صحفنا المحليه والفبركه والجمبزه .. الى متى؟؟

[لاجئ عاطفي]

http://im32.gulfup.com/wgE2M.png

هذا الموضوع تم طرحه اليوم في احدى الصحف المحليه الملاحط المبالغه في طرح المواضيع فلاحظوا معاي كلمة ( ساعات العمل الطويلة في رمضان ) !!! متى كان الدوام طويل في رمضان ؟؟ اللي اعرفه ان الدوام خمس ساعات من 8 لين 1 فوين المصداقيه يا صحفيينا ؟؟
وبعدين ما المخزى من كلمة تسرب الموظفين؟؟ مافي اي تسرب في بعض الموظفين يطلعون اجازه في رمضان والباقي يدامون فاي تسرب اللي يتكلم عنه صحفينا؟؟ ياليت اشوية مصداقيه في طرح المواضيع بسكم تاليف وتضخيم وفبركه ..!!

[ضوى]

حشو وتضخيم عشان التسويق بس

[المرحب]

تحصل كاتب الموضوع غير قطري

[لاجئ عاطفي]

حشو وتضخيم عشان التسويق بس

مهب بس تضخيم انتي لاحظي انهم يتكلمون عن التسرب معناه ان الموظف القطري مهب مال شغل خصوصا في رمضان القصد ان الموظف القطري يسهر طول الليل ويتسرب عن الدوام الرسمي الطووووويل على كلامه ..!! هذا تشويه للموظف وفيه افتراء وكذب لان في الوقت الحالي قانون الموارد البشره امشدد على موضوع الدوام واغلب الوزارات فيها الحضور والانصراف الي مهب يدوي وفي كيمرات وفيه تقييمات فاي تسرب اللي يتكلمون عنه؟؟؟؟

[مخطط قطري]

هي جات على هذا الاخبار من فترة يابفيت رايحن الوزرات ومصورين المكاتب فاضيه ويقلون انه الموظف القطري مايداوم؟؟؟؟؟؟ وكل يوم طالعلين لنا طلعه با هيكل التنظيمي ولا قانون الموارد اليشريه وعلمت مصادر خاصه يا جماعه تمادت بقوة الجرايد با كذب ولف ودوران ومحد يتكلم ولا اشوف اي اجراء ضدهم لا اخر مرة يوم السليطي تكلم انه صار تغير وزاري وان فهد العطيه صار وزير البئيه وشلو وعقب قامت تتمادى لاسف ماعليهم رقابه نطالب بماحكمة كل من يتكلم عن القطريين بغير وجه حق

[قطريه22]

كلها خمس ساعات طويله في شنو

الظاهر الجريده ماعندهم خبر قامو نزلو هالسالفه

[كبير المتداولين]

ماهو جديد على الصحافه المحليه العناوين العريضه

[حكآية آحسآس]

لازم يكون عندنا وعي بكل شي ينقال عنا احنا القطرين وبعدين هذا يتكلم على اساس شنو ..

وبعدين ساعات العمل مو طويله الا بالعكس مناسبة جداً.

والمفروض محرر الجريده مو اي شي ينزله ويوافق عليه الان كل كتابات الجريده وخاصة الي تلامس الجوانب الاجتماعية لها تاثير قوي على المجتمع القطري وعلى الافكار.


دمتم في رقي .

[أم نواري1]

مفروض نرفع عليهم قضية
ولا نسكت لهم
تجون نوقع قسيمة بأسمائنا ونرفع عليهم قضية
خاصة اللي كتب المقال وحقق في الموضوع وين.؟! ومع من .؟! ورئيس التحرير اللي مشى المقال.!

إلا لو في جهات مانعرفها تداوم طول نهار رمضان نورونا.؟!

[عس عس]

اذا ماخاب ظني هذه جريدة الشرق
ولاتقولون ليش كاتب اسم الجريده
لان هاي عوايدهم

[قطــ86ــر]

مــرتــزقــة

[R 7 A L]

تشويه لسمعة الموظف القطري

[moonبنتnight]

من أمن العقاب ساء الادب 00
كل سنة القطري لا يعمل 00 القطري غير ملتزم 00 القطري راتبه وايد 00 القطري يبي الراتب يجيه البيت 00ونفس المواضيع مكرره 00

[قطــ86ــر]

من أمن العقاب ساء الادب 00
كل سنة القطري لا يعمل 00 القطري غير ملتزم 00 القطري راتبه وايد 00 القطري يبي الراتب يجيه البيت 00ونفس المواضيع مكرره 00

المشكلة في المسؤول "القطري" اللي ياخذ الموضوع على اساي انه فرصة عشان يتملحس عند الكبار و يطلع فيها هو اللي يخاف عالمصلحة العامة !!


اذا خذوا شي في هالدنيا ترى بيجي يوم محد ياخذ فيه الا حقه
و "الموظف القطري" بياخذ حقه من المرتزقة كتاب الصحف و المسؤولين "المتملحسين"