مصـــرف الريـــان خاب الظن فيكم !

[Marazeem]

السلام عليكم

قبل ما أرفع كتاب شكوى على مصرف الريان بكتاب رسمي
حبيت أفضفض شوي في منتدانا !

نصيحة للجميع اللي حاب ياخذ قروض كبيرة لا ياخذ من مصرف الريان !
أكيد راح يزعلون البنك على هذا الموضوع
لكن خدمات البنك في موضوع القروض جداً جداً سيئة !!
تحسفت اني من عملائهم !
يا يحسنون خدماتهم يا انكم كلش ما تفكرون تاخذون منهم قروض

ما راح أتكلم عن طول الاجراء والمماطلة لأن موب هذا موضوعي حالياً

موضوعي اني أسأل بصراحة
الحين موب المفروض لما يكون عندك قرض ينخصم أول ما ينزل الراتب ؟
ويطلع لك في الرصيد حسابك بعد خصم القسط ؟!

للأسف أنا ماخذه قرض عقاري قسطه الشهري 14 ألف
والراتب يا دوب يكفي المصاريف

من البداية وهم يخصمون على كيفهم والظاهر بشكل يدوي
شدعوى ما عندهم سيستم يخصم تلقائي ؟؟؟؟!!!
مره 3 الشهر مره 4 الشهر !!
لييييش ؟!!
وما يوصلني مسج اذا انخصم الا بعد أيام !


وقدمت كتاب أطالبهم انهم يخصمون أول ما ينزل الراتب
ورفعوا الكتاب.. مشى الموضوع شهرين !!

لكن المصيبه هالشهر!
مثل ما تعرفون مع مصاريف رمضان نزل الراتب قبل موعده
وأنا أسحب وأسحب وأشتري في بالي انهم خصموا وخلاص
الآن توه جايني المسج انهم خصموا اليوم !!

والحين رصيدي ما فيه الا أقل من 1000 !!
ليش هالوهقة ؟؟

تونا بداية الشهر والعيد جاي!
حسبنا الله ونعم والوكيل
أتعس بنك تعاملت معاه من ناحية القروض
باقي معاملاتهم جيدة
لو ما عندي هالقرض الكبير والله كان حولت من زمان !!

[أم نواري1]

معقولة تسحب وتسحب من غير لا تشوف رصيدك

أكيد تعرف راتبك كامل كم اللي يتبقى منه بعد المبلغ المخصوم.!!!

قد يكون هناك إهمال منهم لكن أنت ملام في هذه النقطة

[Marazeem]

معقولة تسحب وتسحب من غير لا تشوف رصيدك

أكيد تعرف راتبك كامل كم اللي يتبقى منه بعد المبلغ المخصوم.!!!

قد يكون هناك إهمال منهم لكن أنت ملام في هذه النقطة

الحساب كان فيه مبلغ وفيه شيك تم ايداعه / ضاعت الحسبة !!
بقعد أحسب كل ريال ؟! شفايدة البنوك موب عشان تدير حساباتنا ؟!!
ليش سموه حساب Account !
عشان أعور راسي !!
هذي مهمتهم صراحة !

أنا راسي يصدع من سالفة الحسبة
دامني أشوف أرقام في حسابي أسحب فلوس ع أساسها !
لأني غير متوقعة لخصم مفاجئ مادري من وين طالع !!

لا وبتاريخ متأخر 3 الشهر !

[ورد الدوحه]

بصراحة لازم يخصمون بتاريخ العقد اللي وقعته معاهم
كل 28 او 29 من الشهر
مب على كيفهم

[ضوى]

السلام عليكم

قبل ما أرفع كتاب شكوى على مصرف الريان بكتاب رسمي
حبيت أفضفض شوي في منتدانا !

نصيحة للجميع اللي حاب ياخذ قروض كبيرة لا ياخذ من مصرف الريان !
أكيد راح يزعلون البنك على هذا الموضوع
لكن خدمات البنك في موضوع القروض جداً جداً سيئة !!
تحسفت اني من عملائهم !
يا يحسنون خدماتهم يا انكم كلش ما تفكرون تاخذون منهم قروض

ما راح أتكلم عن طول الاجراء والمماطلة لأن موب هذا موضوعي حالياً

موضوعي اني أسأل بصراحة
الحين موب المفروض لما يكون عندك قرض ينخصم أول ما ينزل الراتب ؟
ويطلع لك في الرصيد حسابك بعد خصم القسط ؟!

للأسف أنا ماخذه قرض عقاري قسطه الشهري 14 ألف
والراتب يا دوب يكفي المصاريف

من البداية وهم يخصمون على كيفهم والظاهر بشكل يدوي
شدعوى ما عندهم سيستم يخصم تلقائي ؟؟؟؟!!!
مره 3 الشهر مره 4 الشهر !!
لييييش ؟!!
وما يوصلني مسج اذا انخصم الا بعد أيام !


وقدمت كتاب أطالبهم انهم يخصمون أول ما ينزل الراتب
ورفعوا الكتاب.. مشى الموضوع شهرين !!

لكن المصيبه هالشهر!
مثل ما تعرفون مع مصاريف رمضان نزل الراتب قبل موعده
وأنا أسحب وأسحب وأشتري في بالي انهم خصموا وخلاص
الآن توه جايني المسج انهم خصموا اليوم !!

والحين رصيدي ما فيه الا أقل من 1000 !!
ليش هالوهقة ؟؟

تونا بداية الشهر والعيد جاي!
حسبنا الله ونعم والوكيل
أتعس بنك تعاملت معاه من ناحية القروض
باقي معاملاتهم جيدة
لو ما عندي هالقرض الكبير والله كان حولت من زمان !!










بالفعل هالكلام ، والمضحك اكثر من هذا انهم يتصلون بالعميل عقب مايسحب الراتب تعال فيه جزء من القرض مانسحب يسحبون على دفعتين ليش مدري

[شموخ دائم]

,

,



مرحبا


موضوعك هذا فيه سوء تخطيط لراتبك من ناحيه
ومن ناحيه ثانيه بنك الريان فيه تقصير ايضا
المفروض يحجز على مبلغ المديونيه يعمل بلوك عليه
واضح هذا السستم غير متبع عندهم
مع انه متبع في اكثر البنوك بقطر

خلينا الان في توزيع راتبك لان هذا بيدك انت
وبيدك الحل ايضا وهو الاسهل من تصليح بنك الريان
:)

موضوع راتبك فيه سوء اداره منك وترتيب

لو فرضنا راتبك 30 الف
ويخصمون منك 14 الف
يبقى لك ( 16 الف )

هذا راتبك الحقيقي كل شهر لك
16 الف تنسق امورك فيها وتوزعها على الشهر كله
والله يبارك لك في حلالك

مع تقدري لوضعك الان وهو شي يضايق فعلا
لكن على الانسان يتعلم من الاوقات الصعبه
:)

دمت بطيب


,

,


اخوك


شموخ دائم

[وطن]

الحساب كان فيه مبلغ وفيه شيك تم ايداعه / ضاعت الحسبة !!
بقعد أحسب كل ريال ؟! شفايدة البنوك موب عشان تدير حساباتنا ؟!!
ليش سموه حساب account !
عشان أعور راسي !!
هذي مهمتهم صراحة !

أنا راسي يصدع من سالفة الحسبة
دامني أشوف أرقام في حسابي أسحب فلوس ع أساسها !
لأني غير متوقعة لخصم مفاجئ مادري من وين طالع !!

لا وبتاريخ متأخر 3 الشهر !

اختي الأحسن لج انج تراقبين حسابج بنفسج
مو تعمدين على البنك بس لادارة الحساب

بطريقتج ممكن تنباقين من البنوك او المحلات وانتي ما تدرين

لازم تراقبين وتدققين في مصاريفج و في السحوبات اللي تتم في حسابج

[Marazeem]

بالفعل هالكلام ، والمضحك اكثر من هذا انهم يتصلون بالعميل عقب مايسحب الراتب تعال فيه جزء من القرض مانسحب يسحبون على دفعتين ليش مدري

فعلا لاحظت هالشهر دفعتين !!
حاطين موظف بس شغلته يخصم !!
ما عندهم سستم مساكين !

[Marazeem]

,

,



مرحبا


موضوعك هذا فيه سوء تخطيط لراتبك من ناحيه
ومن ناحيه ثانيه بنك الريان فيه تقصير ايضا

خلينا الان في توزيع راتبك لان هذا بيدك انت
وبيدك الحل ايضا وهو الاسهل من تصليح بنك الريان
:)

موضوع راتبك فيه سوء اداره منك وترتيب

لو فرضنا راتبك 30 الف
ويخصمون منك 14 الف
يبقى لك ( 16 الف )

هذا راتبك الحقيقي كل شهر لك
16 الف تنسق امورك فيها وتوزعها على الشهر كله
والله يبارك لك في حلالك

مع تقدري لوضعك الان وهو شي يضايق فعلا
لكن على الانسان يتعلم من الاوقات الصعبه
:)

دمت بطيب


,

,


اخوك


شموخ دائم

انتو الرياجيل مرتاحين ثوب أبيض وغتره !!
16 الف شتسوي لمواعين رمضان وحرافيش الحريم !!

للعلم راتبي أقل

[حلم قطري]

عليكم السلام ورحمة الله

عزيزي
دخلت الدولي والمصرف وبنك قطر الوطني يوم كان فيه فرع اسلامي
كان بنك قطر الوطني الفرع الاسلامي من اروع ماتعاملت معه
لكن الدولي اعطيه 70%
والمصرف اعطيه 90%

عقب نقلت للريان
قمة ف التعامل
سهولة ف السحب
تواصل دائم ولو كنت خارج البلد
واللي يخليني اقول انه الافضل انه اسلامي 100% والدليل الفيزا كارد ماياخذون ولا ريال في حالة التجديد تصرف لك بالمجان دون مقابل . وهذا الصح


اما كلامك وطريقة سحبهم هذا من حقهم
هذا بنك وليس لجنة خيريه

الله يوفقك دنيا واخره

[Marazeem]

اختي الأحسن لج انج تراقبين حسابج بنفسج
مو تعمدين على البنك بس لادارة الحساب

بطريقتج ممكن تنباقين من البنوك او المحلات وانتي ما تدرين

لازم تراقبين وتدققين في مصاريفج و في السحوبات اللي تتم في حسابج

أنا أعترف اني موب دقيقة واجد في هالأمور
لكن بعد 14 ألف موب شوي تنخصم على حين غرة وانتي موب مستعدة !

[Marazeem]

عليكم السلام ورحمة الله

عزيزي
دخلت الدولي والمصرف وبنك قطر الوطني يوم كان فيه فرع اسلامي
كان بنك قطر الوطني الفرع الاسلامي من اروع ماتعاملت معه
لكن الدولي اعطيه 70%
والمصرف اعطيه 90%

عقب نقلت للريان
قمة ف التعامل
سهولة ف السحب
تواصل دائم ولو كنت خارج البلد
واللي يخليني اقول انه الافضل انه اسلامي 100% والدليل الفيزا كارد ماياخذون ولا ريال في حالة التجديد تصرف لك بالمجان دون مقابل . وهذا الصح


اما كلامك وطريقة سحبهم هذا من حقهم
هذا بنك وليس لجنة خيريه

الله يوفقك دنيا واخره

بيني وبينهم عقد أخوي الفاضل انه ينخصم بتاريخ 30 الشهر
وغير هالأمر مفروض ان المبلغ محجوز ما يظهر في الرصيد !!

هذي أنظمة دولية متعارف عليها في البنوك !
شدخل اللجان الخيرية ؟؟!!

ما أتوقع انك خذت منهم قرض ولا كان فهمت اللي أتكلم عنه
أنا أفضل qnb بصراحة كنت معاهم وخذت منهم قروض وحولت ع الريان بعد الغاء الفرع الاسلامي
لكن الله يعين

[ابوعلي]

عذرا اختي لين متى نعتمد على الغير

المفترض احنا انتابع امورنا ونرتب انفسنا حتى ما نتوهق

البنك عندهم تقصير ولكن احنا اصحاب الشأن والمفترض يكون عندنا كنترول بس ادارة امورنا

[ام السعف]

معقولة تسحب وتسحب من غير لا تشوف رصيدك

أكيد تعرف راتبك كامل كم اللي يتبقى منه بعد المبلغ المخصوم.!!!

قد يكون هناك إهمال منهم لكن أنت ملام في هذه النقطة

ايه معاج في كلامج ،،
اللحين لما ينزل الراتب اخصموا ولا ما خصموا
لازم اعرف حدود صرفي ،،

نفرض ان السستم عندهم خربان

فليش اروح اسحب واصرف من الكرت على كيفي ؟

اعتقد يا راعي او راعية الموضوع تتحملين الغلط ،،

للامانة مصرف الريان خدماتهم حلوة ومتطورة
:nice:

[طرف محايد]

شكواك في مكانها


لازم يكون عندهم يوم محدد يخصمون فيه القسط


مثل اي بنك


لكن بعد لازم يكون عندك خطة لمصاريف الشهر


تعرفين كم المتبقي من الراتب بعد الخصم


ويكون الصرف ع مقدار المتبقي


وبهالشكل بترتاحين


السحب العشوائي مشكلة لازم تتحررين منها

[monatee]

وشكله الدولي الاسلامي نفس السالفه

احنا اليوم تاريخ 3 والقسط للحين مانخصم وذاك الشهر نفس الكلام

الواحد يتحسف لما يطلع من البنوك الربويه مثل الوطني والتجاري والدوحه لكن مجبور اذا يبغي حسابه في بنك اسلامي

والبنوك الاسلاميه خدامتهم تعبانه ومن العصر الحجري

[Qatar Angel]

أختي معاج حق في النقطة الي ذكرتيها
البنك لازم يسحب القسط في اليوم المحدد،،
وفي نفس الوقت حاولي ترتبين امورج وتحددين مصاريفج افضل،،

[مخطط قطري]

المصرف افضل في الاقساط

[كبير المتداولين]

بشكل عام الخدمات الي تقدمها البنوك تعيسه على الارباح القياسيه الي يحققونها للاسف

في بعض البنوك عشان تاخذ قرض وتربحهم تنتظر بالساعات

[غزلان]

الله يعينج على بلواج

[Me&OnLy]

انا حسابي في مصرف الريان واللي مستغرب منه كلامج انه مايسوون بلوك على القسط للمديونيه

انا اول ماينزل الراتب القسط اللي يطلبونه مني مسوين عليه بلوك



ماصرف منه ولا ريال والحلو مايبين في رصيدي بعد

[mubarak750]

لا يا أخي بنك الريان ماعليه كلام , السالفه ومافيها أن المسج يجي متأخر أنا مثلا المسج ات جاتني عن الخصم يوم 1 الشهر بس الخصم كان من تاريخ 28 ولا حدت انا اليوم هم حطوه من نفسهم, صدقني أو صدقيني المسج متأخر بس

[pink pearl]

الله يكون في عونج يارب،،،

طيب أنا بأقولج حل ممكن يناسبج، ليش ما تفتحين حساب توفير تحولين فيه المبلغ اللي يكون بعد خصم القسط، ومعاه بطاقة ،؟ أحس هالطريقة بتساعدج، ( أنا مجربتها) ، وممكن العكس تستخدمين الجاري وتخليهم يخصمون من التوفير بعد تحويل القسط،،،،

[راعي الدتسن]

بنك الريان من ارووع البنوك الاسلامية فالتعامل وانجاز المعاملات.. طبعا بعد تجربة مع البنك التجاري والمصررف.. اما بالنسبه لموضوعج لي عتب عليج.. بما انج داااخله على سلفه كبيييييييره وطويلة الامد المفروض يكون عندج تنسيق او جدول للمصروفات..
اسمحي لي اختي لانقوولين لي عوار راس وانا ما اعرف.. اذا ماتبغين تعرفين فالافضل لج عدم التعامل مع البنوك لانها ادوور فايدتها من العميل..
والسموحه عالاطاله

[Right]

الشي الغريب بل العجيب



ليش يتم ربط البنوك الإسلامية بالتخلف من ناحية التكنولوجيا الحديثة



المقدمة من البنك للعملاء وكذلك إستخدام البنوك الإسلامية لأنظمة باليه



وأيضاً المعاملة الغير مناسبة تجاه العملاء



والله كلنا نبي نفتح حساباتنا في بنوك إسلامية



لكن للأسف لا خدمة ولا تكنولوجيا حديثة



أرجوا الله وأتمنى أن البنوك الإسلامية تآخذ دروس وعبر ودورات لدى البنوك الرائدة



في تقديم التكنولوجيا الحديثة المتطورة من جهة .. وجودة التعامل مع العملاء من جهة أخرى

[مكنتوش]

سوء تخطيط عندج اختي العزيزة ومن الريان كذلك
في عدم سحبة بتاريخ معين كل شهر
مايصير كل شي نرمية ع البنك من اهمال
دام فيه مبلغ فائض وشيك معقولة تسحبين
وماتركزين كم حجم سحوباتج !!

[w.qatar]

اختي كلامج صحيح لازم يوم معين ينخصم فيه المبلغ و الافضل انه يكون 27 او 28 من الشهر حسب متى ينزل راتبج

بس الظاهر هالمعرض لحس عقول الحريم قاموا يصرفون بدون حساب و توهقوا الحين

[BIG-VEGA]

الله يسهل أمورك وأمور المسلمين

حبيت اقول اني ملاحظ ان المسجات توصل متاخره توصل ليوم كامل


بس للامانه تعاملهم ممتاز

[ولد شرق]

السلام عليكم

انا ماخذ قرض من الريان بل عدة قروض
قرض سياره و قرض عقاري
ولا شفت من الكلام اللي تقوله اخوي
الخصم على الوقت بالضبط
واذا نزل الراتب قبل يسون بلوك لين تاريخ 1 وعندهم سيستم ممتاز
والصراحه خدماتهم ولا اروع خصوصا اني امجرب كل البنوك الاسلاميه الثانية
محد كان يضاهيهم غير التجاري الاسلامي (الصفا) لكن سكروا الفرع مثل ماتعرفون
اما بالنسبه للريان ومن باب الامانه خدمات واهتمام ولا اروع...
اخوي اقعد معاهم وشوف وين المشكلة

[أم نواري1]

أنا في الدولي الإسلامي ومرتاحة
يخلصون معاملاتي وتعاملهم سريع
حتى يوم جيت آخذ السلفية تم البيع والشراء بنفس اليوم
وتم الموظف متواصل معاي والمسجات تجيني أول بأول لكل مجموعة أسهم يتم المضاربة فيها
وأي شي أبيه عن طريق الخط الساخن أقدر أستفسر عنه بل وأسويه أحيان
والحمد لله ماشتكي منهم بشي
حتى القسط ينسحب مرّة وحده
يمكن مره صارت لخبطة وكانت مني مافهمت الموظفة المسؤولة عدل
فصار القسط مبلغين ينسحب بيومين مختلفين
فصرت كل 28 الشهر تاريخ نزول الراتب أخليهم يسحبون كل شي
وبنفس اليوم مبلغ التوفير يروح التوفير
والمبلغ المتبقي أعرفه لأن يجي مسج بمجرد إيداع جهة العمل الراتب في رصيدي عندهم
ويجيني مسج من جهة العمل بالراتب المستحق لهذا الشهر

أستغرب من اللي يعذربون ع البنوك الغير ربوية.!

[أم نواري1]

أختي أنصحج شيكي احتمال صار سوء فهم مثل ماصار معاي بخصوص تواريخ الخصم
قبل تشتكين ويكون الحق عليج خلج فالسليم

[ولد شرق]

الشي الغريب بل العجيب
ليش يتم ربط البنوك الإسلامية بالتخلف من ناحية التكنولوجيا الحديثة
المقدمة من البنك للعملاء وكذلك إستخدام البنوك الإسلامية لأنظمة باليه
وأيضاً المعاملة الغير مناسبة تجاه العملاء
والله كلنا نبي نفتح حساباتنا في بنوك إسلامية
لكن للأسف لا خدمة ولا تكنولوجيا حديثة
أرجوا الله وأتمنى أن البنوك الإسلامية تآخذ دروس وعبر ودورات لدى البنوك الرائدة
في تقديم التكنولوجيا الحديثة المتطورة من جهة .. وجودة التعامل مع العملاء من جهة أخرى



بارك الله فيك اخوي انا معاك في ان بعض البنوك الاسلامية القديمة تعاملهم تعبان
بس عندك البنوك الجديدة بروه والريان محد انتقدهم...
معاك ان يجب اخذ دورات لدى البنوك الرائدة
لكن تاخذ العبر والدروس فأعتقد البنوك الاسلامية ماتحتاج تاخذ العبر والدروس
ارجو انك انت ياخوي تاخذ العبر والدروس من اكل الربا والمناداة به لو فعلا مثل ماتفضلت ان كلم تبغون تفتحون احساباتكم في بنوك اسلامية

فقط احببت ان اضيف الدروس والعبر من احاديث المصطفى

عن رسول الله صلى الله عليه وسلم أنه قال :
اجتنبوا السبع الموبقات . قالوا : يا رسول الله ، وما هن ؟ قال : الشرك بالله ، والسحر ، وقتل النفس التي حرم الله إلا بالحق ، وأكل الربا ، وأكل مال اليتيم ، والتولي يوم الزحف ، وقذف المحصنات المؤمنات الغافلات ( رواه البخارى )


رأيت الليلة رجلين أتياني ، فأخرجاني إلى أرض مقدسة ، فانطلقنا حتى أتينا على نهر من دم ، فيه رجل قائم ، وعلى وسط النهر رجل ، بين يديه حجارة ، فأقبل الرجل الذي في النهر ، فإذا أراد الرجل أن يخرج رمى الرجل بحجر في فيه ، فرده حيث كان ، فجعل كلما جاء ليخرج رمى في فيه بحجر ، فيرجع كما كان ، فقلت : ما هذا ؟ . فقال : الذي رأيته في النهر آكل الربا ( رواه البخارى

عن عون ابن ابي جحيفه قال رأيت أبي اشترى حجاما ًفأمر بمحاجمه فكسرت ، فسألته عن ذلك قال : إن رسول الله نهى عن ثمن الدم وثمن الكلب ، وكسب الأمة ، ولعن الواشمة والمستوشمة ، وآكل الربا وموكله ، ولعن المصور . (رواه البخارى )

لعن النبي الواشمة والمستوشمة وآكل الربا وموكله ، ونهى عن ثمن الكلب ، وكسب البغي ، ولعن المصورين ( البخارى )

عن سعيد بن ابي برده عن ابيه قال: أتيت المدينة ، فلقيت عبد الله بن سلام ، فقال : ألا تجيء فأطعمك سويقا وتمرا وتدخل في بيت ، ثم قال : إنك بأرض الربا بها فَاشٍ ، إذا كان لك على رجل حق ، فأهدى إليك حمل تبن ، أو حمل شعير ، أو حمل قت ، فلا تأخذه فإنه ربا . ( البخارى )

ذكر ابن بكير قال: جاء رجل إلى مالك بن أنس رحمه الله فقال: يا أبا عبدالله، إني رأيت رجلاً سكراناً يتعاقر، يريد أن يأخذ الخمر، فقلت: امرأتي طالق إن كان يدخل جوف ابن آدم أشرَّ من الخمر. فقال: ارجع حتى أنظر في مسألتك، فأتاه من الغد فقال له: ارجع حتى أنظر في مسألتك، فأتاه من الغد فقال له: امرأتك طالق، إني تصفحت كتاب الله وسنة نبيه فلم أر شيئاً أشر من الربا، لأن الله أذن فيه بالحرب


هدانا الله واياكم وثبتنا على الطريق المستقيم...

[LiL iNVe$ToR]

انا حسابي في مصرف الريان واللي مستغرب منه كلامج انه مايسوون بلوك على القسط للمديونيه

انا اول ماينزل الراتب القسط اللي يطلبونه مني مسوين عليه بلوك



ماصرف منه ولا ريال والحلو مايبين في رصيدي بعد

انا نفس الشي ..اول ماينزل الراتب ..يسوون بلوك على مبلغ القسط ..وهالطريقه يتبعونها من اول ماخذت التمويل من اكثر من سنتين.

[Right]

بارك الله فيك اخوي انا معاك في ان بعض البنوك الاسلامية القديمة تعاملهم تعبان
بس عندك البنوك الجديدة بروه والريان محد انتقدهم...
معاك ان يجب اخذ دورات لدى البنوك الرائدة
لكن تاخذ العبر والدروس فأعتقد البنوك الاسلامية ماتحتاج تاخذ العبر والدروس
ارجو انك انت ياخوي تاخذ العبر والدروس من اكل الربا والمناداة به لو فعلا مثل ماتفضلت ان كلم تبغون تفتحون احساباتكم في بنوك اسلامية

فقط احببت ان اضيف الدروس والعبر من احاديث المصطفى

عن رسول الله صلى الله عليه وسلم أنه قال :
اجتنبوا السبع الموبقات . قالوا : يا رسول الله ، وما هن ؟ قال : الشرك بالله ، والسحر ، وقتل النفس التي حرم الله إلا بالحق ، وأكل الربا ، وأكل مال اليتيم ، والتولي يوم الزحف ، وقذف المحصنات المؤمنات الغافلات ( رواه البخارى )


رأيت الليلة رجلين أتياني ، فأخرجاني إلى أرض مقدسة ، فانطلقنا حتى أتينا على نهر من دم ، فيه رجل قائم ، وعلى وسط النهر رجل ، بين يديه حجارة ، فأقبل الرجل الذي في النهر ، فإذا أراد الرجل أن يخرج رمى الرجل بحجر في فيه ، فرده حيث كان ، فجعل كلما جاء ليخرج رمى في فيه بحجر ، فيرجع كما كان ، فقلت : ما هذا ؟ . فقال : الذي رأيته في النهر آكل الربا ( رواه البخارى

عن عون ابن ابي جحيفه قال رأيت أبي اشترى حجاما ًفأمر بمحاجمه فكسرت ، فسألته عن ذلك قال : إن رسول الله نهى عن ثمن الدم وثمن الكلب ، وكسب الأمة ، ولعن الواشمة والمستوشمة ، وآكل الربا وموكله ، ولعن المصور . (رواه البخارى )

لعن النبي الواشمة والمستوشمة وآكل الربا وموكله ، ونهى عن ثمن الكلب ، وكسب البغي ، ولعن المصورين ( البخارى )

عن سعيد بن ابي برده عن ابيه قال: أتيت المدينة ، فلقيت عبد الله بن سلام ، فقال : ألا تجيء فأطعمك سويقا وتمرا وتدخل في بيت ، ثم قال : إنك بأرض الربا بها فَاشٍ ، إذا كان لك على رجل حق ، فأهدى إليك حمل تبن ، أو حمل شعير ، أو حمل قت ، فلا تأخذه فإنه ربا . ( البخارى )

ذكر ابن بكير قال: جاء رجل إلى مالك بن أنس رحمه الله فقال: يا أبا عبدالله، إني رأيت رجلاً سكراناً يتعاقر، يريد أن يأخذ الخمر، فقلت: امرأتي طالق إن كان يدخل جوف ابن آدم أشرَّ من الخمر. فقال: ارجع حتى أنظر في مسألتك، فأتاه من الغد فقال له: ارجع حتى أنظر في مسألتك، فأتاه من الغد فقال له: امرأتك طالق، إني تصفحت كتاب الله وسنة نبيه فلم أر شيئاً أشر من الربا، لأن الله أذن فيه بالحرب


هدانا الله واياكم وثبتنا على الطريق المستقيم...





أخي الفاضل



أنا لم أذكر أو أشجع بأكل الربا لا من قريب ولا من بعيد ، ولم أذكر أي بنك ربوي



وكنت أقصد .. تقديم معاملة ذات جودة واستخدام تكنولوجيا متقدمة فقط لاغير



أتمنى منك أن تعيد قراءة ما كتبته أنا



لعلك لم تفهمه ولم تستوعبه جيداً



شكراً

[نمـر]

أنه حسابي في مصرف الريان وماخذ قرض ماصادني شي من الأمر هاذي الي تتكلم عنها

[Marazeem]

مشكورين أخواني وخواتي ع التفاعل
اللي يقولون انهم ماخذين قروض وما واجهتهم مشاكل
أتوقع معناته ان المشكلة مشكلة الفرع
وراح أشوف الموضوع

في كل الأحوال الريان من أفضل البنوك الاسلاميه
لأني جربت المصرف الاسلامي والدولي من العصر الحجري

وكذلك جربت قطر الوطني
وصديقة لي في البنك البريطاني

ما فيه مقارنة بينهم صراحة لا يزعلون أخوانا
البنوك الاسلامية لازم تحسن خدماتها

والريان لولا مشكلة هالقرض ولا يعتبر بنك جيد في باقي الخدمات

والله يوفق راعي فكرة اني أحول القسط لحساب التوفير أو العكس
بكون ارتحت فعلا من همهم ومتى بيفكرون يخصمون

جزاكم الله خير جميعا