عمركم شفتو جيب لكزس مغرز .. وطلع بدون سواق (فيديو2:01)! !! !

[أبوفهد666]

نظام الزحف جيب لكزس 2013 بدون سائق شرح : محمد بن علي :nice:



http://ysv.me/401908

[للصبر اخر]

مش معقوووول
مو من صجهممم

[أبوفهد666]

مش معقوووول
مو من صجهممم

معقول ونص

هذي يسمونها البدو التنكلوجيا :fight:

[H H]

ماشالله الله يعطيه خيره ويكفيه شره

[أبوفهد666]

ماشالله الله يعطيه خيره ويكفيه شره

آمين

نوّرت يا إتش إتش :nice:

[Northqatar]

السلام عليكم

اخوى كل تمام

بـــــــــــس

- 1 -

دقق في : 1.24 من الوقت بتشوف صورة البريك

يعنى اخوى معناه انه في أ حد كان يسوق الموتر


- 2 -

الموتر ما كان لاحم (( صاك لين الشاصي ))

يعنى تطليعته سهلة


شاكر لك اخوى !!!!:nice:


ومعاك الصورة ::::

http://im38.gulfup.com/WSwdJ.jpg (http://www.gulfup.com/?JuCjMf)

[ذكي جدااا]

باين انه مافي احد بالموتر اما بخصوص البريك فآكيد الموتر مبرمج على انه يوازن السياره ويمسك بريك من حاله

[أبوفهد666]

السلام عليكم

اخوى كل تمام

بـــــــــــس

- 1 -

دقق في : 1.24 من الوقت بتشوف صورة البريك

يعنى اخوى معناه انه في أ حد كان يسوق الموتر


- 2 -

الموتر ما كان لاحم (( صاك لين الشاصي ))

يعنى تطليعته سهلة


شاكر لك اخوى !!!!:nice:


ومعاك الصورة ::::

http://im38.gulfup.com/WSwdJ.jpg (http://www.gulfup.com/?JuCjMf)

التصوير واااضح وماعتقد فيه لعب

بعدين كيف الموتر يمشي وهو داعس على البريك

على فكرة الارض اللي فيها الموتر تسمى رباض <<< بتشديد الباء

يعني تشوفها وتستسهلها وهي توريك نجوم الظهر .. اسال مجرب

ولمبة الاصطاب يمكن تكون من ضمن سستم نظام الزحف مو شرط يكون احد دايس عليها :nice:

[الكواري 1972]

نفس الشي مع vxr

تويوتا وبس

اللي يقول ان واحد جالس يكبس بريكات
يبيلك تاخذ لك واحد عشان تتاكد

:)

يعطيكم العافيه

[حمد 2002]

يبيلنا نجرب ، على مسؤوليه اخونا بوفهد هههههههههههههه

[أبوفهد666]

نفس الشي مع vxr

تويوتا وبس

اللي يقول ان واحد جالس يكبس بريكات
يبيلك تاخذ لك واحد عشان تتاكد

:)

يعطيكم العافيه

أي والله علمهم يالكواري

شرفتني بارك الله فيك

[حفيد الأنصار]

ماشاء الله تبارك الله

الله يعطيه خيره ويكفيه شرره يااارب



شفت مقطع مثله لكن موجود واحد بالسيارة وكانت السيارة مغرززه اكثر من كذا وطلعها مثل ذي

يعطيك العافية ابو فهد

[حفيد الأنصار]

نفس الشي مع vxr

تويوتا وبس

اللي يقول ان واحد جالس يكبس بريكات
يبيلك تاخذ لك واحد عشان تتاكد

:)

يعطيكم العافيه



صحيح كلامك نفس الشي مع الـ vxr

:victory:

[أبوفهد666]

يبيلنا نجرب ، على مسؤوليه اخونا بوفهد هههههههههههههه

ليتني داري بالنظام هذا في موتري قبل 3 شهور

كنت جاي من البطحاء باتجاه الرياض مع طريق حرض ( اخس طريق )

ووقفت على جنب الطريق

ويوم جيت امشي قال اللكزس : لاياحبيبي وين بتروح ماني متحرك من مكاني لو يطلع الشيب في راسك :omen2:

وغرزت نفس التغريزة هذي بالظبط والموتر كفراته ثولثت

( يعني 3 على الارض والرابعة تلعب في الفاضي ):omg:

اعشق الدبل الثقيل وارفع الهيدروليك ومافيه حيلة عيا الخسيس :anger1:

وارسل لي الله واحد جزاه الله خير معه جيب هدد 2007

والله وسحبني بالواير

انا عاد متلطم مابي احد يشوفني ويقول هذي اخرتها لكزس بذيك القيمة ومغرز ياخسارة 400 الف :weeping:

[أبوفهد666]

ماشاء الله تبارك الله

الله يعطيه خيره ويكفيه شرره يااارب



شفت مقطع مثله لكن موجود واحد بالسيارة وكانت السيارة مغرززه اكثر من كذا وطلعها مثل ذي

يعطيك العافية ابو فهد

المقاطع كثير في اليوتيوب عن النظام هذا

بس اللي ابهرني انه يطلع بدون سواق ويلف الدركسون

الازرار اللي خلف القير انا اقول وش هي له اثرها لنظام الزحف

شرفتني ياشيخ حرب حرابة الدول :nice:

[Northqatar]

التصوير واااضح وماعتقد فيه لعب

بعدين كيف الموتر يمشي وهو داعس على البريك

على فكرة الارض اللي فيها الموتر تسمى رباض <<< بتشديد الباء

يعني تشوفها وتستسهلها وهي توريك نجوم الظهر .. اسال مجرب

ولمبة الاصطاب يمكن تكون من ضمن سستم نظام الزحف مو شرط يكون احد دايس عليها :nice:



يمكن لمبة الأسطاب اشتغلت من ضمن السستم

وعادى اخوى مافي داعى للزعل

وجهة نظر وقلتها

وسلام على الكوارى 1972

[أبوفهد666]

يمكن لمبة الأسطاب اشتغلت من ضمن السستم

وعادى اخوى مافي داعى للزعل

وجهة نظر وقلتها

وسلام على الكوارى 1972



:omg:


الله لايجيب الزعل من يقول اني زعلت حرام عليك

وجهة نظرك على عيني وراسي وخشمي بعد شتبي

افا ياشمال قطر انت غالي الله يخليك لغاليك :nice:

[Aaziz]

ياحسافه النيسان مافيه هذا النظام :telephone:

ههههههههههه النيسان فحل مايحتاج هذي الخرابيط من الاساس :nice:

التويوتا يسمونه بقره من ثقله ،،، اتوقع في الموديلات الجايه انظمه اكثر فايه بهذا الخصوص.


----------


بوفهد على حد علمي ان سحب اللكسز و الهيدرولك مرفوع يتسبب في خراب الهايدرولك في اللكسز تحديدا. هذا في الموديلات السابقه 2007 و تحت

[أبوفهد666]

ياحسافه النيسان مافيه هذا النظام :telephone:

ههههههههههه النيسان فحل مايحتاج هذي الخرابيط من الاساس :nice:

التويوتا يسمونه بقره من ثقله ،،، اتوقع في الموديلات الجايه انظمه اكثر فايه بهذا الخصوص.


----------


بوفهد على حد علمي ان سحب اللكسز و الهيدرولك مرفوع يتسبب في خراب الهايدرولك في اللكسز تحديدا. هذا في الموديلات السابقه 2007 و تحت


انا معك النيسان افضل من التويوتا بمراحل منها القوة والسرعة والرساوة

لكن العيب الوحيد فيه قيمته تطيح

مو زي اللكزس والتويوتا شــــــــــــيـــــــــــك في الجيب

وبخصوص السحب

الرجال سحبنا وجزاه الله خير والحمد لله مالاحظت عليالسيارة أي شي

شرفتني ياعزيز مرحبا بك :nice:

[بوعلي2]

جربت هالحركه في الفيكسار رهيييبه الحركه والفيكسار مال واحد من الربع
قريبا ان شاء الله بابيع موتري وباخذ فيكسار

[Aaziz]

شوف بوفهد ،، انا اتحرش بس و التويوتا و النيسان كلها مواتر طيبه .

بخصوص هذا النظام هو معروف و موجود في الفي اكس ار و اللكسز من موديل 2008 و فوق

و استخدامه الحقيقي في الطلعات و النزلات الجبلية و الحجريه ..

يعني تشغله و انت طالع لك طلعه او نازل ،، عشان كذا ليت البريك كان يولع .. و طريقه تشغيله انك تفر الفرار الي جمب الجير ،، و تدوس على دواسه البانزيل دوسه خفيفه ،، يعني بس امر ان السياره تتحرك .
و اثناء ما النظام شغال حتى لو تدعس بانزين ماراح تجاوب معاك السياره ،، انت فقط تتحكم بتوجيه السكان .

شوف هذا المقطع ولاحظ ان التاير الي يتعلق في العوى النظام هذا يوقفه (مايخلي الموتر يثولث)
http://ysv.me/624950

[أبوفهد666]

شوف بوفهد ،، انا اتحرش بس و التويوتا و النيسان كلها مواتر طيبه .

بخصوص هذا النظام هو معروف و موجود في الفي اكس ار و اللكسز من موديل 2008 و فوق

و استخدامه الحقيقي في الطلعات و النزلات الجبلية و الحجريه ..

يعني تشغله و انت طالع لك طلعه او نازل ،، عشان كذا ليت البريك كان يولع .. و طريقه تشغيله انك تفر الفرار الي جمب الجير ،، و تدوس على دواسه البانزيل دوسه خفيفه ،، يعني بس امر ان السياره تتحرك .
و اثناء ما النظام شغال حتى لو تدعس بانزين ماراح تجاوب معاك السياره ،، انت فقط تتحكم بتوجيه السكان .

شوف هذا المقطع ولاحظ ان التاير الي يتعلق في العوى النظام هذا يوقفه (مايخلي الموتر يثولث)
http://ysv.me/624950

كلها عطايا ربي

والله يكفينا شرها ويعطينا خيرها

فيه مميزات في اللكزس اول مرة اكتشفها

فعلا شعب جوج وماجوج مبدعين في التكنلوجيا :nice:

[حليتان*]

المقاطع كثير في اليوتيوب عن النظام هذا

بس اللي ابهرني انه يطلع بدون سواق ويلف الدركسون

الازرار اللي خلف القير انا اقول وش هي له اثرها لنظام الزحف

شرفتني ياشيخ حرب حرابة الدول :nice:

الازرار الي ورا القير اول واحد هو الدبل والثاني لنظام الزحف والثالث هيدروليك والرابع الي هو تتحكم بريافة الجامبينات :)


وطبعا نظام الزحف من اجمل التقنيات الي حطوها فالسيارات حالياً


ومشكور يابو فهد ع الموضوع الجمييل

[أبوفهد666]

الازرار الي ورا القير اول واحد هو الدبل والثاني لنظام الزحف والثالث هيدروليك والرابع الي هو تتحكم بريافة الجامبينات :)


وطبعا نظام الزحف من اجمل التقنيات الي حطوها فالسيارات حالياً


ومشكور يابو فهد ع الموضوع الجمييل

مرحبتين يالشيخ :nice:

http://center.jeddahbikers.com/uploads/images/jb13731722411.jpg (http://goo.gl/X7MMB)

هي 4 ازرار

1- دبل ثقيل
2-هيدروليك
3-؟؟؟
4-؟؟؟
من عام 2009 استخدمت اللكزس إلى 2013
إلى يومك هذا ماعرفت وش الزر رقم 4 و 3

العفو ياخوي ،،

[عاشق العديد]

قسسسم بالله العظيم لا لكزسسس ولا فتـك ولا اي موتـر هالرباض ماينفع لـه

الا نيسـان 98 قسسسم بالله بقره فشارع نشيط فالشارع من مجـرب لهل الموتر

نعم مـوتر

[أبوفهد666]

قسسسم بالله العظيم لا لكزسسس ولا فتـك ولا اي موتـر هالرباض ماينفع لـه

الا نيسـان 98 قسسسم بالله بقره فشارع نشيط فالشارع من مجـرب لهل الموتر

نعم مـوتر

تعلمني في الربّاض ياعاشق ؟؟

اخس شئ في التغريز هو الربّاض

وأنا معك أن النيسان موتر رمل مافيه كلام

وخصوصا من 97 وتحت .. قوي ابن اللذينا

شكرا لك على الإضافة القميلة ياقميل :nice:

[حليتان*]

مرحبتين يالشيخ :nice:

http://center.jeddahbikers.com/uploads/images/jb13731722411.jpg (http://goo.gl/x7mmb)

هي 4 ازرار

1- دبل ثقيل
2-هيدروليك
3-؟؟؟
4-؟؟؟
من عام 2009 استخدمت اللكزس إلى 2013
إلى يومك هذا ماعرفت وش الزر رقم 4 و 3

العفو ياخوي ،،

1-دبل
2-هذي الي يسمنوه نظام الزحف
3-هدروليك
4- التحكم فالجامبينات

تعبث فالموتر دام ان عليه ضمان واكتشف هههههههه



ومبارك عليك الشهر

[أبوفهد666]

1-دبل
2-هذي الي يسمنوه نظام الزحف
3-هدروليك
4- التحكم فالجامبينات

تعبث فالموتر دام ان عليه ضمان واكتشف هههههههه



ومبارك عليك الشهر

علينا وعليك يتبارك

بخصوص رقم 4 ما فهمت الجانبينات وش هي :shy:

[كازانوفا]

سبحان الله علم الانسان مالم يعلم

[حليتان*]

الجامبينات عندك الوضع الرياضي sport والوضع الثاني comf اعتقد يقصدون فيها comfort

اذا حطيت ع الوضع الرياضي بتحس فالموتر انه صار وعر شووي اما الوضع الثاني بتحسه عادي مايتغير شي

[أبوفهد666]

الجامبينات عندك الوضع الرياضي sport والوضع الثاني comf اعتقد يقصدون فيها comfort

اذا حطيت ع الوضع الرياضي بتحس فالموتر انه صار وعر شووي اما الوضع الثاني بتحسه عادي مايتغير شي

تشكرات يا فندم :nice: