إستفسار .... النعله

[محب الخيل]

السلام عليكم ورحمة الله وبركاته

بارك الله فيكم جميعاً وشكراً على مساهمتكم كلكم
اللي إستفدت منها واجد في تشطيب البيت ,,,

عندي سؤال .. خلصنا من تركيب سيراميك الأرضيات
وبدؤا في تركيب النعله ..
ولأن تركيب النعله ما كان في الأتفاق الأول ,, بصير له حسبه بروحه

والعامل طالب في المتر الواحد تركيب 5 ريال ( تركيب + الغراء عليه )
,, هل السعر مناسب ولا غالي ...

[ضوى]

السلام عليكم ورحمة الله وبركاته

بارك الله فيكم جميعاً وشكراً على مساهمتكم كلكم
اللي إستفدت منها واجد في تشطيب البيت ,,,

عندي سؤال .. خلصنا من تركيب سيراميك الأرضيات
وبدؤا في تركيب النعله ..
ولأن تركيب النعله ما كان في الأتفاق الأول ,, بصير له حسبه بروحه

والعامل طالب في المتر الواحد تركيب 5 ريال ( تركيب + الغراء عليه )
,, هل السعر مناسب ولا غالي ...

نفس السعر اللي حسبه لي البنغالي 5 ريال

[مضارب دوسري]

كان المفروض تتفق معاه اخوي من البدايه
انا احسبوا لي النعلات شبه مجانا مع الارضيات
يمكن لان انا اللي جبت المواد وهم بس شغل يد

[مضارب دوسري]

بس ف مثل حالتك لازم توافق
لان ماراح تلقى احد يجي يشتغل نعلات بس

[شموخ دائم]

,

,



مرحبا


كل عام وانتم بخير رمضان كريم

هذا السعر الطبيعي للتركيب وهو سعر السوق
اهم شي التركيب يكون نظيف و ( القص ) مرتب والزوايا تلتقي تمام بنهايه الحيط
والمسافات متوازيه وتمشي النعله مع البلاطه في الارضيه اختها بنفس الصفه والمسافه

:)
ومنزل مبروك
لاتنسانا من العشاء واهم شي الحلويات ام علي
:)

دمت بطيب


,

,


اخوك


شموخ دائم

[محب الخيل]

نفس السعر اللي حسبه لي البنغالي 5 ريال


شكرا ضوى - خلاص بأتفق معه دام إنك تقولين إن سعره مناسب فأنت ماشاء الله عليك خبيره ونستفيد منك دائم .

[محب الخيل]

بس ف مثل حالتك لازم توافق
لان ماراح تلقى احد يجي يشتغل نعلات بس


على رأيك أخوي مضارب دوسري كانت غلطتي من البداية ماتفقت معه غشيم يا أخوك توني أتعلم

[محب الخيل]

,

,



مرحبا


كل عام وانتم بخير رمضان كريم

هذا السعر الطبيعي للتركيب وهو سعر السوق
اهم شي التركيب يكون نظيف و ( القص ) مرتب والزوايا تلتقي تمام بنهايه الحيط
والمسافات متوازيه وتمشي النعله مع البلاطه في الارضيه اختها بنفس الصفه والمسافه

:)
ومنزل مبروك
لاتنسانا من العشاء واهم شي الحلويات ام علي
:)

دمت بطيب


,

,


اخوك


شموخ دائم


والله أقول لك مليون مرحبا أنت و جميع أعضاء المنتدى الطيبين
بس بعد مايخلص البيت ،

[طيب]

اللي ركب لك السيراميك أشلون شغله زين ؟ نظيف؟ أذا زين عطني رقمه الله يخليك أبغيه يبلط بيتي.

[معماري قطري]

مبروك عليكم الشهر الكريم

الأخ شموخ دايم قال كل شيء .. السعر معقول واذا بتحسب حق صالة 10 في 10 مثلاً بيكون عندك 40 متر ناقص أماكن الأبواب وبتطلع ب 200 ريال .. لكن انتبه ان التركيب يكون بماده لاصقة قوية لأن العمال يجيبون أرخص ما في السوق.

[محب الخيل]

اللي ركب لك السيراميك أشلون شغله زين ؟ نظيف؟ أذا زين عطني رقمه الله يخليك أبغيه يبلط بيتي.


اللي أشتغل عندي بنغالي إسكندر / 55218852

وفيه هندي أشتغل عند واحد من الربع وشغله أحسن من شغل البنغالي عبدالله / 55966693

[مضارب دوسري]

اهم شي اخوي النعلات يكونون قص ليزر
عشان يبينون مرتبين
هذي اهم نقطه

[ولد المنصور]

اخوي بشور عليك ,, خل القص عن طريق مكينه خاصه وهم يعرفون وين يقصونها ف الصناعيه وماتكلف شوف كم متر تحتاج ,, وخل حجم النعله اشوي كبير يعني ,, 13 او 15 سم ...

[محب الخيل]

اخوي بشور عليك ,, خل القص عن طريق مكينه خاصه وهم يعرفون وين يقصونها ف الصناعيه وماتكلف شوف كم متر تحتاج ,, وخل حجم النعله اشوي كبير يعني ,, 13 او 15 سم ...


فعلا خذوا كم كرتون للصناعيه وقصينيها 15 سم وتم التركيب وطلع ميه ميه

بيض الله وجيهكم جميعا

[ولد المنصور]

تستاهل ياخوي ,, وتنزله على خير ان شالله ..