مقاضي رمضان من وين؟

[غزلان]

تعوده الأسره القطريه من سنوات على شراء مقاضي رمضان من الحسا لرخصها كما يقولون

بعد انتشار مرض كورونا الله يشفى المرضى ويقضى على المرض في كل مناطق المملكه اغلب الأسر صابها الخوف من المخاطره والسفر الى الحسا كعاده كل سنه في شهر شعبان

من وين بتاخذون مقاضي رمضان ؟

[عيون الدوحة]

جمعية الميرة

[وطن]

مافي شي في الاحسا

مريت عليها من اسبوعين
واهلي راحوا الويك اند اللي طاف


وبخصوص المقاضي
من الدوحة
اللولو
الميرة ... الخ


:)

[موظف ((حكومي]

انا مخلص من العثيم مول في الاحسا لي 3 مرات اروح اقضي لهاشهر الكريم

[فرحة الكواري]

اللولو

عروض رائعة بدون مبالغه ولا دعاية

[Qt.1]

ياجماعه ترى هو شهر مثل اي شهر !! واتقضى له من اي مكان .

[البحار00]

توني واصل من الحسا

والحمد لله خذنا أغراض رمضان وأغراض العيد للعيال

[ذكي جدااا]

من الميرررة بالتأكيد والخرفان من العزبة.

[ألماسة]

الأهل توهم رادين هالويكند من الحسا

خلصو مقاضي رمضان واغراض العيد لليهال

[دااانة قطر]

اللولو بلامناازع الأساسيات اول شي وبعدها نبتدئ كل يومين في الجمعية على حسب ألمنيو

[ورد الدوحه]

ميغا مارت و سبينس

[بو الجوري]

أنـا عن نفسي ، من أي مكان لآن كل إسبوع أروح أخذ اللي نحتاجه وناقصنـا

يعني ما أخذ كل شي حق شهر كامل

بس شكلي هالمره بروح اللولو أشوف الأعضاء يمدحونـه !
مع إنه زحممممه :(


و العيش و الشكر و الزيت مال التموين :)

و مبارك عليكـم الشهر مقدمـًا

[ذيب سرحان]

الحسا مافيها اي شي رخيص وحماية المستهللك حاطين اسعار ثابته ومخفضين الاسعار في رمضان .

[غزلان]

اشوف امي قررت السنه تاخذ كل اسبوع حسب ماتخلص الأغراض ونحتاج واشوفه احسن شي للتوفير والتنظيم بدل ماناخذ اشياء مانحتاجها

وكل عام وكلكم بخير وتقبل الله طاعتنا جميعا وبلغنا رمضان واحنا باحسن حال وفرج على اخوانا في الدول العربيه

[Mohammed2]

مادري شفي الناس كأنهم بس في رمضان ياكلون
وباقي السنه لا

مثل مانشتري من الجمعيات طول السنه اكيد في رمضان نفس الشي

[ورود بيضاء]

احس في رمضان بتصير في مجاعة والاكل بينقرض هو نفس الشهور الباقية والله مافي داعي لكل هالزحمة اللي تصير

[فرحة الكواري]

لكل الردود اللي جات بمعنى .. مدري شفي رمضان مجاعه ولا نفس باقي الشهور

لا يا اخواني واخواتي

من المعروف في شهر رمضان تبادل موائد الافطار بين الاقارب والاهل فشي طبيعي تزيد المقاضي
وتكون اكثر من اللي نشتريه كل شهر او كل اسبوع ...

الموضوع واضح ... السؤال وين تتقضون مب ليش هذا الاسرا ولا شنو رايكم ... !!

مع احترامي لصاحب الموضوع بس حبيت اوضح لبعض الردود اللي مالها داعي : )

[لبيبة]

كله من المجمعات في الدوحة.

[w.qatar]

الميره او اللولو الحمد لله كل شي متوفر و عيش التموين صار شحلاته

[غزلان]

لكل الردود اللي جات بمعنى .. مدري شفي رمضان مجاعه ولا نفس باقي الشهور

لا يا اخواني واخواتي

من المعروف في شهر رمضان تبادل موائد الافطار بين الاقارب والاهل فشي طبيعي تزيد المقاضي
وتكون اكثر من اللي نشتريه كل شهر او كل اسبوع ...

الموضوع واضح ... السؤال وين تتقضون مب ليش هذا الاسرا ولا شنو رايكم ... !!

مع احترامي لصاحب الموضوع بس حبيت اوضح لبعض الردود اللي مالها داعي : )


مشكوره وجزاك الله خير انك وضحتي لأن بعض الردود مالها علاقه بالسؤال

[قطريه ماركه]

الميره

[نوار قطر]

انا خذت من مسكر ومن المخازن في حياة بلازا ومن الجمعيه الي في فريجنا