مواقف طريفة في رمضان

[حمد 2002]

السلام عليكم ورحمه الله وبركاته


لكل منا مواقف رمضانية طريفة ..قد تكون حصلت في مرحلة الطفولــة
أم حصلت لنا في السنوات الماضية القريبة ..
يالله كل واحد يكتب لنا بعض المواقف
الطريفة والحلوة علشان انجوفها ؟ :nice:


تحياتي للجمييع ،،

[أبوفهد666]

موضوع حلو من شخص حلو

كان عمري 13 وكانت بداية صيامي

وكانت امي محرصة علي اصوم ولا اذوق شي

والوقت كان صيف حر حر حر حر حرررررررر

وعطشت

وجيت عند البرادة جنب المطبخ

واخذ الكاس واصب موية ابي اشرب

بس بدون ماحد يحس

او بالاحرى

ابي احد يشوفني وانا اشرب

وابيه ينبهني بس يكون اني قد ارتويت من الماء

وانا توني احط الاكاس عند ثمي ابي اشرب

وبرودة الماء في الكاس ذوبتني

الا امي تقول لاتشرب لاتشرب لاتشرب انت صايم يالخبل :omg:

وانا اقول يووووووووووووه نسيت :eek5:

وانا في داخلي اقول وش الحظ هذا :anger1:





وبث ,,,, :tease:

[بريق الحق]

واحنا راجعين من العمره بالسياره الموتر مكيفه خربان وفي عز الحر واحنا فاطرين قبل لا ندخل الدوحه وعطش غير طبيعي ماوقفنا الا عند محطة وقود الي في بوهامور وقاعد اقول حق الشباب لحد يشرب قدام الناس ماي ترى عليه سجن وجلد وقاعد اخوفهم ... انا نزلت اشتري ماي خلصت ونسيت نفسي بطلت الغرشه وقاعد اشرب قدام الناس هع موقف لين الحين ارفيجي يضحك عليه

[نوار قطر]

كنت مسافره سوريا مع هلي وصادف اول يومين من رمضان هناك.. ابوي معروف فالسفر اانه حّناان .. جهزو اغراضكم,,, صكو شناطكم ومن هالكلام عاد كنا طالعين الظهر وابوي يحن سكرتي شنطتج لبقتي اغراضج وكاان حرررر من غير مااحس فتحت غرشة الماي الي كنت ماخذتها حق بنتي وشربتها .. عقب انتبهت حق نفسي .. قد الطيور طارت بأرزاقها :shy: