عطل في الرحله qr113 القطريه بدون مكيف

[rashid_qatar]

اليوم 6\7\2013 كنا راجعين على الخطوط القطريه رحله رقم 113 قادمه من دبي
الساعه خمس ونص المغرب ، بس المكيف عطلان ماشتغل والحر ذبحنا تعبنا وحنا نهف بالمجلات !!// شيء غريب الطيار لازم يجرب التكييف قبل الاقلاع ولاكن نحمل المسؤليه الشركه ونطالب بتعويض :anger1::telephone:

[airbus]

يعني الرحلة كلها مافيها تكيف ؟؟

[khalid525]

يمكن شركة جنرال متأخرين كالعادة ما سووا التشييك السنوي

[تمون]

اخطاء القطريه تتزايد
اتمنى من المسؤولين تشديد الرقابه على المراقبين

الله يكون في عونكم احساس بايخ

[khaldoon]

والله لازم يعوضونكم

[المبرمج صلاح]

احمد الله ان العطل كان في المكيف فقط ولا ذنب للطيار ممكن يكون شيك وكان سليم عند الاقلاع

فيجب عمل تحقيق ومعرفة من المسؤول لانه اكثر من فريق كامل يفحص الطائرة قبل الاقلاع

[غير البشر]

يمكن مركبين مكيفات فوجي :rolleyes2:

[h2004]

يمكن مركبين مكيفات فوجي :rolleyes2:
افا عسى ماشر اشفيها مكيفات فوجي ناوي اركب للبيت

[الأصيلة]

مرة صادنا ها الموقف مع الإماراتية وكانت الرحلة لإيطاليا
لكن قبل الإقلاع غير الطيار رايه وعاد إلى المدرج بعد إن ابتعد عنه
وتم إنزالنا وتغيير الطائرة بعد ساعتان...
تخيلوا لو أقلعنا 6 ساعات بدون مكيف وفي عز الحر...

[قوت القلوب]

وسااح المكياج

[بومحمد المطاوعه]

الحمدلله ع السلامه

والله ماتستاهلوون

بس القطريه متوقع كل شي منها


انا اسبوع الي فات رجعت على يونايتد

طيار بريطانيه

والله رووعه

[الشامخ]

اففففف وانوع العطورات هههههههه

[النهار]

يمكن مركبين مكيفات فوجي :rolleyes2:

على فكره فوجي وجنرال نفس الشركه بس الاسم متغير :victory:

[بوخالد911]

لازم تطالب بتعويض

اشتغل عليهم في تويتر

والله يوفقكم

[cavok]

اللة المستعان وياما بتشوفوووووووون

[وحيد-الشوق]

احمد ربك انه دبي تخيل راجع من امريكا وبدون مكيف هههههههه انا بطب من الطيارة :)

[Rosso]

القطرية بالرحلات القصيرة سيئة جدا
طيارات قديمه وضيقة ودايما فيها مشاكل

[منصور.]

يمكن مشغل الهوا الخارجي

[durra]

هههههههه
شكلها طيارة خربانه
لان نفس الطيارة وسبحان الله
السبت الي طاف وبرحلة العودة 3:30 من دبي
فطسنا من الحر ومن الريحة

[قطــ86ــر]

اطلب التعويض :)

[شنب]

انا واحد وايد اروح دبي .. ساعات على فلاي دبي و ساعات القطريه

القطريه
الصراحه صارت لي اكثر من مره .. رحله كامله بدون مكيف او المكيف حار !

[زهرة بنفسجية]

وييييه فشيله والله شلون تاقلع بدون مكيف!!!!!!!

[اخت السهم]

ان شاء الله يكون في تحقيق وموقف صارم من ادارة الشركة

لان حياة الناس لايستهان بهاء.

[shadad]

ان شاء الله يكون في تحقيق وموقف صارم من ادارة الشركة

لان حياة الناس لايستهان بهاء.

عسا ماشر على مكيف! مرة وحده صارت حياة الناس بخطر. ومنو بهاء هاي ؟

[moonبنتnight]

حمدالله على السلامة 00
لو فطس ومات واحد أجنبي كان تحركوا 00
بس لنا الله 00 القطري عادي لو فطس 00

[قــطــريــه]

ونفس الموضوع تكرر معانا مرتين من دبي جايين الدوحه مره قبل شهر ومره قبل شهرين وبدون تكييف اشتكينا قبل الاقلاع قالولنا لما تطير بيشتغل المكيف يعني 40 دقيقه بدون تكييف وتحملنا لما اقلعنا نفس المشكله والوالده تعبت واختنقت من الكتمه والروايح وقاعدين نهف عليها بالمجلات

[khk]

أمس احنا راجعين من البحرين على الرحلة qr 159
وصار لنا نفس الشيء رحلة بدون مكيف تحمصنا
هل هي نفس الباص (قصدي الطيارة ) اللي جابكم أمس

[هارودز]

الحمدالله ع سلامتكم وسلامة جميع الركاب

[Most Wanted]

للأسف انا كنت على نفس الرحله والوضع كان جداً سيئ داخل الطياره
اليوم قدمت شكوى عليهم وانتظر الرد منهم

[نوار قطر]

الحمدلله على سلامتكم والحمدلله انها يات على المكيف مب شي ثاني.. من حقكم تطلبون تعويض..

[جفى الجوارح]

هههههههه
شكلها طيارة خربانه
لان نفس الطيارة وسبحان الله
السبت الي طاف وبرحلة العودة 3:30 من دبي
فطسنا من الحر ومن الريحة

عاد الطيارات الي جايه من دبي كلها هنود وحر بعد اشلون قدرتوا تستحملون المفروض كانوا يعطونكم الاقنعه مالت التنفس

[أسير الاسهم]

لو منك أفتح النوافذ واخلي الهواء والبراد يدخل

[ولد شرق]

الخطوط القطرية توسعت توسع غير طبيعي
العبره ليس بكثرة الرحلات لكن العبره بخدمات الصيانه ماقبل الاقلاع ومتطلبات الامن والسلامه
وكل مازاد العدد زادت نسبة الوقوع في الاخطاء اذا لم يكن هناك مراقبة دائما

واكبر الباكر الله يجزاه خير مهب امقصر لكن اخشى ما اخشاة ان التوسع اللامدروس يؤدي إلى فقدان السيطره

الله يحفظ الجميع من كل سوء وشر...

[أسد الجزيرة]

اليوم المكيفات بكرة المكاين

خراب المكيفات دليل على ضعف جودة الصيانة مما يعطي مؤشر على تدني مستوى القطرية مما يمكن ينبئ بكارثة في المستقبل

[المريخي77]

استحملنا الي مصر ساعتين ونص في الحر في الاخير طلعت الموظفه مقصره على الترموستات الهبلة وشغلو المكيف ساعه ووصلنا.

[برزان]

يروي لي صديق قصته طار من تونس متجهيين الي الدوحه وهم فوق البحر بعد تونس بساعه
احترق احد المحركات ولبسوا كل الاحتياطات السيفتي و لكن الله سلم رجعو الي المدينه مره ثانيه بمحرك واحد .

الشاهد من الكلام الطيران طيران سواء الخطوط القطرية او النيباليه ... :)
اتمنى ان هالاشخاص الي اذا مرت المضيفة بالغراش السود اتطاير عيونهم ، امسك بريك يالحبيب لاتسبب حق الي معاك وتوديهم في ستين داهيه هههه

[برزان]

اليوم 6\7\2013 كنا راجعين على الخطوط القطريه رحله رقم 113 قادمه من دبي
الساعه خمس ونص المغرب ، بس المكيف عطلان ماشتغل والحر ذبحنا تعبنا وحنا نهف بالمجلات !!// شيء غريب الطيار لازم يجرب التكييف قبل الاقلاع ولاكن نحمل المسؤليه الشركه ونطالب بتعويض :anger1::telephone:

بدون مكيق والتذكره ب 1500 تصل الي 1800 احيانا لو الواحد رايح مشي احسن :victory:

[سداوي&مدريدي]

كان بطلت الدريشه :tease:

افا والله يالقطرية :(

احمد ربك انها رحله قصيره هههههههههههههههههههههههه

نتنى مايتكرر مثل هذا الخطأ مستقبلا :telephone:

[الزعفراني]

وسااح المكياج

:happy:

[قلم صادق]

لازم تقدم شكوى للمكتب الرئيسي ..يمكن يعوضونكم ( انا اشك فيها ) لو اجنبي ما خله حقه يلاحقهم

[كبير المتداولين]

:nice:
يمكن مركبين مكيفات فوجي :rolleyes2:

قول غير هالكلام مافي احلى منها هالمكيفات بيتي كله منها

شكلهم مركبين مستبيشي

[kitmat]

والله نفس الموقف صادنا مع القطرية بس كانت واقفة لان في وحدة اغمى عليها في الطيارة وكانت المكيفات ماتشتغل وتمينا على هالحال ساعتين بالضبط بدون مكيف تخيلو

[مافي مثلي]

تدري لو بدوله اوربيه ولا بشركه عدله لطلعلكم رئيس الشركه بكبره واعتذر وقدام اسفه على الي صار
لكن عندنا اكبر مشغول عرفت لا مافي موجود

[خشوف]

مره واحنا راجعين من مكه من سنتين ليتات وتلفزيونات الطياره تطفي وتشتغل واصوات رعب بمحركات الطياره وحتى لما نزلنا رعب الحمدلله وصلنا يقولون في خلل بالطياره
القطريه عليها اكس ورافعين اسعارهم مدري على وشو 15الف تذاكر 5 اشخاص دوحه لندن على الإمارتية والقطريه 36الف عسى ماشر

[للصبر اخر]

قريت الموضوع بتويتر
وغير اللي كاتبه انه الحمام وانتو بكرامه مافي مااي
الله المستعاان

[بحر شرق]

حرام والي عنده أطفال عندهم ربو ومرضى القلب والضغط إيبش يسون حرام كفايه أسعار تذكارها غاليه

[ذكي جدااا]

الامور سهالات الا مكيف الحل ممكن يدورون بالصناعيه كمبرسور مستعمل حق كرسيدا ولا كورولا وبترجع الامور طبيعية

[cavok]

اتصلو بي الأهل من ساعتين تقريبا وأخبرني أنهم ما زالو في مطار هيثرو بلندن qr 006 بسبب عطل بمكيف الطائرة
وأنا استغرب الي متى بتكونون علي هالمستوى
التأخير. حتى الآن ساعتين وشوي اللة يعين الأهل والبقية اللي في الطائرة

[Qatar Angel]

قول الحمدلله ما طاحت الطيارة بعيد الشر،،

اهم شي وصلتوا بالسلامه

[Locale]

اليوم المكيفات بكرة المكاين

خراب المكيفات دليل على ضعف جودة الصيانة مما يعطي مؤشر على تدني مستوى القطرية مما يمكن ينبئ بكارثة في المستقبل
:eek5: :telephone:

[المجروح]

انا اشوف الموضوع عادي وهالقرار انك تقعد في طياره حاره كان باختيارك

فمره ثانيه لمن اتروح وتبي تحجز في نوعين من القطريه في الطيايير المكيفه وفي الطيايير بدون تكييف الفرق ان السعر يفرق بشوي مب وايد

:tease::tease::tease:

[alsoq]

بقول لك طريقه الخطوط القطريه تخضع لمعاير دوليه

ارفع قضيه عليهم ما يحتاج شهود ممكن تستعين بأي واحد من اللي كانو برحله كا شاهد وهذا دور نيابه والمحكمه تاخذ اسامي الركاب

القضيه مضمونه 100%

فيه راكب انكت عليه كوفي من المضيفه احترق بعد التحقبق اتضح انه مغلي زياده عن الحد المحدد وطخ له كم مليون لا ابالغ قصه حقيقه

انصحك برفع دعوى عليهم