مروحة تبريد ماء الخزان ( مشورتكم )

[ahmed8]

السلام عليكم

بغيت رايكم بمروحة تبريد الخزان
لان جهاز تبريد الخزان غالي الصراحه ولازم اغطي البيبات بعازل
والتكلفه فوق ال5000
المروحه بـ900 البعض مدحها لي والبعض يقول تدخل تراب فقلت فابي رايكم

[w.qatar]

والله انا بعد سئلت و ناس قالوا لي عند تدمر جهاز تبريد بس ماعرف بكم يقولون لي هذا احسن شي فالسوق اتمنى اللي عندهم خبره يفيدونا

[بو الجوري]

و الله ياخوي أنا ركبت من إسبوع المروحه اللي بـ 999

الصراحـه ماحسيت بفرق :(

إذا تبي تبريد مضبووووط مالك إلا الغالي اللي يكون نفس الثلاجه

[ABDALAZiZ]

حبيبي أفضل شئ تسويه انك تروح تشتري مبرد من تدمر ب3500 عليه جرنتي 5 سنوات مع الصيانة بحكم تجربة وماشي معاي من احلى ما يمكن

[السويدي 88]

و الله انا مع اخوي عبدالعزيز مالنا الا الغالي
لان انا ركبت المروحة بعد من سنه تقريبا و لا في فرق الماي حار حار

[ابوالحارث]

انصح بعدم استخدام المروحة لعدة اسباب منها ان غطاء المروحة مصنوع من الفيبر جلاس وهذا خطر على صحة الانسان اذا تسرب منه لتانكي الماء.

[مضارب دوسري]

روح تدمر الغالي سعره فيه وبتحس بفرق
اما الرخيص اذا شريته بيخترب وببتشتري ثاني وثالث ورابع
فالاخير بيطلع لو شريت الغالي من الاول احسن

[أم وضاحي]

انا مركبة جهاز التبريد اللي من تدمر من 5 سنوات
ب 3500 ريال
و لا قالوا سي من اللي أنت قلته
من مسألة تبيديل البيبات و غيره
كل إللي سويناه مضله
و الماي مثلج و لا أروع
و خدمتهم ممتازه و سريعين في الأستجابه
و الحين في بيتي الجديد
تعاقدت معاهم على التبريد و السخان المركزي
بس

[ابوعلي]

اخوي للعلم

المروحه ما تفيدك بشي اذا الخزان ٨٠٠ جالون او اقل بشوي وعن تجربه

المروحة مخصصه للخزانات الصغيرة

[عيسى111]

طن ونص من تدمر بـ 3150 ريال

[ولد المنصور]

انا المروحه جربتها ومشت حلاوه ,, صحيح الماي مب بارد بارد بس فرق بعد ماركبتها ,, معقول جداا

[almaf1a]

اذا بيباتك تضربها الشمس ماراح تنفع المروحه
مثال المروحه ماشيه معاي ميه ميه
في نفس البيت عند اخوي الماي احر من عندي والسبب بيباته جايه جهة الشمس

[محاسب]

شفت تجربه ممتازة جداااا ............ والماء بارد.... لدرجة نك تستخدم السخان لتخفيف البروده في حالة الاستحمام .,,,,, (بمكيف ويندو طن ونص)
وهي وضع الخزان والفلتر وإذا فيه سخان مركزي ...,,, داخل غرفه السطح وتركيب مكيف
ب1000 ريال ,,,,,,,,,,,,,,,,,,,,,,,,وسلام.

[معماري قطري]

شفت تجربه ممتازة جداااا ............ والماء بارد.... لدرجة نك تستخدم السخان لتخفيف البروده في حالة الاستحمام .,,,,, (بمكيف ويندو طن ونص)
وهي وضع الخزان والفلتر وإذا فيه سخان مركزي ...,,, داخل غرفه السطح وتركيب مكيف
ب1000 ريال ,,,,,,,,,,,,,,,,,,,,,,,,وسلام.

صح كلامك .. بس لتسهيل التبادل الحراري نفتح غطاء الخزان جزئياً حتى تتسرب الحرارة أسرع.

[ولد المنصور]

بس احس فيها خطووره انك تخلي المكيف شغال ع طول ..
وجه نظري مروحه سحب البخار وتغطي الخزان بمظلات الكوك سبان افضل ..

[محاسب]

صح كلامك .. بس لتسهيل التبادل الحراري نفتح غطاء الخزان جزئياً حتى تتسرب الحرارة أسرع.
تسلم ,,,,
تخشى من فتح الخزان دخول الاغبار..

بس احس فيها خطووره انك تخلي المكيف شغال ع طول ..
وجه نظري مروحه سحب البخار وتغطي الخزان بمظلات الكوك سبان افضل ..
لالالا ,,,, لاتخلي المكيف شغال ع طول
1- استخدم مفتاح كهربائي (تايمر) ينظم فتح واغلاق المكيف
2- نزل مفتاح المكيف عندك باقرب وانسب مكان داخل البيت (شغل كهربائي وبسيط ومايكلفك شي)