مكيفات جنرال ،،، والصيانة !!!

[أم علي 2010]

السلام عليكم

صراحة أنا سالفتي سالفي مع مكيفات جنرال ( اسد عمادي)

مركبتهم شهر 3 ،،، و الين الحين أعاني منهم

المكيفات تسوي مثل الرطوبة على الريش و يصير مندي وعقب ينزل وينقط على الأرض

و طبعا قسم الصيانة خدمتهم زفته الصراحة وأسلوبهم زفت و اشتكيت في حماية المستهلك

و غيروا المكيفات ،،، و قالي أن من فوق في فتحة عشان جي تصير رطوبة

وتنزل داخل المكيف

المهم رجعت المشكلة مع واحد من المكيفات ،، الفني الفلبين فتح المكيف و قام يدعس قماش في الطوفة قلت يشيله لان كل تمديدات وأول مرة أشوف حياتي
حد يحط قماش مع التمديدات ،، كلمته مسؤل الصيانة المصري يقول عادي انحط ملح و ورق في الطوفة !

قلت له يمكن في مصر تحط عادي ،، شوف لك حل ثاني


الصراحة تعبت يعني و أبو عيالي في بعثه برع البلاد ،،

أبي حل أكلم من ؟ ولا أغير وأخذ ماركة ثانيه ؟

[ولد العرب]

هههه اجل وش تقولين عني من لي اكثر من شهر انتظر يتكرمون يحطون لي مكيفات حوالي 20 مكيف جنرال :rolleyes2:

[أم علي 2010]

هههه اجل وش تقولين عني من لي اكثر من شهر انتظر يتكرمون يحطون لي مكيفات حوالي 20 مكيف جنرال :rolleyes2:

:eek5::eek5:

الله يعينك والله ،،، مكيفات جيدة لكن الخدمة تعبانة والمصري نفسه خايسه

[jaf111]

غريبة يمدحون الفوجي جنيرال ؟!!!

اليوم كنت منوي اشتري كم مكيف ابي ابدل اللي عندي

[أم علي 2010]

غريبة يمدحون الفوجي جنيرال ؟!!!

اليوم كنت منوي اشتري كم مكيف ابي ابدل اللي عندي

المكيف بارد و أوكي وسعره غالي يعني 2 طن ب 4800

بس أنا صارت معاي هذي المشكلة وهم مب عارفين يصلحونه

آخر شئ قالي المشكلة من الطوفة !! يعني لو بيت جديد بقول أنا مغيره بس

وقلت لك الصيانة تعبانة صراحة عادي يقول لك بنجي اليوم ولا تشوف حد وكل يوم يقولون لك بكرة

[MAZEN37]

شلون المشكله بالطوفه ؟ شقالك ؟؟

[ولـ بلادي ـد]

اختي اذا الهوا الخارجي يدش من فوق المكيف فهاي تكون مشكلة في فتحة المكيف مب من الشركة وعلى كلامج انه قدر يدعس قماش فوق المكيف واكيد اذا الهوا الي بره دش بيصير نفس الندى

اقتراحي حاولي تجبين عمال يخلون فتحة المكيف على قد المكيف ومشكلتج بتختفي ان شاء الله

[أم علي 2010]

شلون المشكله بالطوفه ؟ شقالك ؟؟

يبلفيت التمديد غلط و تم يدعس قطع قماش :eek5:

وقلت له يشيلهم وكلمت مسؤولة اللي زاد الطين بله و يقول عادي حتى ورق نحط :rolleyes2:

والفلبيني يقول هذا الحل اللي عندي !!

[أم علي 2010]

اختي اذا الهوا الخارجي يدش من فوق المكيف فهاي تكون مشكلة في فتحة المكيف مب من الشركة وعلى كلامج انه قدر يدعس قماش فوق المكيف واكيد اذا الهوا الي بره دش بيصير نفس الندى

اقتراحي حاولي تجبين عمال يخلون فتحة المكيف على قد المكيف ومشكلتج بتختفي ان شاء الله

أي أظن هذي هي المشكلة و هو قال أن في فتحة فوق وسكرها

بس رجعت المشكلة !!

يعني يسكرها من السطح و لا من البيت داخل في الطوفة نفسها ؟

يعني المفروض من التركيب يعرف مب عقب ما أجدد واخسر يقولون هالكلام :eek5:

[وحيد-الشوق]

جنرال الفترة الاخيرة صيانتهم زفت من قلب وفعلا المصري نفسيتة خايسة نقعوني عشان يغسلون مكيف للبيت

مادري شنو الحل معاهم !!

[al-obaidly]

اهم شي يصرفون البضاعه والصيانه والضمان اخخخخخخخخخخخخخخخخخرطي وبعدين صدقوني الي حاب يشتري مكيفات كميه يروح دبي 2 طن ياباني اصلي تجميع الصين وبستن مش رتورتي ب1950 من المحلات الي صوب ديره مع ضمان

[أم علي 2010]

جنرال الفترة الاخيرة صيانتهم زفت من قلب وفعلا المصري نفسيتة خايسة نقعوني عشان يغسلون مكيف للبيت

مادري شنو الحل معاهم !!

نفسيته خايسه من قلب ويناحس حتى يوم جاه أمر من حماية المستهلك تم مناحس ما طرش العمال إلا لما اتصلت ولما قلت له ما جاك أمر قال بلى بس مش فاضين !!

على قولته يركب ربع مليون مكيف يركب الأخ

[أم علي 2010]

اهم شي يصرفون البضاعه والصيانه والضمان اخخخخخخخخخخخخخخخخخرطي وبعدين صدقوني الي حاب يشتري مكيفات كميه يروح دبي 2 طن ياباني اصلي تجميع الصين وبستن مش رتورتي ب1950 من المحلات الي صوب ديره مع ضمان

اللي بيركب حق بيت جديد يستأهل يتعنى بس أنا بدلت مكيفاتي لان الكمبريسر اخترب

بس فعلا يبيعك ويحط لك القمر في يد والشمس في يد

[w.qatar]

اذا فيه فتحه في الطوفه خليه يحط الفوم اللي يصير مثل الحصى قووي كانه طابوق مب يدعس ورق و قماش

صراحه حذروني منهم و الحمد لله شريت من فوجي للبيت كامل و صيانتهم اتصال و يجون ثاني يوم

[أم علي 2010]

اذا فيه فتحه في الطوفه خليه يحط الفوم اللي يصير مثل الحصى قووي كانه طابوق مب يدعس ورق و قماش

صراحه حذروني منهم و الحمد لله شريت من فوجي للبيت كامل و صيانتهم اتصال و يجون ثاني يوم

الصيانة حولت الموضوع التركيبات والله ولا حد اتصل

وبيت الوالد تو مأخذين مكيف من عندهم ،، و ركبوا لهم اليوم وعلى أساس مكلمين مدير التركيب وقال آليوم بيطرش العمال والله ولا شفت حد

بعطيه لين بأجر ماتصل ولا طرش حد ،، برجع اقدم شكوى عليهم في حماية المستهلك

و زين ماسويتي ،، أنا افكر بعد أبدل مكيفين عندي بأخذ يا فوجي ولا دايكن

[حياة]

انا للاسف بيتي كله من عندهم والكاسيت عندي من ست شهور يطلع صوت وهم طلعوا روحي وكل ماحد يجي يروح ويقول باجي بكره ولاشفت حد وانا نفسج زوجي في بعثه وجنرال بهدلوا حياتي

[khaldoon]

اهم شي يصرفون البضاعه والصيانه والضمان اخخخخخخخخخخخخخخخخخرطي وبعدين صدقوني الي حاب يشتري مكيفات كميه يروح دبي 2 طن ياباني اصلي تجميع الصين وبستن مش رتورتي ب1950 من المحلات الي صوب ديره مع ضمان

صحيح البستون يتحمل درجات أكبر بس صوته وايد عالي و مزعج جدا

[7llo]

ياجماعه الخير الخدمه سيئه عندهم لانه ززحمه عندهم ومش ملحقين المفروض يزيدون عدد السيارات والموظفين , يوم الخميس شريت مكيف ويندوو قالولي بنجيب لك اياه يوم الاثنين قلت له مابي قالي خلاص روح استلمه من الستور والله رحت خذته من الاستور وحطيته بسيارتي وجبت واحد مال مكيفات ركب لي اياه ولا اقعد انطر

[بوعبدالعزيز1]

الحمد الله اتعامل مع فني امين وشغله احسن من شركه شريت مكيفات من جنرال حوالي 12 مكيف وحملتهم بسيارتي وثاني يوم تم تركيبهم

[shark999qa]

الحمد الله اتعامل مع فني امين وشغله احسن من شركه شريت مكيفات من جنرال حوالي 12 مكيف وحملتهم بسيارتي وثاني يوم تم تركيبهم

السلام عليكم ، ممكن اخوي رقم الفني الى ركبهم لك ، عندي مكيفات ابي اغسلهم
وشكرا

[سعادة الوزير]

من زمان حاط شركة العمادي (جنرال) في البلاك لست والسبب هالمصريين الي قاعدين يديرون الشركة باسلوب زفت ، والحمدلله دوم اتعاقد مع مكيفات كارير ، الخدمة عندهم خمس نجوم وكل شي مرتب ونظيف ، وعمال التركيب حتى لبسهم نظيف ووقت الصيانة مايوصخون البيت ، والافضل من كل هذا ان مكيفاتهم امريكية وتجميع سعودي ، والمحل مالهم هو عبارة عن مكتب توزيع للمصنع نفسه ومب وكيل (لانه يعتبر مصنع خليجي) ، لهذا التصليح وتوفير قطع الغيار من اسهل ما يمكن.

[دااانة قطر]

انا كلمتهم قبل اسبوعين لني بنقل من بيتي قلت بالمره اسوي صياانه عطااني موعد بعد يومين
والحين مايردون عالاتصاال

[دااانة قطر]

من زمان حاط شركة العمادي (جنرال) في البلاك لست والسبب هالمصريين الي قاعدين يديرون الشركة باسلوب زفت ، والحمدلله دوم اتعاقد مع مكيفات كارير ، الخدمة عندهم خمس نجوم وكل شي مرتب ونظيف ، وعمال التركيب حتى لبسهم نظيف ووقت الصيانة مايوصخون البيت ، والافضل من كل هذا ان مكيفاتهم امريكية وتجميع سعودي ، والمحل مالهم هو عبارة عن مكتب توزيع للمصنع نفسه ومب وكيل (لانه يعتبر مصنع خليجي) ، لهذا التصليح وتوفير قطع الغيار من اسهل ما يمكن.



ممكن رقمهم

[بونووف]

امس راد من السفر الا مكيف الغرفه معطب حاولت اتصل فيهم محد يرد علي عقبها كلمت واحد جا شيك عليه ..قال الغاز مفضي

في هنوود فنااانين اكثر من هالشركات

[&بوشهد&]

الله يكون في عونج
أرجعي وكلمي حماية المستهلك بإدن الله يفيدونج

[فتى الجود]

جنرال كول


http://www.qatarshares.com/vb/showthread.php?p=9005782#post9005782

http://im37.gulfup.com/vGV99.jpg (http://www.gulfup.com/?MeTaD8)

[أم علي 2010]

الحمد الله اتعامل مع فني امين وشغله احسن من شركه شريت مكيفات من جنرال حوالي 12 مكيف وحملتهم بسيارتي وثاني يوم تم تركيبهم

ممكن رقم الفني ،،،

[أم علي 2010]

انا للاسف بيتي كله من عندهم والكاسيت عندي من ست شهور يطلع صوت وهم طلعوا روحي وكل ماحد يجي يروح ويقول باجي بكره ولاشفت حد وانا نفسج زوجي في بعثه وجنرال بهدلوا حياتي

أنا متاذيه من هالسالفه وأشتكيت عليهم والحين يقولون لازم اركب 3 طن عشان المساحة مادري شيدخل مساحة الغرفة في الرطوبة

[أم علي 2010]

انا كلمتهم قبل اسبوعين لني بنقل من بيتي قلت بالمره اسوي صياانه عطااني موعد بعد يومين
والحين مايردون عالاتصاال

بيلوعون جبدج لين ما يردون ،،، وإذا قلتي تعال الصبح بيجيج العصر ولا بيطنش

[أم علي 2010]

جنرال كول


http://www.qatarshares.com/vb/showthread.php?p=9005782#post9005782

http://im37.gulfup.com/vgv99.jpg (http://www.gulfup.com/?metad8)

لا جنرال اسد عمادي ، جنرال كول حق الريس

[قطري vip]

احسن مكيفات حاليا ومثل الجنرال فوجي وخدمتهم حلوه

[بوخالد911]

الله يعيينكم

وكلموا حماية المستهلك
مرة وعشررررررررررة

والله يوفق

[KSK Logistic]

انا رفعت شكوي عن مكتب الاقليمي في دبي ، تجاوب مرة وبعدين مافية فايدة

[ولي العهد]

انا مسلك أموري مع مصري وإذا كلمته اليوم الثاني يطرش لي الفني

[أم علي 2010]

انا مسلك أموري مع مصري وإذا كلمته اليوم الثاني يطرش لي الفني

أي مصري فيهم ?

رضا و لا فتحي ؟

حتى احمد مراد وصلت له ولا في فائدة

واللي عرفته أن احمد طلع من عندهم

[chevelle-ss]

احسن شركة الحين وخدمتهم احسن خدمة على مستوى قطر
هي شركة جتكو
عندهم كل شي وشركة قطرية وراعيها الشيخ فصيل بن قاسم ال ثاني
وجودتهم ممتازة

[kmk]

أنا أقول لك من وين تجى الارطوبه وبعدين ينقط هذا الله يسلمك من البيبات إلى مادينها من المكينه لين الجهاز لازم يلفقونها بسفنج وو لزقات خاصه علشان أثناء التبريد البيبات يصير عليها ارطوبه وتنقط ماى هذى فى حاله انه المكينه فوق تصير البيبات النحاس عمودى ومع التبريد ينزل الماى فى المكيف وينقط السبب عدم لفها بشكل صحيح أو تاركين بعض البيبات بدون لف الإسفنج والأزقة

[start555]

للأمانه ....
اتصلت فيهم لما تعطل عندي مكيف في احد الغرف وبعدها بيومين اتصلوا فيني لتحديد مكان البيت

خذوا المكيف وبعد 5 ايام ركبوه والحين شغال تمام

[فويرط]

الحمد لله انا بيتي جنرال

وماشتكيت من خدمتهم
اتصلهم اليوم ثاني يوم يجوني او اللي بعده بالكثير

وعندي رقم الورشة مالتهم ... اللي يبي رقم الورشة يقولي باطرشه له

وخدمتهم ممتازة بالنسبة لي كم مرة جاووني ولا مرة اشتكيت منهم

وهذه وجهة نظري

[البحار00]

الحمد لله انا بيتي جنرال

وماشتكيت من خدمتهم
اتصلهم اليوم ثاني يوم يجوني او اللي بعده بالكثير

وعندي رقم الورشة مالتهم ... اللي يبي رقم الورشة يقولي باطرشه له

وخدمتهم ممتازة بالنسبة لي كم مرة جاووني ولا مرة اشتكيت منهم

وهذه وجهة نظري


هلا ياخوي

أتصدق كنت متخوف منهم لأني حاليا موقع عقد معاهم لبيتي الجديد

والربع يحنون على راسي شلك بجنرال خذلك gree

لكن كلامك ذي خلاني ارتاح

[مافي مثلي]

يجماعه اشتكوا عليهم عند راعي الشركه محد يعرف يوصله
شدعوه 80 بالميه يشترون جنرال واذا بيتمؤن على هذا الحال ببيخسرون

[good_man]

الله يعينكم وهالشهور الى جوها ما تسمح تقعد بدون مكيف

[أم علي 2010]

والله توني مسكره من مدير الفرع اللي شريت منه

5 شهور والمكييفين ينزلون ماي محد فيهم عارف علته

وآخر شئ قالي مدير التركيبات أخذي طنين ونص و ادفعي الفرقية

مدير الفرع مب راضي يقول بكلمه قبل !!

يعني شالحل اذا الصيانة مب عارفين يصلحونه وآلتركيبات يقول لي لازم طنين ونص عشان ما ينزل ماي

أنا قلت له بكره اذا ما نحلت المشكلة عقب بأجر بتصل ويشتكي في حماية المستهلك

[KSK Logistic]

والله توني مسكره من مدير الفرع اللي شريت منه

5 شهور والمكييفين ينزلون ماي محد فيهم عارف علته

وآخر شئ قالي مدير التركيبات أخذي طنين ونص و ادفعي الفرقية

مدير الفرع مب راضي يقول بكلمه قبل !!

يعني شالحل اذا الصيانة مب عارفين يصلحونه وآلتركيبات يقول لي لازم طنين ونص عشان ما ينزل ماي

أنا قلت له بكره اذا ما نحلت المشكلة عقب بأجر بتصل ويشتكي في حماية المستهلك

انا تعبت من الماي ، اسبوعين واتصل ، ماوصلت للمدير الا وصلت الى المكتب الاقليمي في دبي ، اخرتها نزلتة وبدلتة بشركة ثانية .

[busnaidah]

بصراحة الحق علينا. شنو اللي يميز جنرال؟ ترى صناعة الهند وأسمه أو جنرال O General. أنا أتمنى أهل قطر يخلون هالمكيف. وايد كبر راسهم. أكبر غلطة سويتها إني شريت مكيفات البيت من عندهم. خدمتهم زبالة وتدل على عدم حرص راعي الحلال. توبه أشتري منهم

[البنز]

خالد العمادي

مدير الشركة

44029701

اتصل له عقب التراويح وقوله مشكلتك

وان شاء الله ما راح يقصر

(( عن تجربه))

[abo0o0od QtR]

الله يعينج يا ام علي

عن تجربة فووجي افضل نوع مكيفات

جنرل شرينا من عندهم 8 مكيفات وندو يوم خذينا هالبيت ايام وخمس مكيفات منهم مثلجين من داخل

لكن الفوجي من يوم شريته يتبطل ينغسل ويرد ما شاء الله ثلاجه

[دوحة الجميع]

انا مكيفات البيت عندي من كل الشركات مثل شارب - جنرال- سامسونج- باناسونيك - دايكن ، و في منهم ويندو من نوع جنرال فقط ، إذا كان الخلل بسيط اتصل في ورشة تصليح مكيفات في شارع المطار التجاري ، وخلال ساعة أو أقل إلا هم عند باب البيت ، ويعطوني النصيحة إذا نوع الخلل عليه ضمان من الشركة ، وإذا خلل بسيط أقوله صلح على حسابي وتوكل على الله . بلا وكيل بلا بطيخ وإنتظار بالأيام .*

[سعادة الوزير]

انا مسلك أموري مع مصري وإذا كلمته اليوم الثاني يطرش لي الفني

اذا قصدك انك تعطيه فلوس ، فحاسب ياخوي من الرشوة ، والله اني مارضى لك الاثم ، واذا كنت تقصد الكلمة الطيبة مثلا ، فالله يوفقك.

[قطرية مثقفة]

بصراحة انه مستغربه لأني أتعامل معاهم من سنين أشوف خدماتهم ممتازة وبس اتصل اليوم الثاني يجون البيت @@ والله أني لما احتاج مكيف اتصل على المعرض ثاني يوم جايبين لي المكيف وادفع الفاتورة وانه في بيتي @@ بخصوص الماي أختي أم علي يقال انه من التركيب اذا كان من البداية تركيب خاطئ خلاص سلمي عليه كل يوم بينقط الماي

[أم علي 2010]

خالد العمادي

مدير الشركة

44029701

اتصل له عقب التراويح وقوله مشكلتك

وان شاء الله ما راح يقصر

(( عن تجربه))

للأسف وصلت حق العمادي وكلمته ، حتى ما سمع تفاصيل المشكلة :)

قال شوي وبكلمج

وكلمت المدير المصري قالي بطرش فني بكره :weeping::weeping::weeping:

وعقب كلمتني سكرتيرة العمادي حتى مب هو تقول توكم تتشتكون عقب 5 شهور :rolleyes2:

هذي حاله كل أسبوع بيطرشون فني يشيك ويروح كل ارقام الفنيين عندي

والحمد الله أني أصور كل شئ و قررت بكرة ان ما نحلت المشكلة اطرش الصور حق حماية المستهلك :)

وتشوف متى الحلقة الأخيرة

[أم علي 2010]

على فكرة

انا رجعت كلمت المصري لما قال العمادي توكم تتكلمون قلت لها ليش ما قلت له ان المشكلة من اول ما تركب المكيف

كان رده " و داه يهم في إيه ما خالد حيحول الموضوع لي "

:omg::omg:

[لاجل QT]

الحل تركبين وندو

انا قطيت كل المكيفات السبلت عانت معها كثير

الوندو ولااروع

[أم علي 2010]

الحل تركبين وندو

انا قطيت كل المكيفات السبلت عانت معها كثير

الوندو ولااروع

صعبة اختي خاصة ان نظام البيت كله تمديدات وبعض المكيفات على طوفة داخلية

ومخاسير أكثر من قيمة المكيف

انا متأكدة ان هم يعرفون خطا في التركيب من البداية و مب راضيين يبدلون عشان الخسارة فيحاولون يحلون بالأشياء البسيطة اللي ممكن تحل المشكلة
وفي الأخير يكون حل مؤقت

[لاجل QT]

صعبة اختي خاصة ان نظام البيت كله تمديدات وبعض المكيفات على طوفة داخلية

ومخاسير أكثر من قيمة المكيف

انا متأكدة ان هم يعرفون خطا في التركيب من البداية و مب راضيين يبدلون عشان الخسارة فيحاولون يحلون بالأشياء البسيطة اللي ممكن تحل المشكلة
وفي الأخير يكون حل مؤقت

انا كلة نظام البيت اسبليت وتمديدات تعبونى مرتين اغير السبلت حتى الشركة ماعرفت شسالفة

قمت غيرتهم كلهم وندو وافتكيت من هالمشكلة

[بن السليم1]

شركة جنرال صارت تعبانه مو مثل الاول

[أم علي 2010]

والله جودت المكيف ما عليها غبار

بس الأخطاء اللي تصير ومايبون يعترفون والحين أشوف الاستف كله مصاروه شكلهم لاعبين لعبتهم

وأبي أغير كم مكيف ومحتاره شنو اركب :rolleyes2:

[قطري vip]

الفوجي عن تجربه من احسن المكيفات

[أم علي 2010]

أي كلمت فوجي الأسعار بالضبط مثل جنرال

بمرهم هاليومين

[عبدالله 999]

مكيفات شارب يمدحونهم وسعرهم مناسب

[الســيل]

السلام عليكم

انا صارلي اقل من شهر ما خذ من عندهم 5 مكيفات وكلهم نفس المشكلة

احاول اتصل علي قسم الصيانة ولا واحد يرد يعطوني رقم الشيخ فتحي وعمك اصمخ مايرد

الله المستعان

[أم علي 2010]

السلام عليكم

انا صارلي اقل من شهر ما خذ من عندهم 5 مكيفات وكلهم نفس المشكلة

احاول اتصل علي قسم الصيانة ولا واحد يرد يعطوني رقم الشيخ فتحي وعمك اصمخ مايرد

الله المستعان

الله يعينك انا من شهر 3 في عذاب وياهم لتهوني تلته

عندك حل اتصل على فتحي وإذا ما رد طرش له مسج
وإذا مارد اتصل على مكتب العمادي وكلمه واشرح له وشوف شنو بيسوي

لان هالمصاروه تموا يماطلون لين صار للمكيفات 5 شهور والرجال قال توها تتكلم و للحين انا محتره من حقارت هالمصاروه الصراحة نصب عيني عينك

ويقول لك كلام وعقب يقول انا ما قلت

وإذا ما نحلت المشكلة كلم حماية المستهلك وخل يبدلون المكيفات كامله حتى الكمبريسر من فوق مب بس الوحدة الداخلية لان ما بتنحل المشكلة عن تجربة وخذ كروت ضمان جديدة

[مواقف النجادة]

أنا قاعد ابني و حاط ميزانية حق المكيفات من العمادي .. بعد اللي قريته هوّنت وبشوف لي ماركة ثانية و إلا بشتري جنرال من الإمارات .. أرخص و لا مغثة الوكيل ..

[أم علي 2010]

فوجي نفس الجنرال بالضبط

[الســيل]

أنا قاعد ابني و حاط ميزانية حق المكيفات من العمادي .. بعد اللي قريته هوّنت وبشوف لي ماركة ثانية و إلا بشتري جنرال من الإمارات .. أرخص و لا مغثة الوكيل ..

يمدحون فوجي في الخدمة وفي التكييف

كل التوفيق

[BUHASSEN]

والله هاي مشكله الشركه مع ان جودتها ممتازه انا تعاملت مع مكيفات قري صراحه ممتازين في الصيانه ويجونك باسرع وقت ومكيفاتها ممتازه وارخص من جنرال بس الفتره الاخيره زادوا الاسعار طنين ب ٣٠٠٠ تقريبا كان في ٢٠١٠ ب ٢٤٠٠

[qatar143]

انا مركبمكيفات بيتي من جنرال ( أسد عمادي ) ، ومتحسف اكثر من شعر راسي ، تعرفون ايش مشكلتهم بالضبط ؟؟؟ مشكلتهم انهم يتعاملون مع محلات ورش مكيفات عادية لما يجون يمددون أو يركبون المكيفات ، ولأن هالمحلات العادية شغلهم أي كلام ، فيكون التمديد والتركيب غلط ، وبعدين مهما سوينا ومهما جاو للصيانة مافي فايدة لأن الأساس خطأ ..... ماعادت جنرال مثل اول وانا انصح اللي إلى الآن ماركبو مكيفات انهم يبتعدون عن هالشركة ، لن جودة عملها خلاااص ، تصدقون ان صبغ جدران البيت اخترب .... والسبب الماء اللي يقطر من المكيف ، مع ان الشركة جات لبيتي اكثر من 10 مرات خلال سنتين بس ، وربعي اللي شارين ماركات مكيفات ثانية مرتاحين عالآخر . نصيحتي ابتعدوا عن هالشركة