عراقي تسعيني يرتبط بفتاة تصغره بنحو 70 عاماً (بالصور) !!

[Qt.1]

عقد مسن تسعيني عراقي يقطن قرية "غبانة" بمحافظة صلاح الدين، قرانه على فتاة تصغره في السن بنحو 70 عاماً.

ووفقاً لصحيفة "ديلي ميل" البريطانية، فقد وقع اختيار العراقي "محمد المصلي" البالغ من العمر 92 عاماً ولديه 16 طفلاً على الفتاة "منى الجبوري مخلف" التي تبلغ من العمر 22 عاماً لتكون شريكة حياته.

وأعرب المصلي الذي يعمل مزارعاً، عن سعادته الكبيرة لزواجه في نفس اليوم الذي تزوج فيه حفيدان من أحفاده أيضاً، قائلاً: "أشعر وكأنني أبلغ من العمر 20 سنة".

الجدير بالذكر، أن قرية الغبانة الواقعة شمال بغداد، شهدت حفل زفاف ثلاثي، تزوج في اليوم نفسه، اثنين من أحفاد المصلي، تبلغ أعمارهما 16 و18 عاماً.

http://cdn.akhbaar24.com/ace7d650-07fc-40c2-8977-fabc913b104d.jpg

http://cdn.akhbaar24.com/dce98b68-ac43-4a1e-a552-202f3bf32807.jpg

ماشاء الله , شكله قلبه اخضر , الله يعطيه العافيه :nice:

[ولد العرب]

ياخي مايجوز صور الحريم ولا بعد عرايس :anger1:
انشهد هيضتني :secret:

[حمد 2002]

نسخه الى بوعلي :shy::secret:

[طرف محايد]

أهم شي يشعر هو أن عمره 20 سنة


وطز في الي عمرها 20


بتشعر أن عمرها 90 سنة


ههههههههه

[شبح الصمت]

ماشاء الله عليه شنب

[sweet qatar]

مسكيييييينة

يعني تشوف البنات حولها مع الشباب وهي http://www.a7tajk.com/vb/images/smilies/34zc6rp.gif


لاحول ولاقوة الا بالله

لو خمسيني بنقول معليه الفلوس تعوض لكن تسعيني !!

[مسمس12]

هي اللي مو صاحية عمرها 20 وماخذة واحد 90 :secret:

[sweet qatar]

هي اللي مو صاحية عمرها 20 وماخذة واحد 90 :secret:


مجبورة وعليه شوفي بوزها و عيونها تلمع

يمكن من الدموع ويمكن من العدسات .. im not sure

[طرف محايد]

هي اللي مو صاحية عمرها 20 وماخذة واحد 90 :secret:


يمكن أجبروها

يمكن !!


الله يكون في عونها

[H H]

هذا الكلام الي يجمد عالشارب, وطز فالبنت الي بتخسر شبابها هههههههههههههه

[شبح الصمت]

مجبورة وعليه شوفي بوزها و عيونها تلمع

يمكن من الدموع ويمكن من العدسات .. Im not sure




ماشاء الله عليج المحقق كونان

كبرتي الصورة وشفتي عيونها يبه هذه دموع الفرح

هالشيبه بيعوضها السنين كلها الي فاتت ..

محد جبرها تتزوجه ..

صج ما عندها سالفة مع احترامي كلش خير شر ..

وسلامي عليه الشنب صراحة لعبها صح


اتوقع حده سنتين وتزفه لين قبره

[حمد 2002]

ماشاء الله عليج المحقق كونان

كبرتي الصورة وشفتي عيونها يبه هذه دموع الفرح

هالشيبه بيعوضها السنين كلها الي فاتت ..

محد جبرها تتزوجه ..

صج ما عندها سالفة مع احترامي كلش خير شر ..

وسلامي عليه الشنب صراحة لعبها صح


اتوقع حده سنتين وتزفه لين قبره

الاعمار بيد الله ، والموت ماله عمر معين ، كلن واجله المكتوب له :) ،،

تحياتي لك ،،

[شبح الصمت]

الاعمار بيد الله ، والموت ماله عمر معين ، كلن واجله المكتوب له :) ،،

تحياتي لك ،،



الله يعطيه طولت العمر ..

شوف اهنيه الناس الي تعقد وإلا في اذنه ماي ..

اش رايك فيه ياخوي ..

[كازانوفا]

لا حول ولاقوة الا بالله

[نوار قطر]

وعليه :rolleyes2: بلوه الله بلاها فيه..

[وطن]

هذا هو ولا ولده أبو الأحفاد !!

اللي في الصورة ما كأن عمره 90 ما شاء الله

لا لا احساسه صحيح
ولد العشرين
:secret:


الله يعينها ويسعدها
ما ندري شنو ظروفها

[sweet qatar]

ماشاء الله عليج المحقق كونان

كبرتي الصورة وشفتي عيونها يبه هذه دموع الفرح

هالشيبه بيعوضها السنين كلها الي فاتت ..

محد جبرها تتزوجه ..

صج ما عندها سالفة مع احترامي كلش خير شر ..

وسلامي عليه الشنب صراحة لعبها صح


اتوقع حده سنتين وتزفه لين قبره


احنا البنات نفهم بعض من نظراتنا.. و لمعة عيونها واااضحة بدون لا اكبر الصورة




اهم شي يعوضها باملاك وفلوس ويطلع شاعر مصيبة اذا تسعين ومايعرف يقول كلمتين حلوين

[وجه السعد 2]

احس ان الخبر مفبرك .. مب صحيح

[العلم]

شغل ألماني عدل .. :secret::eek5:

[Qt.1]

شباب شكلكم حاسدين الرجال خلوه يتهنى دامه بالحلال , لكن اشك في ان عمر الزوجه في العشرين شكلها اكبر والا اشرايكم :rolleyes2:

[.. الكاش ..]

والله محد هين هالايام ههههههههههههههههههههه

[qatarman8008]

انا ما اصدق انه فيه تسعيني يصلح انه يتزوج.. لا وعشرينية بعد..
لو تزوج وحدة في الخمسين باقول يمكن يبي حد حوله يونسه.. لكن عشرينية.. والله ما هو الظاهر..
هذا لا يقدر يلبي رغباتها.. ولا يعرف يكلمها.. ولا يعرف حتى يطلع ولا يسافر ولا يونسها..
التسعيني يصلح لمسجد.. مجلس.. اي نشاط اخر الا الزواج..
وبعدين هالعشرينية اش تبي بواحد تسعيني..
اكيد المصلحة المادية.. ولا شيئ غير المصلحة المادية..
كم سنة ويتوكل على الله .. ناخذ اللي فيه النصيب.. ونشوف لنا واحد مزيون ..

[pink dream]

الحب اعمى

[بوعلي2]

هاااااااا
لو انا منها اسد بوزه بفوطه اخليه يختنق
واصلا هو ع وشك الخنقه ملك الموت يحوم عليه
وعقب اورث مزرعته الي بناها وزعها على ايام هتلر
واتزوج واحد قدي
وايد ذكي هالايام انا الله يحفظني تف تف

[نور الحور]

والله عورني قلبي عليها ... مسكينة أحسها وايد مظلومة .. ليش جذي عاد؟:weeping:

[العلم]

شباب شكلكم حاسدين الرجال خلوه يتهنى دامه بالحلال , لكن اشك في ان عمر الزوجه في العشرين شكلها اكبر والا اشرايكم :rolleyes2:

شباب الناس مب سوا .. انا عمي تزوج وعمره 81 وجاب 6 عيال ..

خلوه يتهنى .. الدور والباقي علينا احنا المساكين :weeping::weeping:

[نور الحور]

العلم .. يتهنى على حسابها ؟ ..
هي صغيرة .. بعد تبي شاب مثلها .. تعيش معاه شبابها .. والله مسكينة :weeping:

[حسن]

مشاء الله صج الله وفقها

[العلم]

العلم .. يتهنى على حسابها ؟ ..
هي صغيرة .. بعد تبي شاب مثلها .. تعيش معاه شبابها .. والله مسكينة :weeping:

هي بتتهنى معاه .. يالسلبيين .. :anger1:


وبعدين هي موافقة انتوا شعليكم خخخخخخخ

[نور الحور]

العلم .. احلف عاد ..؟
شكلها شكل وحدة موافقة؟

أخ بس .. أحسها مسكينة من حزنها ودها تنطق :weeping:

[لامار]

.


سـبحان الله . . نصـيب

ومـحد يـاخذ إلا نصـيبــه . .


.

[العلم]

العلم .. احلف عاد ..؟
شكلها شكل وحدة موافقة؟

أخ بس .. أحسها مسكينة من حزنها ودها تنطق :weeping:

أنا بجلس مثلا لين يصير عمري 40 وعقب بتزوج وحده عمرها 17 :shy:

[نور الحور]

يعني اللحين هي طفلة قاعدة تلعب .. روح العب معاها شوي لين حزة العرس :tease:

[بوعلي2]

انا فهمتكم

[jassim69]

هذا يبغيله كرتون فياقره ليلة الدخله وماعتقد يجيب راسها :shy: وثاني يوم تحصله موقف قلبه:nice:

[لاجل QT]

امممم مدري ياتني الضحكة هههههههه

طيب هو ليش يحرج نفسة:secret:

الصحة مش بعزئة:nice:

[حليتان*]

بمكن الورث يسووى

[لاجل QT]

بمكن الورث يسووى

بس شكلة مايوحى ان عنده خير واايد:rolleyes2:

[النهار]

بس شكلة مايوحى ان عنده خير واايد:rolleyes2:

ماعليج منه خاش تحط البلاط رزم رزم
بس حرام الريال ماوصل 90 سنه :nice: لوكان عمره 90 سنه كان شفتيه
مذوي وناشاف ومجندس راسه بيى له رافعه تمسك وتسند رقبته :nice:

[لاجل QT]

ماعليج منه خاش تحط البلاط رزم رزم
بس حرام الريال ماوصل 90 سنه :nice: لوكان عمره 90 سنه كان شفتيه
مذوي وناشاف ومجندس راسه بيى له رافعه تمسك وتسند رقبته :nice:

اااااي توه في متوسط العمر:nice:

تعرف شعور الشاب لين ياخذ عيوز عمرها 90 سنة:( كيف يكون شعورة:(..اعتقد صعب الشاب يجرب هالشعور:(

نفس الشي هو هو مع البنت اللى تاخذ لها شيبة عمرة 90
عفوا ماكمل ال 90:rolleyes2:

اقووول تغووور الرزم ياعمي:anger1:

[قناص 787]

الله يبارك له و يهنيه مادري ليش العالم متضايقه

مع ان الرجال عاده في مقتبل العمر ( اخاف صج في مقتبل العمر )