افضل نادي (( جيم )) لكمال الاجسام ؟ وايكون عنده مدربين ،،،

[حمد 2002]

السلام عليكم ورحمه الله وبركاته ،،،

افضل نادي (( جيم )) لكمال الاجسام ؟ وايكون عنده مدربين ،،،

وهل فتره 3 شهور كافيه لبناء ولتقويه الجسم ؟ وكم الاسعار :telephone: :discuss: ،،،


http://up.arabseyes.com/uploads2013/01_07_13137271182106431.jpg (http://up.arabseyes.com/)


ماااااااااااااااااااااانبي ردود خارج الموضوع ولا :discuss:

تحياتي للجمييييييييييييع :nice:

[النهار]

في نادي في فريق بن محمود
ناسي اسمه وايد يمدحونه

[Yathani]

3 شهور؟ لالالالا وييين

اول شي يعتمد اذا جسمك مناسب ولا متروس :nice:

بعدين يبيلك على الاقل سنه عشان تبتدي تشوف التغيرات الصح اما الشد بيبن من شهرين وشي

بس لازم تستمر 6 ايام بالاسبوع ساعه على الاقل وحبه حبه لاتسمع كلام الي يقولك خذ هذا ولا ذاك بروتين ممكن او المشروب الي تاخذه قبل لاتتمرن بنص ساعه نسيت اسمه

بس يعني الموضوع مب شي مواقت بياخذ وقت وطولت بال واذا انت من النوع الي مايحب يصبر انا انصحك لا تدخل حديد بس خلك لياقه واوزان وسط ويكون جسمك مرتب


وبالنسبه للجم في قطر ماعندي فكره وانشالله الاخوان يفيدونك

[بو خليفه 123]

3 شهور كافيه انك تشد عضلات جسمك بغض النظر عن نسبة الدهون في جسمك . بتلقى وقفتك مستقيمه .. ظهرك مشدود و جسمك بشكل عام مختلف .

بخصوص الجم انت ماحددت افضل جم من اي ناحيه هل من ناجية الاجهزه ولا من ناحية المدربين من ناحية بناء العضلات او انزال الوزن الخ ..

أنا شخصياً مشترك في مكانين .. الي اروحه بشكل شبه يومي هو الي في ازغوى بجوار معرض الساده للسيارات . لكن اذا انت محتاج مدرب جيد جرب جست جم بس بتدفع له اتعابه غير رسوم اشتراك الجم . و بالعاده المدرب يسألك اذا كنت تبغي تاخذ بروتينات مع التمرين او فقط تمرين . كل جسم له طريقته الخاصه و الآن ماقدر احكم .

فالك التوفيق و خطوه طيبه . و بسألك بعد شهر بالضبط اذا مازلت مستمر او قطعت

[H H]

ثلاث شهور كفايه عشان انت تحس بتغييرات لكن الي حولك ماراح يلاحظون هالشي خصوصا الي يشوفونك كل يوم!
يبيلك فتره عشان تنتقل من جسمك الحالي لجسم متناسق مناسب وماراح اطول عليك بالحكي لكن بعطيك الزبده !!

الحديد عباره عن التزام !! اذا التزمت ثلاث شهور خمس ايام فالاسبوع وتاكل زين وتنام زين بتوصل للي ماوصل له
الغير ملتزم فتسع شهور!! الالتزام الالتزام الالتزام , الجسم اذا ماعطيته الا راحته الاسبوعيه بيمشي معك مضبوط
وبيتغير مثل ماتبي واحسن لكن اذا قعدت تتمرن يوم وتقعد يوم تتمرن يومين وتقعد يوم وتقعدلي ثلاث ايام
واسبوع ماتتمرن بعض الاحيان فماراح تستفيد شي وبعد سنه بيكون جسمك مجرد ( كويس ) لكن اذا شديت حيلك
والتزمت بتمشي امورك والكل بيحس بالتغيير الكبير عليك , وانصحك فاول شهر تاخذ مدرب شخصي , ادري بيكلفك
كثير لكن بيعلمك كيف تستخدم الاجهزة والاجهزة الخاصه بكل عضلة وطريقة التمرين السليمة وغيرها من الاشياء المهمه
الي بعض الاحيان اشوف ناس لهم سنه فالجيم ويتمرن غلط واغلب تعبه يروح عالفاضي , وبعد هالشهر خلك لحالك وسولك جدول
وبتضبط امورك


وابشرك بعد فتره بسيطه اذا قعدت فالبيت ومارحت الجيم بتحس بشي غلط ههههههههههههه
يعني الالتزام بيجي غصباً عنك , بتتعود عالرياضة وبتكره الرباده وبتحس بتانيب الضمير اذا مارحت


الله يوفقك ..

[@north_star@]

رياضة كمال الاجسام أكثر الرياضات ملل بالعالم ويبيلها ارادة ومثابرة والتزام .......... عندك الماسة فوق رامز الي عند اشارات رمادا وعندك واحد بالستي سنتر بس نسيت اسمه وعندك نادي الفريج بالمنصورة أو بتروح نادي السد عندهم صالة جم حلوة

[تحداني]

هابين فيها هبه الشباب
ما حبيتها خالص .. احس كأنه شي غير متساوي الاطراف





جملك الله برضاه

[H H]

هابين فيها هبه الشباب
ما حبيتها خالص .. احس كأنه شي غير متساوي الاطراف





جملك الله برضاه


اختي الله يسعدك يعني الكرش والظهر المنعفط على قدام هو الي متساوي الاطراف :(:(

[تحداني]

اختي الله يسعدك يعني الكرش والظهر المنعفط على قدام هو الي متساوي الاطراف :(:(




هذا ملئ بالتضاريس الاجراميه في عوالم الأكل
بس الحديد وبناء الاجسام يعطيني الاحساس السابق " عدم تساوي الاطراف "
احسه كأنه رجل آلي او حديدي حق الرسوم المتحركه

سامحني على احساسي الغير سوي لكنه حقيقي :(



ويسعدك يارب دنيا وآخره
وما عليك من كلامي اهم شي انتوا شنو خاطركم فيه


انجوي


جملك الله برضاه

[H H]

هذا ملئ بالتضاريس الاجراميه في عوالم الأكل
بس الحديد وبناء الاجسام يعطيني الاحساس السابق " عدم تساوي الاطراف "
احسه كأنه رجل آلي او حديدي حق الرسوم المتحركه

سامحني على احساسي الغير سوي لكنه حقيقي :(



ويسعدك يارب دنيا وآخره
وما عليك من كلامي اهم شي انتوا شنو خاطركم فيه


انجوي


جملك الله برضاه

الحين حمد بيبطل رياضه بسبة كلامك :(
وبعدين وش احلى من ان الواحد يهتم بجسمه , بالعكس احسه اهم من السياره الفخمه وغيرها من الي الكل يقدر يجيبها
لكن هالشي مايقدر عليه الا الشخص الي همته عاليه ويعرف وش يبي , وبعدين عندي لك سؤال بسيط :(
اذا شفتي واحد نازل من بنتلي والا افخم سيارة , وواحد نازل من سيارة عاديه لكن جسمه مرتّب وغير عن كل الي حوله , من بيلفت نظر الناس ؟ :(


حمد ترى تحداني هي الوحيده الي تفكر كذا فالدوحه :(
تمرّن وشد حيلك واذا ضبط جسمك توكل و اخطب احلى بنت وهذا وجهي ان ردّوك :secret:
بس موب تروح وجيبك فاضي وتقول ماراح يردوني:(

الله يوفقك ويوفق حمد فمسعاه

[القنيطرة]

قبل و بعد :omen2:




http://t3.gstatic.com/images?q=tbn:ANd9GcRKa7mz1wcbJ3sJ88phUcps7GVKanqW5 fqry46Y75HLjqTLrKK9Dg

[تحداني]

اوهووووووو انا ما قلت ما يرتب جسمه
خل يرتب جسمه .. ويهتم فيه .. واهم شي ما يكون وزنه زايد ولا كرشه ولا شحم ولا لحم
بس هاي بوعضلات يخرعني .. احسه ما ادري اشلون
لا وبعد يضوقون الثوب من فوق الحين ابروحه الشكل مب حلو بعد اتضوق الثوب

عموما انتوا ابكيفم .. تبون اتشيلون حديد اثقال درامات
بس ترى شوفوا مب اتروحون النادي شهرين وثلاث تتحمسون وبعدها تاكل في هالاعيوش
ترى بتفشون .. خساره وقت وخساره شغل وخساره كل شي

انا قلت لكم
مب باجر اتحطون موضوع اشلون اعود الى ما كنت عليه

[بو خليفه 123]

صايره عصبيه عقب ماصارات مؤسس

[تحداني]

في حد تكلم من وراي انا حسيت
عموما انا موش عصبيه انا انصح حمد .. وانصح باقي الشباب
بما اني مواكبه لهذا العالم .. وعشان يعرفون الخط الافقي والرأسي للمسار والقرار الي اتخذوه .. وهاي يسمونه في علم المصروفات البنكيه .. دراسه الامد البعيد
ومدى خطورته على الخطط الاستراتيجيه القريبه

وسلامتكم

[السلولي]

في حد تكلم من وراي انا حسيت
عموما انا موش عصبيه انا انصح حمد .. وانصح باقي الشباب
بما اني مواكبه لهذا العالم .. وعشان يعرفون الخط الافقي والرأسي للمسار والقرار الي اتخذوه .. وهاي يسمونه في علم المصروفات البنكيه .. دراسه الامد البعيد
ومدى خطورته على الخطط الاستراتيجيه القريبه

وسلامتكم










جملك الله برضاه :shy:

[eXpert*]

- عن نفسيّ حالياً مشترك في (Just GYM) مكانه في ظهر ناديّ السد ويعتبر أكبر (جيم) في الشرق الأوسط .. يعني حتى في أوقات الذروة و الإزدحام تحس المكان فاضيّ من كبر مساحته .. شخصياً ما أحب الأماكن المزدحمة و الإنتظار على الأجهزة الرياضية ..

ميزته تلاقي فيه أجهزة مخصصه لبناء كل عضله على حده .

ميزه أخرى مفتوح 24 ساعة يعني بعد الفجر تمر عليه وأطلع حرتك وتروح الدوام رايق البال مرتاح بإذن الله .

فيه 8 مدربين على حد علميّ من عدة جنسيات (مصر/فلبين/الهند/سيريلانكا/أوروبا الشرقية)

للأمانة أسعار المدربين غالية نوعاً مقارنة ببقية الأماكن ..

يعني 12 حصة تكلف تقريباً 2000 ريال تقريباً ،، بينما في أماكن أخرى تكلف ما بين 900 إلى 1200 لنفس عدد الحصص ..

3 شهور ممتازة ،، لكن يعتمد على جسمك ونسبة الدهون في الجسم ..

توكل على الله و أي إستشارة أنا حاضر :)

[باراكودا]

شكلك ياحمد ناوى نية على اللى يردون على مواضيعك بطريقة أستفزازية
بس ممكن تقول لنا أى منطقة تبى وبرد عليك .

[ابوعلي]

اشك ان اخونا حمد بيستمر وممكن مثل الكثير من الناس يدفع وما يحضر الا مرتين او ثلاث خاصة اذا حس بالتعب في البداية


اخوي حمد نصيحه اذا بتبتدي

لا تشيل اوزان ثقيله ولكن اوزان خفيفه ( تكرار )

كثر من التمارين السويديه

كثر من شرب الماي

تجنب الخرابيط ( البروتينات ) وعوض بالاكل مثل السمك وخاصة التونه واللحم بدون دهون


وموفق خير والخوف ترضخنا عقب اذا سكرنا لك موضوع

[jaf111]

التمرين مثابرة ومخ
ليش تبي تتمرن ؟ أي جسم تبغي توصل له ؟
اذا تبي تصير هوقن بسيطة " كم كورس قروث "هرمون نمو " !! " نفس اللي يسوونه البعض عشان يزيد من اللحم والعضل
نفس بعض الناس كنهم مخترعين الذرة أخرتها كله هرمونات و مكملات كراتين ومنضفات للكبد وحالة شالله حادهم
أنا أنعرض علي كم مرة وبإلحاح أني أخذ غروث ولكن أرفض وإلى الآن ارفض .

تبي جسم صح وسليم أبدا بتقوية الcore اللي هو البطن واسفل الظهر والرجل لان ناس واجد للأسف هالعضلات ضعيفة والشغلات الثانية منفخهم ٬ غلط هذي راح يعرضك للإصابات مستقبلاً أو في حمل الأوزان الثقيلة .
ومافي مشكله تستخدم كم مكمل غذائي وأستشير أهل الخبرة.

وأعلم أن موازين القوة أختلفت في هذا الزمن ٫ فبإمكان المقعد المشلول قتل أقوى رجل في العالم بضغطة زناد
فلاتحمل نفسك مالاتطيق فتظلمها

أنصحك وأنصح كل رجل بتقوية جسمة بالتمارين أو بغيرة من الرياضات أو الأنشطة

[jaf111]

في صالات كثيرة
أفضلهم بلا منازع جست جم في نادي السد .
وفي صالات واجد في الماسة و جست فتنس وفتنس فيرست وفي صالات في ازغوى و السد

في الفنادق " الرتز - الشيرتون - فورسيزونز " إذا تبي مكان هادي
بس إشتراكم مايقل عن ١٥ الف سنوياً

[حسن]

اوهووووووو انا ما قلت ما يرتب جسمه
خل يرتب جسمه .. ويهتم فيه .. واهم شي ما يكون وزنه زايد ولا كرشه ولا شحم ولا لحم
بس هاي بوعضلات يخرعني .. احسه ما ادري اشلون
لا وبعد يضوقون الثوب من فوق الحين ابروحه الشكل مب حلو بعد اتضوق الثوب

عموما انتوا ابكيفم .. تبون اتشيلون حديد اثقال درامات
بس ترى شوفوا مب اتروحون النادي شهرين وثلاث تتحمسون وبعدها تاكل في هالاعيوش
ترى بتفشون .. خساره وقت وخساره شغل وخساره كل شي

انا قلت لكم
مب باجر اتحطون موضوع اشلون اعود الى ما كنت عليه

ذكرتيني بولد عمي صاره عشرين سنه وهو يتمرن حديد بس عقب صادته اصابه في الظهر
وفعلا لين كان لما يمشي ويده مفوشحه
تقولين قبقب من قباقب السميسمه الاوليه
اقوله ليش يقول ياخي عضلاتي كبار ماقدر اضم يدي

ياحمد في صاله اخبرها في ام غويلينه خاصه عجيبه كلها بتان واجهزتهم مايحتاج
قواطي نيدو وقاطي عصير تنق في بيب وخرسانه
تدرب وياهم وكلها شهر بتشوف عظلاتك
ولا جون رامبو

بالتوفيق

:victory:

[بونووف]

وينه حمد شكله خذ جرعة زايده

[eXpert*]

ذكرتيني بولد عمي صاره عشرين سنه وهو يتمرن حديد بس عقب صادته اصابه في الظهر
وفعلا لين كان لما يمشي ويده مفوشحه
تقولين قبقب من قباقب السميسمه الاوليه
اقوله ليش يقول ياخي عضلاتي كبار ماقدر اضم يدي

ياحمد في صاله اخبرها في ام غويلينه خاصه عجيبه كلها بتان واجهزتهم مايحتاج
قواطي نيدو وقاطي عصير تنق في بيب وخرسانه
تدرب وياهم وكلها شهر بتشوف عظلاتك
ولا جون رامبو

بالتوفيق

:victory:

متأكد أم غويلينه ؟ أخبرها في رميلة وكنت أتمرن فيها قبل 11 سنة ...

و أحلى شئ فيها كان الإشتراك الشهريّ 50 ريال قطري :nice:

جيل الطيبين .. :tease:

[بوعلي2]

يبيله حديد

[meeemz]

اوهووووووو انا ما قلت ما يرتب جسمه
خل يرتب جسمه .. ويهتم فيه .. واهم شي ما يكون وزنه زايد ولا كرشه ولا شحم ولا لحم
بس هاي بوعضلات يخرعني .. احسه ما ادري اشلون
لا وبعد يضوقون الثوب من فوق الحين ابروحه الشكل مب حلو بعد اتضوق الثوب

عموما انتوا ابكيفم .. تبون اتشيلون حديد اثقال درامات
بس ترى شوفوا مب اتروحون النادي شهرين وثلاث تتحمسون وبعدها تاكل في هالاعيوش
ترى بتفشون .. خساره وقت وخساره شغل وخساره كل شي

انا قلت لكم
مب باجر اتحطون موضوع اشلون اعود الى ما كنت عليه
فعلا مع الثوب منظر بشع

[حمد 2002]

:strong3: تم تأجيل الفكره حتى اشعار اخر الى مابعد رمضان ،، بسبب صعوبه التمرين برمضان :(

[تحداني]

ذكرتيني بولد عمي صاره عشرين سنه وهو يتمرن حديد بس عقب صادته اصابه في الظهر
وفعلا لين كان لما يمشي ويده مفوشحه
تقولين قبقب من قباقب السميسمه الاوليه
اقوله ليش يقول ياخي عضلاتي كبار ماقدر اضم يدي

ياحمد في صاله اخبرها في ام غويلينه خاصه عجيبه كلها بتان واجهزتهم مايحتاج
قواطي نيدو وقاطي عصير تنق في بيب وخرسانه
تدرب وياهم وكلها شهر بتشوف عظلاتك
ولا جون رامبو

بالتوفيق

:victory:



الا رجل آلي :)
ما ادري ليش يسون في نفسهم جي
ما ادري من قال لهم ان حلو


بعد الناس اذواق
الله اعلم



فعلا مع الثوب منظر بشع




جدا جدا بشع

جملكم الله برضاه