الحذر من الدواء والمستلزمات النسائية والكريمات

[المهاجر]

السلام عليكم ورحمة الله وبركاته

اليوم نزلت موضوع بالاستراحه على سبيل الفرفشه على هالرابط

http://www.qatarshares.com/vb/showthread.php?p=8989043&posted=1#post8989043

لكن اخوي شبح الصمت الله يجزاه خير نبهني لخطورة هذا الأمر واقترح نحط موضوع بالحوار للتنبيه والنقاش فيه

حول خطورة هالمواد على الأطفال وكيفية حفظها ووضعها في أماكن بعيده عن متناول الأطفال حتى لايتعرضون لأي ضرر نتيجة استعمالهم لتلك المواد

كونهم يحبون يستكشفون كل شي حولهم وهم غير مدركين لما قد يتعرضون له من خطوره من تلك المواد وما قد يسبب لهم من اضرار نتيجة استعمالهم لها

وشنهي الاجراءات اللي لازم نسويها في حالة استعمال الطفل لهذه المواد وتعرضه للخطوره منها

ووين المفروض نحتفظ بهذه المواد حتى نتجنب وصول الاطفال لها
والله يحفظ عيالكم

[Aaziz]

السلام عليكم


موضوع مُركب :nice:

و انا اقرا الموضوع تذكرت ولد عمي وهو يشرح لي معاناته مع ولده الله يحفظة. يقول الاشياء الي تخوف في غرفة النوم (عطورات كريمات غيره ) احطها على التسريحه فوق و التسريحه عاليه.
يقول احسب اني في امان.
جيت في يوم لقيت الولد مسوي ادراج التسريحه مثل السلم ، يفتح درج و يركب فيه و يفتح الي فوقه ،،،، لين يوصل فوق التسريحة و يلعب في الاغراض.

الله يحفظ ابنائنا او بنائكم جميعا.
انصح بالتوجه الى اقرب مركز طواريء في حال العيال اكلو من هذي الكريمات.

[عاشق العديد]

موضوع حلو والله يجزاكم خيـر ومشكورين على التنبيـه الله يعطيكم العـافيـه

[شبح الصمت]

الله يحفظهم يآرب

ويعطيك العافيه يالمهاجر

اتمنى انه مثل الأدوية ونصيحة أنه ينحطون في نفس الكبت المصكر ويكون عليه قفل
والكريمات والاشياء الاخرى من المكياج وغيرها بعد تنحط في إدراج عليها أقفال لحفظ سلامتهم

لانه الطفل لين 4 سنين يكون فضولي ويحب يستكشف كل شيء

[قطريه22]

صحيح كلامك هالمستحضرات تضر الكبار فمابالكم بالصغار
واذا صادف حد من الصغار اكل شيء منها لازم تاخذونه على المستشفى

اما اذا تدهن فيها غسلوه بالصابون

[نور الحور]

مو بس الدواء ولا المستلزمات النسائية والكريمات .. بعد مستحضرات التنظيف والمواد الكيماوية عموماً..

الأفضل ترفع عن الطفل في مكان بعيد عنه ..وما ينعطى أهمية كبيرة لو مسكها .. مثلا صراخ فجائي أو حدة في التعامل .. لأنه بيشد انتباهه أكثر وبيثير فضولة .. يكفي نقوم بسرعة ونبعده ونقول له لا هذا خطر .. لأنه (نبين السبب) ..نشرح بشكل مبسط جدا حتى لو طفل صغير جدا ما يفهم .. مثلا نقول خطر لأنه يعور بطنك ..مع الوقت والتكرار يفهمها..
وما نقول له عيب ولا مو زين ..لازم نحدد كل تصرف وصفته .. يعني هالمواد خطرة أقول له خطر.. لو أكل ساخن أقول له لا تمسكه لأنه ساخن.. أما كلمة عيب وكخ ومو زين وغيرها كلمات عامة ما تعلم الطفل ولا تبين له السبب من منعه ..

باختصار طريقة التعامل مع الطفل تقلل وايد من فرصة زيادة حبه لاستكشاف المخاطر
أما الكريمات والميكب وغيره .. ندرب الطفل على استخدامها تحت بصرنا .. وما أوحي له إن هالشي ممنوع أو محرم ..حتى لو كان ولد أبين له إنه هذا للماما ومايصير تحطه لأنك ولد ..واخليه يشوفني أحطه وأجرب قدامه ..
والله الحافظ .. يحفظ الجميع

[المهاجر]

السلام عليكم


موضوع مُركب :nice:

و انا اقرا الموضوع تذكرت ولد عمي وهو يشرح لي معاناته مع ولده الله يحفظة. يقول الاشياء الي تخوف في غرفة النوم (عطورات كريمات غيره ) احطها على التسريحه فوق و التسريحه عاليه.
يقول احسب اني في امان.
جيت في يوم لقيت الولد مسوي ادراج التسريحه مثل السلم ، يفتح درج و يركب فيه و يفتح الي فوقه ،،،، لين يوصل فوق التسريحة و يلعب في الاغراض.

الله يحفظ ابنائنا او بنائكم جميعا.
انصح بالتوجه الى اقرب مركز طواريء في حال العيال اكلو من هذي الكريمات.

عليكم السلام

الله يحفظه وتسلم اخوي عزيز على مشاركتك وتنبيهك لهذا الأمر

الاطفال الله يحفظهم لازم يستكشفون ويحاولون يوصلون للي يبونه

لذلك علينا الانتباه لهم للحفاظ عليهم

[المهاجر]

موضوع حلو والله يجزاكم خيـر ومشكورين على التنبيـه الله يعطيكم العـافيـه

ويجزاك بمثله اخوي

تسلم على مرورك

[المهاجر]

الله يحفظهم يآرب

ويعطيك العافيه يالمهاجر

اتمنى انه مثل الأدوية ونصيحة أنه ينحطون في نفس الكبت المصكر ويكون عليه قفل
والكريمات والاشياء الاخرى من المكياج وغيرها بعد تنحط في إدراج عليها أقفال لحفظ سلامتهم

لانه الطفل لين 4 سنين يكون فضولي ويحب يستكشف كل شيء

امين ويحفظ لك عيالك

تسلم اخوي شبح على هذه النصايح

الله يعافيك

[تحداني]

اعيال اخوي لما يجونه
ما ايخلون شي في البيت ابكبره .. كل شي يتمسحون فيه
ما ادري من اي كوكب جايين .. ايش نقفل وايش انخلي
يبيلهم فرق بادي قارد مب بس شخص واحد يشوفهم



اباليس


الله يخليها لك يارب

[دااانة قطر]

احس اني ضاايعه في الطوشه مافي صور ولا شي
بس المضمون فهمته

والله يحفظ عياالنا وعيالكم وعياال الجميع

[المهاجر]

صحيح كلامك هالمستحضرات تضر الكبار فمابالكم بالصغار
واذا صادف حد من الصغار اكل شيء منها لازم تاخذونه على المستشفى

اما اذا تدهن فيها غسلوه بالصابون

صدقتي اختي قطريه

مهم الانتباه والحذر لتجنب مثل هالامور

[غايه الطواش]

http://www.creativecriminals.com/images/vwachildrenseethingsdifferently2.jpg

[شبح الصمت]

http://www.creativecriminals.com/images/vwachildrenseethingsdifferently2.jpg




شنو ذي بعد اختي غاية يعني اشكال الحيوانات ( تكرمون ) تخرعهم اتوقع تجذبهم .. !!!

:eek5:

[نور الحور]

شنو ذي بعد اختي غاية يعني اشكال الحيوانات ( تكرمون ) تخرعهم اتوقع تجذبهم .. !!!

:eek5:


العيلة وما تسوي ..:omen2:

رد اقرا شمكتوب على الصورة :secret:
يقولون لك اليهال يشوفون العالم بطريقة ثانية ..هالمنظفات والمواد الكيماوية في عينهم كأنها ألعاب تثير فضولهم :secret:

[شبح الصمت]

العيلة وما تسوي ..:omen2:

رد اقرا شمكتوب على الصورة :secret:
يقولون لك اليهال يشوفون العالم بطريقة ثانية ..هالمنظفات والمواد الكيماوية في عينهم كأنها ألعاب تثير فضولهم :secret:




ما استعجلت تصدقين ما قرأيت الي بالانقليزي !!

شكرن اختي على الترجمة

كان اختي غاية كلفت على عمرها وترجمت دام عندكم الانقليزي مولع

:secret:

[المهاجر]

مو بس الدواء ولا المستلزمات النسائية والكريمات .. بعد مستحضرات التنظيف والمواد الكيماوية عموماً..

الأفضل ترفع عن الطفل في مكان بعيد عنه ..وما ينعطى أهمية كبيرة لو مسكها .. مثلا صراخ فجائي أو حدة في التعامل .. لأنه بيشد انتباهه أكثر وبيثير فضولة .. يكفي نقوم بسرعة ونبعده ونقول له لا هذا خطر .. لأنه (نبين السبب) ..نشرح بشكل مبسط جدا حتى لو طفل صغير جدا ما يفهم .. مثلا نقول خطر لأنه يعور بطنك ..مع الوقت والتكرار يفهمها..
وما نقول له عيب ولا مو زين ..لازم نحدد كل تصرف وصفته .. يعني هالمواد خطرة أقول له خطر.. لو أكل ساخن أقول له لا تمسكه لأنه ساخن.. أما كلمة عيب وكخ ومو زين وغيرها كلمات عامة ما تعلم الطفل ولا تبين له السبب من منعه ..

باختصار طريقة التعامل مع الطفل تقلل وايد من فرصة زيادة حبه لاستكشاف المخاطر
أما الكريمات والميكب وغيره .. ندرب الطفل على استخدامها تحت بصرنا .. وما أوحي له إن هالشي ممنوع أو محرم ..حتى لو كان ولد أبين له إنه هذا للماما ومايصير تحطه لأنك ولد ..واخليه يشوفني أحطه وأجرب قدامه ..
والله الحافظ .. يحفظ الجميع

مشاره طيبه اختي نور اشكرج عليها

وعلى توضيح طريقة التعامل مع الطفل وشلون نفهمه ونحذره

كل الشكر لج

[شبح الصمت]

الا صج اخوي المهاجر سؤال اساله حق نفسي وغيري

الطفل يوم يسوي شيء غلط يشرب شيء او ياكل شيء ما نبيه يشربه من دواء والا اي شيء نشوفه غير مناسب له لا شعوريا نجي نضربه

اتوقع ردت فعل عاديه انك تضربه من خوفك عليه يعني ليش سويت هذا تصدق في هالحالة يكون الانسان من غير عقل لا يعلم ماذا يفعل من خوفه ردت فعله تكون يضربه يهاوشه ..


الله يستر على عيالنا يآرب

[المهاجر]

اعيال اخوي لما يجونه
ما ايخلون شي في البيت ابكبره .. كل شي يتمسحون فيه
ما ادري من اي كوكب جايين .. ايش نقفل وايش انخلي
يبيلهم فرق بادي قارد مب بس شخص واحد يشوفهم



اباليس


الله يخليها لك يارب

الله يحفظهم ويبارك فيهم

لاتقولين اباليس مب زين

ويخليلج غاليج يارب

[المهاجر]

احس اني ضاايعه في الطوشه مافي صور ولا شي
بس المضمون فهمته

والله يحفظ عياالنا وعيالكم وعياال الجميع

اللهم آمين

الصوره بالرابط

المهم ناخذ الحيطه ونبعد هالاشياء الخطره عن متناول الاطفال

[بصمة قطرية]

الله يحفظ اليهال فضوليين بطبعهم
و يحبون يستكشفون و يجربون كل شي ..
إذا لا قدر الله الطفل شرب له شي
سواء منظف كيماوي أو دوا و أي شي ثاني ..
المفروض في اسرع وقت تاخذونه على الطواري
في نفس الوقت تحاولون نشربونه حليب
لأن الحليب يعمل تغليف للمعدة
و يبطل مفعول الدوا ..
كخطوة أولى يشرب حليب ..
الحمدلله عيالي كبروا و إفتكيت من هالسوالف ..
الله يحفظهم ..

[قطريه ماتهاب]

الله يحفظ عيالنا من كل مكروه

[المهاجر]

http://www.creativecriminals.com/images/vwachildrenseethingsdifferently2.jpg



شنو ذي بعد اختي غاية يعني اشكال الحيوانات ( تكرمون ) تخرعهم اتوقع تجذبهم .. !!!

:eek5:


يقولك ان الاطفال يشوفون الاشياء بشكل مختلف لعدم تميزهم للأمور
وبذلك يكون عندهم حب الاستكشف فيعبثون بكل شي سواء كان خطر عليهم او لا

وهنا يأتي دور الاهل في ابعاد تلك الاشياء الخطره عنهم وتعليهم بالشي اللي يضرهم والشي اللي ينفعهم

شكراً لج غاية الطواش على المشاركه

[المهاجر]

العيلة وما تسوي ..:omen2:

رد اقرا شمكتوب على الصورة :secret:
يقولون لك اليهال يشوفون العالم بطريقة ثانية ..هالمنظفات والمواد الكيماوية في عينهم كأنها ألعاب تثير فضولهم :secret:

:nice:

[المهاجر]

ما استعجلت تصدقين ما قرأيت الي بالانقليزي !!

شكرن اختي على الترجمة

كان اختي غاية كلفت على عمرها وترجمت دام عندكم الانقليزي مولع

:secret:

هههههههههه

تبي تثير فضولكم وهذا من باب حب الاستكشاف

بس طلعت شيبه ماتحب تستكشف:secret:

[المهاجر]

الا صج اخوي المهاجر سؤال اساله حق نفسي وغيري

الطفل يوم يسوي شيء غلط يشرب شيء او ياكل شيء ما نبيه يشربه من دواء والا اي شيء نشوفه غير مناسب له لا شعوريا نجي نضربه

اتوقع ردت فعل عاديه انك تضربه من خوفك عليه يعني ليش سويت هذا تصدق في هالحالة يكون الانسان من غير عقل لا يعلم ماذا يفعل من خوفه ردت فعله تكون يضربه يهاوشه ..


الله يستر على عيالنا يآرب


وهذا اكبر خطأ نسويه المفترض ماتكون ردة فعلنا بهالطريقه لأن الطفل في هالحاله يعاند ويصر على اللي سواه ويعيده ويكرره

المفترض ناخذ الامر ببساطه ونفهمه ان هالشي خطر ويضره مثل اذا سوا شي صح نشجعه ونكافأه

وعلى حسب العمر يكون التعامل يعني طفل لين ست او سبع سنوات ما اهاوشه او اضربه

وعموما انا ضد الضرب نهائيا وما احبه ولا استخدمه

يعني ما قد ضربت حد من عيالي الا يمكن مره او مرتين في بداية حياتي الاسريه

وعقبها ما عمري ضربت لاني متأكد ان الضرب نتيجته سلبيه

انت جرب مع الطفل اذا سوا شي غلط هاوشه وقوله لاتسوي هالشي بتلقاه يعاند ويسويه

لكن لو خذته باللطف وكلام حلو وقلت له هالشي غلط وانت شاطر ما تمسك هالاشياء

بتلقاه تلقائياً يهده ويقول عنه قع او اخ ومن هالكلمات اللي يقولونها فديتهم الله يحفظهم

[تحداني]

الله يحفظهم ويبارك فيهم

لاتقولين اباليس مب زين

ويخليلج غاليج يارب




اللهم آمين
حاضر تحت امرك

[شيخ القبيلة]

الله يحفظ ابنائنا او بنائكم جميعا.

[المهاجر]

الله يحفظ اليهال فضوليين بطبعهم
و يحبون يستكشفون و يجربون كل شي ..
إذا لا قدر الله الطفل شرب له شي
سواء منظف كيماوي أو دوا و أي شي ثاني ..
المفروض في اسرع وقت تاخذونه على الطواري
في نفس الوقت تحاولون نشربونه حليب
لأن الحليب يعمل تغليف للمعدة
و يبطل مفعول الدوا ..
كخطوة أولى يشرب حليب ..
الحمدلله عيالي كبروا و إفتكيت من هالسوالف ..
الله يحفظهم ..

نصيحه ممتازه اختي بصمه تشكرين عليها

والله يحفظ عيالج وعيال الجميع

الأهم الوقايه وابعاد هذه المواد عن متناول الاطفال

[المهاجر]

الله يحفظ عيالنا من كل مكروه

اللهم آمين

جزاج الله خير

[بوخالد911]

بورك فيكم للتنبيه

والله يحفظنا ويحفظكم

[المهاجر]

اللهم آمين
حاضر تحت امرك

مايامر عليج ظالم

بارك الله فيج


الله يحفظ ابنائنا او بنائكم جميعا.
اللهم امين

جزاك الله خير


بورك فيكم للتنبيه

والله يحفظنا ويحفظكم

ويبارك فيك

اللهم آمين