مقارنه بين انفنتي و تيوتا

[w.qatar]

السلام عليكم

اتمنى اللي يرد يكون رده واقعي ومن خلال تجربه بدون اي تحيز

ابي اعرف من الافضل سيارات الانفنتي او التيوتا من ناحيه

1- اسعار قطع الغيار وجودتها

2- افضل خدمة بعد البيع

3- سرعه الخدمات في مراكز الصيانه بالوكاله

[تمون]

شوف يالغالي

المسالة مايبي لها مقارنه نهائيا و بدون واقع تجربة اصلا مافيه وجه للمقارنه

اول شي
بخصوص قطع الغيار فالبتاكيد التويوتا ارخص وغير هذا جودتها اعلا من اي شركة اخرى مثل الانفنتي

بخصوص السعر عند البيع فمافيه وجه مقارنه سيارات تويوتا خاصة في قطر وقت البيع تمسك في سعرها و تنباع بسرعه وغير هذا كله صيانتها بسيطه حتى صاحب السوبر ماركت يمكن يصلحها اما الانفنتي فلازم تتصلح فالوكالة و عطال و روح وتعال غير ان قطع الغيار غاليه

عموما اخوي خذ تويوتا و ارتاح من الصدعه
بالتوفيق مقدما

[حمد (بوعلي)]

خذ لك افالون ممتازه فخامه نفس الانفنيتي وجوده لانها تويوتا 2011 2012 حلوين 2013 تغير شكلها بس بعد حلوه

[alsoq]

اشرد من الانفنتي غيارها نار

[w.qatar]

الحمد لله بعد اسبوعين من البحث و المقارنات خذيت لي تيوتا لان اهم شي عندي قطع الغيار و توفرها عشان ما اتوهق في المستقبل

لاحظت وكاله الانفنتي ان اللي في المعرض نصابين وبياعين كلام ياليت ما يبالغون بهالطريقه لانهم يشككون الواحد في سياراتهم سئلتهم عن اسعار قطع الغيار اذا غاليه ولا سعرها مناسب واحد مصري يقول لي مثلاً السفايف بتاعت الانفنتي حتشتريهم ب1000 ريال بس حتئعد معاكي سنه ونص مش زي التيوتا كل شهرين تلاته تغيريها!
عاد رحت سئلت مركز صيانه الانفنتي جزاه الله خير اللي رد علي شخص اردني او فلسطيني قال لي الكلام ماله خص بالسنوات كل 10000 كم لازم تشيكين و تغيرين السفايف

و مشكورين اخواني على صراحتكم جزاكم الله خير و مبارك عليكم الشهر مقدما :)

[hxamad]

تويوتا وبس

[تمون]

الله يبارك لك فيها

احسن شي انج استشرتي

يالتوفيق

[AlWakRa]

مشكلة لما شخص ما جرب موتر ويقعد يفتي فيه :)

أنا عندي انفنتي g35 من خمس سنوات والصراحة موتر ما عليه كلام خصوصاً إنه موتري الوحيد وكارفه كرف والحمد لله لا مشاكل ولا بطيخ واللي يقول غير هالكلام ما مجرب وقاعد يفتي من مخه

كصيانة ، أشوف صيانته أسعارهم مقبولة وما أقدر أحكم مقارنة مع التويوتا لأن عمري ما جربت سيرفس التويوتا ، يعني كل 5 آلاف أدفع 200 ريال ، والـ 10 آلاف بعد نفس الشي تقريباً حزات تزيد إلين 500 ريال ، السفايف طول الـ 120 ألف كيلو اللي مشيتهم غيرتهم 3 مرات ، وتكلفتهم إذا الأربع بحدود الـ 1500 ريال ، سرعة الصيانة مقبولة يعني الصيانة العادية خلال ساعة والصيانة الشاملة يوم كامل ، ومعظم القطع الاستهلاكية متوفرة
عبدالغني مع إني ما جربتهم بس ما أشوف وايد يمدحونهم ، وواحد من الشباب بسيرفس الـ 10 آلاف متصلين له ويقولون نبي نبدل لك السفايف والدرامويلات الأربع ، هو كان بيبدلهم بس قلتله لا يبدلهم لأن السالفة فيها نصب (موتري أول مره بدلت فيها السفايف كان عالـ 25 ألف أو الـ 30 ألف مب ذاكر، عندنا هوندا مبدلين سفايفها على الـ 60 ألف مادري أكثر ، والجمس مبدلين السفايف اللي ورى بس على الـ 85 ألف كيلو)

في مواتر وايد أحسن من التويوتا بس العالم عندنا احنا تويوتا وتويوتا ، آخر موتر تويوتا استخدمته كموتر أساسي موديله 97 وللحين موجود عندنا وهاي اللي نسميه جودة ويستحمل مب التويوتات مالت الحين


عالعموم ، الله يبارك لج بموترج ويعطيج خيره ويكفيج شره

[al-obaidly]

انا احب التويوتا لكن انا اعرف ان قطع النيسان اجود في الصناعه لكن المشكله وكاله النيسان سيئه عندنا

[كربيتر كام]

في الخليج التيوتا والنيسان ناجحين مواتر كرف وبر وسفر وتوفر قطع الغيار في اي مكان انا ارتب
التيوتا رقم ١
النيسان ٢
الامريكي رقم ٣ طبعا حق قلص وتحميل مايتقارنون اكيد الامريكي اقوى

[بوحسن 779]

من واقع تجربة قطع غيار نيسان اغلى ولكن فيها الجودة مثﻻ السفياف نيسان تغيرها كل سنة ونص بعكس تويوتا و خدمة نيسان اسرع وافضل

[رجوان]

جودة قطع غيار النسيان ممتازة وأحسن من التيوتا بس قطع غيار الانفنتي ناررررررر