المساعد الشخصي الرقمي

مشاهدة النسخة كاملة : ممكن تساعدوني يا اخواني واخواتي


بومحمد المطاوعه
07-07-2013, 01:11 PM
السلام عليكم ورحمه الله وبركاته ..

شخباركم

شعلومكم

بعد العيد قررت اودي ام العيال والعيال صلاله

عاد ولا عمري رحت لها

ممكن تساعدوني من ناحيه الفنادق شنو الأحسن

وابي شخص يرتب لي جدول السياحه

لو من المطار ولا اي شي

المهم اعرف راسي من كرياسي ههههههه

ساعدوني الله يجزاكم خير

والله يعطيكم العافيه
بومحمد المطاوعه
07-07-2013, 01:44 PM
>>>>>>>>>>
ورد الدوحه
07-07-2013, 01:48 PM
مادري اللي سمعته انه فيها ينانوه
بومحمد المطاوعه
07-07-2013, 02:08 PM
مادري اللي سمعته انه فيها ينانوه

عادي انا ما اخاف من الينانوه الحمدلله

محد كفو فيهم يقرب مني

الحين ابي اعرف وين الفنادق وشالترتيب

خلو الينانوه على صوب
بومحمد المطاوعه
07-07-2013, 09:21 PM
اشدعوه محد راح
الكنترول
07-07-2013, 09:24 PM
سمعت يقولون آخر الليل كله يصفقون على الجبل الأخضر
بومحمد المطاوعه
07-07-2013, 09:37 PM
سمعت يقولون آخر الليل كله يصفقون على الجبل الأخضر

لالا ياخوي من قالكم

ياخي تعرف المعوذات ولالا

اقرأها ولا شي يجيك

وعمان اهل الكرم معروفين

بارك الله فيك الجن في كل مكان والحين قاعد جنبك ويشوفك
أبوفهد666
07-07-2013, 11:05 PM
up لعيونك
بومحمد المطاوعه
07-07-2013, 11:11 PM
up لعيونك


تسلم لي يالذيب

محد يبي يساعدني

اشدعوه وين تقاريركم فالسفر احسها كلها من قوقل ههههه
AL-MAYSTRO
08-07-2013, 09:15 AM
والله انا انطر الردود .. واحتمال تكون مشروع فالعيد ^_^
دشيت النت جفت صور لها روعه خياليه
بومحمد المطاوعه
08-07-2013, 09:19 AM
والله انا انطر الردود .. واحتمال تكون مشروع فالعيد ^_^
دشيت النت جفت صور لها روعه خياليه

والله ياخوي شيكت مع موقف بوكنج مافي حجوزات شهر 8

بس تدري ان الفنادق سعرها نفس سعر النمسا

شكلي بغير الوجهه وبروح النمسا
مـراحـب
08-07-2013, 09:21 AM
ههههههههههه

ضحكتني الردود عن الينانوه


صلاله تجنن روعه ، ، هواها يرد الروح

انا رحت لها سنه 2009 شهر أغسطس

لا تفوتها ، ،

اول شي تنزل مطار مسقط وبعدها بالطيارة ساعه لين صلاله

بشوف لك المرشد وبرسله لك
AL-MAYSTRO
08-07-2013, 09:25 AM
تفضل .. شوف التقارير عن صلاله واستفسارات عنها في منتدى العرب المسافرون :victory:

قسم تقارير بتلاقي بعض التغطيات والتقارير المصوره عن صلاله راح تفيدك :nice:

http://travel.maktoob.com/vb/travelarab272/





قسم استفسارات فيه بعض الاستفسارات عن صلاله راح تفيدك بعد :nice:

http://travel.maktoob.com/vb/travelarab270/
بومحمد المطاوعه
08-07-2013, 09:43 AM
ههههههههههه

ضحكتني الردود عن الينانوه


صلاله تجنن روعه ، ، هواها يرد الروح

انا رحت لها سنه 2009 شهر أغسطس

لا تفوتها ، ،

اول شي تنزل مطار مسقط وبعدها بالطيارة ساعه لين صلاله

بشوف لك المرشد وبرسله لك

اي والله ينانوه وينانوه

حسسوني ان الجن اقوى من الاذكار والقرأن

الحمدلله الي مايخاف الا من الله لايصيبه اي شي

الضعيف في الاذكار اهو من يصطاده الجن بسهوله


والله تسوي خير ياخوي ادري فيها انها تجنن والحين مطر عندهم

ناطرك ياخوي
مـراحـب
08-07-2013, 10:01 AM
اي والله ينانوه وينانوه

حسسوني ان الجن اقوى من الاذكار والقرأن

الحمدلله الي مايخاف الا من الله لايصيبه اي شي

الضعيف في الاذكار اهو من يصطاده الجن بسهوله


والله تسوي خير ياخوي ادري فيها انها تجنن والحين مطر عندهم

ناطرك ياخوي

اي والله صح ، ، اهم شي أذكار الصباح والمسا

اختك في الله
بومحمد المطاوعه
08-07-2013, 10:02 AM
تفضل .. شوف التقارير عن صلاله واستفسارات عنها في منتدى العرب المسافرون :victory:

قسم تقارير بتلاقي بعض التغطيات والتقارير المصوره عن صلاله راح تفيدك :nice:

http://travel.maktoob.com/vb/travelarab272/





قسم استفسارات فيه بعض الاستفسارات عن صلاله راح تفيدك بعد :nice:

http://travel.maktoob.com/vb/travelarab270/

بارك الله فيك يالغالي ماقصرت

رحم الله والديك
بومحمد المطاوعه
08-07-2013, 10:03 AM
اي والله صح ، ، اهم شي أذكار الصباح والمسا

اختك في الله

ههههههههه صادقه اختي

ترى الجن مايوقفون جنبي الحمدلله

اعرف لهم والحمدلله بالرقي واحرقهم حراق بالقرأن
Aaziz
08-07-2013, 10:09 AM
السلام عليكم

محمد شلونك ،، انا بشور عليك تغير الوجهة

بالنسبه لي (من تجربة) اشوف ان صلاله تصلح للشباب ،، سفره تعتبر كشته .
الا ان رحت بالطياره و صادفت عيدهم فقط و هذا بس عشان البزران يستانسون بالفعاليات .
و اذا ماتلحق عليها ،، اقول لك اتركك منها .. نامس و حر و رطوبه و خضار ماشري شلون صاير .

الشور طال عمرك واحد من اثنين ... يا ابها و الطايف و الديار المقدسة .

يا

بما انك بتحجز طياره لصلاله .. ودهم المالديف ولكن اتعب على الجزيره ،، شوف لك جزيره مايكون فيها اجانب بزياده .

المالديف غير السباحه في السيف الحلو .. ممكن تاجر لنج كبير خاص لك انت و الاهل تروحون تحدقون ،، غير الفعاليات الي على السيف ،، برشوت و بنانا و سكوترات و قارب زجاجي .

صلاله سياحتها على قدها لاتغتر
الكنترول
08-07-2013, 11:11 AM
لعيونك ياولد المطاوعة




هذا برنامج لمدة 8 أيام .. بين صلالة ومسقط

- يوم السبت 16/7
الانطلاق من قطر .. بين الساعة 5 – 6 صباحاً
الوصول إلى حدود البطحاء تقريباً الساعة 11 قبل الظهر
ثم الوصول إلى مفرق أبو ظبي بعد 330 كم .. في حدود الساعة2 ظهرا
الوصول إلى حدود مزيد الساعة 3 ونصف العصر ..
ثم الانطلاق من الحدود إلى عبري ثم إلى الغابة ثم إلى هيماء لتكون هي نقطة التوقف للراحة .. وأعتقد أن الوصول لها سيكون الساعة 8 مساءً

- يوم الأحد 17/7
الانطلاق من هيماء .. بين الساعة 6-7 صباحاً
والوصول إلى صلالة .. قبل صلاة الظهر ..
وهنا قد نتوقف قليلاً في ثمريت .. لأني سمعت أن فيها مواقع ثرية ، وعين ماء اسمها مشديد أو شيء كذا .
ثم في طريق القدوم .. سيكون مرورنا على سهل أتين .. وقد نتناول الغداء فيه قبل الوصول إلى صلالة ..
ثم بعد ذلك نتوجه إلى الفندق لأخذ قسط من الراحة .. ثم الانطلاق مجددا

ستكون طلعتنا العصر إلى أماكن قريبة .. بسبب التعب من السفر وسيكون البرنامج على النحو التالي :
* المرور بالأكشاك على الساحل .. وشراء النارجيل والموز والفواكه المحلية
* الانطلاق إلى سهل أتين .. وزيارة عين جرزيز .. ثم إلى سهل صحلنوت .. وزيارة عين صحلنوت .. ثم شمالاً إلى منطقة زيك .. والمكوث فيها إلى المغرب
* ثم المغرب نعود إلى المدينة .. ليلعب الأطفال في بعض الحدائق .. مثل حديقة صلالة العامة ، أو حديقة السعادة ، أو حديقة الدهاريز ..
* ثم إذا توجد لدينا قوة وطاقة .. نذهب إلى المهرجان السياحي .. ثم العشاء .. ثم العودة للفندق والنوم ..

- يوم الاثنين .. 18/7 - والثلاثاء 19/7
* الانطلاق شرقاً .. ( وستكون الزيارة للمناطق الشرقية لمدة يومين )
* الذهاب إلى منطقتي طاقة والمرباط .. وزيارة الحصون هناك ..
* زيارة العيون الموجودة بالمنطقة عين طبرق / عين آثوم / عين حمران
* زيارة موقع خور روري ومنطقة سمهرم الأثرية ..
* المرور بغابات ناشب .. وأخذ إطلالة عليها ..
* الذهاب إلى وادي دربات .. والتمتع بالمناظر الجميلة والجلسة الحلوة .. وسمعت أن فيه هناك قوارب بالقرب من شلالات دربات ..
* الذهاب إلى طوى عتير ، وحشير .. ومرتفع الجاذبية .. والمكان اللي هو ضد الجاذبية قبالة عقبة حشير .. وزيارة عين حشير ..
* الصعود إلى جبل طاقة .. وهناك الجلسة تكون جميلة مثل ما سمعت ..
وهذا البرنامج يكون إلى المغرب .. وبعدها نعود للمدينة .. وتكون لنا جولة ليلية في مجمع المدينة .. .أو الحدائق .. والمهرجان .. أو السوق الشعبي

- يوم الأربعاء 20/7
* الانطلاق إلى المنطقة الغربية .. ولا أدري هل سيكفيني اليوم بطوله لذلك ؟
* الذهاب إلى شاطيء المغسيل .. والتمتع بالنافورات الطبيعية
* وهناك كهف المرنيف عند الشاطيء .. ويوجد مطعم أيضا
* زيارة مناطق .. الفزائح / ريسوت / رخيوت
* أما منطقة ضلكوت فإذا كان الوقت يكفي سأنطلق إليها ..
* هناك منطقة اسمها (الأشجار المقدسة) أذكر أني قرأت عنها في تقرير الأخ أبو حازم .. فإذا عرفت أروح لها .. فسيكون ذلك أمرا حسناً

- يوم الخميس 21/ 7
* زيارة عين رزات .. ثم وادي نحيز .. وكهف صحور
* زيارة متحف أرض اللبان ، سوق الحافة الشعبي
* الذهاب إلى بعض المناطق .. مثل حجنين / غدو / طيطام / قفطوت
*- أما يوم الجمعة 22/7 فهو يوم الاستعداد للمغادرة إلى مسقط ..
وإذا كان عندي برنامج ممكن أعمله الصباح .. وإلا الانطلاق سيكون بعد صلاة الجمعة مباشرة .. إلى الغابة / آدم / نزوى .. وتكون نقطة الراحة ..
* وفي نزوى الصباح السبت 23/7 سأزور قلعة نزوى وحصن جبرين ، ثم سوق نزوى العريق ، وزيارة كهف الهوته في ولاية الحمراء .. وشراء حلوى من مصنع سيف بن شامس السيفي ..
* بعد الظهر وبعد تناول الغداء ننطلق من نزوى إلى مسقط .. وصولاً إلى الفندق للراحة قليلاً .. ثم الخروج للتجول .. وزيارة بعض المجمعات والأسواق الشعبية .. مثل سوق مطرح .. والمشي بكورنيش مطرح .. والذهاب إلى شاطيء القرم .. وتناول العشاء بأحد المطاعم الراقية ..

- يوم الأحد 24/7.. نذهب من الصباح إلى قصر العلم / متحف الزبير / بيت البرندة .. وأحاول أرتب طلعة بحرية مع أصحاب القوارب من الصيادين ، لرؤية الدلافين .. أو رحلة بحرية بالعصر إلى المغرب مروراً على سواحل مسقط عن طريق مركز الغوص أو سنوركلنج أو غيرهم ..



إن شاء الله أنك رضيت عني
abdo222
08-07-2013, 11:19 AM
توي اليوم اشوف خبر ان القطريه قامت تسير رحلات الى صلاله دايركت,,
بومحمد المطاوعه
08-07-2013, 11:19 AM
السلام عليكم

محمد شلونك ،، انا بشور عليك تغير الوجهة

بالنسبه لي (من تجربة) اشوف ان صلاله تصلح للشباب ،، سفره تعتبر كشته .
الا ان رحت بالطياره و صادفت عيدهم فقط و هذا بس عشان البزران يستانسون بالفعاليات .
و اذا ماتلحق عليها ،، اقول لك اتركك منها .. نامس و حر و رطوبه و خضار ماشري شلون صاير .

الشور طال عمرك واحد من اثنين ... يا ابها و الطايف و الديار المقدسة .

يا

بما انك بتحجز طياره لصلاله .. ودهم المالديف ولكن اتعب على الجزيره ،، شوف لك جزيره مايكون فيها اجانب بزياده .

المالديف غير السباحه في السيف الحلو .. ممكن تاجر لنج كبير خاص لك انت و الاهل تروحون تحدقون ،، غير الفعاليات الي على السيف ،، برشوت و بنانا و سكوترات و قارب زجاجي .

صلاله سياحتها على قدها لاتغتر

بارك الله فيك ياخوي وجزاك الله خير

صحيح ياخوي اعرف صلاله ان فيها نامس

بس جوها خيال

الحين اشوف ان اسعار الفنادق في النمسا

زلام سي

نفس اسعار صلاله

شكلي يغير الوجهه للنمسا

لأن اشوف ان المالديف للمعاريس الجداد

ماتنفع للاطفال

ولا بروح ماليزيا

والله محتار ياخوي ماعرف وين اروح


وابي اخذ خدامه وحده وياي فلبينيه

هل فيزا ولا شالترتيب

اول مره بروح هالدول
انا حدي دول الخليج :(
ورد الدوحه
08-07-2013, 12:46 PM
بارك الله فيك ياخوي وجزاك الله خير

صحيح ياخوي اعرف صلاله ان فيها نامس

بس جوها خيال

الحين اشوف ان اسعار الفنادق في النمسا

زلام سي

نفس اسعار صلاله

شكلي يغير الوجهه للنمسا

لأن اشوف ان المالديف للمعاريس الجداد

ماتنفع للاطفال

ولا بروح ماليزيا

والله محتار ياخوي ماعرف وين اروح


وابي اخذ خدامه وحده وياي فلبينيه

هل فيزا ولا شالترتيب

اول مره بروح هالدول
انا حدي دول الخليج :(

والله أنصحك بالنمسا انا رحت لها العام
الله على جو فيينا وزلامسي واليهال بيستانسون حدهم
اتمنى لك سفرة سعيدة وموفقة وخلك عنك الينانوه هههههههههه :tease:
بومحمد المطاوعه
08-07-2013, 12:50 PM
والله أنصحك بالنمسا انا رحت لها العام
الله على جو فيينا وزلامسي واليهال بيستانسون حدهم
اتمنى لك سفرة سعيدة وموفقة وخلك عنك الينانوه هههههههههه :tease:

ههههههههههه عاد هناك يناونه غير شكل خخخخخخ

الله يعطيج العافيه اختي
والله زين شجعتيني

بس تقدرين تفيديني بالسفره الي سافرتيها .؟

من ناحيه التذاكر والفيز والسكن
والمعيشه هناك شلون

بارك الله فيج
ورد الدوحه
08-07-2013, 01:01 PM
ههههههههههه عاد هناك يناونه غير شكل خخخخخخ

الله يعطيج العافيه اختي
والله زين شجعتيني

بس تقدرين تفيديني بالسفره الي سافرتيها .؟

من ناحيه التذاكر والفيز والسكن
والمعيشه هناك شلون

بارك الله فيج

الله يسلمك سافرنا انا وزوجي وولدين صغار التذاكر مع السكن ب 30 ألف ريال
(فيينا - زلامسي -ميونخ)والتنقلات بالقطارات

المعيشة مب غاليه عادية جدا مع اني اول مرة أروح اوروبا
وخلاص ان شاء الله كل سنه تقريبا كلفتنا السفرة بين المطاعم والقطارات والتاكسي والالعاب 30 ألف
المجموع = 60 ألف.
والنمساويين طيبين ويحبون ايساعدون ..وأماااان..

وبعد شنو تبي تعرف؟:shy:
eXpert*
08-07-2013, 01:09 PM
أجمل السفرات هي التي تسافرها من غير ترتيب :)
بومحمد المطاوعه
08-07-2013, 01:16 PM
الله يسلمك سافرنا انا وزوجي وولدين صغار التذاكر مع السكن ب 30 ألف ريال
(فيينا - زلامسي -ميونخ)والتنقلات بالقطارات

المعيشة مب غاليه عادية جدا مع اني اول مرة أروح اوروبا
وخلاص ان شاء الله كل سنه تقريبا كلفتنا السفرة بين المطاعم والقطارات والتاكسي والالعاب 30 ألف
المجموع = 60 ألف.
والنمساويين طيبين ويحبون ايساعدون ..وأماااان..

وبعد شنو تبي تعرف؟:shy:


حلو ماشاءالله

بس السكن حصلت ب 8000 ريال

لمده سبوع

التذاكر ماشفتها للحين

اي مكتب حجزتو

انا عيالي صغار بودي الخدامه وياي يمكن ويمكن ماوديها

والسكن شنو فلا ولا فندق

وشكرا
بومحمد المطاوعه
08-07-2013, 01:17 PM
أجمل السفرات هي التي تسافرها من غير ترتيب :)

لاصعبه ياخوي

عيالي وام عيالي وياي

لو بروحي بروح عادي خخخخخخخخ
ورد الدوحه
08-07-2013, 01:23 PM
حلو ماشاءالله

بس السكن حصلت ب 8000 ريال

لمده سبوع

التذاكر ماشفتها للحين

اي مكتب حجزتو

انا عيالي صغار بودي الخدامه وياي يمكن ويمكن ماوديها

والسكن شنو فلا ولا فندق

وشكرا

في فيينا فندق الانتركونتننتال لمدة أربع ليال
في زلامسي فندق جراند لمدة أربع ليال
في ميونخ فندق سوفيتيل 6 ليال
بس اهناك خلونا ندفع حق سرير إضافي حق ولدي 250 ريال زيادة
حجزنا في سفريات الملا

شسم الفندق اللي لقيته حق اسبوع ب 8000 ريال :eek5:
بومحمد المطاوعه
08-07-2013, 01:44 PM
في فيينا فندق الانتركونتننتال لمدة أربع ليال
في زلامسي فندق جراند لمدة أربع ليال
في ميونخ فندق سوفيتيل 6 ليال
بس اهناك خلونا ندفع حق سرير إضافي حق ولدي 250 ريال زيادة
حجزنا في سفريات الملا

شسم الفندق اللي لقيته حق اسبوع ب 8000 ريال :eek5:

ماشاءالله حلوو

مادري نفس فلا وكم فندق بعد نفس الفلل من موقع بوكنق

ب 8000 ف زلامسي 7 ليالي
حمد911
08-07-2013, 01:49 PM
مرحباً يا وبو محمد والله يالغالي نصيحة روح أوروبا افضل خصوصا النمسا جو حلو وطبيعة وآمن بس ولو تامر على الفنادق اللي خذتهم ممكن اذكرهم لك وهم فنادق للعوائل .... وامبارك عليكم الشهر الكريم
ورد الدوحه
08-07-2013, 01:49 PM
مرحباً يا محمد والله يالغالي نصيحة روح أوروبا افضل خصوصا النمسا جو حلو وطبيعة وآمن بس ولو تامر على الفنادق اللي خذتهم ممكن اذكرهم لك وهم فنادق للعوائل .... وامبارك عليكم الشهر الكريم

اذكرهم؟
فارس الكلمة
08-07-2013, 01:58 PM
بو محمد ..

للحصول على تأشيرة للنمسا ربما تحتاج إلى شهر أو أكثر من الآن .. تأكد ..؟
بومحمد المطاوعه
08-07-2013, 02:01 PM
مرحباً يا وبو محمد والله يالغالي نصيحة روح أوروبا افضل خصوصا النمسا جو حلو وطبيعة وآمن بس ولو تامر على الفنادق اللي خذتهم ممكن اذكرهم لك وهم فنادق للعوائل .... وامبارك عليكم الشهر الكريم

مرحبتين ياخوي

الله يعوده علينا وعليك ياخوي

والله تسوي خير يالغالي

ولو تشوف لي فموقع بوكنج وتحط لي روابط علشان اشوف

تسوي خير
ورد الدوحه
09-07-2013, 09:55 AM
بو محمد ..

للحصول على تأشيرة للنمسا ربما تحتاج إلى شهر أو أكثر من الآن .. تأكد ..؟

هذاك أول
احنا احتاجت أسبوع بس :)
بونووف
09-07-2013, 10:38 AM
بومحمد خلك من صلاله وروح النمسا ..

توني راجع .. وانصحك لاتروح زلامسي زحمه تقول في سوق واقف كله خليجين ما شاءالله

اقعد في فينا يوم وبعدها روح لك منطقه اسمها رامساو اقعد فيها 5 ايام غير جو فالطبيعه واذا تبي تروح زلامسي ولا سالزبورغ كلهم قراب منك بحدود الساعه وبعدين ارجع فينا اقعد لك اخر يوم قبل الرجعه

الفندق حجزته 5 ليالي غرفتين 4060 ريال للغرفتين كنا 4 اشخاص
واجار السياره مع الاخطاء اللي سويتها اطلعت علي ب 2000 ريال ولا المفروض ب1400

اذا عندك اي استفسار كلمني
بومحمد المطاوعه
09-07-2013, 10:40 AM
بو محمد ..

للحصول على تأشيرة للنمسا ربما تحتاج إلى شهر أو أكثر من الآن .. تأكد ..؟

بارك الله فيك ع التنبيه وان شاءالله برتب من الأن

تحياتي لك
بونووف
09-07-2013, 10:41 AM
هذاك أول
احنا احتاجت أسبوع بس :)

صح كلامك فيزة شينقن تطلع من الالمانيه ماتاخذ معاك اسبوع بالكثير ..

بس يمكن يقصد عالموعد .. لانه اتوقع ظغط وماراح يحصل موعد .. فتقدر تروح على طول من غير موعد وتدفع مبلغ 270 وشي تقريبا
بومحمد المطاوعه
09-07-2013, 10:45 AM
هذاك أول
احنا احتاجت أسبوع بس :)

بارك الله فيج اختي وان شاءالله برتب قريب
ورد الدوحه
09-07-2013, 10:53 AM
بارك الله فيج اختي وان شاءالله برتب قريب

ننتظر تقريرك لاتنسى اتصور كل شي من تركب الطيارة لين ترجع بالسلامه
ومبارك عليك الشهر:)
بومحمد المطاوعه
09-07-2013, 11:19 AM
بومحمد خلك من صلاله وروح النمسا ..

توني راجع .. وانصحك لاتروح زلامسي زحمه تقول في سوق واقف كله خليجين ما شاءالله

اقعد في فينا يوم وبعدها روح لك منطقه اسمها رامساو اقعد فيها 5 ايام غير جو فالطبيعه واذا تبي تروح زلامسي ولا سالزبورغ كلهم قراب منك بحدود الساعه وبعدين ارجع فينا اقعد لك اخر يوم قبل الرجعه

الفندق حجزته 5 ليالي غرفتين 4060 ريال للغرفتين كنا 4 اشخاص
واجار السياره مع الاخطاء اللي سويتها اطلعت علي ب 2000 ريال ولا المفروض ب1400

اذا عندك اي استفسار كلمني

يعطيك العافيه ياخوي

والله احترت الحين اشوف الربع يقولون روح تركيا

حلوه وفله ومادري شنو

:( محتار

انزين شسم الفندق خلني اشوفه ف بوكنق
بومحمد المطاوعه
09-07-2013, 11:19 AM
ننتظر تقريرك لاتنسى اتصور كل شي من تركب الطيارة لين ترجع بالسلامه
ومبارك عليك الشهر:)


ان شاءالله بس الحين محتار مادري شسوي وين اروح تركيا او النمسا
بونووف
09-07-2013, 11:26 AM
يعطيك العافيه ياخوي

والله احترت الحين اشوف الربع يقولون روح تركيا

حلوه وفله ومادري شنو

:( محتار

انزين شسم الفندق خلني اشوفه ف بوكنق

تركيا على اللي صاير فيها ...الوضع مايطمن ..واتوقع انه الجو حار

شوف رامساو منطقه ريفيه مكانها فوق الجبل وكلها طبيعه وفيها ملاهي صغيره حق اليهال وبحيره .. اذا حاب تروح تمتع عينك بالطبيعه وتونس اليهال فأنصحك

هاي سعر الفندق حطيت لك تاريخ 10\8 لين 15\8

http://www.booking.com/hotel/at/annelies.en-gb.html?aid=303948;label=bookings-naam-bXo4q5voyx763LLVEXVHlAS21593524221%3Apl%3Ata%3Ap1% 3Ap2300%2C000%3Aac%3Aap1t1%3Aneg;sid=37657ed0b7aa5 233f5401acdc1ca0896;dcid=1;checkin=2013-08-10;checkout=2013-08-15;srfid=60983bb38fe37adcfdeda44f3b56fe975f57e806X 1
بونووف
09-07-2013, 11:27 AM
اول فندق اسمه annelies hotel
رمــش الغلا
09-07-2013, 11:27 AM
ان شاءالله بس الحين محتار مادري شسوي وين اروح تركيا او النمسا

صل استخارة:(
بومحمد المطاوعه
09-07-2013, 12:01 PM
تركيا على اللي صاير فيها ...الوضع مايطمن ..واتوقع انه الجو حار

شوف رامساو منطقه ريفيه مكانها فوق الجبل وكلها طبيعه وفيها ملاهي صغيره حق اليهال وبحيره .. اذا حاب تروح تمتع عينك بالطبيعه وتونس اليهال فأنصحك

هاي سعر الفندق حطيت لك تاريخ 10\8 لين 15\8

http://www.booking.com/hotel/at/annelies.en-gb.html?aid=303948;label=bookings-naam-bxo4q5voyx763llvexvhlas21593524221%3apl%3ata%3ap1% 3ap2300%2c000%3aac%3aap1t1%3aneg;sid=37657ed0b7aa5 233f5401acdc1ca0896;dcid=1;checkin=2013-08-10;checkout=2013-08-15;srfid=60983bb38fe37adcfdeda44f3b56fe975f57e806x 1

تسلم لي يالغالي

بس تدري يقولون تركيا مافيها شي
واحد من الربع راح وقت الحدث مافي اي شي يقول

الحين شيكت ع الموقع الي حطيت لي اياه ماطلع لي اعتقد احجزوه ..؟
بومحمد المطاوعه
09-07-2013, 12:03 PM
صل استخارة:(

ان شاءالله خير
رمان
09-07-2013, 01:40 PM
تقدر تأخذ لك بيت في صلالة لكن بعد العيد بتكون زحمة شديدة جدا
البيوت اظن من 700 الى 1500 في اليوم
لكن لازم تحجز
بونووف
09-07-2013, 02:32 PM
تسلم لي يالغالي

بس تدري يقولون تركيا مافيها شي
واحد من الربع راح وقت الحدث مافي اي شي يقول

الحين شيكت ع الموقع الي حطيت لي اياه ماطلع لي اعتقد احجزوه ..؟

مادري ياخوك شسالفتهم واللي يحطونه فالاخبار وين مكانهم .. مارحت تركيا قبل لكن اللي راحوا اسطنبول يقولون حر

بخصوص الرابط توني داخل الفندق موجود اول واحد اسمه hotel annelies ماخذ 9.3 شوف مره ثانيه

http://www.booking.com/hotel/at/annelies.en-gb.html?aid=303948;label=bookings-naam-bxo4q5voyx763llvexvhlas21593524221%3Apl%3Ata%3Ap1% 3Ap2300%2C000%3Aac%3Aap1t1%3Aneg;sid=37657ed0b7aa5 233f5401acdc1ca0896;dcid=1;checkin=2013-08-10;checkout=2013-08-15;srfid=908ef5a1739d0117767ca6370fdbc48d6d404ce7X 1
بومحمد المطاوعه
10-07-2013, 02:09 AM
مادري ياخوك شسالفتهم واللي يحطونه فالاخبار وين مكانهم .. مارحت تركيا قبل لكن اللي راحوا اسطنبول يقولون حر

بخصوص الرابط توني داخل الفندق موجود اول واحد اسمه hotel annelies ماخذ 9.3 شوف مره ثانيه

http://www.booking.com/hotel/at/annelies.en-gb.html?aid=303948;label=bookings-naam-bxo4q5voyx763llvexvhlas21593524221%3apl%3ata%3ap1% 3ap2300%2c000%3aac%3aap1t1%3aneg;sid=37657ed0b7aa5 233f5401acdc1ca0896;dcid=1;checkin=2013-08-10;checkout=2013-08-15;srfid=908ef5a1739d0117767ca6370fdbc48d6d404ce7x 1

والله مادري بس الفندق رووعه

هل في ملاهي للاطفال

ومن المسافه من المطار
والحين اشلون للاجواء هناك
مطر ولا برد
بونووف
10-07-2013, 08:52 AM
والله مادري بس الفندق رووعه

هل في ملاهي للاطفال

ومن المسافه من المطار
والحين اشلون للاجواء هناك
مطر ولا برد

في ملاهي جنب الفندق
اخر يوم كان غيم نازل تحت واليوم اللي قبله مطر بشوف لك الجو شهر 8 ..
المسافه من فيينا لين الفندق 3 ساعات ونص .. بس خذ مني نصيحه اجر سياره وسوق بنفسك لاتاخذ لاتاكسي ولا قطار
عشان تتنقل بعدين بين المناطق القريبه منك زلامسي وسالزبورق وتقدر تروح ميونخ بينك وبينها ساعه ونص تقريبا
بومحمد المطاوعه
13-07-2013, 02:45 PM
في ملاهي جنب الفندق
اخر يوم كان غيم نازل تحت واليوم اللي قبله مطر بشوف لك الجو شهر 8 ..
المسافه من فيينا لين الفندق 3 ساعات ونص .. بس خذ مني نصيحه اجر سياره وسوق بنفسك لاتاخذ لاتاكسي ولا قطار
عشان تتنقل بعدين بين المناطق القريبه منك زلامسي وسالزبورق وتقدر تروح ميونخ بينك وبينها ساعه ونص تقريبا


اممم محتار والله ياخوي

مبرووك ع النك اليديد

الله يخلي لك نووف

انا بسافر الحين الامارات وبرجع ان شاءالله بشوف الوضع وبكلمك

احتمال تركيا يالذيب