اسئلة الاطفال المحرجه... كيف تتعامل معها وتجيب عنها ؟

[Nojoom]

السلام عليكم

موضوعي اليوم موقف قد يتعرض له كل أب و أم

وهو أسئلة أطفالهم المحرجه .


وقد يكون اشهر سؤال هو

كيف اتيت الى الحياه ؟


وهناك من الاسئله الاخرى ما قد يسبب حرج و تهرب من الاجابه .


فاحبيت من خلال موضوعي اني اعرف كيف تتعاملون مع ابنائكم في مثل هذي المواقف ؟


وهل احصلت لكم مواقف اخرى ؟

بما ان براءة الاطفال وفضولهم لا حدود لها .


الهدف من الموضوع هو كسب الخبره في التعامل مع هذه المواقف .

[تاجر كشخة]

http://im35.gulfup.com/H3OJs.jpg (http://www.gulfup.com/?Xr3CQs)



في ليلة ظلماء حين يكتمل البدر ويشع بنورة ليغطي النجوم من حوله اشر له بيدك وقل له اتيت من هناك يا صغيري العزيز

احم احم

كذا انت عطيته حماس :shy:
وعطيته جواب مؤقت :nice:

[بريق الماسه]

أنا عرفت اﻻجابه لما وصلت اولى ثانوي .....من صديقتي

ولما عيالي بالمستقبل يسالوني بقولهم اجابة تاجر كشخه :)

[ولد العرب]

يبطووون مادرو انا كنت اقوول لامي قدام خواني وابوي على الغدا اكلي واجد علشان يجيني اخو واخواني وجيهم كذا:eek5::eek5::eek5:هههههههههههههههههه

[بريق الحق]

هاي الاشياء الافضل ان الواحد يعرفه من هله لانه البعض ياخذه من ربعه والمفاهيم ......

[الجنوبي]

عشان كلاش

[نور الحور]

موضوع مهم وحلو نجوم ..عندي كلام وايد فيه ..متابعة ولي عودة ان شاء الله :victory:

[العقل المدمر]

اذكر امي كانت تقول لي جيتي من عند الله
عاد انا تخيلت ان احنا نكون في كراتين والام تقوم الصبح وتلقى البيبي جنبها
حتى الحمل ما كنت اعرفه
ولما كبرت وصرت فابتدائي علمتني ان يشقون البطن عشان يطلعون البيبي

وبس اتوقع ان ماله داعي الياهل يعلمونه من وهو صغير
خله مغشوش لين يكبر ويتعلم بس بشرط ان مانكذب ونقول كلام غلط

[Nojoom]

http://im35.gulfup.com/H3OJs.jpg (http://www.gulfup.com/?Xr3CQs)



في ليلة ظلماء حين يكتمل البدر ويشع بنورة ليغطي النجوم من حوله اشر له بيدك وقل له اتيت من هناك يا صغيري العزيز

احم احم

كذا انت عطيته حماس :shy:
وعطيته جواب مؤقت :nice:

:telephone: اغلب الاطفال ماراح ترضي فضوله الاجابه الناقصه

يعني بيطرح عليك سؤال اخر حتى يوصل لنقطه يصدقها

واذا لم يقتنع ممكن يسكت ولكن ماراح ينسى والعكس يمكن يزيد فضوله


شكرا لمشاركتك


أنا عرفت اﻻجابه لما وصلت اولى ثانوي .....من صديقتي

ولما عيالي بالمستقبل يسالوني بقولهم اجابة تاجر كشخه :)

طيب بما ان الاجابه وصلتج من خلال صديقتج مثل ماذكرتي

ومن خلال ردج احس ان انتي بعد تفضلين ان عيالج يعرفون الاجابه من ناس اخرين وليس منج انتي .


وانا من ناحيتي افضل ان يعرف ابني الاجابه مني انا
بس المشكله عندي كيف في البدايه ارضي فضوله من غير ماكذب عليه في سنينه الاولى .. وبعدها كيف اقدر اقوله الاجابه الصحيحه




يبطووون مادرو انا كنت اقوول لامي قدام خواني وابوي على الغدا اكلي واجد علشان يجيني اخو واخواني وجيهم كذا:eek5::eek5::eek5:هههههههههههههههههه

لوووووول انت رابط انتفاخ البطن بالحمال ..

هذي براءة الطفوله

انت بعد من ردك ترفض ان المعلومه توصل منك

تحياتي لك


هاي الاشياء الافضل ان الواحد يعرفه من هله لانه البعض ياخذه من ربعه والمفاهيم ......

اتفق معاك والله ..

بس السؤال شلون ؟




عشان كلاش
:confused:



موضوع مهم وحلو نجوم ..عندي كلام وايد فيه ..متابعة ولي عودة ان شاء الله :victory:

مرحبا والله شكرا لج ..واحنا بنتظار العوده وسماع رايج في هذا الموضوع



اذكر امي كانت تقول لي جيتي من عند الله
عاد انا تخيلت ان احنا نكون في كراتين والام تقوم الصبح وتلقى البيبي جنبها
حتى الحمل ما كنت اعرفه
ولما كبرت وصرت فابتدائي علمتني ان يشقون البطن عشان يطلعون البيبي

وبس اتوقع ان ماله داعي الياهل يعلمونه من وهو صغير
خله مغشوش لين يكبر ويتعلم بس بشرط ان مانكذب ونقول كلام غلط

اتفق معاج وهنا تكمن الصعوبه شلون نعطيه اجابه على قد عمره في نفس الوقت مانكذب عليه .

وترى هي لا تعتمد فقط على سؤال واحد هناك اسئله كثيره .

مثال وحد يسال امه المطلقه ليش ابوي مايرقد معانا في البيت ؟

وغيرها وغيرها

[ألماسة]

حبيت الموضوع وايد

عن نفسي ماعرفت الاجابة الا لين وصلت ثالث اعدادي ومن زميلاتي فالصف


لكن لعيالي ... لا... اذا تعرضت لهالسؤال راح اجاوب بطريقة تقنع ولدي او بنتي

بحيث ارضي فضولهم ولا يروحون لأحد ثاني يسألونه أو ياخذون المعلومة منه

الموضوع حساس وايد ويمكن البعض ما يعطيه اهمية ... لكن اشوف انه جدا مهم

ومحتاجين نسمع خبرات الاقدم منا

شاكرة لك طرح الموضوع ... ومتابعة بإذن الله

[أم نواري1]

أذكر أول لما كنت أقرأ زهرة الخليج
كان في صفحة تربوية دينية لوحدة إمراتيه مايحضرني إسمها حاليا
لكن كان موضوعها حول هالسؤال بالذات لما يسألك ابنك من وين جيت وكيف.؟!
تجاوبه بكل بساطه:
مثل ما الكتكوت لازم يكون عنده أب وأم اللي هم الديك والدجاجة أنت نفس الشي
عشان أنا أمك أداريك وأكلك وألبسك وعشان أبوك يحميك ويكد عليك ويتعب ويشقى عشانك
طيب من وين .؟ مثل مافي مكان الله يعزكم لمخرجات الإنسان في مكان مخصص لك بس عشان تطلع منه
ومثل مايصير حد يشوف هالمكان عندك لأنه عيب ولا تسمح لحد يقترب منه
نفس الشي هالمكان اللي تطلع منه أنت

وقريت كلام وايد بخصوص الأهل اللي ينهرون عيالهم
هم بهالشكل يقتلون حس الفضول وحب المعرفة عنده
وبنفس الوقت يكسر حاجز الثقة بين الطفل وأهله فما يسألهم ويخاف منهم لأنه كله ينهرونه
ويصرفه ويعتبرونه دون المستوى

سيبقى السؤال في ذهنه ولا تدرين من سيسأل وكيف سيجاب

جميل أن يبقى الموضوع مستمر وتطرحون سؤال ويجيب الأعضاء بحسب تجاربهم وخبرتهم