ممكن ارقام ناس تبيع دهن للعيوش..؟؟

[لاجل QT]

السلام عليكم:)

ممكن ارقام ناس تبيع دهن للعيوش ..ابي افضل والذ دهن ريحتة تبط الراس...اصبة حق اليهال فوق العيش يلحسون الصحن كلة:nice:

وبس:shy:

[آنــه]

ليش انتي ما تسوينه ؟؟
جربت اخذ من كذا وحده ما شفت الذ واطعم من اللي نسويه في البيت

[لاجل QT]

ليش انتي ما تسوينه ؟؟
جربت اخذ من كذا وحده ما شفت الذ واطعم من اللي نسويه في البيت

انا اسوية بالزبدة العادية والهيل ومسمار

بس بعد طعم ذاك الدهن يبقى غير:)

[آنــه]

حطي معاه حلبه و بعد ما اذكر اهو سنوت والا حلوه
الطريقه عندي في البيت خذتها من الوالده ولو جربتيها بتحبينها

[دااانة قطر]

الطريقة لوسمحتوا

[راشد محمد]

الطريقة لوسمحتوا

[المتفرج]

احلا دهن ( سمن ) هو سمن الغنم معروف وريحته تجيب العافيه

ولكن مشاكله اكثر من منافعه فيظل هو من اساسيات الكلوسترول

اذا كان الاطفال اللي ياكلونه يحوسون في البيت فهذا شي طيب لهم

ولكن اذا كانو الاطفال ياكلونه وهم منزلين روسهم في الايباد والايبود

والبلاشتيشن فنصيحه لوجه الله لا تشترونه ؟

[عيون الدوحة]

اخذي من عند ام احمد
احاول اطرش لج الرقم بس الرسائل عندج متروسة

[لاجل QT]

حطي معاه حلبه و بعد ما اذكر اهو سنوت والا حلوه
الطريقه عندي في البيت خذتها من الوالده ولو جربتيها بتحبينها

ممكن الطريقة ماعليج امر



احلا دهن ( سمن ) هو سمن الغنم معروف وريحته تجيب العافيه

ولكن مشاكله اكثر من منافعه فيظل هو من اساسيات الكلوسترول

اذا كان الاطفال اللي ياكلونه يحوسون في البيت فهذا شي طيب لهم

ولكن اذا كانو الاطفال ياكلونه وهم منزلين روسهم في الايباد والايبود

والبلاشتيشن فنصيحه لوجه الله لا تشترونه ؟


مافهمت عليك وش تقصد..تقصد قلة الحركة؟؟



اخذي من عند ام احمد
احاول اطرش لج الرقم بس الرسائل عندج متروسة

غريبة مع ان عندي مساحة تكفي 100 رساله؟؟

حاولى ماعليج امر مرة ثانية طرشين الرقم:shy:

[المهاجر]

زيت الزيتون احسن وافضل واصح من الدهن

بس اذا تبي احسن دهن طرشي حد مدينة الشمال عند محل السمج

يبيعون

شغل بيت بس خوش دهن

[عيون الدوحة]

في الانستقرام اسمها
Spiceqatar

[غرِيبهـ]

لاجل سهل سويه في البيت افضل انا سويته للبيت باشراف امي

حسب الكمية اللي تبين تذوبين زبده مملحه مثلا قالبين حجم كبير على نار هاديه
ماتخلينها تغلي تضيفين لها زيت نباتي استخدمي لايت او قليل الكلسترول
كمية الزيت لترين تقريبا او لتر ونص وتضيفين عليهم سنوت محموس ومطحون مع كركم وشوي طحين وتتركينه على نار هاديه جدا من خمس الى عشر دقايق بعدها يبرد ويصفى


ومثل ما قال المهاجر افضل زيت الزيتون صحي

وممكن تحصلين على النكهة اللي تبينها لزيت الزيتون

تضيفين سنوت محموس ومطحون مع شويه كركم ويطلعلج احلى دهن خنين قطري

بس الاصلي طبعا احلى

[لاجل QT]

زيت الزيتون احسن وافضل واصح من الدهن

بس اذا تبي احسن دهن طرشي حد مدينة الشمال عند محل السمج

يبيعون

شغل بيت بس خوش دهن


زيت زيتون اول مرة ادري يستخدم للتهوس:(

محل الشمال يوصلون للخيسة:shy:


في الانستقرام اسمها
Spiceqatar

مشكورة عيون الدوحة لاخلا ولاعدم تسلمين:)

[لاجل QT]

لاجل سهل سويه في البيت افضل انا سويته للبيت باشراف امي

ومثل ما قال المهاجر افضل زيت الزيتون صحي

وممكن تحصلين على النكهة اللي تبينها لزيت الزيتون

تضيفين سنوت محموس ومطحون مع شويه كركم ويطلعلج احلى دهن خنين قطري

بس الاصلي طبعا احلى

انا اسوية بالزبدة

بس زيت زيتون اول مرة ادري عنة احسة بيطلع خضر غير الطعم مدري عنة

ممكن المقادير بالضبط والطريقة ولا عليج امر:shy:

[غرِيبهـ]

لاجل انا اكتب الطريقة وانتي اقتبستي ههههه

عن الزيت زيتون يطلع طعمه دهن قطري ومايعرفون الا اذا قلنا لهم هاي زيت زيتون
زيدي الكركم شوي بيطلع لج اصفر

[لاجل QT]

لاجل انا اكتب الطريقة وانتي اقتبستي ههههه

عن الزيت زيتون يطلع طعمه دهن قطري ومايعرفون الا اذا قلنا لهم هاي زيت زيتون
زيدي الكركم شوي بيطلع لج اصفر

وووي غريبة هاكثر زيت لتريين.. مايغث..:(

انا باجرب على كمية بسيطة وباشوف التجربة الزيتونية كيف بتطلع:nice:

[غرِيبهـ]

لاجل لاتلخبطين اللترين حق الدهن العادي بالطريقة التقليدية
هم يخلطون زبده و زيت ذرة نباتي مع اللي يسمونها الطلاعة


اما زيت الزيتون فقط تضيفين له السنوت والكركم وخلطيهم كم ملعقه يعني
وخليه يومين يتجانس


اتمنى اوصلت الفكرة

[المليونير الفقير]

فيه زيت الزيتون سعودي ماله حل بس نسيت اسمه ينباع في محل يبيع عسل وزيت جنب مجمع الخير فشارع الفروسيه

[عاشق الشهادة]

وعليكم السلام



متوفر بالسوق العماني قريب سوق الخضره الكيلو بـ 50 ريال غنم و بقر .

[عاشق الشهادة]

اذا حد من اهلج رايح الحسا عندج هناك ايضا سمن ابوماجد
ما قد اكلت سمن بطعم وريحه سمن ابو ماجد قديم وله اكثر من 40 سنه
في بيع السمن الطازج وغير المخلوط واسئلي اي واحد من اهل الحسا وهم يعرفونه
ومكانه قبل وصولكم الى سوق القيصريه بتحصلين محله على اليسار
وبابه مطل على الشارع .

[المهاجر]

زيت زيتون اول مرة ادري يستخدم للتهوس:(

محل الشمال يوصلون للخيسة:shy:






الا يخلي الواحد ياكل ولا يدري عن نفسه ولذيذ

للأسف ما يوصلون هو يادوب تحصلين كيلوا او كيلوين لأن وحده اللي تسويه لكن شغلها ما عليه كلام

وانصحج بطريقة غريبه جربيها وبعدها بتودعين الدهن القطري :nice:

[آنــه]

اربع قوالب زبده

البهارات ( 5 حبات حلبه - حبتين مسمار - ذرة ملح قليله - ملعقة اكل كركم - ملعقتين اكل حلوه - ملعقة اكل عيش مشفشف مطحون - ربع قفشة قناد [ هيل مطحون ] )

واذا تحبين نكهة الزعفران حطي شووووووووووويه يعني بس للريحه

اول تسيحين الزبده وبعدها تخلينها شوي ع النار بعدين قبل لا تصكين الفرن ب 10 دقايق تحطين كل مقادير البهارات اللي كتبتها فوق ولين طفيتي الضو بس حطي الزعفران و بعدها خليه شوي يبرد و وصبيه في غراش حافظه

[لاجل QT]

لاجل لاتلخبطين اللترين حق الدهن العادي بالطريقة التقليدية
هم يخلطون زبده و زيت ذرة نباتي مع اللي يسمونها الطلاعة


اما زيت الزيتون فقط تضيفين له السنوت والكركم وخلطيهم كم ملعقه يعني
وخليه يومين يتجانس


اتمنى اوصلت الفكرة


اي اي اخيرا اوصلت الفكرة:nice:



فيه زيت الزيتون سعودي ماله حل بس نسيت اسمه ينباع في محل يبيع عسل وزيت جنب مجمع الخير فشارع الفروسيه

ياليت اخوى تجيبلي اسمة

على كم الكيلو؟



وعليكم السلام



متوفر بالسوق العماني قريب سوق الخضره الكيلو بـ 50 ريال غنم و بقر .

العماني ندلة:)



اذا حد من اهلج رايح الحسا عندج هناك ايضا سمن ابوماجد
ما قد اكلت سمن بطعم وريحه سمن ابو ماجد قديم وله اكثر من 40 سنه
في بيع السمن الطازج وغير المخلوط واسئلي اي واحد من اهل الحسا وهم يعرفونه
ومكانه قبل وصولكم الى سوق القيصريه بتحصلين محله على اليسار
وبابه مطل على الشارع .

شهيتنا على سمن بوماجد
للاسف ماعندنا حد يروح

اذا في المستطاع حد من صوبكم رايح توصيلي اذا مافيها ازعاج..

شاكرة لك المعلومات اللذيذة يمي يمي:)

[لاجل QT]

الا يخلي الواحد ياكل ولا يدري عن نفسه ولذيذ

للأسف ما يوصلون هو يادوب تحصلين كيلوا او كيلوين لأن وحده اللي تسويه لكن شغلها ما عليه كلام

وانصحج بطريقة غريبه جربيها وبعدها بتودعين الدهن القطري :nice:

اي هاي اللى ابية اعيالى ياكلون ومادرون عن نفسهم الا لاحسين الصحن:)

وانا بعد:shy:


باجرب طريقة غريبة ان شاء الله:)



اربع قوالب زبده

البهارات ( 5 حبات حلبه - حبتين مسمار - ذرة ملح قليله - ملعقة اكل كركم - ملعقتين اكل حلوه - ملعقة اكل عيش مشفشف مطحون - ربع قفشة قناد [ هيل مطحون ] )

واذا تحبين نكهة الزعفران حطي شووووووووووويه يعني بس للريحه

اول تسيحين الزبده وبعدها تخلينها شوي ع النار بعدين قبل لا تصكين الفرن ب 10 دقايق تحطين كل مقادير البهارات اللي كتبتها فوق ولين طفيتي الضو بس حطي الزعفران و بعدها خليه شوي يبرد و وصبيه في غراش حافظه

مشكوووورة انه على الوصفة بعد باجربها:)

[لبيبة]

تذوبين زبدة معاها شمر مطحون وكركم مطحون ، وبس
ولا اروع :nice:

[لاجل QT]

تذوبين زبدة معاها شمر مطحون وكركم مطحون ، وبس
ولا اروع :nice:


باجربها:)

سويت اللى بزيت الزيتون ماضبطت كلش:(

[دااانة قطر]

البهارات ( 5 حبات حلبه - حبتين مسمار - ذرة ملح قليله - ملعقة اكل كركم - ملعقتين اكل حلوه - ملعقة اكل عيش مشفشف مطحون - ربع قفشة قناد [ هيل مطحون ] )




:rolleyes2::eek5::omg:
الحلبة احطها حبه حبه:omen2:

[آنــه]

:rolleyes2::eek5::omg:
الحلبة احطها حبه حبه:omen2:



أي الحب مب المطحون
تاخذين بس خمس حبات:shy:

[w.qatar]

نصيحه ابتعدي عن السمن لانه اكبر مسبب للكلسترول

جربي تسوين الشيلاني بزيت لازيتوون و الله ريحه و طعم ولا ارووع و انا احبه مع روب و تمر شي عجيييييييب صدقيني


طريقته تصبين الزيت مع ماي و ملح و تحطين العيش بعد ما يغلي

زيت الزيتون لا تسوينه نفس طريقه الزبده او السمن غلط ترا ما بيطلع حلو

[Ashom Qatar]

ما جاب لنا المرض والسمنة الا الحريم وطباخهم

يابنتي الدهن مو زين يسبب الكوسترول والجلطات

[Qtel-Qat]

يازين الدهينه مع الشيلاني وصافي مقلي

بس استغرب من زيت زيتون ماقد جربته جديده علي الصراحه

[لاجل QT]

لاتكرهوني فية احبة:weeping:

اليوم وصلنى كيلو من احدى صديقاتي باجربة:shy:

[ولدالريان]

الطريقة لوسمحتوا

[بوNasser]

لاجل سهل سويه في البيت افضل انا سويته للبيت باشراف امي

حسب الكمية اللي تبين تذوبين زبده مملحه مثلا قالبين حجم كبير على نار هاديه
ماتخلينها تغلي تضيفين لها زيت نباتي استخدمي لايت او قليل الكلسترول
كمية الزيت لترين تقريبا او لتر ونص وتضيفين عليهم سنوت محموس ومطحون مع كركم وشوي طحين وتتركينه على نار هاديه جدا من خمس الى عشر دقايق بعدها يبرد ويصفى


ومثل ما قال المهاجر افضل زيت الزيتون صحي

وممكن تحصلين على النكهة اللي تبينها لزيت الزيتون

تضيفين سنوت محموس ومطحون مع شويه كركم ويطلعلج احلى دهن خنين قطري

بس الاصلي طبعا احلى


الله
سبحان الله
ايام الشباب
كنا نموت على الطلاعة اللي تبقى عقب شخال الدهنه.

[الصغيره]

صلاله سوق العلي ممتاز

واذا تبين تسوينه بالبيت بالزبده الدنمركيه اليك الطريقه الصح

تاخذين فنجالين رز تحمصينهم
تاخذين كركم نص فنجال
ملح نص فنجال
حلوه خضراء اللي هي حب الشبث فنجالين الى ثلاثه يكون مطحون
تاخذين كيلو الى كيلوين زبده دنماركيه
الطريقه
ذوبي الزبده لحد ما تسيح وتركيها تبرد تماما وياليت تحطينها بالثلاجه بنفس القدر حتى تبرد وتتكون تحتها طبقه ماي اثقبي اللي جمدت واجعلي الماي المتجمد اسفل القدر يطلع من الزبده حتى تصفى الزبده من الماي ومن النكهه اللي فيها

ثم رديها على النار مره ثانيه ضيفي الرز المحمص والمطحون ثم ضيفي الحلوه الخضراء وطبعا مطحونه ثم ضيفي الملح وايضا الكركم وحركي لمدة نص ساعه ثم انزليها من النار وتركيها تبرد وصفيها بمرطبان وحفظيها بمكان بارك ودعي لي

وما تبقى في الجدر نسميه القشده تقدرين تضيفين له التمر وتعملينه قشده توكل قبل القهوه


وبالهناء والشفاء

[النهار]

ثانيكو يابنات ماقصرتوا

[لاجل QT]

صلاله سوق العلي ممتاز

واذا تبين تسوينه بالبيت بالزبده الدنمركيه اليك الطريقه الصح

تاخذين فنجالين رز تحمصينهم
تاخذين كركم نص فنجال
ملح نص فنجال
حلوه خضراء اللي هي حب الشبث فنجالين الى ثلاثه يكون مطحون
تاخذين كيلو الى كيلوين زبده دنماركيه
الطريقه
ذوبي الزبده لحد ما تسيح وتركيها تبرد تماما وياليت تحطينها بالثلاجه بنفس القدر حتى تبرد وتتكون تحتها طبقه ماي اثقبي اللي جمدت واجعلي الماي المتجمد اسفل القدر يطلع من الزبده حتى تصفى الزبده من الماي ومن النكهه اللي فيها

ثم رديها على النار مره ثانيه ضيفي الرز المحمص والمطحون ثم ضيفي الحلوه الخضراء وطبعا مطحونه ثم ضيفي الملح وايضا الكركم وحركي لمدة نص ساعه ثم انزليها من النار وتركيها تبرد وصفيها بمرطبان وحفظيها بمكان بارك ودعي لي

وما تبقى في الجدر نسميه القشده تقدرين تضيفين له التمر وتعملينه قشده توكل قبل القهوه


وبالهناء والشفاء

سال ريجي وانا اقرة:shy:..مشكورة على الطريقة

بس ممكن صورة ل الحلوه الخضراء

وتسلمين على الطريقة