الفزعه ولخويا في خدمه الكرك والسوالف !!!!!!!!!!!!!!!

[حمد 2002]

السلام عليكم ورحمه الله وبركاته

المووضع يحمل العنوان التالي

(( الفزعه ولخويا في خدمه الكرك والسوالف !!!!!!!!!!!!!!! ))


عده مرات اجوف سيارات الفزعه ولخويا عند وقت الشاي = الجاي بدحيل طق سوالف وضحك وتكرك ، يعني ايجونك سياراتين لخويا ايصفون جنب بعض وايسولفون مع بعض لمده ساعه او ساعتين = تضيع وقت ،،،

هل ماعندهم شغل لين هالدرجه !!!!!!!!!!!!!!!!

والبوقات والسرقات الي نسمع عنها بالمنتديات ، وين دور لخويا والفزعه عنها !!!!!!!!!!!!

هل ينتظرون فقط لين ايجيهم بلاغ !!!!!!!!!!!!!!!!

ليش ماياخذون هم دور المبادره في صيد المجرمين والبواقين !!!!!!!!!!!!!!!!!!!!!!!!!!

هل مفهوم الشرطه في خدمه الشعب تغير ، ليصبح المفهوم التالي الشرطه في خدمه الكرك والسوالف هو الاصح !!!!!!!!!!!!!!!!!!!!!!!!!!!!!!!

ليش مانجوف شرطتنا نفس شرطه امريكا ، الواحد ايخاف منهم وايهابهم !!!!!!!!!!!!!!

والحديث يطول في هذا الجانب ،،، لذا سأترك لكم باب التعليق والحديث حول ذلك ،،،

الموضوع مفتوح للنقاش العام على مصراعيه وفقا لسياسه المنتدى وبدون الخروج عن الإطار العام للمووضع ،،،،

تحياتي للجميييع ،،،

[عضوو]

ليس ممنوعا أن يقوم الشرطي بالتوقف للأستراحه عند كافتيريا او سوبر ماركت في جميع

دول العالم

[حمد 2002]

ليس ممنوعا أن يقوم الشرطي بالتوقف للأستراحه عند كافتيريا او سوبر ماركت في جميع

دول العالم

بس استراحه عن استراحه تفرق :rolleyes2: ،،،

تحياتي لك ،، :victory:

[أسد الجزيرة]

من حقهم و يستاهلون اللخويا على مجهودهم الكبير في تسهيل حركة المرور

جزاهم الله خير

[شبح الصمت]

اخوي حمد بارك الله فيك

تراهم بشر وينفسون على انفسهم وقايمين بواجبهم

وحط شي في بالك اهم في مناطق المخصصة لهم يعني حوالين المواقع التي يأمرون بها ..

يعني سهلات وعادي ويا مرحبا فيهم اهم في خدمتنا واحنا لو يطلبون عيونا لهم ..


وملاحظة ورداً على كلامك بخصوص شرطة امريكا يوقفون ويتحسون الكوفي وياخذون لهم دونيت ويمرون يتريقون من قالك انهم على طول شغالين اشدعوة مكاين وشنو تقصد بالحزم والشدة ..

شبابنا لو شدوا قلتم مافيهم خير ولو رخوا قلت ياليل ما منهم فايده


الحين لو وقفك واحد وانت مخالف وتميت تقوله يالشيخ آخر مره ومشاك بتقول عنه انسان غير حازم والا شاف انك عرفت خطأك وسامحك ..

اخوي حمد وبقولك ملاحظة انت على مكتبك جالس والمكيف يدف على وجهك وهم في هالشمس صج مكيف بس وشو حالته ينزل ويمشي الطريق ..

يعني اقلها شكر مهب نقد نقد ولو نقد بناء مهب مشكلة لكن على ريوق ..




:)

[Cover]

حق من حقوق أي بشر في الدنيا

[ألماسة]

كلامك فيه نوع من المبالغة اخوي الكريم

ماشوف فيها اي مشكلة ان مر أي شرطي وخذ له كرك والا حتى بريك صغير

انت نفسك في مجال عملك ماتسير على زملائك في العمل..؟

ما تاخذ لك بريك وقت العمل..؟

ترى هم بشر وماشاء الله مب مقصرين في خدمة البلد ... والكل يشهد بذلك

ماله داعي تسوي بلبله في المنتدى على شي مايستاهل

ووقفة احترام وشكر وتقدير لكل موظفي لخويا ... وكل شرطي قاعد يخدم دولتنا قطر


تحياتي لك اخوي الكريم

[عضوو]

فيه ناس في المكاتب تقضي يومها كامل سوالف وتلفونات وأكل وزيارات للمكاتب الثانيه

وقراءة جرايد هذول اللي يستاهلون الأنتقاد أكثر من الشرطة لان الشرطي على الأقل

مستعد لأي بلاغ على الجهاز يعني أسوأ شرطي وقت البلاغ تلقاه جاهز*

[aziz4z]

ترى غلطان يا حمد
هم ينظمون مشتري الكرك و الجباتي , و عشان يسلفون , ممكن يناقشون مشكلة معينة
أحسن الظن بالناس

[daekan]

اخوي اترك منك الكلام في الاخويا
اكثر قسم مكروف في الداخلية تلاقيهم واقفين على الدورات يقومون بدور اداره المرور
في الجرائم اول الحضور قبل الفزعه
مافيها شي اذا وقف وشرب كرك وهو على الجهاز مستعد لاي بلاغ
اهم افضل مني منك احنا الي جالسين في المكاتب وقاعدين نكتب في المنتدى

اخيراً
(اجوف) تنكتب اشوف لان اجوف تعني ( فارغ )