هل بتركب القطار ؟

[اللوز]

ان شاء الله بعد كم سنة من انشاء سكة الحديد ( الريل )
هل ستركب القطار ام ستتركة لتوصيل العمال ؟ مثل ما يحصل في باصات كروة

[عيون الدوحة]

بركبه
مثل ما اركبه بدبي وتايلند وماليزيا وغيرها

[مخطط قطري]

بخليه للعمال

[تاج المراجل]

بصراحه بركبه عناد للعمال بس راح اكون ضارب لطمه <؛ بسبب ريحه بعض العمال اللي جنبي هـع

[اللوز]

يعني هل بتركب العوائل القطرية مع العمال ؟

[حمد 2002]

مب راكب اعناد بكروه ،،،، هذا الي قاصر هل قطر يركبون قطارات وباصات ،،،

[Faisal75]

ولا افكر اركب
تبوني امشي كيلو ولا كيلوين عسان اوصل محطة القطار في هالحر

[R 7 A L]

فشيله نستخدم القطار
تخيلوا واحد واهله كلهم رايحين في القطار
حتى الخدامات معنا

[نوار قطر]

على حسب شكل القطار اقصد مستواه خدماته بس يمكن اركب فيه عن خاطري وعقبها بنحدد اذا كنا بنرجع نستخدمه مره ثانيه او لا

[أم علي 2010]

فشيله نستخدم القطار
تخيلوا واحد واهله كلهم رايحين في القطار
حتى الخدامات معنا

ههههههههه بالضبط

[مضارب دوسري]

لكل حادث حديث للحين ماشفنا شي

[Marazeem]

اذا هو بيختصر الوقت ويفكنا من زحمة الدوارات والاشارات ليش لا
انا شخصيآ أتمنى.. بس كالعادة الأشياء الزينه دايمآ المعاكسات تسبب عائق
وتحرم البنات من الاستفادة من هالخدمات

لو يحدون من هالظاهرة ويخصصون مقصورات للنساء والاطفال وكبار السن
بيكون شي ممتاز

[غالي قطر]

هاي حظ الجانب لنهم راح يوفرون اهل قطر ماعتقد

[بوخالد911]

يمكن مرة و لا مرتين

مثل ما جربت قطار دبي

[وحيد-الشوق]

اذا الله حيانا لين ذاك الوقت يصير خير

[العقل المدمر]

لا طبعا
اصلا مسوينه حق الاجانب مب لنا
الله يخلي سياراتنا الخاصه

[تغلبية]

عاد بودينا علشان نعرف نركب والا لأ ؟!

[بصمة قطرية]

ممكن نجربه و نحكم إذا يصلح و لا ما يصلح
يعني المرة الأولى حجة إن العيال يبون يركبونه :nice:

[ذكي جدااا]

اتوقع ان القطار بالاصل تم تصميمه لنقل العمال وبعض الأجانب اللي ماعندهم سيارات. اللي عنده سياره بيستخدم سيارته. انا دائماً اروح أروبا وأشوف ان الاشخاص اللي يستخدمون القطار او الباصات هم الناس اللي ماعندهم وسيلة نقل خاص . ونشوف ان الناس اللي عندهم سياراتهم يستخدمونها حتى وسط لندن من غير مايفكرون انهم يستخدمون القطار أو الباص.

[Dana’1]

ممكن أجربة إن شاءلله ليش لا خصوصا إذا بتكون الوجة يوق واقف أو إذا كانت له محطة في أحد المولات...

[بـارود]

وقتها - إن شاء الله - بسوق سيارتي ؛ لأن الزحمة بتخف
وخلهم يتزاحمون ع القطار :nice:

[غير البشر]

اذا عائليينفع حق الجانب بس
تخيل تروح الجمعيه بالقطار
الاجانب يرجعون من الجمعيه بكيس واحد
طماطتين و3بطاطيس و2 فلفل بارد و3 ليمونات

احنا 6 سحاحير طماط و3 خياش عيش و2 كيس بصل وكرتون موز وكرتون عنب
ههههههههههههههههههه وين يدخلون في القطار

[بصمة قطرية]

اذا عائليينفع حق الجانب بس
تخيل تروح الجمعيه بالقطار
الاجانب يرجعون من الجمعيه بكيس واحد
طماطتين و3بطاطيس و2 فلفل بارد و3 ليمونات

احنا 6 سحاحير طماط و3 خياش عيش و2 كيس بصل وكرتون موز وكرتون عنب
ههههههههههههههههههه وين يدخلون في القطار

آجر لك مازدا :tease:
:secret:

[كيلو حديد]

تخيل تروح وترجع من الجمعيه معاك الجاري هههه
وتخيل بهالحر تمشي لين محطة القطار
انزين لو سيارتك عند محطة الركوب من بيوصلك عند المحطه المقصوده .
القطارات غير عمليه بهالحر والله بنفطس وخصوصا مع ثيابنا الي تتوسخ بسهوله


سمعت ان الشوارع بتصير بقلوس واسعار مرتفعه جدا عشان يجبرون اكبر قدر
من الناس لاستخدام القطار وتخفيف الضغط ع الشوارع .

[الإكسير]

الي يقول بستخدم القطار؟؟؟؟ استخدم الباص قبل لا تستخدم القطار...
عن نفسي ماراح استخدم القطار

[عاشق العديد]

على حسـب الخدامات الراحـه
التنظيم كله يلعب دور .. لكن لو قطار ومافي خدمات ومافي شـي شل فايده ليش اركبه اخليه للعمال لانه هاي الفئه ماترفض شـي ابدا .. وبالعكس لانها فئه محتاجه اكثر من غيرها راح توفر الكثير من الخساير .. وبس ..
لكن لو في خدمه وفي تنظيم وقطـار محتـرم نظيف ومكيف وجميل من الداخل اكيد مايمنعني أني ما اركبه ومستعد اخلي سيارتي تولي واروح واجي بالقطـار

[لاجل QT]

سؤال هو ليش القطار؟؟

كلنا عندنا سياير ولله الحمد تقريبا كل فرد يملك سيارتين في البيت ...من اللى بيخلي شوفتة في قطار ..طبعا اللي بيركبة اغلبهم عمال

ليش القطار عندنا؟؟؟؟ وحق من مسوينة بالضبط.؟؟

[الارض]

ترا القطار بيكون فيه درجه أولى ودرجه عاديه

أعتقد هم ثلاث درجات

يعني اللي يقول بقعد جنب العمال وريحه ومادري شنو عندك الدرجه الاولى مالك عذر

عن نفسي اكيد بستخدمه وخاصه في أوقات تكون زحمه خانقه فالشوارع

[أخت الكل]

واقعيا صعبه استخدم القطار

لكن اتمنى افتك من الركبه مع السايق

وش فيها لو طلعت من بيتي ومشيت لين محطة القطار وركبت قسم خاص بالنساء او العائلات ونزلت في المحطة القريبه ومن شغلي وكملتها كعابي والله وناسه وراحة بال ورياضة

[لاجل QT]

زين وين مكانة بيكون القطار ماشفنة خطوط سكة حديد؟؟

[الـقـاسـي]

أنا بستخدمه لو كانت شبكة المواصلات فيه قويه جداً يعني لو كانت المحطة قريبه من البيت وبتوديني لمحطه فرضا توقف عند وزاره العدل اخلص شغله هناك ويقطع المسافة في عشر دقائق ليش لا مدام بيوفر علي الوقت ،،، ولكن ماتوقع بيكون بنفس الجودة هذي لان توزيع المناطق عندنا والوزارات والشوارع غلط في غلط

[ROSE]

انا المترو اللي عندنا لليوم ما ركبته

[بونووف]

المترو الي بيجهز قريب راح يكون في منطقة لوسيل وراح يخدم الاماكن السياحيه ..يعني صف سيارتك في لوسيل وروح اللؤلؤه بالمترو وروح من محطه لين محطه وكلهم حذا بعض

عن نفسي بكون من اول الناس الي بيجريونه لانه شغالين عليه حاليا

:nice:

[اللوز]

بركبه
مثل ما اركبه بدبي وتايلند وماليزيا وغيرها

بتركبه مع الاغراض او بدون ؟

[عيون الدوحة]

بتركبه مع الاغراض او بدون ؟

عادي على حسب المكان الي بروحة اذا في مشتريات ولا لا
واكيد سالفة الجمعية والخضرة ماراح تكون بالقطار

[Right]

في البداية .. لا



حتى تتم التجربة والتشغيل لفترة طويلة جداً لربما يكون هناك ضحايا



وتظهر العيوب ومن بعد ذلك يتم إصلاحها



حتى يكون جاهز وصالح للإستخدام البشري 100%

[قــطــريــه]

لو تم تخصيص اماكن للنساء اركبه ليش ما اركبه واحنا نركبه برا ومافيه الا العافيه لكن اتمنى تجربة الامارات ما تتكرر لآن اماكن النساء يدخلونها رجال واماكن الـ vip يدخلونها اللي ماعندهم تذاكر لو كان زحمه

[القعقاع]

بنركب القطار

[7llo]

يالربع على مااعتقد بتكون الشوارع ززززززززحمه يعني لازم تركب قطار عشان توصل المكان الي انت تبيه نفس دبي العالم صارت تصف سيارتها وتركب القطار اتوقع احنا جي بنسوي

[FCB 123]

وليش تم حصر القطار على أنه العمال بيستخدمونه ؟ اكيد في درجات معينه

ودايما نركبه في دبي وماليزيا وتايلند ولا قلنا شي

علشان في بلادنا مانبي نركبه وبنستحي ؟

الله المستعان
و
بالتوفيق للجميع

[STAR]

عادي... مافيها شي..بس اهم شي يكون القطار ع مستوى...
حبذا لو يخلون مقطورة للحريم او للمواطنين...

[no problem]

:nice: ان شاء الله بكون اول الركاب

[ضوى]

لا ، مافكر

[شبح الصمت]

اي ليش لا

نجربه التجربه حلوه

اذا اماكن معينه وبتسهل علينا

مثال لو صار وحطو لنا محطة قريبه من دوامي بروح فيه اقل شيء لا ريس والا بريك والا اسبب زحمة للعالم ومريح بالي ومعاي قهوتي والا الكرك اشرب لين اوصل


اتمنى يكون في مني مطبخ صغير يسوي لنا طلبات خفيفه ..

واشكرك اخوي على الموضوع الجميل