غيمه صناعيه تظلل سماء الدوحه

[كلاسيك قطر]

السلام عليكم ورحمه الله وبركاته

شباب وبنات المنتدى الغالي مادري شنو اقول المقدمه الموضوع

بس انا سمعت من الشباب في المجلس انه في (( غيمه صناعيه تظلل سماء الدوحه )))

غير الغيمه الي مال كأس العالم ويقولك كل سنه في الصيف تجي هاي الغيمه وتظلل الدوحه فقط واذا كانت درجه الحراره في الصيف في الدوحه 46 او 50 تجي الغيمه واتغطي الدوحه واتكون درجه الحراره 20 او 19

بس ابي اسمع الكلام الصحيح

هاي الكلام صحيح وله اشاعه وله في المستقبل

نبي ردودكم

[MAZEN37]

كل شي جايز انا ماسمعت وما اتوقع انهم يقدرون

[airbus]

بالعقل مستحيل

[قطريه22]

انا سمعت ان بيسوون نفس الغيمه بس صناعيه وللمطر بعد في الصيف

بس مايندرى خبرك احنا اخر من يعلم باخبار قطر

[كلاسيك قطر]

مادري والله لا المشكله انهم يحلفون ع هاي الشي

[قطريه22]

مادري والله لا المشكله انهم يحلفون ع هاي الشي



ياكثر الي يحلفون

اما غيمه صناعيه جان ماتطيح علينا عقاب من الله :eek5:

[كلاسيك قطر]

بس انا اتوقعها اشاعه من الشباب

[Yathani]

هاها حدث العاقل بما يعقل عشان بكره اذا ظربها الهوى تلاقيها فوق طهران.

انا سمعت حق الملاعب وهذا شي معقول بس الدوحه بكبرها !!!

[الكواري 1972]

خبر قديم

ما ادري شي عن صحته

بس لين الحين ولا شفنا شيء

[عيون الدوحة]

بس في العلم معروف ان في غيمة اصطناعية ومطر اصطناعي
وسمعت ان في دول حاربت البوسنة بالمطر الاصناعي في احد السنوات وخلتهم يموتون من الصقيع والبرد المستمر لما كنت في دورة خارج قطر

[بوعلي2]

ياكثر الي يحلفون

اما غيمه صناعيه جان ماتطيح علينا عقاب من الله :eek5:

هههههههههههههههههههههههههههههه

خبزٍ خبزته اكله ههههههههههههههههههههههه

[E.h]

هاي الخبر من سنه تقريبا كان عالم مصري مقترح عليهم وبالمبلغ الكبير انه يغطي أشعه الشمس وطبعا هي بتكون فالفضاء الخارجي

فكرته ما حصل يطبقها الا فالدوحه بمبلغ وقدره وطبعا الناس نزلو تعليقات ع الموضوع لانه أمر لا يدخل العقل

[بصمة قطرية]

هاها حدث العاقل بما يعقل عشان بكره اذا ظربها الهوى تلاقيها فوق طهران.

انا سمعت حق الملاعب وهذا شي معقول بس الدوحه بكبرها !!!

خخخخخخخخ :secret:

[المارونـــي]

صحيح احنا الحين في بيتنا ثلج وجنك فالقطب الشمالي قاعد

[dm styal]

انا بعد سمعت ان هذا الكلام صحيح من خلال مؤتمر تغيير المناخ الي سبق والدوحة نظمته.ان شاء الله ليش لاء

[Aaziz]

اقول ولا بتاكلوني :secret:

الخبر صحيح و اقصد صحيح انه تم الاعلان عن وجود فكره بهذا الخصوص في قطر و كان فه موضوع في المنتدى عن هالشي.

الفكره اذا فهمتها بتحس انها قابله للتطبيق.

الفكره: تخيل انه فيه ليت مركبينه على الطوفه.
حط كف يدك على بعد متر من الليت و شوف حجم ظل يدك الي بينعكس على الجهه المقابله.
قرب كف يدك من الليت و راح يكبر ظل يدك المنعكس.

بمعنى ان المظله ماراح تكون بحجم الدوحه. بتكون اصغر بكثير و هي راح تكون في الغلاف الجوي ،،، يعني تدور في الغلاف الجوي بنفس سرعه دوران الارض ،، حالها حال الاقمار الصناعيه. ليش في اي مكان و زمان في قطر اذا جيت توجه الصحن المخصص للرسيفر على نايل سات يكون مكانه ثابت ؟؟؟ لانه قمر النايل سات يدور في الغلاف الجوي بنفس سرعه دوران الارض.

و المظله هذي نفس الشي تدور في الفضاء الخارجي على بعد ثابت من الارض في موقع يصير بين الدوحه و الشمس عشان يقطع اشعه الشمس.

هذي الصوره الخاصة بالموضوع الي تشرح الفكره

http://albawabacdn.albawabamiddleea.netdna-cdn.com/sites/default/files/imagecache/article_headline_node_big//sites/default/files/im/Arabic_Blogs/qatar-Umbrella.jpg

هذا الموضوع فيه الخبر و الصور

من هنا (http://www.albawaba.com/ar/جولة-في-المدونات/مشروع-تغطية-قطر-بمظلة-454564)

[التايه]

اقول ولا بتاكلوني :secret:

الخبر صحيح و اقصد صحيح انه تم الاعلان عن وجود فكره بهذا الخصوص في قطر و كان فه موضوع في المنتدى عن هالشي.

الفكره اذا فهمتها بتحس انها قابله للتطبيق.

الفكره: تخيل انه فيه ليت مركبينه على الطوفه.
حط كف يدك على بعد متر من الليت و شوف حجم ظل يدك الي بينعكس على الجهه المقابله.
قرب كف يدك من الليت و راح يكبر ظل يدك المنعكس.

بمعنى ان المظله ماراح تكون بحجم الدوحه. بتكون اصغر بكثير و هي راح تكون في الغلاف الجوي ،،، يعني تدور في الغلاف الجوي بنفس سرعه دوران الارض ،، حالها حال الاقمار الصناعيه. ليش في اي مكان و زمان في قطر اذا جيت توجه الصحن المخصص للرسيفر على نايل سات يكون مكانه ثابت ؟؟؟ لانه قمر النايل سات يدور في الغلاف الجوي بنفس سرعه دوران الارض.

و المظله هذي نفس الشي تدور في الفضاء الخارجي على بعد ثابت من الارض في موقع يصير بين الدوحه و الشمس عشان يقطع اشعه الشمس.

هذي الصوره الخاصة بالموضوع الي تشرح الفكره

http://albawabacdn.albawabamiddleea.netdna-cdn.com/sites/default/files/imagecache/article_headline_node_big//sites/default/files/im/arabic_blogs/qatar-umbrella.jpg

هذا الموضوع فيه الخبر و الصور

من هنا (http://www.albawaba.com/ar/جولة-في-المدونات/مشروع-تغطية-قطر-بمظلة-454564)




كلااااااااااام جمييييييييييل

بس باقي التطبيق

[Ashom Qatar]

والله شي جميل بس ماراي الدين بهالموضوع

هل ممكن نعتبره تحدي لله ولقدرته