الدوام في رمضان خمس ساعات

[مستثمر مبتدئ]

أصدر سعادة السيد أحمد بن عبدالله آل محمود نائب رئيس مجلس الوزراء ووزير الدولة لشؤون مجلس الوزراء، اليوم الخميس، تعميمًا بتحديد ساعات العمل خلال شهر رمضان المبارك للوزارات والأجهزة الحكومية والهيئات والمؤسسات العامة.

وجاء في التعميم أنه بمناسبة شهر رمضان المبارك للعام 1434 هـ فقد تقرر أن تكون ساعات العمل الرسمي خلال الشهر الفضيل للموظفين المدنيين خمس ساعات يوميًا، تبدأ من الساعة التاسعة صباحًا وحتى الساعة الثانية بعد الظهر.

http://www.al-sharq.com/detail/news/64/محليات/284810/الدوام-في--رمضان--من-9-صباحًا-حتي-2-ظهرًا
ومبارك عليكم الشهر مقدما

[عيون الدوحة]

تحديد ساعات العمل خلال شهر رمضان المبارك

04 يوليو 2013, 13:43

الدوحة في 04 يوليو /قنا/ أصدر سعادة السيد أحمد بن عبدالله آل محمود نائب رئيس مجلس الوزراء ووزير الدولة لشؤون مجلس الوزراء اليوم تعميمًا بتحديد ساعات العمل خلال شهر رمضان المبارك للوزارات والأجهزة الحكومية والهيئات والمؤسسات العامة.

وجاء في التعميم أنه بمناسبة شهر رمضان المبارك للعام 1434 هـ فقد تقرر أن تكون ساعات العمل الرسمي خلال الشهر الفضيل للموظفين المدنيين خمس ساعات يوميًا، تبدأ من الساعة التاسعة صباحًا وحتى الساعة الثانية بعد الظهر.

[مستثمر مبتدئ]

تحديد ساعات العمل خلال شهر رمضان المبارك

04 يوليو 2013, 13:43

الدوحة في 04 يوليو /قنا/ أصدر سعادة السيد أحمد بن عبدالله آل محمود نائب رئيس مجلس الوزراء ووزير الدولة لشؤون مجلس الوزراء اليوم تعميمًا بتحديد ساعات العمل خلال شهر رمضان المبارك للوزارات والأجهزة الحكومية والهيئات والمؤسسات العامة.

وجاء في التعميم أنه بمناسبة شهر رمضان المبارك للعام 1434 هـ فقد تقرر أن تكون ساعات العمل الرسمي خلال الشهر الفضيل للموظفين المدنيين خمس ساعات يوميًا، تبدأ من الساعة التاسعة صباحًا وحتى الساعة الثانية بعد الظهر.

:nice::nice::nice::nice::nice:

[jassim69]

تستاهلون حنى دوامنا شفتات من 6 صبح الى 2 ظهر ومن 2 الى 10 ومن 10 الى 6

:rolleyes2::rolleyes2:

[jassim69]

تستاهلون حنى دوامنا شفتات من 6 صبح الى 2 ظهر ومن 2 الى 10 ومن 10 الى 6

:rolleyes2::rolleyes2:

يستاهلون العساكر اذا زادوهم في راتب :nice:

[مستثمر مبتدئ]

دوامنا من من 6 لين 2 ومن 8 لين 4 ومن 2 لين 10 ومن 4 لين 12 ومن 10 لين 6 الله كريم

[بوخالد911]

مبارك عليكم ارمضان

وعيدكم مبارك مقدما

[@الأدعم@]

والمساكين موظفين البنوك:(

[العربية نت]

انا اشوف من 8 الى 1 افضل من9 الى 2 بكثير :eek5:
على الاقل الواحد يمدية يصكها رقده ههههههههه :eek5:

اللهم بلغنا رمضان وتقبله منا يارب العالمين

[بـارود]

قواهم الله ماقصروا :)

[البطرااان]

ياليت يخلونة من 10 لين 3
اقتراح للي ماينامون الليل
وانا منهم

[pink pearl]

نفس كل سنة، الله يبلغنا رمضان، ويعينا على قيامه وصيامه

[نوار قطر]

الصراحه القرار وااايد ماله معنى ،،، شلون يعني نداوم لي 2 ،، احنا الموظفات شنسوي ،،، متى نرجع ،، ومتى نطبخ ،،، يوم قرر انه يمدد الدوام مافكر فينا احنا امهات وموظفات ، مافكر في بيوتنا من بيقوم فيها ،، انا والله ماعلي منهم وان شالله ما تييي الساعه 1 الا انا في بيتي ولا بتامه لي 2 ،،،

[نوار قطر]

نفس كل سنة، الله يبلغنا رمضان، ويعينا على قيامه وصيامه


نفس كل سنه :rolleyes2: متى كان الدوام في رمضان من 9 لي 2 ؟؟؟،،، ولا مره كان الدوام جذي،،، كل سنه الدوام الرسمي في كل الوزارات من 8 لين 12 او 1 اعتقد مب اكثر ،،،،

الله يعيده علينا وعليكم بالخير والبركه

[بنت مريخ]

وايد طويل ومافيه شغل
شنسوي نقعد هلكثر؟؟
لين ١ زين

[وجه السعد 2]

قرار سليم وفي محله ..

[سيكل]

:nice: اولا مبارك عليكم الشهر مقدما .. ولكن أعتقد لو الدوام من 8.30 الى 1.30 كان أفضل وخاصة ان ما في مدارس فالشوارع شوي فاضية وخاصة في الصباح ... من 9 - 2 .. اعتقد ان أغلب الامهات والاخوات يضطرون الى اخذ إجازات في الشهر لما فيه من استعدادات لتحضير الفطور .

[نوار قطر]

قرار سليم وفي محله ..

شنهو الي في محله الشيخ ،،، ممكن اعرف على اي اساس قلت انه قرار سليم وفي محله ،،

[عنيــــد]

المفروض من ثمان لين وحده ..

قطر للبترول ثمان ونص لين وحده ونص لاهل الدوحه ..

مسيعيد و دخان احلى دوام من سبع لين 12

[حمد 2002]

هالقرار قدام العالم تمويه ، بس الصج من 8 لين 12 ،،،

ورمضان كريم ان شاء الله ،،

[R 7 A L]

الي مايقدر يقدم اجازة
حتى لو بدون راتب

[تغلبية]

قرار صدمة الله يهداهم

السنة أذان الفجر في رمضان بدري والمغرب متأخر

لو خلوه من 8 لين وحدة أصلح ... فيه وقت الواحد ينام بعد الفجر وبعد العصر حتى

بس مع هالقرار ضيع الوقت علينا


منبطة جبدي:( :( :(

[برشلوني قطر]

اشوفها خطوه جيده يشكرون عليها

[رحال]

ياريت من 10 لين 3 يكون نصلي العصر ونام

[R 7 A L]

في الكويت الدوام

من 8 ونص لين 1

[zaid]

وش هالقرار ؟؟؟؟؟

متى ارجع للبيت متى ارتاح متى اسوي الفطور وش هالقرار السخيف

على الاقل نفس كل سنة من 8 الى 1 على الاقل اقدر اطلع 12 ونص

اللحين متي اطلع ومتي بوصل

والله حاله

[الخيالة]

إحنا شفتات للأسف :(

[tawareq]

تشوفه توقيت ممتاز من الساعة 9

على الاقل الواحد يرقد ويقوم شبعان نوم

[w.qatar]

احسن شي سووه ان الدوام يبدا 9

[R 7 A L]

خاطري اعرف من هالمراجع الي له نفس
يراجع اي دائرة حكومية الساعه وحدة ونص الظهر

[meeemz]

على العكس قرار ممتاز
وليته من ١٠ لي ٣ اصلا النهار يمدي نرقد ونطبخ ونرتاح النهار طويييل يعني رجعنا ٢ ونص في البيت نريح ساعه وعلى ٤ او ٥ وبعد يمدي تطبخين اذا عندج خدامه خل تجهز لج الاساسيات

[اخت السهم]

قرار مجحف بحق السيدات والانسات الي يعملون

يضيع علينا وقت صلاة الظهر وتجهيز الفطور

[نوار قطر]

كل الي أيدووو القرار ريااييل ،،، اي شعليكم انتو ،، ترجعون البيت بتصلون وبتكبرون الوساد وبترقدون لي قبل المغرب وبتقومون بتلقوون الفطور جاهز وبتاكلون بارده مبرده جعله مداخيل العافيه :anger1:

احنا الي نكرف ونطبخ ونلافح في هالحر الله المستعان :(

[حمد 2002]

كل الي أيدووو القرار ريااييل ،،، اي شعليكم انتو ،، ترجعون البيت بتصلون وبتكبرون الوساد وبترقدون لي قبل المغرب وبتقومون بتلقوون الفطور جاهز وبتاكلون بارده مبرده جعله مداخيل العافيه :anger1:

احنا الي نكرف ونطبخ ونلافح في هالحر الله المستعان :(

علشان اتعرفين الفرق بين الحرمه الموظفه والغير موظفه ، والمرآه اذا حست انها بتقصر في بيتها المفروض تترك وظيفتها :nice: ،،

وبعدين من الحين من بنات هالوقت يطبخ 1 من مليون للأسف ،، :)

تحياتي لج ،،

[نوار قطر]

علشان اتعرفين الفرق بين الحرمه الموظفه والغير موظفه ، والمرآه اذا حست انها بتقصر في بيتها المفروض تترك وظيفتها :nice: ،،

وبعدين من الحين من بنات هالوقت يطبخ 1 من مليون للأسف ،، :)

تحياتي لج ،،

حمد انا ماعلي من غيري :anger1: انا اتكلم عن نفسي ،،انا اطبخ حق بيتنا واجهز السفره من الى ، وترى وايد بنات يطبخوون ،،، الحمدلله انا مب مقصره في حق بيتي ولا نفسي ،،، يعني استقيل عشان ضغط علي في رمضان :rolleyes2: ادفع لي راتبي انت :tease:

[حمد 2002]

حمد انا ماعلي من غيري :anger1: انا اتكلم عن نفسي ،،انا اطبخ حق بيتنا واجهز السفره من الى ، وترى وايد بنات يطبخوون ،،، الحمدلله انا مب مقصره في حق بيتي ولا نفسي ،،، يعني استقيل عشان ضغط علي في رمضان :rolleyes2: ادفع لي راتبي انت :tease:

وبعدين اختي نوار انتي اتداومين بوزاره ههههههههههه شالتعب الي تحصلينه هناك ، لا وبعد رمضان يعني رقاد تايم بالدوام :rolleyes2: ،،،

[نوار قطر]

وبعدين اختي نوار انتي اتداومين بوزاره ههههههههههه شالتعب الي تحصلينه هناك ، لا وبعد رمضان يعني رقاد تايم بالدوام :rolleyes2: ،،،

يااااهالوزاااره ههههههه واايد مطيح حظي :anger1: :weeping: كفايه قعدتي من الصبح ،،، كفايه اني ارتز فالمكتب وعيووني مبققه كفايه اني اداوم ساعات الدوام الرسميه والله ماارقد :( حرام عليك كله ظالمنا :eek5:

[حمد 2002]

يااااهالوزاااره ههههههه واايد مطيح حظي :anger1: :weeping: كفايه قعدتي من الصبح ،،، كفايه اني ارتز فالمكتب وعيووني مبققه كفايه اني اداوم ساعات الدوام الرسميه والله ماارقد :( حرام عليك كله ظالمنا :eek5:

:rolleyes2: من اكثر الوزارات بالدوله تعطيلا لمصالح المواطنين ،،،

سوري ياراعي الموضوع طلعنا عن مسار الموضوع ،،،

انتهى الحوار ،،

[نوار قطر]

:rolleyes2: من اكثر الوزارات بالدوله تعطيلا لمصالح المواطنين ،،،

سوري ياراعي الموضوع طلعنا عن مسار الموضوع ،،،

انتهى الحوار ،،

بالنسبه حق ادارتنا الحمدلله ماعندنا مراجعين والشغل خفيف في رمضان واذا كان فيه بيكون ماشي،،،

انتهى الحوار :rolleyes2:

[حمد 2002]

بالنسبه حق ادارتنا الحمدلله ماعندنا مراجعين والشغل خفيف في رمضان واذا كان فيه بيكون ماشي،،،

انتهى الحوار :rolleyes2:

اسمحلي ياراعي الموضوع بس لازم اعرج على كلام اختنا نوار لانه فيه نوع من المبالغه ، مممم نوار انتي قلتيها بعضمه السانج دوام 1- خفيف برمضان 2- واذا كان فيه = يعني شبه نادر ،،،،

ولاتنسين يانوار بأن رمضان مافيه ريوق مافيه غداء بس ، بعد صلاه المغرب وجبه فطور وحده واكله خفيفه بالليل قبل النوم ،،،

وحتى لو طبختي يانوار اكيد فيه عندكم خدامه بتساعدج ، والكنديشن = المكيف امفتح على راسج يعني براد والفرن ايقوم بالمهمه ، يعني الحمد لله على النعمه في ظل وجود الادوات الحديثه المساعده على الطبخ ،،،

حريم اول كانوا لامكيف ولا فرن ولا مكرويف وكانوا ايربون عيالهم ويطبخون وماكانوا يشتكون ولله الحمد :) ،،

تحياتي لج ، واسف مره ثانيه ياراعي الموضوع بس لازم كنت اعقب للأهميه ،،،

[نوار قطر]

اسمحلي ياراعي الموضوع بس لازم اعرج على كلام اختنا نوار لانه فيه نوع من المبالغه ، مممم نوار انتي قلتيها بعضمه السانج دوام 1- خفيف برمضان 2- واذا كان فيه = يعني شبه نادر ،،،،

ولاتنسين يانوار بأن رمضان مافيه ريوق مافيه غداء بس ، بعد صلاه المغرب وجبه فطور وحده واكله خفيفه بالليل قبل النوم ،،،

وحتى لو طبختي يانوار اكيد فيه عندكم خدامه بتساعدج ، والكنديشن = المكيف امفتح على راسج يعني براد والفرن ايقوم بالمهمه ، يعني الحمد لله على النعمه في ظل وجود الادوات الحديثه المساعده على الطبخ ،،،

حريم اول كانوا لامكيف ولا فرن ولا مكرويف وكانوا ايربون عيالهم ويطبخون وماكانوا يشتكون ولله الحمد :) ،،

تحياتي لج ، واسف مره ثانيه ياراعي الموضوع بس لازم كنت اعقب للأهميه ،،،

حمد بالنسبه للشغل الخفيف انا مب معترضه اذا كان فيه شغل خفيف او واايد ترى كله واحد وبالعكس الوقت بيروح علي لو كان الشغل اكثر ومب حاسه بالوقت ذي اول شي ،، ثاني شي اي نعم عندي بدال الخدامه 3 بس غير التقطيع مايسوون لي شي ،،احنا خداماتنا لا يمسكون لنا ياهل ولا يحمسون لنا جدر وبعدين شتكلم ياحمد اي مكيف الي بتحس فيه مع حرورة الجوو وحرورة الفرن ،،، لنفرض تميت لي الساعه 2 بوصل البيت 2 ونص اوكى انا ابالغ خل اقول بوصل في ربع ساعه ،،، لين اوصل ابدل اصلي يات الساعه 3 في ذمتك خلال ثلاث ساعات متى الوحده يمديها تجهز والمفروض قبل الاذان تكون السفره جاهزه ،،، حلها لي ،، اذا بيفطرون على تمره وماي وبيصلون ،،، زين شكثر بتاخذ الصلاه عشر دقايق ؟؟؟ شاجهز في هالعشر دقايق ؟

[ام ناصر1]

افضل وقت ٨-١ من ثمان لوحده .. الدنيا حر .. أحس انه الي حاط التوقيت ما راعى فترة الحر برمضان ... وفعلا الدوام لين الساعة ٢ .. ماراح يسمح للي خدامتها مسافرة تطبخ .. الدوام ذكوري وماراح يساعد بالطباخ... يادوب الواحد يصلي ويأخذ استراحة وبعدها راح الوقت ..

[حمد 2002]

حمد بالنسبه للشغل الخفيف انا مب معترضه اذا كان فيه شغل خفيف او واايد ترى كله واحد وبالعكس الوقت بيروح علي لو كان الشغل اكثر ومب حاسه بالوقت ذي اول شي ،، ثاني شي اي نعم عندي بدال الخدامه 3 بس غير التقطيع مايسوون لي شي ،،احنا خداماتنا لا يمسكون لنا ياهل ولا يحمسون لنا جدر وبعدين شتكلم ياحمد اي مكيف الي بتحس فيه مع حرورة الجوو وحرورة الفرن ،،، لنفرض تميت لي الساعه 2 بوصل البيت 2 ونص اوكى انا ابالغ خل اقول بوصل في ربع ساعه ،،، لين اوصل ابدل اصلي يات الساعه 3 في ذمتك خلال ثلاث ساعات متى الوحده يمديها تجهز والمفروض قبل الاذان تكون السفره جاهزه ،،، حلها لي ،، اذا بيفطرون على تمره وماي وبيصلون ،،، زين شكثر بتاخذ الصلاه عشر دقايق ؟؟؟ شاجهز في هالعشر دقايق ؟

هذه هي ضريبة العمل !!!!!!!! استحملي عيل بدون أي تشكي :)

[نوار قطر]

هذه هي ضريبة العمل !!!!!!!! استحملي عيل بدون أي تشكي :)

موضوع مطروح في الحوار العام وبقول رايي :victory: لاتعتبرها شكوى ذي مجرد فضفضه :)

[حمد 2002]

موضوع مطروح في الحوار العام وبقول رايي :victory: لاتعتبرها شكوى ذي مجرد فضفضه :)

قولي رأيج وبقول رأيي ، ممكن نختلف وممكن ننتفق بالرأي وبالحوار ، واختلاف الرأي لايفسد للود قضية ، بل يقوي الفكرة ويطورها ،،،، :)

[نوار قطر]

قولي رأيج وبقول رأيي ، ممكن نختلف وممكن ننتفق بالرأي وبالحوار ، واختلاف الرأي لايفسد للود قضية ، بل يقوي الفكرة ويطورها ،،،، :)

بالضبط ياخوي ،،، كلن يقول رايه وفي النهايه مب لازم نتفق على راي ممكن ان احنا نختلف مثل الي يصير الحين :victory:

[حمد 2002]

بالضبط ياخوي ،،، كلن يقول رايه وفي النهايه مب لازم نتفق على راي ممكن ان احنا نختلف مثل الي يصير الحين :victory:

بالضبط ، :victory:

[hasss1969]

رايي الشخصي قرار ممتاز ،،،بس اتمنى ماتيجيني هجمات مرتدة من اخواتنا العزيزات ربات البيوت الموظفات،،،

[meeemz]

حمد بالنسبه للشغل الخفيف انا مب معترضه اذا كان فيه شغل خفيف او واايد ترى كله واحد وبالعكس الوقت بيروح علي لو كان الشغل اكثر ومب حاسه بالوقت ذي اول شي ،، ثاني شي اي نعم عندي بدال الخدامه 3 بس غير التقطيع مايسوون لي شي ،،احنا خداماتنا لا يمسكون لنا ياهل ولا يحمسون لنا جدر وبعدين شتكلم ياحمد اي مكيف الي بتحس فيه مع حرورة الجوو وحرورة الفرن ،،، لنفرض تميت لي الساعه 2 بوصل البيت 2 ونص اوكى انا ابالغ خل اقول بوصل في ربع ساعه ،،، لين اوصل ابدل اصلي يات الساعه 3 في ذمتك خلال ثلاث ساعات متى الوحده يمديها تجهز والمفروض قبل الاذان تكون السفره جاهزه ،،، حلها لي ،، اذا بيفطرون على تمره وماي وبيصلون ،،، زين شكثر بتاخذ الصلاه عشر دقايق ؟؟؟ شاجهز في هالعشر دقايق ؟

والله 3 وايد تكفي حتى لو كنتي بنفسج تقطعين وتشتغلين ، انا ساعه تكفي اسوي عيش وسلطه وشوربه

[Super Cool]

عفواً على الصراحة

بس اللي يقول أن من الساعة 3 لين الفطور الوقت ما يكفي للطبخ إما ما يعرف وقت صلاة المغرب و إما ما يعرف يطبخ!!!!

[لاجل QT]

كان خلوها لين 12

جذي من الدوام على المطبخ مانلحق نرتاح

[نوار قطر]

والله حق حتى لو كنتي بنفسج تقطعين وتشتغلين ، انا ساعه تكفي اسوي عيش وسلطه وشوربه

حبيبتي فهمتيني غلط انا مااسحب خداماتي ال3 معاي في المطبخ .. حمد يقول اكيد عندج خدامه تساعدج قلت له بدال الوحده 3 بس مايطبخون
ساعه تكيفيج تطبخين العيش والشوربه ...اوكى انتي تحسبينها بالعيش والشوربه .. انا كل يوم لي 5 اطباق رئيسيه لازم تكون موجوده ...الشوربه والثريد والعيش والكباب والساقو طبعا غير السلطات الي اسويها او السندويشات حق 12 شخص يوميا اذا مب اكثر .. وحطي في بالج الثريد بيكون لحم ..اي لحم الي بتقطعين له وبتطبخينه وبينضى في ساعه

[مراد2015]

ابسم الله الرحمن الرحيم

اللهم بلغنا رمضان لا فاقدين ولا مفقودين
اللهم إنا لك نعبد ولك نركع ونسجد وإياك ندعو ونحمد آمنا بك نرجو رحمتك ونخشى عذابك إن عذابك كان مَحْذُورا،


احسن دوام في شهر رمضان المبارك خاصة في هذه السنة

من الساعة(7) الي الساعة(12) وقت ممتاز

اول شي بيكون اذان الفجر تقريبا الساعة 3.25 وعند الواحد وقت ينام لين الساعة (6)

بس لين الساعة (2) الظهر بيكثر الغياب وتقديم الاجازات والمرضيات

وكلمة راجعنا بعد العيد

[ضوى]

الحمد لله على كل حال

عموما رضا الناس غاية لاتدرك ولكل قرار بنشوف ناس معارضة وناس مؤيدة

النهار السنة طويل ووايد يمدي الواحد يسوي وايد اشياء فيه ، اذا الواحدة دشت ٣ ونص المطبخ بتخلص قبل الست ان شاء الله ، هذا لو الواحد اعتمد انه رمضان شهر الصوم والتعبد مهب شهر تنوع الاكلات والسلطات والحلويات ، انا بكل الاحوال طبق واحد رئيسي والسلطة واحيانا شورية وطبق حلو وصحن مقليات وانتهينا خاصة برمضان نقصة الناس ماتخلص من الجيران والاهل ماشاء الله يعني الاكل يزيد وايد عن حاجة اهل البيت الفعلية

[ROSE]

احنا دوامنا ٦ ساعات

ومن بيتي لشغلي ٣٠ دقيقه ومع ذلك بيكون عندي وقت اطبخ لعيالي

مع العلم ماعندي شغاله في البيت ولله الحمد وانوع في الاكل على حسب طلباتهم

لاني احب اتفنن في رمضان بالطبخ

[qtr1986]

انا ولله الحمد كل سنه من 6 الى 11 في رمضان

اللهم بلغنا رمضان وتقبل منا يارب العالمين

[qtr1986]

حبيبتي فهمتيني غلط انا مااسحب خداماتي ال3 معاي في المطبخ .. حمد يقول اكيد عندج خدامه تساعدج قلت له بدال الوحده 3 بس مايطبخون
ساعه تكيفيج تطبخين العيش والشوربه ...اوكى انتي تحسبينها بالعيش والشوربه .. انا كل يوم لي 5 اطباق رئيسيه لازم تكون موجوده ...الشوربه والثريد والعيش والكباب والساقو طبعا غير السلطات الي اسويها او السندويشات حق 12 شخص يوميا اذا مب اكثر .. وحطي في بالج الثريد بيكون لحم ..اي لحم الي بتقطعين له وبتطبخينه وبينضى في ساعه

ماشاءالله 5 اطباق رئيسيه

زين خلاص احسبو حسابي معاكم في رمضان :$

الله يعطيج العافيه

[بوعلي2]

ويح قلبي

[رجل الجزيرة]

المفروض إن راعي القرار يجب أن يضع إستبيان لجميع موظفي الدولة الحكومية والشبه الحكومية أو
مثل ما اذكروا بعض الأعضاء مابين 8:30 لين 1:30

وأنا مع 8:00 لين 1:00 لأني متعود إني أنام قبل الساعة 11 في الليل والحمد لله وبهذا القرار خرب علي رقدة الظهر وقدر الله وما شاء فعل.

:)

[pink pearl]

موقع مؤسسة حمد من التعميم؟!؟؟

[ممنوع اللمس]

احنا 9 ساعات والله كريم

[نوار قطر]

ماشاءالله 5 اطباق رئيسيه

زين خلاص احسبو حسابي معاكم في رمضان :$

الله يعطيج العافيه

مااقصد رئيسيه مين كوورس:shy: اقصد ان مهما سووينا من طبخات هالاكلات ال5 لازم تكون موجوده..

حياااك كل يوم في الميلس ,,,, بيتك ومكانك:)

[بو الجوري]

العام دوامنـا كان من 9 لين 2 :..

و آخر حلاوه ،،،، ليش !!!

لأن بعد صلاة الفجر تنام وتقوم 8 بدال 7 < يعني عندك وقت تنام

و نطلع 2 من الدوام نوصل البيت على صلاة العصر نصلي وعقب نسوي أي شي
ننام ، نقرأ قران ، نساعد فالمطبخ ،،، اي شي

بس أنا مع خواتي الموظفات اللي بيرجعون يطبخون < مع إنه في وقت تقريباً
خصوصاً إذا في خدامه تجهز لهـا كل شي قبل لاتبدأ :)

عالعموم الله يتقبل منـا

[zaid]

والله ما فيه وقت :) يعني الخدامة وش بتسوي والا بتخلي

برجع 2 ونص بريح شوي بشوف عيالي بشوف طلباتهم واذا دشيت المطبخ على 3 ونص او 4 متى اخلص

اخلص 6 انزين ابي اتسبح ابي اللبس ابي اتعدل متي يعني :) وابي اقراء قرءان ومتي بغسل الصحون

ولا احد يقول خدامة وخدامة حتى لو عندي خدامة وش بتسوي بتغسل والا بتكوي والا بتقطع والا بتطبخ :)

يعني لازم اساعدها بالغسيل والكوي والطباخ انا اكون معها مستحيل تكون بروحها حتى لو بس تسوي

الاساسيات وعلى فكرة مستحيل مستحيل ساعة تكفي طبخ حتى لو طبق واحد طبعا الا السندويش او السلطه :)

الى حط القرار وش عليه ينام ومرتاح على العموم قدمت اجازتي برمضان انشالله

[بو الجوري]

مع الأسف خلو دوامنا 9:30 - 2:30 :(

صح إنه ممتاز ننام شوي عالأقل الصبح ولما نطلع مافي زحمه وايد لأن الناس وصلت دواماتها :..

بس 2:30 أرجع يعني أوصل 3 :(

[لاجل QT]

اعتقد توقيت الدوام يناسب الرجال اكثر شي

احنا الحريم متى يميدينا ندش المطبخ

انا تقريبا اوصل بيتى على الساعة 4 بيتى بعيد عن دوامي

متى يمدينى اطبخ واوزع

موضوع الدوام من 9 الى 2 لاقى استياء كبير من النساء العاملات كثيرا

لومن 8 الى 12 كان افضل بالذات للعاملات بالمدارس المستقلة

[لاجل QT]

والله ما فيه وقت :) يعني الخدامة وش بتسوي والا بتخلي

برجع 2 ونص بريح شوي بشوف عيالي بشوف طلباتهم واذا دشيت المطبخ على 3 ونص او 4 متى اخلص

اخلص 6 انزين ابي اتسبح ابي اللبس ابي اتعدل متي يعني :) وابي اقراء قرءان ومتي بغسل الصحون

ولا احد يقول خدامة وخدامة حتى لو عندي خدامة وش بتسوي بتغسل والا بتكوي والا بتقطع والا بتطبخ :)

يعني لازم اساعدها بالغسيل والكوي والطباخ انا اكون معها مستحيل تكون بروحها حتى لو بس تسوي

الاساسيات وعلى فكرة مستحيل مستحيل ساعة تكفي طبخ حتى لو طبق واحد طبعا الا السندويش او السلطه :)

الى حط القرار وش عليه ينام ومرتاح على العموم قدمت اجازتي برمضان انشالله

الدوام مناسب للرجال في الغالب وبالذات اللى يسهروون:rolleyes2:

يقوم الصبح 9 مصحصح..ويرد 2 اشعلية :omen2:ماوراة مطبخ ولاشي ..:rolleyes2:

اللى يتخذ قرار لابد وحتما يراعي ظروف فئات اخرى راح تتضرر من هالقرار

لازم يحسبها صح

مو يحسبها لصالحة:(

[بو الجوري]

احنا الحريم متى يميدينا ندش المطبخ



متى يمدينى اطبخ واوزع



أنا باجي آخذ نصيبي مب مشكله :.. http://www.msha3ry.com/fisat-abtsamat-msn/fees-msn%20(47).gif

[لاجل QT]

أنا باجي آخذ نصيبي مب مشكله :.. http://www.msha3ry.com/fisat-abtsamat-msn/fees-msn%20(47).gif

عااتي:nice:

ابشر بسعدك بس يخلون وقت الدوام من 8 لين 12 ..صحون بتجينا لازم نردها متروسة

متى يمدينا نطبخ..احس راسي بيفتر:rolleyes2: مدري كيف ادبر عمري:(

[العلم]

شكلي باخذ إجازة .. :(

[لاجل QT]

لين الحين مضايقني التوقيت:(

[R 7 A L]

اشوف الي يتحججون
بانهم ينشغلون في المطبخ محضرين في المنتدى وقت قبل الفطور واعداد الفطور :secret:

[نوار قطر]

اشوف الي يتحججون
بانهم ينشغلون في المطبخ محضرين في المنتدى وقت قبل الفطور واعداد الفطور :secret:

انا اولهم :victory: :nice:

[R 7 A L]

انا اولهم :victory: :nice:


لا لا لا غيرك :secret:

[نوار قطر]

لا لا لا غيرك :secret:

وييييي :shy: متأكد:con2:

[لاجل QT]

اشوف الي يتحججون
بانهم ينشغلون في المطبخ محضرين في المنتدى وقت قبل الفطور واعداد الفطور :secret:

ااننننيي غايبة يومييين معترضة سودة عليا:(

يوم الاحد سااباشر العمل..يدوب بسوي فيمتو بس:(

[نوار قطر]

ااننننيي غايبة يومييين معترضة سودة عليا:(

يوم الاحد سااباشر العمل..يدوب بسوي فيمتو بس:(

لاجل اذا ماقدرتي تسوين الفيمتو .. قولي لي بطرش لج من فيمتونا ومن عشانا بحط لج من كلشي احبيبه :(

[لاجل QT]

لاجل اذا ماقدرتي تسوين الفيمتو .. قولي لي بطرش لج من فيمتونا ومن عشانا بحط لج من كلشي احبيبه :(

وي فديت قلبج بس جعلنى ماذوق حزنج:shy:

هالساعة المباركة:shy: ماصدقت على الله:shy:

[R 7 A L]

وييييي :shy: متأكد:con2:

خلينا نبتعد عن الشخصنه لو سمحتي :anger1:

[R 7 A L]

ااننننيي غايبة يومييين معترضة سودة عليا:(

يوم الاحد سااباشر العمل..يدوب بسوي فيمتو بس:(

والخدامة وش حضرتها :omen2:

[لاجل QT]

والخدامة وش حضرتها :omen2:


تغسل الصحون:omen2:

اليهال ماصدقو يجي ارمضان حق اطبخلهم بيدي..

عموما في رمضان انا اللى اطبخ ..عندى عيال صاييمين لازم ياكلون شي مرتب

اوصلت:rolleyes2:

[نوار قطر]

خلينا نبتعد عن الشخصنه لو سمحتي :anger1:

وييييي هاوشني :( :weeping:

ميهوووده لاتهاااوش :anger1:
:(

[نوار قطر]

وي فديت قلبج بس جعلنى ماذوق حزنج:shy:

هالساعة المباركة:shy: ماصدقت على الله:shy:

عزيزه وغاليه تامرين امر :nice:

[لاجل QT]

عزيزه وغاليه تامرين امر :nice:

مايامر عليج عدو
ابيج سالمة:shy:

خل عمنا مالك يحتر:nice:

[نوار قطر]

هههههههههااااي

[R 7 A L]

تغسل الصحون:omen2:

اليهال ماصدقو يجي ارمضان حق اطبخلهم بيدي..

عموما في رمضان انا اللى اطبخ ..عندى عيال صاييمين لازم ياكلون شي مرتب

اوصلت:rolleyes2:

قدمي على اجازة بدون راتب الله لا يهينك

[لاجل QT]

قدمي على اجازة بدون راتب الله لا يهينك

على الله وعلى هالراتب:rolleyes2:

شتقول انت اخوي:rolleyes2:

ومشكور لاقتراحك:)

[R 7 A L]

على الله وعلى هالراتب:rolleyes2:

شتقول انت اخوي:rolleyes2:

ومشكور لاقتراحك:)

خلاص
قولي لااله الا الله
واشتغلي مثل الناس وحللي راتبك
واصبري كلها كم يوم

عفواً:shy:

[لاجل QT]

اللهم اني صائمة:rolleyes2:

ياربي بس:(

[بو الجوري]

إنتوا للحين ههههههههههههه !

دوامنا التعيس من 9:30 لين 2:30 و الله مب شي

وللحين ماطلعت من الدوام أصلا :(

[لاجل QT]

الحمدالله خففو عنا الدوام.. نطلع 1

وجري على البيتescape