استفسار عن ورق الجدران

[Chambray]

السلام عليكم
بغيت استفسر عن ورق الجدران
توني شاري الكمية ، مع اللزقة

ولكن مب عارف متى اركبه ؟؟

انا صبغت برايمر ومعجون ..

هل اصبغ ، ثم اركب ورق الجدران ؟؟

او اركب ورق الجدران على المعجون مباشرة ؟؟

انتظر تركيب المكيفات ؟؟

ام اركب ورق الجدران ثم اركب المكيفات ؟؟


في انتظار تعليماتكم

وشكراً لكم

[naklan]

هلا بمشرفنا العزيز الله حيه :)
رأيي انك تصبغ وجه واحد اقوى وتركب المكيفات وقبل السكن مباشرة
ورق الجدران لانه ورق الجدران يبي جو لطيف ومكيف علشان ما يخترب
من الحر موفق يالغالي ومسكن مبارك باذن الله

[ولد المنصور]

احسن شي لتركيب ورق الجدران ,, قبل السكن مباشره يعني اخر شي هو والاثاث واحد ...

[w.qatar]

لازم تصبغ وبعدها نسق مع شركة المكيفات عشان اول ما تركب الورق يجون يركبون لك المكيفات على طول

[العابــرQAT]

لازم تصبغ وبعدها نسق مع شركة المكيفات عشان اول ما تركب الورق يجون يركبون لك المكيفات على طول


لا

بعد ما تصبغ وتركب المكيفات بالاخير اتركب الورق وعقب اتحط الاثاث

[w.qatar]

اخوي احنا سوينا هالطريقه بس كنا ايام الشتا يعني بعد يوم ركبوا المكيفات ما تاثر الورق
لان اصلا شركة المكيفات قالت اذا بتحطون ورق ما يصير نركب لكم قبل حطوه بعدين بنجي نركب

[ضوى]

عادي تحط عالبرايمر والمعجون انا سويت جذي وعادي

[الســـهم]

هلا اخوي Chambray ..

ورق الجدران يبغيله جو بارد نسبيا داخل البيت , فيفضل انك تركبه قبل لا تسكن بفترة بسيطة , واذا انك ناوي تحط موكيت فالارضيات , فالأحسن انك تركب الورق اولا ..

اما بخصوص المعجون والصبغ , فنصيحه لك من تجربة شخصية انك تركب الورق على المعجون افضل , لان الجدار بيكون ناعم جدا بعد السنفره عكس الصبغ تماما ..

[Chambray]

جزاكم الله خير جميعاً

تبون الصج انتوا حيرتوني زيادة

احين اتفقنا ان نركب ورق الجدران بعد تركيب المكيفات وتنظيف البيت ..
بس السؤال
احين اصبغ ولا اركبه على المعجون
وشنو نوع الصبغ الي اصبغه ؟؟

[ضوى]

جزاكم الله خير جميعاً

تبون الصج انتوا حيرتوني زيادة

احين اتفقنا ان نركب ورق الجدران بعد تركيب المكيفات وتنظيف البيت ..
بس السؤال
احين اصبغ ولا اركبه على المعجون
وشنو نوع الصبغ الي اصبغه ؟؟

الصبغ البرايمر العادي انا سويت جذي بصالتي
وبغرفتي لزق على الصبغ الموجود وكان مشمشي وعادي بدون مشاكل بس ماتوقع عالبلاستر