فضحتونا ياشباب..الشرطه البريطانيه تصادر المبرغيني..

[الدوحه1]

فضحتونا ياشباب..

المصدر:
http://dohanews.co/post/54177236243/london-police-seize-qatari-owned-lamborghini-over

[Qatar Angel]

تصرف فوضوي وغير حضاري،،
والمفروض يراعي مشاعر الانجليز الحسودين
هالمواتر الكشخة تذبحهم

[Right]

عسى يستاهل .. زين سووا فيه .. هذا آخر المهايط

[MAZEN37]

نقلت وسائل إعلام بريطانية مقطع فيديو يظهر إيقاف الشرطة البريطانية سيارة "غلو إن ذي جارك" أفنتادور الفاخرة في أحد شوارع لندن.

ويظهر الفيديو السيارة الفاخرة قبيل استعداد الشرطة لسحبها من الشوارع، وقد برزت لوحة السيارة التي تفيد بأنها لشخص قطري. في حين قالت مصادر الشرطة إنه جرى إيقاف السيارة وسحبها لأن سائقها لا يحمل رخصة قيادة، ولا يحمل تأميناً عليها.
يعني الاخ قاعد يسوق ببر سيلين اموره طيبه

[Qt.1]

يميلات - قامت الشرطة البريطانية باحتجاز سيارة من طراز لامبورغيني بحي نايتسبريدج وسط لندن تعود ملكيتها إلى أحد أبناء العائلة الحاكمة في قطر بالقرب من مخازن هارودز الشهيرة التي تملكها بلاده.

وقالت صحيفة "ديلي اكسبريس" إن السيارة يبلغ سعرها 350 ألف جنيه استرليني، أي ما يُعادل نحو 533 ألف دولار، وقد احتجزتها الشرطة لوقوفها في مكان ممنوع.

وتابعت أن مالك السيارة هو الشيخ ناصر آل ثاني البالغ من العمر 24 عاماً وأنه لم يتمكن من إثبات حيازته على رخصة قيادة ولا تأمين على السيارة للشرطة البريطانية.

وأشارت إلى أن السيارة لم تكن تحمل لوحة أمامية وأن الشرطة نقلتها على ظهر شاحنة إلى مكان الحجز أمام أنظار عشرات المعجبين الذين التقطوا صوراً لها.

منقول,

[MAZEN37]

[FONT="Impact"][COLOR="DarkRed"][SIZE="5"]هذه غيرها ^^^^
هذه قديمه

[المقاول]

هذا اخر المهايط .. قاعد في لندن مش بيت ابوة .

[بوخالد911]

لا بد من احترررام القوانين

حتى لو كنتم فوووووووووووق القمر

[الكنترول]

يا لبيه ,,, خوش سيارة

يا ليت عندي نصف السعر اشتري بيت لخويتي

اللهم عطنا معطاه من مال وزيده وبارك له فيه وحفظة يا رحمان يا رحيم

[يوسف0]

فلووووووووووووس :)

يمكن ماعنده مكان فالشاليه :omen2:

بيطلعله بكره رولز رويز :victory:

[w.qatar]

شلون ما عنده ليسن و عمره 24 ؟ يصرف ملايين على سياره وما يسوي تامين ولا ليسن !

[بـارود]

شلون ما عنده ليسن و عمره 24 ؟ يصرف ملايين على سياره وما يسوي تامين ولا ليسن !

يمكن يقصدون ( رخصة القيادة الدولية ) ؛

[بوطويشم]

السلام عليكم

الله يعينه

في شباب الله يهديهم عبالهم انهم في بلادهم فلان بيمشيك و غيره

http://im34.gulfup.com/iFm7A.jpg (http://www.gulfup.com/?9oMf0e)

[رجل الجزيرة]

بيطلع مليون سيارة ولا بهامه شيء تدرون ليه لأنه ما به رادع يردع أمثاله.

وحسبنا الله ونعم الوكيل.

[وحيد-الشوق]

هذا الشيخ كل سنة يفتر في اوروبا واذا ماخاب ظني ابوه شخصية مشهورة جداا

اشحن سيارتك ودلع عمرك محد قالك شيء بس لازم تحترم القوانيين هناك اوروبا مب نفس الدوحة الشرطي عندنا مسكين اذا شاف الموتر كشخه حده ولا الرقم مميز يتصرقع المسكين ومايقدر يسوي شيء :(

للعلم ربعنا هناك يستانسون حتى اذا مواترهم انحجزت واسحبوها لأنه بنظرهم ان هالشيء مميز وملفت للنظر والناس بتجيب سيرتي وسيرة موتري ههههههههه احس جذي تفكيرهم

[Class - Qtr]

السلام عليكم

لندن وخير يالندن

اكشخ ياقطري واستمتع واذا تبي تخالف القوانيين عندهم خالف بعد يكفي انك قطري

ياجماعه المتعه لاتقدر بثمن والرجل الله يزيدة في خير ونعمه

واذا على المخالفه الموضوع بسيط جدا

وخفو شوي على الرجال

تري ابوة رياني

:shy:

[R 7 A L]

سيارة بالقيمة
تبونه يوقف في المواقف العادية ؟

امركم عجيب

[السيف5]

استغفر الله العظيم
ياناس في اي بلد احترام القوانين واجب
ويستاهل ماجاه وهذا التصرف غير مقبول
وبصراحه تصرف يسئ للقطريين بالخارج فيجب على كل واحد فينا يكون قدوة لبلاده

[حسن]

خرابيط الصحافه البريطانيه والموضوع عادي
يعني لو كان الموتر مثل موتر مستر بن كان سوا هل الضجه

وفي حد ماعنده ليسن عندنا لو مهب الكمبيوتر كان شفتو بو 15 عنده ليسن

حقد وحسد

وهم يعربدون في بلادنا ويحذفون بطولهم على اسيافنا واخرتها البارحه وركبو سيارات ماركبوها في بلدانهم كان من باص الى باص ومن مترو الى متربعد اذا حصلهم التكيت زين ولا كله كعابي

[(بوطلال)]

خرابيط الصحافه البريطانيه والموضوع عادي
يعني لو كان الموتر مثل موتر مستر بن كان سوا هل الضجه

وفي حد ماعنده ليسن عندنا لو مهب الكمبيوتر كان شفتو بو 15 عنده ليسن

حقد وحسد

وهم يعربدون في بلادنا ويحذفون بطولهم على اسيافنا واخرتها البارحه وركبو سيارات ماركبوها في بلدانهم كان من باص الى باص ومن مترو الى متربعد اذا حصلهم التكيت زين ولا كله كعابي

كلامك صحيح يابوعلي الموضوع حسد وتصيد لاي واحد راكب سياره كشخه خصوصا لو من الخليج.

[غزلان]

سيارة بالقيمة
تبونه يوقف في المواقف العادية ؟

امركم عجيب

:nice::nice:

[Right]

سيارة بالقيمة
تبونه يوقف في المواقف العادية ؟

امركم عجيب





لا .. أحسن شي يصفطها داخل المحل !!!

[غزلان]

http://jeleeb.com/wp-content/uploads/2013/06/عند-فندق-دوشستر.jpg

مواقف فندق الدوشستر

[يوسف0]

كلامك صحيح يابوعلي الموضوع حسد وتصيد لاي واحد راكب سياره كشخه خصوصا لو من الخليج.


اعتقد لانهم جافوا مخالفات كثييييره وسكتوا فتره طووووويله

امش على القانون يحتار عدوك

[رجل مثالي]

تصرف فوضوي وغير حضاري،،

والمفروض يراعي مشاعر الانجليز الحسودين

هالمواتر الكشخة تذبحهم

والمفروض يكون حريص ويكون عنده رخصه

ولا يعطي هذول الفرصه في الاستيلاء على ممتلكات

القطريين الخاصه والله يحفظنا ويحفظ الجميع أن شاءالله

[R 7 A L]

لا .. أحسن شي يصفطها داخل المحل !!!







ليش لا
تبيه يتساوى مع الفقراء :tease:

[JN000N]

الله يزيده ويعطيه
حلاتين عالسياره حلاااه

[دانة الطواش]

عرفتوا ليش تتأخر الفيزا حق لندن !!!!! والله من حقهم يأخرونها .

[سعادة الوزير]

كلامك صحيح يابوعلي الموضوع حسد وتصيد لاي واحد راكب سياره كشخه خصوصا لو من الخليج.


استغفر الله العظيم ، وهل الي يسويه هو رد على الي يسوونه الانجليز في بلادنا مثلاً؟ ، ايش هالمنطق يا جماعة الخير!!

هو دام انه سافر هناك فهو يمثل بلاده في هالتصرفات ، ويوم انكم تدرون ان صحافتهم تتصيد علينا (وهذا شي مب جديد ، الكل يذكر موضوع الاميرة الي اضربت خدامتها في امريكا شلون فضحوها) ، شتبي تفتح على نفسك باب؟؟؟ وش لك تروح تهايط عليهم؟؟

[منصور.]

السيارة محجوزة بسبب الاضاءات الموجودة عليها فقط وفي الليل تعكس الانوار ممايسبب خطر على الطريق والاخرين

[العلم]

إذا صحيح الكلام فيستاهل ماجاه ..

[الكنترول]

يا للبى قلبه خله يستانس ويبسط نفسه يدفع المخالفة

ويرجعها مره ثانية ويوقفها في نفس المكان هههههههههههه

خلهم يموتوا حررررررررررررره

[الكنترول]

السيارة محجوزة بسبب الاضاءات الموجودة عليها فقط وفي الليل تعكس الانوار ممايسبب خطر على الطريق والاخرين




يوه يوه يوه شيء عجيب ماشاءالله

[بحر شرق]

عرفتوا ليش تتأخر الفيزا حق لندن !!!!! والله من حقهم يأخرونها .

ال ثاني يدخلون بريطانيا وفرنسا بدون فيزا :eek5:
السياره مخالفه لان لإضاءة في الليل تأتي من الخطوط البرتقالية على هيكل السياره كامله مثل شبكه العنكبوت

[المليونير الفقير]

ال ثاني يدخلون بريطانيا وفرنسا بدون فيزا :eek5:

معلوماتك غلط لازم فيزه:nice:

[بحر شرق]

معلوماتك غلط لازم فيزه:nice:

لا لا ما في فيزا :eek5:

[عكاس]

واضح من الصورة ان الأخ واقف في مسار الباصات يعني مخالفة صريحة

[مخطط قطري]

معلوماتك غلط لازم فيزه:nice:

ابشرك بدون فيزا وقريبا ايطاليا واسبانيا

[الجوكر90]

السلام عليكم
انا بدون ماشوف الرقم عرفت ان انه راعي 420000
ﻻن الموتر مميز بلونه ومشهور
وقبل هالرقم كان ع بوقاتي هم فاوروبا
بس ماشاء الله يوم دفع عرف يختار لون مميز بس هالخطوط ماكانت موجوده ﻻن يوم شفته قبل فتره فاللؤلؤه بدون الخطوط

[عضوو]

مخالفه عاديه تحدث في أي مكان ولاتستحق هذا التضخيم من البعض

لماذا ننتقد المخالفه في لندن ولاننتقد مخالفاتنا في قطر؟

لماذا نربط حزام الأمان في لندن ولانربطه في قطر ؟

لماذا لانلقي القمامه من النافذه في لندن ونلقيها في قطر ؟

لماذا نحترم الطوابير في لندن ولانحترمها في قطر ؟

لماذا نتقيد بتعبئة النماذج والمتطلبات كامله في السفاره البريطانيه ولانتقيد بها في إدارات البلد ؟

لماذا لانبحث عن واسطه لأنجاز تأشيراتنا في السفاره البريطانيه وعندما نقدم على تأشيرة خادمه في الجوازات نبحث عن واسطه لكسر الأجراءات والقوانين ؟

[عقار]

شاللي يستفيده من شحن سيارته عبر القارات !!!!
يستأجر من البلاد اللي رايح لها اسهل
يا ناس النعمه زواله

[shadad]

ابشرك بدون فيزا وقريبا ايطاليا واسبانيا

كلام سليم .

المهم الرجال صار مشهور الحين :) وما بقت جريدة والا تتكلم عنه مو لمبر ورقم سبشل. حصل دعاية ببلاش اما المخالفه فهينه.

[حمد بن خالد]

قوانيين صارمه نعم

لكن ممله وحتى البريطانيين نفسهم لايعه جبودهم من هالقوانيين

وهو مب اول واحد ولا اخر واحد متهم بعدم حيازة التأمين

وعلى فكرة

التأمين لازم يتجدد كل شهر ولازم يتجدد قبل لاينتهي باسبوع

يعني شغله الصراحه

وهالسيارة صار لها فترة طويلة بأوروبا وصورها منتشره مابين فرنسا وبريطانيا

نعم هو أخطأ , لكن مب الوحيد وفي غيره حتى من الاوروبيين والانجليز نفسهم

واستغرب هجومكم عليه بصراحه

عالعموم

اعتقد اللي يودي سيارته هناك ماراح يفتكر في الحجز

والله يحفظه ويحفظنا ويحفظ المسلمين

:)

[غايه الطواش]

الحكومه البريطانيه ممكن تحد من هالقوانين
وممكن تلزم غيرها ولكن اموسم الصيف ومخالفات السيارات الخليجيه تعتبر عائد ودخل للشرطه البريطانيه , عشان جيه هالحوادث تتكرر كل سنه ومع فئه معينه من السيارات , ونفس التوقيت .
لاشي جديد

[حسن]

شاللي يستفيده من شحن سيارته عبر القارات !!!!
يستأجر من البلاد اللي رايح لها اسهل
يا ناس النعمه زواله

موسم الحصاد

:victory:

[شبح الصمت]

يعني اهو اول واحد وآخر واحد يخالف وشفيها الصحف البريطانية والشرطة متحبلين حق اهل الخليج يعني مافي اجانب يخالفون !!!


بس خبركم الحين الخليجي لي خالف في بريطانيا او في اوروبا يصير حديث الشارع ويتصدر الصفحات الأولى


ابدعت يا بوناصر صراحة في التحديد والسنه الي طافت عليها ثلاثي وهالسنه سداسي مولعه يالنفسج ..

:nice:

[كازانوفا]

وليه هم ما يحترمو قوانين قطر وهو موجودين تعالو شوفوهم كيف عاملين
يا زينهم بتطبيق قوانيينهم علينا وهنا الكل متساهل معاهم

[أم نواري1]

القانون قانون وكل واحد يمثل نفسه

[RE-Qatar]

الافنتدور جااااااااااااامد
ماشاء الله عليه الله يبارك له

[الجوكر90]

قوانيين صارمه نعم

لكن ممله وحتى البريطانيين نفسهم لايعه جبودهم من هالقوانيين

وهو مب اول واحد ولا اخر واحد متهم بعدم حيازة التأمين

وعلى فكرة

التأمين لازم يتجدد كل شهر ولازم يتجدد قبل لاينتهي باسبوع

يعني شغله الصراحه

وهالسيارة صار لها فترة طويلة بأوروبا وصورها منتشره مابين فرنسا وبريطانيا

نعم هو أخطأ , لكن مب الوحيد وفي غيره حتى من الاوروبيين والانجليز نفسهم

واستغرب هجومكم عليه بصراحه

عالعموم

اعتقد اللي يودي سيارته هناك ماراح يفتكر في الحجز

والله يحفظه ويحفظنا ويحفظ المسلمين

:)

قبل شهر او شهر ونص شايفه فاللؤلؤه ونفس الرقم

[الـقـاسـي]

والله يابعض الأعضاء منافق بشكل ،، لو واحد عادي من الشعب كان بياكلونه بعض الأعضاء وبيقولون هذي مشكلة حديثي النعمة ..

عموما موضوع مخالفه عاااااادي جداً ويتكرر الآلاف المرات في كل مكان لكن مقصد الصحف البريطانية تنقهر من العرب بشكل عام وهجومهم كل سنه فالصيف بسيارات مايشوفونها إلا بالنت

[دنيا الاسهم]

خرابيط الصحافه البريطانيه والموضوع عادي
يعني لو كان الموتر مثل موتر مستر بن كان سوا هل الضجه

وفي حد ماعنده ليسن عندنا لو مهب الكمبيوتر كان شفتو بو 15 عنده ليسن

حقد وحسد

وهم يعربدون في بلادنا ويحذفون بطولهم على اسيافنا واخرتها البارحه وركبو سيارات ماركبوها في بلدانهم كان من باص الى باص ومن مترو الى متربعد اذا حصلهم التكيت زين ولا كله كعابي

صدقت ،، حسبي الله عليهم هذا اللي ماخذينة منهم حقد وحسد هالاجانب في بلادهم ماعندهم سيارة وهنا كل واحد راكب في سيارة عمرة ماشافها وشايفين نفسهم علينا قطيعة تقطعهم

[المرحب]

لا بد من احترررام القوانين

حتى لو كنتم فوووووووووووق القمر

:nice:

[JN000N]

والله يابعض الأعضاء منافق بشكل ،، لو واحد عادي من الشعب كان بياكلونه بعض الأعضاء وبيقولون هذي مشكلة حديثي النعمة ..

عموما موضوع مخالفه عاااااادي جداً ويتكرر الآلاف المرات في كل مكان لكن مقصد الصحف البريطانية تنقهر من العرب بشكل عام وهجومهم كل سنه فالصيف بسيارات مايشوفونها إلا بالنت


اييييي والله :omen2:
لا ويقولون احترمو القانون :eek2::eek2:
انتو احترمو القانون هني اول وعقب احترموه برا خخخخ

[سعادة الوزير]

شاللي يستفيده من شحن سيارته عبر القارات !!!!
يستأجر من البلاد اللي رايح لها اسهل
يا ناس النعمه زواله

الي يستفيدة هو الزبو والمفوشر

[عقار]

يا جماعه متى يسافر القطري الى اي دوله ويعيش ايامه في السفر كساااااائح ؟؟؟
انا شبه متأكد ان معالم سياحيه واثريه في بريطانيا ما يدرون عنها
هي نفس الشوارع في كل سفره
سبحان الله

[محاسب طيار]

السلام عليكم يالربع الرجال اخطئ بس عيب الالفاظ الي تنقال مثل مفكر بيت ابوه ويفكر هوفالدوحه الحمدالله ظباط عندنا والافراد اشرف من الي عندهم ولايخافون لارقم سبشل ولاموتر روحو شوفو شبك الصناعيه وليقول بروح حاسدينه في لندن شوف الحسد فالمنتدى والحقد عليه الله مغنيه خلوه فتره مراهقه وهو اخطأ في حق نفسه قبل مايغلط في بلده والكل يخطئ بس علشان راكب افنتادور الله يبارك له واذكرو الله ومش لازم التشهير هو فلان بن فلان ومع السلامه

[CH Engineer]

فضحتونا مره وحده!!
كلها الا مخالفة سياره الرجال لا ارتكب جريمة قتل ولا سرق بنك
والموضوع بسيط اهناك ادفع وخذ الموتر









اللمبرغيني ماله حل

[ولي العهد]

في تراكمات عند بعض الاعضاء واضح من ردودهم ... فلوسه وهو حر فيها

[Right]

يا جماعه متى يسافر القطري الى اي دوله ويعيش ايامه في السفر كساااااائح ؟؟؟
انا شبه متأكد ان معالم سياحيه واثريه في بريطانيا ما يدرون عنها
هي نفس الشوارع في كل سفره
سبحان الله





السائح القطري يذهب لأماكن التجمع وكثيرة الإزدحام وهي معروفة



لأنه موسم الحصاد !!!



والسيارات الفخمة .. وسيلة فعالة لهذا الموسم



على سبيل المثال لا الحصر:


شارع أكسفور وسلفرج


والجلوس بهارودز والكوفيهات إلي حوله وباجور رود والبيكاديلي


غير التجمعات بالهايد بارك .. إلخ .....

[@فهد@]

الموضوع بسيط مخالفه مروريه وكبرتوها وهي عاديه,يمكن عشان السياره فخمه ,بس ماعجبني لونها :)

[المارونـــي]

الموضوع كله
قطـــــــــــــــر
هذي هي القصه
وثاني شي الرجال شاري الموتر من حلاله مش من حلال المعلقين

[خسران من قلب]

السلام عليكم

لندن وخير يالندن

اكشخ ياقطري واستمتع واذا تبي تخالف القوانيين عندهم خالف بعد يكفي انك قطري

ياجماعه المتعه لاتقدر بثمن والرجل الله يزيدة في خير ونعمه

واذا على المخالفه الموضوع بسيط جدا

وخفو شوي على الرجال

تري ابوة رياني

:shy:

:victory:

[الفا برافو]

لا يوقف في الممنوع ولا يخالف القانون ومحد بيكلمه....

[MAZEN37]

اعتقلت الشرطة سيارة "لامبورغيني أفينتادور" قيمتها 533 ألف دولار، لأنها بلا تأمين، وعرضتها أمام مقرها في لندن لتحذير السائقين الذين يتجاهلون التأمين على مركباتهم.

وقالت صحيفة "إندبندنت" البريطانية إن السيارة الفاخرة البنفسجية اللون تواجه السحق وتحويلها إلى خردة، بعد ضبطها في شوارع وسط لندن من دون تأمين، في حين تدرس الشرطة إمكانية توجيه تهم ضد سائقها، لأنه لم يلتزم الحملة التي أطلقتها الشهر الماضي"كوبو" ضد السيارات غير المؤمن عليها، محتجزة 656 سيارة خلال يوم واحد.

ونسبت الصحيفة إلى متحدث باسم الشرطة قوله "حجزنا العديد من أنواع السيارات وكانت بينها سيارات رياضية وواحدة من طراز لامبورغيني وأخرى من طراز فيراري في إطار حملة "كوبو"، وكان مصير الكثير منها السحق وتحويلها إلى خردة".

وذكرت تقارير صحفية أواخر الشهر الماضي أن شرطة لندن حجزت سيارة (لامبورغيني أفينتادور) يبلغ سعرها 350 ألف جنيه استرليني، أي ما يعادل 533 ألف دولار، بالقرب من مخازن هارودز الشهيرة في حي نايتسبريدج وسط لندن.

وقالت إن مالك السيارة لم يتمكن من اثبات حيازته رخصة قيادة ولا تأمين على السيارة لشرطة لندن، وقامت الأخيرة بنقلها على ظهر شاحنة إلى مكان الحجز أمام أنظار عشرات المعجبين الذين التقطوا صوراً لها، معربين عن أملهم ألا تنفذ الشرطة تهديداتها بإعدامها أو تحويلها إلى خردة.

وتُعتبر لامبورغيني أفينتادور واحدة من أسرع السيارات في العالم، وتصل سرعتها إلى نحو 349 كيلو متراً في الساعة.

[يوسف0]

والله يابعض الأعضاء منافق بشكل ،، لو واحد عادي من الشعب كان بياكلونه بعض الأعضاء وبيقولون هذي مشكلة حديثي النعمة ..

عموما موضوع مخالفه عاااااادي جداً ويتكرر الآلاف المرات في كل مكان لكن مقصد الصحف البريطانية تنقهر من العرب بشكل عام وهجومهم كل سنه فالصيف بسيارات مايشوفونها إلا بالنت

انزين وشنو المشكله اذا وقفوا صح وقهروهم زياده مب أحسن ؟

الله يهدي الجميع ان شاء الله

[مخطط قطري]

يجماعه الخير اذكرو الله الرجل خالف ودفع المخالفه ودافع التامين ولانبي زياده وخربطه زايده كلنا نخالف ولا شمعنا جات عليه هو هذا دليل حسد وحقد وعنصريه الانجليز المعروفه في تضخيم الامور ومع الاسف فيه قلايص وامعات وناس تهرف بما لاتعرف سكرو الموضوع خذى حيز اكبر من حجمه والرجال ولد عمي ومافي داعي للغلط والهمز واللمز ومن اول يوم نطرح الموضوع وقريت كلمه فضيحه ماحبيت اعلق ولكن تراها مصخت لو حصل وكل واحد فيكم ساق في بريطانيا بنشوف شلون بتمشون على قوانينهم الصارمه وماتخالفون تراه في الاخير قطري منكم وفيكم اللي عنده كلمه طيبه ولاناصح يقولها والي كلامه ماخوذ خيره يشوف له موضوع ثاني يتسلى فيه غير هذا

[observer]

ليش تعمم هاي تصرف فردي

[Qatar Angel]

يجماعه الخير اذكرو الله الرجل خالف ودفع المخالفه ودافع التامين ولانبي زياده وخربطه زايده كلنا نخالف ولا شمعنا جات عليه هو هذا دليل حسد وحقد وعنصريه الانجليز المعروفه في تضخيم الامور ومع الاسف فيه قلايص وامعات وناس تهرف بما لاتعرف سكرو الموضوع خذى حيز اكبر من حجمه والرجال ولد عمي ومافي داعي للغلط والهمز واللمز ومن اول يوم نطرح الموضوع وقريت كلمه فضيحه ماحبيت اعلق ولكن تراها مصخت لو حصل وكل واحد فيكم ساق في بريطانيا بنشوف شلون بتمشون على قوانينهم الصارمه وماتخالفون تراه في الاخير قطري منكم وفيكم اللي عنده كلمه طيبه ولاناصح يقولها والي كلامه ماخوذ خيره يشوف له موضوع ثاني يتسلى فيه غير هذا

:nice: