الكروزر ،،،،

[حمد 2002]

السلام عليكم ورحمه الله وبركاته

الموضوع يحمل العنوان التالي

(( الكروزر ))

بما ان احنا الحين بأجازه صيف ، فانا لاحظت الكثير من الاطفال = اطفال المدارس ، يسوقون بدون لياسن ،،، واتجوفهم بكثره بالفرجان ، وبالشوارع الفرعيه !!!!!!!!!!!!

من المسؤول عن ذلك !!!!!!!!!!!!

انا احمل المسؤليه على الاباء وخصوصا الأمهات ، لان الامهات عواطفهم تقلبهم بعكس الاباء ،، يعني على سبيل المثال ، اذا جاها ولدها يمه عطيني مفتاح الكروزر ، بروح فيه الجمعيه شوي وبرجع ، كل ربعي يطلعون بمواتر عادي ،، امه تقوله اوكي بعطيك بس لاتعلم ابوك ، وحاسب على نفسك ،،، شلووووووون يحاسب على نفسه ونتي ماعطته السياره ايسوقها وبدون ليسن ،،،،

وبعدين اذا صاد الابن شيء لاقدر الله بيعضون صبع الندامه على الي صار ، لكن اذا فات الفوت ماينفع الصوت :):) ،، هاي ابنكم امانه امانه امانه وماحسبين عنه يوم القيامه ،،،
اتركم لكم باب الحديث حول هالموضوع بكل اريحيه وديمقراطيه ، بدون الخروج عن نص الموضوع ، ووفقا لسياسه المنتدى العامه ،،،

تحياتي للجمــــيع ،،،

[حسن]

اشوه انه كروزر لوقلت سوزكي كان قلت حمود باق المفتاح وش يفكنا من كلام الاعضاء وين القدوه الحسنه

مكيفه بارد ياحمد شرايك تصيف فيه
اقصد الكروزر

:)

[aziz4z]

المسؤولية على الاثنين , ليست الام بنفسها تتحمل المسؤولية
ليش وين الاب عن عياله , و ليش حك متزوج و جايب عيال , ممكن المرأة تكون عندها عواطف , بس بالموازنة مع زوجها يديرون كفة شؤون البيت .
ما يصير ترمي كل شغل البيت و العيال على الام , و أنت رايح مع ربعك و مجالس
الله يهدي الجميع

[R 7 A L]

الله يهديهم
بعضهم يسرقون المفاتيح

[عاشق العديد]

والله ياحمد اخوي ما اتفق معـاك .؟

العكس هو الصحيح الام مافي امل توافق لانها تعرف ايش اضرار هاي شـي بعكس الاب الي مايبي يزعل ابنه ..

[ضوى]

الله يحفظ ولدي الكبير ماعمره سواها لين اخذ الليسن ، اخوه الصغير استغل غيباب ابوه خارج البلد واستغل وقت راحتي واخذ اخته الصغيرة العليا وطلع فيها في كروزر ابوه اللي غافل الدريول وسرق المفتاح ، وطلع فيها وكنسل السيارة وبغى يودر نفسه واخته الله حفظهم بالرقية الحمد لله والفضل لله ، تصوروا كل هالشي في دقيقة ، طلع سرق كلمني السايق انه خذ المفتاح طلعت بالسيارة وراه الحقه ماحصلته رديت صوب البيت شفت السيارة الله العالم وش كانت حالتي بذاك الوقت الحمد لله يااارب

هذا انا متابعته واراقبه وفي دقيقة غافلني ، اشلون اللي هامل عياله ولا يدري عنهم ؟

[عاشق العديد]

الله يحفظ ولدي الكبير ماعمره سواها لين اخذ الليسن ، اخوه الصغير استغل غيباب ابوه خارج البلد واستغل وقت راحتي واخذ اخته الصغيرة العليا وطلع فيها في كروزر ابوه اللي غافل الدريول وسرق المفتاح ، وطلع فيها وكنسل السيارة وبغى يودر نفسه واخته الله حفظهم بالرقية الحمد لله والفضل لله ، تصوروا كل هالشي في دقيقة ، طلع سرق كلمني السايق انه خذ المفتاح طلعت بالسيارة وراه الحقه ماحصلته رديت صوب البيت شفت السيارة الله العالم وش كانت حالتي بذاك الوقت الحمد لله يااارب

هذا انا متابعته واراقبه وفي دقيقة غافلني ، اشلون اللي هامل عياله ولا يدري عنهم ؟

الحمد لله على سلامتهـم
والله يجعلهم من الذريه الصالحـه ..

[Dmy Enabi]

والله ياحمد اخوي ما اتفق معـاك .؟

العكس هو الصحيح الام مافي امل توافق لانها تعرف ايش اضرار هاي شـي بعكس الاب الي مايبي يزعل ابنه ..

صحيح

وبعض الآباء يجوف إنها نوع من أنواع الرجولة شدخل مادري

[بو خليفه 123]

المشكله اني انا كنت مشهور في سرقة سيارات البيت آنذاك

و الآن قريباً سوف اضع مفاتيح السيارات في التجوري مع ذهب أمه . بس هل هذا الشيء بيسمح له انه يسووق سيارة ولد عمه او خويه ؟ و هنا تقع الطامه الكبرى

[الإكسير]

الله يحفظ ولدي الكبير ماعمره سواها لين اخذ الليسن ، اخوه الصغير استغل غيباب ابوه خارج البلد واستغل وقت راحتي واخذ اخته الصغيرة العليا وطلع فيها في كروزر ابوه اللي غافل الدريول وسرق المفتاح ، وطلع فيها وكنسل السيارة وبغى يودر نفسه واخته الله حفظهم بالرقية الحمد لله والفضل لله ، تصوروا كل هالشي في دقيقة ، طلع سرق كلمني السايق انه خذ المفتاح طلعت بالسيارة وراه الحقه ماحصلته رديت صوب البيت شفت السيارة الله العالم وش كانت حالتي بذاك الوقت الحمد لله يااارب

هذا انا متابعته واراقبه وفي دقيقة غافلني ، اشلون اللي هامل عياله ولا يدري عنهم ؟


قصدج البيكم .... أتذكر انج حطيتي صورت الحادث إذا ما خانتيني الذاكره

[ضوى]

الحمد لله على سلامتهـم
والله يجعلهم من الذريه الصالحـه ..

اللهم امييين


الله يسلمك ياخوي

[ضوى]

قصدج البيكم .... أتذكر انج حطيتي صورت الحادث إذا ما خانتيني الذاكره

كروزر جي اكس ار

[تحداني]

بععععععد كروزر جليلين الحيا
انا حسبالي بس يركبون " عراوي " وقلت في قلبي الحمد لله ما عندنا عراوي
معني مستغربه اشد استغراب قولوا ليش ؟؟ بس قبلها قولوا ما شاء الله
ما عندي حد من اخواني كان عنده شغف للسواقه ابدا ابدا ابدا

بس عمور الاصغير ساعااااااااااااااااااااااات يقول خاطري اسوق ويحصل له كمن كلمه يبلع ريجه ولا ينطق ..

اكيد من ابهاتهم كانوا في صغرهم جي فاعيالهم الحين جي
انا ما ادري على ايش مستعيلين هاليهالو

[تحداني]

حبيبتي ضوى ما عليهم شر يارب
اتذكر السالفه عدل .. رب العالمين سلمهم وحفظهم

[قطريه22]

من كم يوم رايحه الستي شفت كروزو فيه 7 متراعصين 2 قدام واربع ورى واخر شيء شايلين الكرسي وحاطين ياهل كاشخ
المهم وقفو عند البوابه اشوي الا الدريول نزل من الكرسي الي ورى السايق وركب قدام وراح

طبعا في هالموقف الاهل ماراح يعرفون لانهم مخلين الصبيان مع السايق يروحون وهو طبعا ماراح يعلم عليهم لانه اكيد مهددينه

واكيد مسؤولية الدوريات تشوفهم وان لقت السايق ورى او قاعد احذي الي يسوق يوقفونه ويشيكون على الليسن

[تغلبية]

خبرك عتيييييج حمد:omen2:

الحين صاروا بنات الثانوية ياخذون السويتش من اباهتهم ويدورون بالكروزر في الفريج !

[عزووز قطر]

من وجهة نظري مب كل شي بالليسن ،،،

ياما شفنا ناس عندهم لياسن وسواقتهم الله بالخير .!!


نرجع للموضوع الرئيسي:
المثل يقول: إذا كبر ولدك خاوه

ليش مايصير الأب شبابي ويودي عياله البر ويخليهم يسوقون على راحتهم ،، لأن المراهق فيه حب للسواقة ،، وأغلب عيالنا من صغرهم يلعبون بالسيارات ويعشقون السيارات وإذا كبر يمكن يسرق السيارة أو يسوق سيارة ولد عمه أو رفيجه ويتسبب في حادث لاقدر الله ...

بس لو كان الأب مخاوي ولده ووداهم البر أو رحلة عائلية وترك ولده يسوق تحت عينه وفي منطقة قريبة منه راح يملي هالفراغ اللي عند المراهق...

[رجل مثالي]

المسؤولية على الاثنين , ليست الام بنفسها تتحمل المسؤولية
ليش وين الاب عن عياله , و ليش حك متزوج و جايب عيال , ممكن المرأة تكون عندها عواطف , بس بالموازنة مع زوجها يديرون كفة شؤون البيت .
ما يصير ترمي كل شغل البيت و العيال على الام , و أنت رايح مع ربعك و مجالس
الله يهدي الجميع


وبعض العائلات مخلين الصبيان مع السايق يروحون وهو طبعا ماراح يعلم عليهم لانه اكيد

مهددينه

واكيد مسؤولية الدوريات تشوفهم وان لقت السايق ورى او قاعد احذي الي يسوق يوقفونه ويشيكون على الليسن

[بوخالد911]

هذيلا اليهالووووووووه يغرووون السواقين بمبلغ بسيط
او كرت تعبئة لهلا

ويقبلووووووووون

وليين صار حادث
كلٍ يقط اللوم ع الثاني