ديكورات داخليــة لغرف النوم

[مملوحه الفال]

يعطيكم العافيه

ياجماعه ابغي اغير غرفه نوم صغيره ولون السرير عندي بني

اخترت هالديكور ممكن اسويه

http://www.mobdi3ine.net/up2/13726693391.jpg



وين ممكن اسويه وبسعر معقول

[شموخ دائم]

,

,


مرحبا


هذا الديكور جدا سهل وبسيط

اي مكان جبس يعمله لك ان شاء الله

هو عباره عن عمل حائط من الجبس بجنب الحائط الاصلي
وعمل فتحات على شكل مربعات بالحائط الجبس وادخال فيه الاضاءه والتمديد من الخلف
اهم شي تقولين ان عندي ديكور بسيط جدا
حتى ما يرفع السعر عليك
:)

شوفي المشاركات القديمه بالمنتدى في اعمال جبس
كثيره اعرضوها الاعضاء ممكن تاخذين رقم الشخص الي نفذها


,


,



اخوك


شموخ دائم

[ضوى]

تحملي تسوين من الجبس والله تتحسفين ، اي ضربة بين فيه سويه من خشب الام دي اف عادي وحلو يطلع بعد ، شوفي اي تجار يسوي لج انا سوته لي شركة كورية بس غالي والله يعني ديكور سرير وديكورين تلفزيون ب ١٢ غالي

[معماري قطري]

طريقة السرير انه يكون مثبت على صندوق خشبي داخل داخل عن الحواف حول 30 الى 40 سم وأطرافه تكون مغطاه بمنظره وداخل مخفي ليت بحيث ينور على المرايه وينعكس النور ويبين السرير معلق بدون دعامات تحت .. يمكن أحتاج رسومات توضيحية بس إن شاء الله الفكرة وضحت.

أفضل السرير لو جا بهالطريقة ما تكون فيه زوايا حادة ولو جات الإضاءَة فايبر اوبتكس على شكل حبل داخل تجويف بوكس السرير ومع المرايا اللي في الأطراف بتنعكس من تحت وتتلون كل شوي بلون غير وتكون تعطي إضاءَة خفيفة وهاديه، وفرش السرير يكون هو البارز من الأطراف بدون الحواف الخشبيه الحادة اللي لو تضرب في حد توجعه. والباقي ممكن بخشب للمستوى القريب من لمس اليد وبجبس للمستوى العالي.

تبين لي ان فيه مرايه كبيرة في وسط سقف الغرفة منها نازلة الثرية الحديثة.

دوم منفذ التصميم يحتاج لرسومات توضيحية وعينات مواد يعرضها للمستخدم وهذا صعب في سوقنا عن تجربة واقعية، ولو حبيتي تنفذين هذا بالضبط اطلبي مقاسات تفصيلية وعينات قبل التنفيذ.

[dream~qa]

الديكور بسيط جدا وأنا مع الأخ شموخ سويه بالجبسمبورد أفضل من الخشب أنا أختلف مع الأخت ضوى أن يتشمخ

الخشب والجبس راح يتشمخ بس الجبس صبغها بيكون أسهل لو أحتفظتي برقم الصبغ أو شوي من علبة الصبغ وما راح تحتاجين إعادة الصبغ كامل مثل الخشب

أختي ضوي لوسمحتي ممكن رقم النجار اللي سوى ديكور للتلفزيون ؟؟