مطلوب شراء أميال القطرية

[السلولي]

السلام عليكم ورحمة الله وبركاته


مطلوب شراء 500.000 ميل على القطرية، اللي عنده ومستعد يبيع
ما عليه أمر يتواصل معاي، ولكم جزيل الشكر

[تحداني]

في قسم السفر والسياحه حاطين عروض حلوه
عاد اهم شي الاسعار تكون على الملأ مب رساله خاصه ولا حد درى ولا شاف
ما يصير جي

[القنيطرة]

كم تذكره؟ واي دوله؟ وعلى اي درجه ؟

[فريج النجادة]

كيف تنباع الاميال من يشرح لنا الطريقة

[تحداني]

كيف تنباع الاميال من يشرح لنا الطريقة




بعطيك الي صار لي وانت قيس عليها اي سفره ثانيه .. اوووكي ؟؟
رحت ماليزيا اسملى عليك من هالبلد في ظل ظروف اجباريه بعيد الشر عليك اطب هالبلد
التذكره كانت درجه رجال اعمال : 8500 ريال
وكان عندي يومها 72 ما ادري 73 الف ميل

عشان اقدر اشتري هالتذكره بالاميال فلازم يكون عندي 75 الف ميل تقريبا
وهاي يعادل 8500 ريال بحسبه القطريه المعتمد

الحين انا عندي 72 الف ميل وناقصتني تكه اصغيره
عطيتهم كل الاميال وشريت بــ 200 ريال حسب سعر موقع الخطوط الجويه القطريه الالفين المتبقيه


وغير الالف الكاش ضريبه ومن الي مالوش لزمه له


في ناس عندها اميال تقريبا 72 الف ميل اتبيعهم عليك بأقل من 8000 ريال
يمكن ما يحتاج لهم فإذان كان اقل اشتري
اما اذا كان نفس سعر القطريه قول له خل الاميال لك

وسلامتكم


جملك الله برضاه

[السلولي]

في قسم السفر والسياحه حاطين عروض حلوه
عاد اهم شي الاسعار تكون على الملأ مب رساله خاصه ولا حد درى ولا شاف
ما يصير جي




لفيت القسم بالطول والعرض ومافي شي :weeping:

[تحداني]

لفيت القسم بالطول والعرض ومافي شي :weeping:




جرب تنتقل للصفحه رقم " 2 "
او " 3 "

واللاهي شفته

:(