طائرة حربيه على مستوى منخفض فوق المساكن !!!!؟؟؟

[rashid_qatar]

اليوم 1/7/2013 الساعه 1.45 الظهر
سمعنا صوت طائرة حربيه تطير على مستوى منخفض بسرعه عاليه فوق المساكن في منطقه مسيمير؟؟؟؟!!!
استغرب كيف يسمح لهم بالطيران فوق المساكن وازعاج السكان والاطفال ؟؟؟!!!
:anger1::omen2:

[حسن]

مسرع طفيت اسطاباتك شكلك خربو عليك مقيالك

:)

عادي ياخوك تدريبات على الصدمه والترويع

:victory:

[.. الكاش ..]

تدريب روتيني تطمن مافي شي ان شاءالله

[بوطويشم]

السلام عليكم

من كم يوم كان الساعة 6 الصباح

اتوقع مجرد تدريبات لكن لازم ياخدون الوقت المناسب

[فرفوش]

نعم صحيح

هالمره كان الصوت مزعج وعالي

حسبالي حرب :weeping:

[مبرمج QA]

لازم نتعود على هالأمور

[كازانوفا]

يا الله رحمتك اللهم احفظ ديار المسلمين

[R 7 A L]

المساحات الصحراوية كافيه للتدريبات
ليش يمرون فوق المناطق السكنية والبيوت ؟

[طاش]

ان تروعت من صوت مرة وحدة وتدريب وش يقلون اخوانا المسلمين المظهدين في كل مكان يسمعون الااف الاصوات الطائرات الحربية وانواع اصوات الانفجارات والمدافع اتمنا انك ماتنساهم من دعائك انت واخواني الاعضاء

[وجه السعد 2]

ان تروعت من صوت مرة وحدة وتدريب وش يقلون اخوانا المسلمين المظهدين في كل مكان يسمعون الااف الاصوات الطائرات الحربية وانواع اصوات الانفجارات والمدافع اتمنا انك ماتنساهم من دعائك انت واخواني الاعضاء

الحمدلله على نعمة الأمن و الإيمان .. اللهم انصر اخواننا المستضعفين في كل مكان و دمر أعداء الأمة يا ارحم الراحمين ..

[المريخي77]

لاتعتقد ان الطيار هو من يحدد ارتفاعه. فبرج المراقبة والقيادة من يحدد هذا الارتفاع. وصوت الطائرة الحربيه يمكن سماعه حتى والطائره على ارتفاع عالي.

[استغفرالله]

انا سمعت بعد

[امـ حمد]

اللهم لك الحمد والشكر على نعمة الأمن والإيمان

[مشـــــاعر]

الله يعافيكم كل شي تعترضون عليه

اللي يسمعكم مايقول كل مكيفات بيتكم تشتغل من جي سمعتوا صوت الطيارة

الله يهديكم هاي شغلهم ومرة مب كل يوم عشان تزعلون وتعترضووون

[بوخالد911]

يجوز تدريبات

والله الحافظ

[فلوس]

عشان ماتصدي الطيارات

[الكنترول]

الحمدلله على نعمة الأمن و الإيمان

[بوعلي2]

ذكرتوني بسنة 90 ايام حرب لكويت والعراق ( حرب الخليج)اخبر يسون تدريبات ومروا فوقي وانا رايح الدكان وتصرقعت رحت تحت الطبيله والله حسيت قلبي بيوقف
لازم يعطون الناس خبر لان في شيبان وعجايز كبار بالسن ومرضى وحتى الاطفال

[OREO]

الله يعافيكم كل شي تعترضون عليه

اللي يسمعكم مايقول كل مكيفات بيتكم تشتغل من جي سمعتوا صوت الطيارة

الله يهديكم هاي شغلهم ومرة مب كل يوم عشان تزعلون وتعترضووون

بقولج شي لا تقولين لحد ،، الطيارة نفسها مرت من فوق بيتي و جان افلعها بحصاة و امسكها ،، و اكاهي موجودة عندي في محلق البيت مع المكيف بوهندل اللي تتكلمين عنه ،، :shy: