المساعد الشخصي الرقمي

مشاهدة النسخة كاملة : ايش البديل عن فيزا فرنسا لدخول فرنسا


عبير قطر
05-07-2013, 12:01 AM
السلام عليكم

بعد ما ملليت البيانات لقيت المواعيد بعد شهرين في السفرة الفرنسية ايش البديل البعض ايقول لي اطلع الفيزا من السفارة الالمانية والبعض ايقول من الايطالية والبعض ايقول لازم اسافر المانيا اولا او ايطاليا اولا وبعدين فرنسا


ايش الحل برأيكم؟؟مع الشكر
غير البشر
05-07-2013, 12:04 AM
السلام عليكم

بعد ما ملليت البيانات لقيت المواعيد بعد شهرين في السفرة الفرنسية ايش البديل البعض ايقول لي اطلع الفيزا من السفارة الالمانية والبعض ايقول من الايطالية والبعض ايقول لازم اسافر المانيا اولا او ايطاليا اولا وبعدين فرنسا


ايش الحل برأيكم؟؟مع الشكر


اختي انا كل مره اخذ من الالمانيه
وماروح المانيا عادي ادخل فرنسا وايطاليا

انا عندي فيزا ماخذها من الالمانيه قبل سنتين ولمده 3 سنوات
ورحت فيها باريس

بس الحين اسمع بعض الاعضاء يقولون قانون جديد
بس ماعتقد انه صحيح

وبنفس الفيزا قبل شهرين رحت سويسرا وايطاليا واموري طيبه

بعطيج رقم على الخاص وبعض التفاصيل اختي
عبير قطر
05-07-2013, 12:33 AM
اشكرك اخوي على الرد بس اتقول انك ماخذ الفيزا من سنتين يمكن الحين الاوضاع تغيرت؟؟؟؟ ياريت لو تتأكد من هالنقطه
غير البشر
05-07-2013, 12:41 AM
اشكرك اخوي على الرد بس اتقول انك ماخذ الفيزا من سنتين يمكن الحين الاوضاع تغيرت؟؟؟؟ ياريت لو تتأكد من هالنقطه



العفو اختي
ان شاء الله بتأكد وبعطيج الخبر الاكيد ان شاء الله
وبشوف الرقم وين حاطه وبرسله لج بعد :victory:
عبير قطر
05-07-2013, 10:38 AM
اشكرك وانا في انتظار ردك
المسعف
05-07-2013, 03:11 PM
أخذي من الألمانية ونزيل في دوله جريبه من فرنسا وريحي شوي وبالمطار روحي فرنسا ،،،،غير جذي بتوقين روحج مع الفرنسيين
ذكي جدااا
06-07-2013, 03:08 AM
اذا مب متاكده ممكن تاخذين الفيزا من الالمانيه وتنزلين بميونخ ليلة وعقبها ممكن تروحين بطيران داخلي او قطار لباريس طبعا رحلة القطار بتكون وناسه بتمرون على مناظر طبيعيه العيب الوحيد بالقطار اذا كان في تبديل اكثر من قطار
nagano
06-07-2013, 04:14 AM
أختي أخذي الفيزا من أي سفاره أوروبية وروحي فرنسا عادي ولا يقولون شئ وإذا لا سمح الله فيه أي شئ القطرية ماراح يخلونكم تركيون الطيارة بس أنا متأكد انه عادي لأني مأخذ الفيزا من الألمانية ولا نزلت ألمانيا توكلي بالله وسويها في أي سفاره أوروبية
عبير قطر
06-07-2013, 10:04 AM
mango ان شاء الله باتوكل على الله وأسويها في أي سفاره أوروبية اشكركم على الردود الطيبة وباخبركم عن النتيجة
AL-MAYSTRO
15-07-2013, 09:34 AM
انا رحت فرنسا بفيزة المانيه في عيد الاضحى اللي طاف

وقبلها رحت اسبانيا بالفيزة الالمانيه بعد و بدون مادخل المانيا
باربي قطر
15-07-2013, 10:32 AM
نفس الحالة :(
انا غلطت حجزت وخلصت ع اول يوم العيد مب عارفة شاسوي ؟!
شيكت المواعيد مافي الا 25/8
هارودز
15-07-2013, 10:47 AM
في السفارة اليونانية
بونووف
15-07-2013, 11:16 AM
السلام عليكم

بعد ما ملليت البيانات لقيت المواعيد بعد شهرين في السفرة الفرنسية ايش البديل البعض ايقول لي اطلع الفيزا من السفارة الالمانية والبعض ايقول من الايطالية والبعض ايقول لازم اسافر المانيا اولا او ايطاليا اولا وبعدين فرنسا


ايش الحل برأيكم؟؟مع الشكر

اخوي بالنسبه للسفاره روح اقرب موعد لاي سفاره وماراح يصير لك كذا مره جربت ومن كذا مكان والامور مشت زي العسل
زوجتي طلعت لها من الفرنسيه ونزلنا النمسا هالكلام اقل من شهر
اختي طلعت لها من الفرنسيه ونزلنا سويسرا هالكلام شهر 11


الالمانيه ادخل عليهم من غير موعد بس بتدفع مبلغ 200 وشي لانك تبي مقابله من غير موعد طبعا هالمبلغ من غير رسوم الفيزا .. هاي اذا مستعجل على الفيزا
وشوف الاسبانيه ولا السويسريه

وتروح وترجع بالسلامه
Al-Kuwari
15-07-2013, 12:36 PM
عندكم السفارة اليونانية بعد

مكانها قريب مدرسة الشويفات والفيزا تخلص خلال اسبوع يعني تقدم الاحد تستلم الاحد

التقديم يبدأ من الـ 10 صباحاً حتى الـ 12 اتوقع ومب زحمه وبدون مواعيد
باربي قطر
15-07-2013, 01:06 PM
يعطيكم العافيه ماقصرتوا .. عيل بجدد الايطالية دام توها مخلصة ..