تسلط بعض المسؤولين

[تاجربسيط]

حبي اتناقش معاكم بخصوص تسلط بعض المسؤولين على الموظفين الي تحتهم وهم لاحول لهم ولاقوة الا بالله على قولتنا فقيروه

[ام محمد2012]

صح كلامك مافي حقوق للموظف يعني أنا اذا انظلمت في درجة او ترقية او تقييم مافي جهة رسمية اشتكي فيها ممكن اروح للمسؤول الاعلى أنزين واذا ماقدر يسوي لي شي وين اروح من الجهة الي تحفظ حقوق الموظف

[R 7 A L]

يشتكي للي اكبر منه

[aziz4z]

أنا ما أدري , بس لو صار نفس هاي الشيء , بسأل مباشرة عن أسباب هذا التقييم , يكون أحسن و ممكن يغير رأيه , أما تظل ساكت لا
بس أنا شفت ناس مشاكلهم وصلت للديوان الاميري , و تنحل من هناك , الشباب جزاهم الله خير ما يقصرون

[موظف ((حكومي]

انا شتكيت لمدير الاداره قالي خل الناس تمدحك وعطيك ترقيه

[راشد محمد]

الشكوى لله

[بوخالد911]

اذا دعت قدرتك ......

[zaid]

عجل شاقول انا تقيمي بعد مشكلة ومحاجج اخذ امتياز او جيد جدا :)

المشكلة من المسؤل وخصوصا اذا كانت مرءة والله مصيبة تقول والله ما اخترعتي شي يفيد مجال العمل

انزين حتى انتي يا الطيبة ما اخترعتي شي يفيد العمل *__*

مفروض فيه لجنة تحمي حقوق الموظفين مفروض يحق لنا نشتكي علي مدير على مسئول او حتى على اكبر

راس بالدوام بس شنقول حتى اذا حطوا لجنة بالدوام مليون بالمئة بيحطون احد من الشله :)

اللحين انتظر ترقيتي انشالله بس مادري هل باخذها او لا خصوصا مسؤلي المباشر ماخلي حركاته ونذالته

كاتب فيني كتاب بسبب عدم اكمال 7 ساعات بالدوام الرسمي طبعا هذا كله تحريض من

الموظفة الى معها واذا تكلمت او ناقشت قالوا هذى جامعية وانتي ماتعرفين مصلحة العمل

كثرها ..

الله المستعان

ودي اقولك روح لمكتب الوزير بس انا قبلك رحت ولا احد فادني

بالتوفيق

[هارودز]

ان الله مع الصابرين

[sweet qatar]

القوي الله

دام معاك الحق ليش تسكت

اذا مافي حل مع هالمسؤول وتشوف انه ميئوس منه.. انقل من ادارتك اوغير شغلك

اما اذا انت حاب تكمل في الوظيفة لأي سبب، عليك بالصبر ومحاولة الالتزام بالقوانين العامة لتجنب اي مصادمات ممكن تواجهها

وما يحتاج اذكر المدير من هالنوع ما تقدم له اي خدمات زايدة عن مسؤولياتك الوظيفية المكتوبة

[تاجربسيط]

دعوة المظلوم مابينها وبين الله عزوجل حجاب

[الحسام]

فعلا / غالبا التسلط هذا ياثر على تقييم الموظف /
المشكله اللي يتسلط (يخفي كل شغلك الجميل عن الغير) ويظهر سلبياتك ويضخمها حتى لو أخطاء بسيطه
/الموظف القوي اللي يرد ينخسف تقييمه والساكت يتعب نفسيا وتقل انتاجيته والحل ربما في:
الدعاء ع الظالمين وهذا يصيب :nice: /الثاني : الشكوى عليه للي أعلى منه ( واتفرج على وجهه وقت علمه بالشكوى واستمتع :omen2:) / وفي حالة حقد و خسف التقييم ينكتب كتاب تظلم للي اعلى منه أيضا ..

والافضل لو الموظف يوثق كل شغل يقوم به علشان لا يجحده المسؤل في نهاية السنه ويحاول أن لا يخطئ.



للأسف الظلم والتسلط و (جنون العظمه) زادت في الآونه الاخيره
رغم ان القائد الحقيقي هو من يقف مع كل موظفيه يساندهم يشجعهم يسمعهم
مب ابو الهول اللي منتشر مؤخرا ..أما يجيك جماد (مزهريه) والا ظالم ..

الا من رحم ربي ..ممن من يملكون مبادئ أصيله ثابته .

دمتم بـ صبر :nice:
أما المتسلطين : الله يمهل ولا يهمل والكرسي مصيره يروح وتبقى السمعه والذكر بين الناس

[حسن]

في ضل الهياكل التنظيميه الركيكيه وقوانين ملخبطه وكل شوي تعديل
وضياع حقوق الموظف وديكتاتوريه المسؤلين فالامر عادي ننتظر نشوف الايام القدمه ان شاء الله

اليس الصبح بقريب

:)

[حمد 2002]

المفروض الواحد مايعطي اي مجال لمديره انه يظلمه بالشغل حتى لو اضطر لأستخدام القوه بذلك ، والبادي اظلم :discuss:

[حسن]

المفروض الواحد مايعطي اي مجال لمديره انه يظلمه بالشغل حتى لو اضطر لأستخدام القوه بذلك ، والبادي اظلم :discuss:


انت الظاهر متاثر بجون سينا ياحمد

:telephone: