عاجل ..... حد يفيدني ؟

[بنت الطائي]

السلام عليكم ورحمة الله وبركاته

محتاجة شوركم اخواني للضرورة قبل ما ادفع !!!!!!!!!!!!!!!!!

زوجي بنى بيتنا وراح نركب حجر سعودي عليه

طلع علينا ب 876175 الف ريال :anger1::anger1:

ومجموع الحجر للفيلا : 1000 مت مربع تقريباً

والواتر بروف خذ علينا 80 الف ريال قطري :anger1::secret:

هل هذي اسعار حقيقية ام مبالغ فيها

طبعا اتفقنا مع شركة موجودة في قطر ( المقاول تبع بيتنا )

تونا ما دفعنا الفلوس اصلا ما عندي هالمبلغ اللي بيكلفني حوالي مليون ريال عشان تركيب حجر سعودي

ابي افادتكم

وشي ثاني يصير عن طريق زوجي بنفسه يطلب حجر سعودي من مصانع موجودة بالسعودية !!!!!!!!!!!؟

[حسن]

نصيحه لك عاجله قبل لاروح الشغل

شةفي المسند للعوازل واتفقو معاه بدون نقاش هو السعر الحقيقي عنده بعدين على جسب المتر هو
الحجر نفس الشي ونصيحه يروح السعوديه ارخص له ونصيحه مني انا مركب حجر سعودي والله لو عندي فرصه لاشله كامل ماينفع كلش يا حجر اردني ولا سوري

[بنت الطائي]

نصيحه لك عاجله قبل لاروح الشغل

شةفي المسند للعوازل واتفقو معاه بدون نقاش هو السعر الحقيقي عنده بعدين على جسب المتر هو
الحجر نفس الشي ونصيحه يروح السعوديه ارخص له ونصيحه مني انا مركب حجر سعودي والله لو عندي فرصه لاشله كامل ماينفع كلش يا حجر اردني ولا سوري

شلون اقدر اتواصل مع المسند للعوازل

[jassim69]

مد رويلاتك على قدك لحد احمل نفسه فوق طاقته

[بنت الطائي]

مد رويلاتك على قدك لحد احمل نفسه فوق طاقته

اخوي وانا قلت بمد رجولي اكبر من لحافي الله يهديك

انا طلبت منك مساعدة الحمدلله ما علي قاصر بس الغش والبوق ما نبيه في بلادنا

[العلم]

مادري إذا أنا فاهم صح وإلا غلط ..

بس إذا تقصدين الحجر اللي من خارج البيت .. أنا أخوي مركب حجر من جهتين ووجهة المجلس بقريب 70000 الف على ما اضن ..
اتوقع اسم المحل البيت الحديث أو الجديد ..

[abo saif]

العازل
المسند و تدمر
أما الحجر 1000 بهذا السعر مبالغ فيه ويبي ربح عشر سنين
و انا انصح مثل ما قال اخوي يا حجر اردني رويشد او سوري حلبي
والافضل طبعا الحلبي ما عليه كلام
بس حاسب لا تاخذ اللي فيه عروق
يمكن
سعره بدون ديكورات ونحت حجر
200 - 300 الف

وتحياتي لك

[حسن]

شلون اقدر اتواصل مع المسند للعوازل

اتصلي للاستعلامات وطلبي المسند للعوازل وقولي لهم انا مساحه السطح عنده كذا والمترمعروف في مصري نسيت اسمه

[بنت الطائي]

مادري إذا أنا فاهم صح وإلا غلط ..

بس إذا تقصدين الحجر اللي من خارج البيت .. أنا أخوي مركب حجر من جهتين ووجهة المجلس بقريب 70000 الف على ما اضن ..
اتوقع اسم المحل البيت الحديث أو الجديد ..

الله يحفظك

انا قصدي الحجر من خارج البيت كامل مع المجلس والمطبخ

[بنت الطائي]

العازل
المسند و تدمر
أما الحجر 1000 بهذا السعر مبالغ فيه ويبي ربح عشر سنين
و انا انصح مثل ما قال اخوي يا حجر اردني رويشد او سوري حلبي
والافضل طبعا الحلبي ما عليه كلام
بس حاسب لا تاخذ اللي فيه عروق
يمكن
سعره بدون ديكورات ونحت حجر
200 - 300 الف

وتحياتي لك

بس اخوي شلون نقدر نتواصل مع حد عشان يجيب لي الحجر الحلبي

ضروري

[بورصواوي]

اخوي وانا قلت بمد رجولي اكبر من لحافي الله يهديك

انا طلبت منك مساعدة الحمدلله ما علي قاصر بس الغش والبوق ما نبيه في بلادنا

مش غش وبوق كل واحد يحط سعره والي عاجبه يشتري والي مب عاجبه مايشتري

وبعدين مافي شي اسمه سعر موحد كل مكان نفس الماي في الدكان ب ريال والفندق ب 10

يعتمد على اشياء كثيره نوع الحجر والمواد وطريقه التركيب كلها تفرق واذا عندكم فلوس توكلو على الله

[كاروهات]

اتصلي للاستعلامات وطلبي المسند للعوازل وقولي لهم انا مساحه السطح عنده كذا والمترمعروف في مصري نسيت اسمه

قالوا لي ما عندهم الرقم

[بنت الطائي]

قالوا لي ما عندهم الرقم

اتوقع اسمها شركة المسند والله اعلم حتى انا ما حصلت الرقم

[بنت الطائي]

مش غش وبوق كل واحد يحط سعره والي عاجبه يشتري والي مب عاجبه مايشتري

وبعدين مافي شي اسمه سعر موحد كل مكان نفس الماي في الدكان ب ريال والفندق ب 10

يعتمد على اشياء كثيره نوع الحجر والمواد وطريقه التركيب كلها تفرق واذا عندكم فلوس توكلو على الله

وانت ليش زعلان

خسارتك بتكون كبيرة صح :secret:
بقولك شي اخوي حط في بالك ترى قطر واهلها يعرفون عن الحجر وانواعه ولا ليش جيت وسالت لان ابي شورهم يفيدوني وتفاجأت وانا ادور بالنت ان اردى نوع الحجر السعودي

وحتى الفاخر منه له مساويء كثيرة

على عكس الحجر الحلبي اللي طلع افضل نوع ............... :nice:

ومش مشكلة ولا عيب ان نوعي انفسنا واهلنا عن الحجر وانواعه واهم شي اسعاره ولا تنسى ان السعر يختلف من مقاوول لمقاول اخر ...................

تحياتي

[الســـهم]

اختي بنت الطائي ..

انا عندي اقتراح لج اما انه يعجبج او تغضين النظر عنه ..

حاليا وفي عدة فلل وقصور ومشاريع صاروا يستخدمون الفلين لتلبيس المباني ويعطيج شكل الحجر واحلى حتى ..

مب غلط لو بحثتي عن الشركات اللي تشتغل بهالمجال وتشوفين مشاريعهم ..

وعلى فكره تراه عازل حراري وعازل للماء اكثر من الحجر , وعليه ضمان بحدود 20 سنه , ويعطيج الشكل اللي تبغينه وعلى مزاجج ..

تقدرين تشوفين شركة القصر الكلاسيكي لأنه شغال بهالمجال , وفيه شركات ثانية لكني ماعرفهم والله ..

[بنت الطائي]

اختي بنت الطائي ..

انا عندي اقتراح لج اما انه يعجبج او تغضين النظر عنه ..

حاليا وفي عدة فلل وقصور ومشاريع صاروا يستخدمون الفلين لتلبيس المباني ويعطيج شكل الحجر واحلى حتى ..

مب غلط لو بحثتي عن الشركات اللي تشتغل بهالمجال وتشوفين مشاريعهم ..

وعلى فكره تراه عازل حراري وعازل للماء اكثر من الحجر , وعليه ضمان بحدود 20 سنه , ويعطيج الشكل اللي تبغينه وعلى مزاجج ..

تقدرين تشوفين شركة القصر الكلاسيكي لأنه شغال بهالمجال , وفيه شركات ثانية لكني ماعرفهم والله ..


شكرا يا خوي ما قصرت بس ما فهمت شلون شكله هالفلين يعني نفس الحجر

تحياتي لمشاركتك :)

[الســـهم]

شوفي الصورة فالرابط ادناه ..

http://pic.almsdar.net/files/kgu6wufho6xkqvdvuaac.jpg

هذا القصر معمول من الفلين , وصاحبه صاحب شركة القصر الكلاسيكي ..

[alnoida]

ما خاب من استخار ولا ندم من استشار

باين مقاولكم شافط منكم في البنيان حتى شبع وقال أكمل عليهم في الحجر والعازل

أولاً مبارك عليكم البيت الجديد والله يوسع عليكم في الدنيا والأخرة

بخصوص العازل كلفني 40000 ريال لفلتين مساحة كل فيلا 510 م - مع الملاحق بالإضافة الى حمامات الطابق الثاني والبنت هاوس.
إذا حابين أرسل لكم الرقم على الخاص، ومهب شرط التعامل معاه بقدر معرفة التباين في الأسعار بين الشركات.

بخصوص الحجر السعودي، صراحة طيركم السما بسعره.
الواضح من ردودك أنك صرفتي نظر ِعن الحجر السعودي

لكن أتصلت بالمقاول وقال الحجر السعودي، مشتراه من السعودية أفضل وأرخص ويكلف المتر بين 40 و 50 ريال والتركيب بين 45 و 55 ريال

[مغروور قطر]

المكان بسوق المرخية .. بجانب مكتبة ابن القيم .. الدور الثاني
وتلفون المدير التنفيذي للشركة هو 44877514
واسمه نارين .. هندي الجنسية

[أسد الجزيرة]

قريب مليون ليش بيبني فيلا شوفوا غيره

[كب كيك]

السلام عليكم اختي العزيزة
انا نفس حالتك عجزت وانا ادور حجر ،عن نفسي ماافكر الا بالسوري او الاردني لان هو الافضل
وعندك محل الارادة بالمنتزة عندهم اشكال حلوه حجر اردني وعندك العالمية للحجر الاخ /حسن رقمه :55546048
اما بخصوص العازل عملته عند المسند ورقمهم 55374602 الاخ / قيس

[العربية نت]

وليش ماتفكرون في الصبغ الرملي الخارجي عليه ضمان وجيد يعيش وبلاعوار راس من الحجر ومن مشاكله الي يمكن ماتنتهي :eek5:

[معماري قطري]

انا من وجهة نظري الأسعار مبالغ فيها للحجر ولعازل الماء.

أوقات يكون أفضل نسوي تحديد للنوافذ والأبواب بالحجر وممكن زوايا البيت بس بتصميم حلو والباقي نخليه خلفية صبغ أبيض أو بيج .. للواتر بروف المسند أو تدمر أسعار مدروسه صح ومواصفات صح وضمان وشغل صح.

ممكن إستبدال الحجر بنقوشات جي ار سي خفيفة ومتقنة وممكن ينخلط معاها اللون اللي نبيه .. بس للجي ار سي لازم تشوفون شركة تسويه مضبوط ومستحيل يطلع بهالأسعار الخيالية الا يكون كل البيت .. انا قصدي تحديد بعض الأماكن.

[عيون الدوحة]

خلج من الحجر وسوي صبغ

[بنت الطائي]

ما خاب من استخار ولا ندم من استشار

باين مقاولكم شافط منكم في البنيان حتى شبع وقال أكمل عليهم في الحجر والعازل

أولاً مبارك عليكم البيت الجديد والله يوسع عليكم في الدنيا والأخرة

بخصوص العازل كلفني 40000 ريال لفلتين مساحة كل فيلا 510 م - مع الملاحق بالإضافة الى حمامات الطابق الثاني والبنت هاوس.
إذا حابين أرسل لكم الرقم على الخاص، ومهب شرط التعامل معاه بقدر معرفة التباين في الأسعار بين الشركات.

بخصوص الحجر السعودي، صراحة طيركم السما بسعره.
الواضح من ردودك أنك صرفتي نظر ِعن الحجر السعودي

لكن أتصلت بالمقاول وقال الحجر السعودي، مشتراه من السعودية أفضل وأرخص ويكلف المتر بين 40 و 50 ريال والتركيب بين 45 و 55 ريال

بالفعل صرفت النظر عن الحجر السعودي لكن زوجه الله يحفظه مصمم يبي يفتك

وممكن اطرش الرقم يا خوي

[بنت الطائي]

ما قصرتوا يا ناسي وهلي عساكم سالمين وغانمين يا رب

ربي يحفظكم من كل شر