@@ لين داخل ماركس سبنسر اوصلت الطراره !! @@

[Qt.1]

بصراحه امصخت السالفه , في كل مكان ايونا يطلبون افلوس وصارت معاي كذا مره لين السياره ايطقون الجامه ويطلبون افلوس ,,

لكن هالمره جاتني وحده لين داخل ماركس سبنسر تطلب افلوس , يعني حتى والواحد يشتري بيتاذى منهم , بصراحه تمادو وايد !!
:confused:

[بصمة قطرية]

:rolleyes2:
الله يهديهم
المشكلة من كثر هالحركات صرنا نخاف منهم
و الواحد ما صار يعرف المحتاج فعلاً من الكاذب ..!!!

[العقل المدمر]

ثنتين خوات فالجامعه ياتهم وحده عربيه فاحد المجمعات تسالهم عن المصلى وعقب قالت لهم انا ساكنه في بيت اجار واللي مأجر البيت طاردنا وقافل الباب واحنا ننام في الحوش وانا ابي اشتغل خدامه لو تعرفون لي بيت وتخيلوا بكره الساعه 10 يبي المبلغ الفلاني والا بيطردنا خلاص وكانت تسأل عن القانون في قطر اذا يسمح لها تشتغل خدامه مؤقت وفعلاً عقب دشت المصلى وياهم صلت وقالت لهم ادعوا لي .. عقبها بخمس ايام شافتهم في مجمع ثاني جات عادت لهم نفس القصه شكلها ماعرفتهم من كثر الناس اللي مرت عليهم :rolleyes2:

[بصمة قطرية]

ثنتين خوات فالجامعه ياتهم وحده عربيه فاحد المجمعات تسالهم عن المصلى وعقب قالت لهم انا ساكنه في بيت اجار واللي مأجر البيت طاردنا وقافل الباب واحنا ننام في الحوش وانا ابي اشتغل خدامه لو تعرفون لي بيت وتخيلوا بكره الساعه 10 يبي المبلغ الفلاني والا بيطردنا خلاص وكانت تسأل عن القانون في قطر اذا يسمح لها تشتغل خدامه مؤقت وفعلاً عقب دشت المصلى وياهم صلت وقالت لهم ادعوا لي .. عقبها بخمس ايام شافتهم في مجمع ثاني جات عادت لهم نفس القصه شكلها ماعرفتهم من كثر الناس اللي مرت عليهم :rolleyes2:

صادفني هالموقف في وحدة جات لين الباب و دقت البيت ..!!
بعدها بفترة بسيطة رحت لناس زيارة جات هناك
و عادت نفس الكلام و طلبت نفس المبلغ ..!! :rolleyes2:
من جي انعدمت الثقة فيهم خلاص بالنسبة لي اللي يطلب عيار ..!!
أحس اللي فعلاً محتاج عنده عزة نفس ما يطلب الناس ..

[نوآف]

مفروض تبلغ عنهم لان ممنوع هالشي

[بنت مريخ]

حرام يمكن محتاجه بعطيها شي بسيط

[ذكي جدااا]

انا ما استحي من هالمواقف إبدااا اللي يسألني فلووس انا بعد اسأله فلوس اقول له انا محتاج مثلك. خلكم صريحين عطوهم كاش بوجوههم

[(بوطلال)]

((وائما السائل فلا تنهر ))

[رجل اطفاء]

بارك الله فيك يا بوطلال

محد مجبور يعطي أي شي من مخباه
يا تردوهم باحترام أو تعطوهم من خير الرحمن

اعتقد هاي من أخلاق المسلمين ، اللي كل واحد منكم تربه عليه
وسلامتكم

[الحاقول]

((وائما السائل فلا تنهر ))



تصحيح الايه

:" وَأَمَّا السَّائِلَ فَلا تَنْهَرْ"

[قطرية مثقفة]

كان المفروض تبلغين إدارة المحل علشان يطلعونها @@

[أبوفهد666]

واحد من الربع يسولف علي امس ..!..

يقول : جاني واحد وقال عطني مما عطاك الله

يقول خويي هذا : طلعت المحفظة مالقيت فيها الا خمس مية ريال

قلت له : الله يعطيك ياخوي مامعي صرف

قاله : هات اصرف لك

ويقول خويي : طلع لي هبشة فلوس في جيبه يبي يصرف لي الخمس مية !!!!

يقول انا صرت كذا >>>>>> :eek5:

[نوفة قطر]

التسول ممنوع فالدوله هاي لو يمسكونها تنسجن يمكن !

بلغ عنها او قول لها روحي الله يعطيج

مره جاتني وحده فالسوق قبل شهرين يمكن تمت تزن ع راسي تقول انا ابوس ريولج بس تعطيني !!

قلت لها مافي حاجه فالدنيا تخليج تقولين تبين تبوسين ريولي حتى لو تبين تطلبين لا تذلين عمرج حق حد الله بيرزقج بدون ماتبوسين ريل حد

وعطيتها محاضره طويله عريضه لين تأسفت هههههه

[$...المبارك...$]

الحين لعبتهم خلال شهر رمضان يستغلون طيبة الناس وأجر الشهر الكريم ، وخاصة من بعض الدول المجاورة

[بوخالد911]

هالشي ممنوع

وانا ما اعطيهم وجه كللللللللللللللللللللللللللللللش

لو الشخص من دولة عربية
اقوووووله روح سفارة بلادك

لو مصخها اقووله بتصل بالشرطة

[كربيتر]

في نقطة مهمة
ماركس سبنسر راعيه صهيوني مب بس يهودي

[w.qatar]

انا لاحظت ان اغلب اللي يطرون الرجال ما يروحون الا للحريم يطلبون فلوس

و العكس المراه الطراره تلاحق الرجال تطر منهم

لانهم عارفين ان الرجال لين راح يطر من رجال مثله بيكتشفه بسرعه اذا نصاب اما اذا راح للمراه تستحي و بسرعه تحاول تتخلص منه و تعطيه المقسوم و الموضوع نفسه مع الطرارات الحريم تملغ عالرجال عشان يستحون و يعطونها

[7llo]

مع احترامي ترا اكثر الي يجون يطرون سعوديين , واذا كانو طراروه من قطر بتحصلهم برا عند السياره