وبركاته

الموضوع يحمل العنوان التالي

((تخصيص ايام للرجال فقط بالمعرض التجاري درءا للفتنة))

الصراحه الواحد مايقدر ياخذ راحته بالتسوق بسبه الخلط الموجود بالمعرض ، يعني مثلا جيت تشتري شيء اتجوف جنبك مجموعه حريم ونساء ، والصراحه الواحد ماتعود على هالشيء ، لذاك بعض الرجال يتجنبون الذهاب للمعرض درئا للفتنه ،،،،

مابي اطول بالكلام وايد لاني اذا تكلمت مب خالص لذا اترك الحديث والمنبر لكم ،،،

ورجاء خاص لحد ايضن اني من وراء هالموضوع استهدف النساء ، لا ومليون لا بالــ اطالب بفكره واضحه جدا وهي تخصيص ايام للرجال فقط بالمعرض لكي ياخذون راحتهم ،،،،

الموضوع مفتوح للنقاش العام على مصراعيه وفقا لسياسه المنتدى وبدون الخروج عن الإطار العام للموضوع ،،،،

تحياتي للجميييع

[قطريه22]

لو طارح الموضوع قبل اوكي


حلو كلامك لو كل الايام حريم ويوم للرجال اوكي
لان احنا متاذيين من الي يغازلون ويدورون ومالهم حايه

[حمد 2002]

لو طارح الموضوع قبل اوكي


حلو كلامك لو كل الايام حريم ويوم للرجال اوكي
لان احنا متاذيين من الي يغازلون ويدورون ومالهم حايه

بس يوم واحد :) ، هاذي اعتبرها انانيه :)

تحياتي ،،، :nice:

[العربية نت]

:eek5::omg::eek5::omg:
بس المعرض اغلبه اذا ما كان كله اغراض للحريم

بس ترا الامر اكبر من موضوع الاختلاط اشوف بعضهم شبه عاري نعم وعادي ولا عندهم مشكله لانهم متعودين على هالشي في دبي واشوف المنظمين هم من يتحمل هذه الفوضى :shy::rolleyes2: ويجب على الوافد التاجر :secret: احترام اهل البلد

[قطريه22]

وايد طالبو بهالشي بس لاحياة لمن تنادي الظاهر هم يبون المصخره تصير

[حمد 2002]

:eek5::omg::eek5::omg:
بس المعرض اغلبه اذا ما كان كله اغراض للحريم

بس ترا الامر اكبر من موضوع الاختلاط اشوف بعضهم شبه عاري نعم وعادي ولا عندهم مشكله لانهم متعودين على هالشي في دبي واشوف المنظمين هم من يتحمل هذه الفوضى :shy::rolleyes2: ويجب على الوافد التاجر :secret: احترام اهل البلد

:omg::omg:

[قطريه22]

بس يوم واحد :) ، هاذي اعتبرها انانيه :)

تحياتي ،،، :nice:



المشكله اغلبية الاغراض الي تنباع للحريم

لو يقسمون المعرض للرجال والحريم نصه اغراض رجاليه ونصه اغراض للحريم بيكون حلو

[حسن]

اي معرض ياحمد الحين موجود ولا لا في معارض تكون مخصصه لخماشير النسوان وهذه ماروح لها ولا يفضل الواحد يروح لها كلها موجوده في سوق واقف وارخص منهم

اخر معرض رحتله كان للمعدات وادوات البناء كان فيه بنات بس من صنف اخر
يعني جايين مع العرض

:eek5:

[قطريه22]

اي معرض ياحمد الحين موجود ولا لا في معارض تكون مخصصه لخماشير النسوان وهذه ماروح لها ولا يفضل الواحد يروح لها كلها موجوده في سوق واقف وارخص منهم

اخر معرض رحتله كان للمعدات وادوات البناء كان فيه بنات بس من صنف اخر
يعني جايين مع العرض

:eek5:



اي والله معرض للمعدات اشدخل الحريم

تدري ليش عشان يغرون الي قلوبهم ضعيفه ويتدبعون ويشتري

والحين في قاعة المعارض شوف المصاخه لابسين هالجلابيات الضيقه ويدورون المغربيات

[حسن]

اي والله معرض للمعدات اشدخل الحريم

تدري ليش عشان يغرون الي قلوبهم ضعيفه ويتدبعون ويشتري

والحين في قاعة المعارض شوف المصاخه لابسين هالجلابيات الضيقه ويدورون المغربيات

يمكن الجلابيات مغربيه فهم يعرضون بضاعتهم

هذا طرق من طرق العرض الحديث

:)

[alnoida]

غَريبةٌ هِيَ الذِكريآت ،، تُضحِكنآ عَلى مآ أبكَانآ يَوماً ، و تُبكينآ عَلى مَآ أضحَكنآ يَوماً !

[العربية نت]

الهيئة العامة للسياحة لايهمها تطوير المعرض لدرجة ان حن نشوف اغلب العارضين هم نفسهم كل سنه ونفس البضاعة لايوجد تنويع في المعرض اي يكون نسائي رجالي كل شي ولكن للاسف اغلبه نسائي وبضاعة عادية باسعار خيالية فالهيئة المسئول الاكبر عن ذلك هذي اضافة الي العري
المذكور :shy::rolleyes2:

[النهار]

انا اطالب بمنع دخول الهنود والحريم بسيارتهم في مواقف المعرض
الحرمه علشان توقف لازم اثنين واقفين الا يمن الايسار
وان ماحصلت حد اشمخت الموتر وحركت :nice:

[ضوى]

والله ياليت عالاقل الواحد يكون مرتاح في التسوق الا شنهي مواعيده هالمعرض ؟!

[ضوى]

انا اطالب بمنع دخول الهنود والحريم بسيارتهم في مواقف المعرض
الحرمه علشان توقف لازم اثنين واقفين الا يمن الايسار
وان ماحصلت حد اشمخت الموتر وحركت :nice:

وايد مطيح حظ الحريم اللي يسوقون ! خمس سنين اسوق وكله رياييل يدعموني انا ماشمخت ولا سيارة ولا دعمت ولا باب ولا طوفة

[لاجل QT]

هو متى المعرض؟؟

[بوخالد911]

مطلبك صحيح

ومن حقك

[عيون الدوحة]

اغلب البضاعة للنساء
واكثر الي يبيعون حريم.

[khalid525]

لا انا غير مؤيد ليوم رجال ، والفرز أو الفصل ليس اسلوب للحفاظ على الايمان او درأ للفتنه وهو ليس من الاسلام .

[RE-Qatar]

المعرض هو نفسه آخر 8 سنوات ماتغير فيه اي شي
عبايات وعطور ومسابيح وسجاد ايراني وذاك الفلبيني اللي يقطع خضار

ماعندهم شي جديد المسؤولين والشركة المنظمة زيرو

[بنت شرق]

لا انا غير مؤيد ليوم رجال ، والفرز أو الفصل ليس اسلوب للحفاظ على الايمان او درأ للفتنه وهو ليس من الاسلام .

:looking:

[بنت شرق]

الي مايبي الزحمة يروح من موهل ابرك له يشتري غرضه ويطلع

[جفى الجوارح]

المفروض يكون في ايام للرجال في كل مكان مب بس المعرض
حتى الاسواق ماقمنا نقدر نروح بسبب المتبرجات الله يهديهم ان شاء الله خاطري اعرف بس وين اهاليهم

[تحداني]

كلامك عدل .. انا بعد اقول وعليه عليهم ليش ما يخصصون لهم يوم ولا يومين ومافي مانع
ثلاث ايام


انجوي يا اخوي

[MAZEN37]

كلامك صحيح شكلك مواليد السبعينات فيك الخجل والوقار ههه
سبحان مغير الاحوال زمان نطالب يوم للنساء
الحين العكس نبي يوم للرجال
يا ترى وش بتكون المطالب بالمستقبل

[نوار قطر]

ليش المعرض اشفيه حق الرياييل :nop: انصحك حمد لاتخصص يوم حق الرياييل واصلا لا تروح ،،، المعرض مب حلو :secret:

[رهج السنابك]

الي راحو المعرض يقولون لنا شنو شروا وشنو الزين والشين



حمد عادي نوسع موضوعك شوي *_*

[dream~qa]

طيب ممكن مواعيد المعرض ؟؟

أما عن الموضوع فأنا مع تخصيص أيام للرجال فقط

ولكني ضد تخصيص أيام للنساء بسبب تصرفات بعض الباعة هداهم الله .

[Rider]

انشوبنا هالحريم في كل مكان تلقاهم

[شيخ الديرة]

وماذا نسمي هذا اليوم؟ يوم اللذين يصعب عليهم غض البصر ؟

[dream~qa]

وماذا نسمي هذا اليوم؟ يوم اللذين يصعب عليهم غض البصر ؟

أو يوم درء الفتنة .

[ام السعف]

هيهيهي

اما انت يا حمد عليك سوالف تقط شعر الحواجب :(

هي الفكرة نوعا ما ماعليها غبار ،، من حق الرجل انه يطالب بحقوقه :shy:

اعطيك صوتي :telephone:

[Qt.1]

المعرض هو نفسه آخر 8 سنوات ماتغير فيه اي شي
عبايات وعطور ومسابيح وسجاد ايراني وذاك الفلبيني اللي يقطع خضار

ماعندهم شي جديد المسؤولين والشركة المنظمة زيرو

بالضبط , نفس الاشياء الي تنعرض كل سنه , وعلى فكره اغلى من برع , يعني ممكن الواحد ايحصلها في السوق ارخص بوايد , والسلعه في المعرض ايكون سعرها مضاعف !!

وماشوف داعي انهم ايخصصون يوم للرجال , اصلا الاغراض الي في المعرض اكثرها للنساء .

[ROSE]

انشوبنا هالحريم في كل مكان تلقاهم

هههههههههههه المعرض مخصص للحريم اصلا من اللي ناشب لمن الحين :omen2:

[حسن]

عندي احساس لو تم منع الرجال من دخول المعرض بنلاحظ انخفاض عدد النساء
وانا على مااقوله شهيد


:deal:

[Qt.1]

هيهيهي

اما انت يا حمد عليك سوالف تقط شعر الحواجب :(

هي الفكرة نوعا ما ماعليها غبار ،، من حق الرجل انه يطالب بحقوقه :shy:

اعطيك صوتي :telephone:

:rolleyes2:

[Qt.1]

هههههههههههه المعرض مخصص للحريم اصلا من اللي ناشب لمن الحين :omen2:

:nice:

[بومحمد المطاوعه]

هالشي مستحيل يصير

الود ودي انه يصير لو يومين فالاسبوع ويومين للنساء و3 ايام عام


والله بنرتاح ونفتك من بعض الرجال والنساء الوصاخه

[ام السعف]

:rolleyes2:

يعني لو قريت مواضيع حمد لا تستبعد تقعد يوم من الايام
وانت اصلع الحواجب ،،،

هذاني نبهتك وانت ابخص بحواجبك :(

[Qt.1]

يعني لو قريت مواضيع حمد لا تستبعد تقعد يوم من الايام
وانت اصلع الحواجب ،،،

هذاني نبهتك وانت ابخص بحواجبك :(

تبين الصج هذا الي انا ملاحظه :confused:

[جادووور]

عندي احساس لو تم منع الرجال من دخول المعرض بنلاحظ انخفاض عدد النساء
وانا على مااقوله شهيد


:deal:



الله المستعان قد يكون معاك الحق في ماقلت والله لايؤاخذنا بما فعل السفهاء منا

[JN000N]

عندي احساس لو تم منع الرجال من دخول المعرض بنلاحظ انخفاض عدد النساء
وانا على مااقوله شهيد


:deal:

بالعكس الا بيصير زحمه
شوف فالسوق فالتشري فالمعارض لا تفكر المره بتفتكر فالرياييل الا الزم ماعليها مشترياتها هههههه
لكن صج لما يكون في رياييل استغفر الله المكان حده مقزز مع بعض التجاوزات اللي تصير سواء من اهل البلد او من الي جايين من برا يعرضون شغلهم

مثال: تبيع عبايات تستقبل رياييل وتضيفهم وتشربهم قهوه ليش؟ ما انسى هالموقف لان كنت ابي اشوف العبايات ويوم شفت اسلوبها وتصنكعها مع الشباب القطريين غسلت يدي وهي مش قطريه

[Special man]

المعرض بااااااااايخ جدا واغراااضهم قدددددديمه


باختصار المتبقي من اغراض العام جايين يعرضونها وبسعر اغلى انصحكم لاتروحون عن تجربه :)


المعرض بدى تاريخ 27-6-2013 وينتهي تاريخ 6-7-2013

[نوار قطر]

المعرض بااااااااايخ جدا واغراااضهم قدددددديمه


باختصار المتبقي من اغراض العام جايين يعرضونها وبسعر اغلى انصحكم لاتروحون عن تجربه :)


المعرض بدى تاريخ 27-6-2013 وينتهي تاريخ 6-7-2013

:victory: :victory: ولا افكر اروح مره ثانيه امس رحت وخلاااص توووبه ،،

[حياة]

لا انا غير مؤيد ليوم رجال ، والفرز أو الفصل ليس اسلوب للحفاظ على الايمان او درأ للفتنه وهو ليس من الاسلام .




استغرب منك ومن ردودك في اكثر من موضوع وملاحظه هالشي :secret::secret:

[Class - Qtr]

السلام عليكم

انا يوم جفت الموضوع حسيت صاحب الموضوع اللي نحترمه ونقدرة يتحدث

عن القريه العالميه اللي في ( دبي ) معرض ايش ياحمد تبي تروح

فقط المعارض الاقتصاديه والاستثماريه في قطر

المعارض التجاريه للاسف دون المستوي

والسبب المسوولين عن هالمعارض

ثقافتهم التجاريه محدودة

[مراد2015]

غاااااااالي اسعارة نار

يمكن محلات العطور شوي رخيصة