مطلوب شراء أميال القطرية

[السلولي]

السلام عليكم ورحمة الله وبركاته


مطلوب شراء 500.000 ميل على القطرية، اللي عنده ومستعد يبيع
ما عليه أمر يتواصل معاي، ولكم جزيل الشكر

[مخطط قطري]

عندي نصهم اذا يجوز لك وبابيعهم بس افضلك تصدير التذاكر وتكون على صوره تذكره اوفرلك واذا بقيتها في حسابك ماعندي مانع

[خليفـة]

بعد إذن صاحب الموضوع

عندي حول آل 50 ألف
كم يسوون لو حبيت أبيعهم !
واشلون استبدلهم بمشتريات !

[مخطط قطري]

خليفه مانصحك تبدلهم بمشتريات نصابين ومبالغين واجد في اسعار المنتجات لو حبيت تبدلها باميال خلها للسفرات ابرك ودايمن اخذ نص اميال ونص كاش اوفر لك عند حجز التذكره او بيعهم برا

[BuTurki®]

لو سمحت للحين عندك اميال اخ مخطط

[مخطط قطري]

مرحبا بوتركي لا ياخوي هونت من بيعهم ماترزى انا بعد سفراتي واجد بس كنت زعلان منهم ذاك اليوم لانه حركاتهم السخيفه مايخلونها دايمن مافي مقاعد للاميال يعني تحجز تذكرتك بتورايخهم هم مش بتواريخ انت تبيها والحين رتبت اموري

[برشلوني قطر]

خليفه مانصحك تبدلهم بمشتريات نصابين ومبالغين واجد في اسعار المنتجات لو حبيت تبدلها باميال خلها للسفرات ابرك ودايمن اخذ نص اميال ونص كاش اوفر لك عند حجز التذكره او بيعهم برا


اخوي مخطط ولا عليك امر ممكن توضح ليش تنصح نص اميال ونص كاش ؟؟


والسموحه من صاحب الموضوع

[qatar30]

اخوي برشلوني قطر بنسبه حق نص اميال ونص كاش ماتسوى شي مثل الاميال يعني ماقدر تغير الحجز في اي وقت ممكن تروح عليك التذكره هذا مشكله اخذها بفلوس احسن لك خل لاميال حق سوق الحر او الوزن

[برشلوني قطر]

اخوي برشلوني قطر بنسبه حق نص اميال ونص كاش ماتسوى شي مثل الاميال يعني ماقدر تغير الحجز في اي وقت ممكن تروح عليك التذكره هذا مشكله اخذها بفلوس احسن لك خل لاميال حق سوق الحر او الوزن


هلا اخوي

ماقدر اغير الحجز عرفت ...:nice:

لااااكن اشلوون في اي وقت ممكن تروح .؟؟

وسؤال..انا ولا مره استخدمت الاميال ..الحين اذا رجعت من سفرتي كيف ممكن استخدمهم

فالمطار والا السوق الحره الي فالدوحه بسس ؟؟ واشلون اتعامل معاهم..هل اعطي

الكاشير رقم العضويه ؟؟ والشي الاخير مثلا نقول عندي 30 الف ميل كيف اعرف

كم تسوى من المشتريات ؟؟؟

وآسف ع الاطاله

[qatar30]

هلا اخوي اقصد ترووح عليك التذكره اذا ختها نص اميال ونص فلوس عيني تغير الحجز مايعطونك التاريخ العوده الي انت تبيه عادي يقلولك بعد اسبوعين هذا مشكله فهمت اخوي ثانيا بخصوص السوق الحر بس في المطار الدوحه اوالبرج الي جنب المطار بس على حسب الدرجه البطاقه العنابيه اوفضيه والذهبيه كلهم يختلفون عن الثانيه مثلا عطر قيمته 20000 ميل لو الذهبيه تخذها 10000 ميل لو الفضيه 15000
لو بغيت شي انا حاضر لك اخوي

[برشلوني قطر]

هلا اخوي اقصد ترووح عليك التذكره اذا ختها نص اميال ونص فلوس عيني تغير الحجز مايعطونك التاريخ العوده الي انت تبيه عادي يقلولك بعد اسبوعين هذا مشكله فهمت اخوي ثانيا بخصوص السوق الحر بس في المطار الدوحه اوالبرج الي جنب المطار بس على حسب الدرجه البطاقه العنابيه اوفضيه والذهبيه كلهم يختلفون عن الثانيه مثلا عطر قيمته 20000 ميل لو الذهبيه تخذها 10000 ميل لو الفضيه 15000
لو بغيت شي انا حاضر لك اخوي


ماقصرت اخوي...كفيت ووفيت..

يعني كلشي مسعر عندهم اهنااك...كنت افكر ان نفس نقاط كيوتل تدخل الموقع

ويقولك تشتري بمبلغ كذا من المكان الفلاني..

السموحه من صاحب الموضوع

للرفع وان شاءالله تلقى طلبك

[مخطط قطري]

اخوي مخطط ولا عليك امر ممكن توضح ليش تنصح نص اميال ونص كاش ؟؟


والسموحه من صاحب الموضوع

اخوي برشلوني الله يمسيك بالخير خذ العلوم اللي على وكاد وانا رجل كثير السفر وعارف وش الافضل
بعطيك امثله نفرض انك حسابك في الاميال 75 الف والحين تبي تستفيد من حسابك عندك كذا خيار
الاول تشتري من السوق المخصص للاميال واللي وانا شخصيا رحت صاله الدرجه الاولى ورجال الاعمال في الطابق الارضي وعجبتني ساعه وتقريبا على ماذكر 2000 ريال قيمتها وبتحويل للاميال مطلوب منك 75 الف وانا على الفضيه
الخيار الثاني تحولها تذكره بزنس على اي وجهه اوروبيه ولنفرض باريس قيمه التذكره تترواح بين 12500 لين 20 الف حسب السيزون طبعا دوحه -باريس- دوحه انت بس تدفع 1200 رسوم فقط وتحصل تذكره اقل قيمه لها 12 الف يعني وفرت اكثر من 10000 على اقل تقدير
الخيار الثالث تبيعهم وهذي مالها سوق وطبعا من 8000 لين 10000 سعرها بس الافضل تصدر التذكره انت وتخيره وين يبي ومثلا انا اشتريها من شخص مثلا ب8000 انا ربحان مع الرسوم وكمثال السابق باريس
وهو ربحان تقريبا 7000 اذا خصمنا الضريبه فانت هنيه ربحت 7000 كاش في الخيار الثالث
الخيار الرابع تحول نقاط حق شخص وهذي خساره لك كبيره ومانصح فيها لانه في كل 1000 تحويل اعتقد 50 دولار
الخيار الخامس والاخير وهو اللي انا دايمن اسويه اشتري نص كاش ونص اميال ولنفرض مثلا باريس راح ياخذون مني 37500 ميل وكاش مع العمولات تقريبا 4500 واوقات توصل لين 5000 بس اذا حاسبتها على تذكرتين انت راح تدفع فقط 9000 مع الضرائب في حين انت اقل شي تدفع حق تذكرتين لباريس اقل شي 25 الف هذا ارخص شي حاسبه لك واوقات توصل لباريس 40 الف بزنس
اتمنى وضحت الامور لك واي استفسار انا حاضر
الخيار الاول =٢٠٠٠ ريال مشتريات
الخيار الثاني = ١٠٠٠٠ ريال تذكره
الخيار الثالث =7000 ريال كاش
الخيار الرابع = قيمه التوفير بتكون اكبر سواء كاش او سفر
وبنسبه للي يقلون تروح عليك التذكره حتى الكاش اذا كانت مش فلكسبل تروح عليك بعد اكيد اذا حجرت مقعد وماسافرت حسب البولسي تروح عليك فانت ضبط امورك ورتبها

[مسافي]

مافي عروض بين القطرية ونوكيا مثل قبل؟

[برشلوني قطر]

اخوي برشلوني الله يمسيك بالخير خذ العلوم اللي على وكاد وانا رجل كثير السفر وعارف وش الافضل
بعطيك امثله نفرض انك حسابك في الاميال 75 الف والحين تبي تستفيد من حسابك عندك كذا خيار
الاول تشتري من السوق المخصص للاميال واللي وانا شخصيا رحت صاله الدرجه الاولى ورجال الاعمال في الطابق الارضي وعجبتني ساعه وتقريبا على ماذكر 2000 ريال قيمتها وبتحويل للاميال مطلوب منك 75 الف وانا على الفضيه
الخيار الثاني تحولها تذكره بزنس على اي وجهه اوروبيه ولنفرض باريس قيمه التذكره تترواح بين 12500 لين 20 الف حسب السيزون طبعا دوحه -باريس- دوحه انت بس تدفع 1200 رسوم فقط وتحصل تذكره اقل قيمه لها 12 الف يعني وفرت اكثر من 10000 على اقل تقدير
الخيار الثالث تبيعهم وهذي مالها سوق وطبعا من 8000 لين 10000 سعرها بس الافضل تصدر التذكره انت وتخيره وين يبي ومثلا انا اشتريها من شخص مثلا ب8000 انا ربحان مع الرسوم وكمثال السابق باريس
وهو ربحان تقريبا 7000 اذا خصمنا الضريبه فانت هنيه ربحت 7000 كاش في الخيار الثالث
الخيار الرابع تحول نقاط حق شخص وهذي خساره لك كبيره ومانصح فيها لانه في كل 1000 تحويل اعتقد 50 دولار
الخيار الخامس والاخير وهو اللي انا دايمن اسويه اشتري نص كاش ونص اميال ولنفرض مثلا باريس راح ياخذون مني 37500 ميل وكاش مع العمولات تقريبا 4500 واوقات توصل لين 5000 بس اذا حاسبتها على تذكرتين انت راح تدفع فقط 9000 مع الضرائب في حين انت اقل شي تدفع حق تذكرتين لباريس اقل شي 25 الف هذا ارخص شي حاسبه لك واوقات توصل لباريس 40 الف بزنس
اتمنى وضحت الامور لك واي استفسار انا حاضر
الخيار الاول =٢٠٠٠ ريال مشتريات
الخيار الثاني = ١٠٠٠٠ ريال تذكره
الخيار الثالث =7000 ريال كاش
الخيار الرابع = قيمه التوفير بتكون اكبر سواء كاش او سفر
وبنسبه للي يقلون تروح عليك التذكره حتى الكاش اذا كانت مش فلكسبل تروح عليك بعد اكيد اذا حجرت مقعد وماسافرت حسب البولسي تروح عليك فانت ضبط امورك ورتبها


الله يمسيك بالنور اخوي مخطط..كفيت ووفيت وعسى عمرك طويل

بالنسبه للخيار الثالث ..من 8000 الى 10000 كم ميل ؟؟ 75 الف .؟

والسؤال الاخير هل ممكن نستخدم الاميال فالطياره من المشتريات الي فالمتيب ؟ <<لان فالرجعه ماذكر اني امر ع السوق الحره..

الصراحه الخيارات كثيره.. ماقصرت يالغالي