آخر فرصه للعمره برمضان بسعر حصري المقاعد محدوده فقط ب6000

[حمد 2002]

السلام عليكم ورحمه الله وبركاته

الموضوع يحمل العنوان التالي

(( آخر فرصه للعمره برمضان بسعر حصري، المقاعد محدودة فقط ب6000 ))

تنتشر بقرب حلول شهر رمضان المبارك وموسم الحج ، الكثير من الاعلانات التي يقوم بها اصحاب مكاتب حملات الحج والعمره ، للترويج لمكاتبهم بطرق مختلفه ، فبعضهم يقول بانه بقى 4 مقاعد فقط ، والبعض يذكر بان سعر العمره تكلف فقط 4999 ، وبطرق مختلفه لجذب الناس ،
وتزداد اسعار وتكلفه الذهاب للعمره برمضان بآخر 10 ايام من الشهر الفضيل ، لتصل الى مبالغ واسعار وهميه ،،

فأين الرقابه على تلك المكاتب والحملات ؟!!!!!!!!!!!!!!

وهل وصل بهم الحال انهم يتاجرون بالدين وايتاجرون للذهاب لبيت الله عزوجل ، على حساب الناس المساكين ؟!!!!!!!!!!!

سأكتفي بهذا القدر من الكتابه ، لأترك لكم باب التعليق حول هذا الموضوع وفقا لأطر وقوانين المنتدى ،،، :)

تحياتي لكم ، وكل عام وانتم بخيرررر :)

[alsoq]

اخوي حمد
في رمضان اعتقد صعبه ان الواحد يحصل عمره تكلفه 6000 او بيكون السكن بعيد جدآ او نجمه واحده

[BoFahed]

اخوي حمد فعلا العمرة صارت غاليه وايد لانه هدموا عشرات الفنادق حول الحرم(كلها تقريبا ) لتوسعة أنا رحت لسنة والعام وكل تاجر له طريقة في تسويق تجارته وهم يحجزون العماير ويدفعون فلوسها كاش من شهور انا لا ناقة لي فيها ولا جمل

تخيل أنا دخلت موقع بوكينغ من 3 أسابيع فنادق اللي في ساحة الحرم مثل الهيلتون فل في من اول يوم رمضان وباقي غرفتين ولا ثلاث من 1500 لين 4000 الليلة !!!!! هذا اول رمضان شلون العشر الأواخر؟؟؟؟؟؟

[بريق الحق]

ياجماعه الناس تسحب سلفيات عشان الخرابيط وجيتو على ٦٠٠٠ عشان العمره ترى والله ولا شي ادفعو ماراح تخسرون شي رايحين بيت الكريم وتبخلون بعد

[tradesman]

انزين وشو المشكله

هم يسون اعلان وهذا تكلفة الشخص

ويقدر يستفسر عن التفاصيل

نفس الحج له سعر وهم يقدمون خدمه فهل تتوقع بيقدمونها ببلاش

[ام السعف]

ياجماعه الناس تسحب سلفيات عشان الخرابيط وجيتو على ٦٠٠٠ عشان العمره ترى والله ولا شي ادفعو ماراح تخسرون شي رايحين بيت الكريم وتبخلون بعد

شوف يا اخوي

الفكرة بشكل عام مب في ضرب السلفيات ،، فاللي يبي يعمر بيعمر
وبيضرب سلفيات لو حب ،،

بس العمرة مب مثل السياحة ،، في ناس ما يقدرون يضربون سلفيات
وفي ناس معاهم عيايز وشيبان وودهم يسكنون قريب الحرم ،،

فالاسعار يصير فيها مبالغة كبيرة ،،

اهذا هو بيت القصيد ،،

[بريق الحق]

شوف يا اخوي

الفكرة بشكل عام مب في ضرب السلفيات ،، فاللي يبي يعمر بيعمر
وبيضرب سلفيات لو حب ،،

بس العمرة مب مثل السياحة ،، في ناس ما يقدرون يضربون سلفيات
وفي ناس معاهم عيايز وشيبان وودهم يسكنون قريب الحرم ،،

فالاسعار يصير فيها مبالغة كبيرة ،،

اهذا هو بيت القصيد ،،

الواحد فينا الحمدلله عايش في نعمه وعنده فلووس ولم اني سالفة الحج والعمره اهني نقعد انجوف شكاوي الناس ليش وليش
وسالفة العيايز انصحهم يروحون بعد الحج بشهر بحلصون مكه فااضيه والله يكون في عون الجميع

[ام السعف]

الواحد فينا الحمدلله عايش في نعمه وعنده فلووس ولم اني سالفة الحج والعمره اهني نقعد انجوف شكاوي الناس ليش وليش
وسالفة العيايز انصحهم يروحون بعد الحج بشهر بحلصون مكه فااضيه والله يكون في عون الجميع

انت تشوف نفسك والقطريين معاك ،، في ناس مب قطريين وظروفهم ماتسمح

فإذا ظروفي تسمح لأني قطري في ناس مب قطريين ويضطرون ياخذون
سلفيات ويمدون اياديهم علشان يعيشون قريب من الحرم والقريب هذا ورى الابراج
بمسافات :(

فالموضوع دام انه في جشع في الموضوع
خلنا نركز على الجشع الحاصل وما ندخل في
سالفة نحدد للناس متى يروحون ومتى ما يروحون ،،

والله في عون العبد اللي يدافع عن الحق ،،

[بريق الحق]

[quote=ام السعف;9001365]انت تشوف نفسك والقطريين معاك ،، في ناس مب قطريين وظروفهم ماتسمح

فإذا ظروفي تسمح لأني قطري في ناس مب قطريين ويضطرون ياخذون
سلفيات ويمدون اياديهم علشان يعيشون قريب من الحرم والقريب هذا ورى الابراج
بمسافات :(

فالموضوع دام انه في جشع في الموضوع
خلنا نركز على الجشع الحاصل وما ندخل في
سالفة نحدد للناس متى يروحون ومتى ما يروحون ،،

والله في عون العبد اللي يدافع عن الحق ،،[/quote
الحاصل الشكاوي الي توصلني من ربعنا اكثر
اما عير القطرين لهم الله والله يعين الجميع
بوركتي

[Bo jassim 33]

اختي ام السعف انتي تدرين ان تأشيرة العمره لغير القطريين قبل شهرين كانت ب 500 ريال قابل للزياده كل ما قرب رمضان على الجواز الواحد حتى ان كانوا الاطفال مضافين لجواز الام بعد يدفعونهم

وسابقا كانت ب 150 ريال

يعني الغير قطري اذا هو وافراد اسرته مجموع تأشيراتهم قبل ما يسافرون : 500 * 5 = 2500 ريال

[ام السعف]

اختي ام السعف انتي تدرين ان تأشيرة العمره لغير القطريين قبل شهرين كانت ب 500 ريال قابل للزياده كل ما قرب رمضان على الجواز الواحد حتى ان كانوا الاطفال مضافين لجواز الام بعد يدفعونهم

وسابقا كانت ب 150 ريال

يعني الغير قطري اذا هو وافراد اسرته مجموع تأشيراتهم قبل ما يسافرون : 500 * 5 = 2500 ريال

هذا اللي نتكلم عنه ،، الزيادة المبالغة في الاسعار
لدرجة انها تصير العمرة تعجيز للي خاطره ما يتعجز بدري :(

[نوار قطر]

صبااح الخير
معروف ان في الممواسم ترتفع تكلفة السفر اضغاف السعر المعروف عليه.. سواء كان في رمضان او غير رمضان .. وحتى في رمضان بدايته سعر والنص من رمضان سعر .. واخر رمضان سعر...
اللهم ارزقنا بعمره عاجلا غير اجلا يارب العالمين

[abdo222]

وصلي مسج من فندق سويس مكه - غرف متوفره للعشر الاواخر مطله على الكعبه لشخصين ب 18000 لليله !!

[ام السعف]

وصلي مسج من فندق سويس مكه - غرف متوفره للعشر الاواخر مطله على الكعبه لشخصين ب 18000 لليله !!

للي عنده مب مشكلة ،، بس هالمشكلة تنحصر في اللي عنده وبس ؟؟!!

[مافي مثلي]

والله الجشع والنصب من مكاتب قطر قبل 10 سنوات من كان يسكن بالابراج الحين كله قطرين هو والهلتون
لكن والله.اليحملات الي بقطر الي تسوي عروض ب8الاف عمره تعال شوف وين يسكنك باخر مكان بعد ترى 8 الاف في ناس راتبها 8 الاف مثلا هو ومرته واثنين من عياله 32 الف يدفع

[الكنترول]

متــــــــــــــــــــــــــــــــــــــابع

[الكنترول]

الله يسهل لنا عمرة برمضان

[مضارب دوسري]

اصلا ارتفاع الاسعار مب من اصحاب الحملات من الفنادق اللي في مكه
في اخر عشر ايام من الشهر الفضيل يرفعون الاسعار بشكل كبير

وبعدين الكل عنده بطاقة فيزا يدخل موقع booking.com
ويكتب مكه
ويحجز الفندق اللي يبيه
واذا تبو قائمة اسعار للعشر الاواخر ابشروا للي بيحجز اليوم

[مضارب دوسري]

شيكت الحين
فنادق الخمس نجوم
لمدة ثلاث ليالي من 31 الى 3 اغسطس
تبدا من 2200 وفوووووق

http://www.booking.com/searchresults.ar.html?sid=3869b12e38f95ca8dfa08fee 6d1f007c;dcid=1;checkin_monthday=31;checkin_year_m onth=2013-7;checkout_monthday=3;checkout_year_month=2013-8;class_interval=1;csflt=%7B%7D;inac=0;interval_of _time=undef;offset=0;redirected_from_city=0;redire cted_from_landmark=0;review_score_group=empty;rows =20;score_min=0;search_form_id=168a543e1443010a;si =ai%2Cco%2Cci%2Cre%2Cdi;src=index;ss_all=0;;city=-3096949;origin=disamb;srhash=4176751171;srpos=1

[مضارب دوسري]

ادخلوا الرابط في الاعلى وشيكوا بانفسكم

وعمره مقبوله ان شاء الله

[alsoq]

اصلا ارتفاع الاسعار مب من اصحاب الحملات من الفنادق اللي في مكه
في اخر عشر ايام من الشهر الفضيل يرفعون الاسعار بشكل كبير

وبعدين الكل عنده بطاقة فيزا يدخل موقع booking.com
ويكتب مكه
ويحجز الفندق اللي يبيه
واذا تبو قائمة اسعار للعشر الاواخر ابشروا للي بيحجز اليوم

نعم انا حجزت عن طرق الموقع العام العشر الاواخر لقيت فندق نظيف وحلو يبعد عن موقف الباصات 5 دقايق والفندق مشغل سياره للنزلاء كل نص ساعه تمر موقف الباصات تشيل النزلاء
مع العلم كان معي الوالد كبيره بالعمر ولم يحصل اي مشقه
السعر كان مناسب وليس باللي ذكر